💖മംഗല്ല്യധാരണം – 2 27

 

 

“… അതെന്താ അങ്ങനെ…”

 

 

“… ഞാൻ എന്ത് പറഞ്ഞാലും വാങ്ങി തരും, ഞാൻ പറയുന്ന സ്ഥലത്ത് ഒക്കെ എന്നെ കൊണ്ട് പോവും, എനിക്ക് നോട്ട് എഴുതി തരും, എന്നെ എപ്പോഴും നീ ഹാപ്പി ആക്കി നിർത്തും. എനിക്ക് നിന്നെ ഒരുപാട് ഇഷ്ട്ടായി. I realy like you…”എന്നോട് ഒന്നുകൂടി അവൾ ചേർന്നിരുന്നു.

 

 

ആ സമയം എന്റെ മനസ്സിൽ ഉണ്ടായ ഒരു ആനന്ദം എങ്ങനെയാ പറയാ. എനിക്കും അവളോട്‌ എന്റെ ഇഷ്ട്ടം പങ്ക് വയ്ക്കാൻ തോന്നി.

 

 

“…എനിക്കും നിന്നെ ഒരുപാട് ഇഷ്ട്ട. എപ്പോ തോന്നി എന്നൊന്നും അറിയില്ല ഇപ്പോ നീ എന്റെ ജീവൻ ആണ് 🥰…” ഇതും പറഞ്ഞ് അവളെ നോക്കിയപ്പോ പുള്ളി എന്റെ തോളിൽ കിടന്നു ഉറക്കമായി. ഇപ്പൊ വാവിട്ടു അലച്ച ഞാൻ ആരായി.

 

 

എത്ര നേരം അങ്ങനെ ഇരുന്നു എന്ന് എനിക്ക് അറിയില്ല. ഇനിയും ഇരുന്നാൽ ശരിയാവില്ല പോരാത്തതിന് നല്ല മഞ്ഞും ഉണ്ട്.

 

 

“… ചാരു ടി എഴുനേക്ക്. വാ അകത്തു പോയി കിടക്കാം…”

 

 

എവിടെ ആനകുത്തിയാലും എഴുന്നേൽക്കും എന്ന് തോന്നുന്നില്ല. ഇവളെ ഇവിടെ ഇട്ടിട്ടു പോവാനും പറ്റില്ല. എന്താ ഇപ്പൊ ചെയ്യാ. ഇനി ഒന്നും നോക്കാൻ ഇല്ല. രണ്ട് കൈയിലും കോരി എടുത്ത് അവളുടെ റൂമിലേക്ക്‌ നടന്നു. അവളെ ബെഡിൽ കിടത്തി പുതപ്പ് എടുത്ത് മൂടനായി തുടങ്ങി. പെട്ടെന്ന് അവൾ എന്റെ കൈയിൽ പിടിച്ചു.

 

 

“…എന്നെ വിട്ടു പോവല്ലെടാ…” അങ്ങനെ എന്തൊക്കെയോ പിച്ചും പേയും പറയുന്നുണ്ട്

 

 

കൈ വിടുവിച്ചു അവളുടെ നെറുകയിൽ ഒരു ചുംബനം കൊടുത്തു. എന്റെ പെണ്ണിന് ഞാൻ കൊടുക്കുന്ന ആദ്യ ചുംബനം. ചരുവിന്റെ തലയിൽ തലോടി ലൈറ്റും ഓഫ്‌ ആക്കി എന്റെ റൂമിലേക്ക് പോയി.

 

 

പിറ്റേന്ന് രാവിലെ ഹാളിൽ എത്തിയപ്പോ ചൂട് ചായ ഊതി കുടിക്കുന്ന ചാരുവിനെയാ കാണുന്നെ.

 

 

“… അമ്മേ ചായ…” അടുക്കളയിൽ നിന്ന അമ്മക് ഓർഡർ നൽകി ചരുവിന്റെ അരികിൽ ഇരുന്നു.

 

 

“… ഇന്നലെ രാത്രി നീ വല്ല സൗണ്ടും കെട്ടായിരുന്നോ…” ചായ തന്ന് അമ്മ കാര്യമായി എന്നോട് ചോദിച്ചു.

 

 

“… എന്ത് സൗണ്ട് ഞാൻ ഒന്നും കേട്ടില്ല…” ചാരുവിനെ നോക്കി ഞാൻ പറഞ്ഞു പുള്ളി ഒളി കണ്ണിട്ടു എന്നെ നോക്കി.

 

 

“… അപ്പൊ എനിക്ക് തോന്നിയത് ആണോ…” അമ്മ പിറുപിറുത്തോണ്ട് അടുക്കളയിലേക്ക് പോയി

 

 

“… ഞാൻ പറയട്ടെ ഇന്നലെ എന്ത് സൗണ്ട് ആണ് കേട്ടത് എന്ന്…” ചാരുനെ ഭീഷണിപെടുത്താൻ നോക്കി

 

 

“… ഞാൻ ആണോ സൗണ്ട് ഉണ്ടാക്കിയെ…” സംശയരൂപേണ ചാരു എന്നെ നോക്കി

 

 

“… ദേ എന്നെകൊണ്ട് ഒന്നും പറയിപ്പിക്കണ്ട. നീ ഇന്നലെ നല്ല അലമ്പായിരുന്നു…”

 

 

“… പോടാ ചുമ്മാ കള്ളം പറയാതെ…”

 

 

“… അപ്പൊ നിനക്ക് ഒന്നും ഓർമ ഇല്ലേ…”

 

 

“… ഇന്നലെ ഞാൻ എഴുനേറ്റു നടന്നു നിന്റെ അടുത്ത് വന്നിരുന്നു പിന്നെ എന്താ നടന്നെ…” അതിനു ശേഷം എന്താ ഉണ്ടായത് എന്ന് അവൾ ഓർക്കാൻ ശ്രെമിച്ചോണ്ടിരുന്നു

 

 

“… നിനക്ക് അത് വരെ ഓർമ ഉള്ളോ 🥲…” ഞാൻ ചോദിച്ചു

 

 

“… ആഹ്ഹ് പിന്നെ നീ ഇഷ്ട്ടം എന്നോ ജീവൻ എന്നോ അങ്ങനെ എന്തൊക്കെയോ പറഞ്ഞപോലെ ഒരു ഓർമ …”

 

 

ദൈവമേ പെട്ടു ഇവൾ ഇന്നലെ പറഞ്ഞത് ഒന്നും ഇവൾക്ക് ഓർമ ഇല്ല.ഞാൻ പറഞ്ഞത് മാത്രമേ ഇവൾക്ക് ഓർമ ഉള്ളോ…?

 

 

“… പക്ഷെ ഒന്നും വ്യക്തമായി ഓർമ കിട്ടാനില്ല നീ എന്താ അപ്പൊ പറഞ്ഞെ…”

 

 

“… ഏയ്യ് ഞാൻ അങ്ങനെ ഒന്നും പറഞ്ഞില്ല…”

 

ഇന്നലെ ഞാൻ പറഞ്ഞത് ഒന്നും ഇപ്പൊ അവൾ അറിയണ്ട

 

 

“… ഞാൻ എങ്ങനെയാ റൂമിൽ എത്തിയെ…”

 

 

“…ആ സത്യം എന്നോട് കൂടെ മണ്ണിൽ അലിഞ്ഞു ഇല്ലാതാവും…”അതും പറഞ്ഞ് ഞാൻ റൂമിലേക്കു പോയി.

 

 

ഇപ്പോഴും ഇന്നലെ എന്തൊക്കെയാ നടന്നത് എന്ന് ആലോചിക്കയാണ് ചാരു. എന്തായാലും അവൾക് എന്നെ ഇഷ്ട്ടാണ്. നല്ലൊരു സന്ദർഭം കിട്ടുമ്പോൾ എന്റെ ഇഷ്ട്ടം അവളോട്‌ പറയണം.