പക്ഷേ അതിനേക്കാൾ കൂടുതൽ കൂടുതൽ എന്റെ മനസ്സിനെ അലട്ടിയത് ആമിയുടെ മേലുള്ള റോസിന്റെ പെരുമാറ്റ രീതിയായിരുന്നു….
എന്നോട് ഓരോന്ന് ചോദിക്കുമ്പോഴും റോസിന്റെ കൈകൾ ആമിയുടെ ശരീരത്തിൽ ഒഴുകി നടന്നു…
അവളുടെ മുഖത്ത് ഇടുപ്പിലും തുടയിലും കയ്യിലും… എന്തിന് ചെറുതായി മുലകളിൽ പോലും റോസിന്റെ കൈകൾ പതിഞ്ഞിരുന്നു… 😐
ഇനി ഇവർ ലെസ്ബിയൻസ് വല്ലോം ആണോ… 😳
ഏയ് അങ്ങനെയൊന്നും ആവില്ല… ആമിയേ കണ്ടിട്ട് അങ്ങനെയൊന്നും തോന്നുന്നില്ല….
“എന്നിട്ട് ഞങ്ങടെ നാടൊക്കെ ഇഷ്ട്ടായോ. ”
എന്നേ ചിന്തകളിൽ നിന്നും ഉണർത്തിയത് റോസിന്റെ അടുത്ത ചോദ്യമായിരുന്നു…
നാടിനേ പറ്റി ചോദിച്ചപ്പോഴാണ് രാവിലേ വന്ന വഴിയുടെ കാര്യം എനിക്ക് ഓർമ വന്നത്….
“ഈ കോളേജിൽക്ക് വരാൻ മനുഷ്യന്മാർ വരുന്ന വഴിയൊന്നുമില്ലേ…. ”
റോസ്:-“അതെന്താ അങ്ങനെ ചോദിച്ചത്..”
ഞാൻ:-“അല്ല രാവിലേ കുറേ വളഞ്ഞും തിരിഞ്ഞും വന്നിട്ടാണ് ഇവിടേ എത്തിയത്…”
റോസ്:-“അപ്പോൾ നിങ്ങൾ ഏതു വഴിയിലൂടെയാണ് വന്നത്…”
അവൾ അതു പറയുമ്പോൾ ആമിയുടെ ദേഹത്ത് നിന്നും കയ്യെടുത്തിട്ടുണ്ടായിരുന്നു….. അതുപോലെ ആമിയുടെ ശ്രദ്ധയും എന്റെ നേർക്ക് വന്നു…
“ഞങ്ങൾ ആ മലയുടെ അടിയിലൂടെയുള്ള രണ്ടു സൈഡിലും വിശാലമായ കാടൊക്കെയുള്ള വഴി ഇല്ലേ അതിലൂടെ…”
ഞാൻ വന്ന വഴി അവർക്ക് വിശദീകരിച്ചു കൊടുത്തു…
എന്നാൽ അതു കേട്ടതും അവർ രണ്ടുപേരും പരസ്പരം മുഖാമുഖം നോക്കി…
ആമിയുടെ ശ്വാസമെടുക്കൽ വർധിച്ചിരുന്നു…
അവളുടെ കണ്ണുകൾ എന്തോ ഓർക്കാൻ ശ്രമിക്കുകയാണ്….
“നിങ്ങൾ എന്തിനാ അതിലൂടെ വന്നേ… ആ വഴി ആരും പോവാറില്ല… ”
റോസിന്റെ ശബ്ദം കൂടി വന്നു…
“പക്ഷേ ആ പാൽക്കാരൻ ചേട്ടൻ അതിലൂടെ പോവാനാണല്ലോ പറഞ്ഞത്…. ”
റോസ്:-“ഏത് പാൽക്കാരൻ. ഈ മൂന്ന് നാട്ടിലുള്ള ആരോട് ചോദിച്ചാലും ആ വഴിയിലൂടെ പോവാൻ ആരും പറയില്ല….”
“അതെന്താ…”
ഇവർ ഇത്രക്കും പേടിക്കാൻ കാരണമുണ്ടെങ്കിൽ അതെന്താണെന്ന് എനിക്കും അറിയണമായിരുന്നു….
“അത്… അ.. ”
റോസ് പറഞ്ഞ് തുടങ്ങിയതും ആമി അവിടുന്ന് എണീച്ചു പോയി…
പോവുന്ന വഴി ആമി അവളുടെ കണ്ണുകൾ തുടക്കുന്നത് ഞാൻ കണ്ടിരുന്നു…
“ആമി നിന്നേ…”
അതും പറഞ്ഞ് റോസും അവളുടെ പിന്നാലേ ഓടി…
“എടി പറഞ്ഞിട്ട് പോ…. ”
ആമിയുടെ പിന്നാലേ ഓടുന്ന റോസിനോടായി ഞാൻ വീണ്ടും ചോദിച്ചു…
അതു കേട്ടതും അവൾ ദൃതിയിൽ എന്റെ അടുത്തേക്ക് വീണ്ടും വന്നു..
ശേഷം…
“ഇന്ന് വന്നത് വന്നു ഇനി മേലാൽ ആ വഴി പോവരുത്.പ്രത്യേകിച്ച് രാത്രി ഒരിക്കലും പോവരുത്….. അതിലൂടെ രാത്രി പോയവരിൽ ഭൂരിഭാഗം പേരും ഇന്ന് ജീവനോടെയില്ല…. ”
“അവർക്കൊക്കെ എന്ത് സംഭവിച്ചു ”
“അവരെയൊക്കെ ചെന്നായ മനുഷ്യൻ പിടിച്ചു….”
അതും പറഞ്ഞുകൊണ്ടവൾ വീണ്ടും ആമിയുടെ പിന്നാലേയായി പോയി…
ചെന്നായ മനുഷ്യനോ അതെന്ത് മൈര്….
അവൾ പറഞ്ഞതൊന്നും മനസ്സിലായില്ലെങ്കിലും കൂടുതലൊന്നും ഞാൻ ചോദിക്കാൻ പോയില്ല…
പിന്നീട് ആ ദിവസം കാര്യമായി ഒന്നുതന്നെ ഉണ്ടായില്ല…
ആദ്യത്തെ ദിവസം ആയതുകൊണ്ട് ക്ലസ്സും ഉണ്ടായില്ല…
തിരിച്ചു വരുമ്പോൾ ഞങ്ങൾ മെയിൻ റോഡിലൂടെ ഉള്ള വഴിയിലൂടെയായിരുന്നു പോന്നത്….ഒപ്പം വഴി കാണിക്കാൻ ഒരു സ്കൂട്ടിയിൽ ആമിയും റോസും കൂടേ ഉണ്ടായിരുന്നു…
ആമി ഇടക്ക് ഒന്ന് നേർത്ത പുഞ്ചിരി തരും എന്നല്ലാതെ വേറേ ഒന്നും തന്നെ സംഭവിച്ചില്ല….
വന്നതിനേക്കാൾ വേഗത്തിൽ ഞങ്ങൾക്ക് തിരിച്ചു വരാൻ സാധിച്ചു…ഒപ്പം ആമിയുടെയും റോസിന്റെയും വീടും കാണാൻ സാധിച്ചു….
റോസിന്റെയും നിധിയുടെയും വീടുകൾ ഒരേപോലെയാണെങ്കിലും ആമിയുടെ വീട് അതൊരുന്നന്നര വീടായിരുന്നു…
അവളുടെ വീടും പരിസരവും ബാക്കിയുള്ള വീടുകളെ അപേക്ഷിച്ചു കുറച്ച് മോഡേൺ ടച്ച് ഉള്ളതായിരുന്നു. മുറ്റത്ത് പഴയ കാറുകൾക്ക് പകരം നല്ല വിലപിടിപ്പുള്ള പുതിയ കാറുകളും…