ഇനി ഒരു അടി കിട്ടിയപ്പോൾ അവളുടെ ഉള്ള ബോധവും പോയോ…
അതിന് ഞാൻ തലക്കൊന്നും അല്ലല്ലോ അടിച്ചത്…
ഞാൻ ലൈറ്റ് ഓഫ് ആക്കി കിടന്നു….
സമയം പോയികൊണ്ടേ ഇരുന്നു പക്ഷേ ഉറക്കം മാത്രം വരുന്നില്ല…കണ്ണടച്ചാൽ അവളുടെ നിറഞ്ഞ കണ്ണുകൾ ആണെന്റെ മനസ്സിലേക്ക് വരുന്നത്… ഇതിപ്പോ അവളുടെ ഉറക്കം കെടുത്താൻ നോക്കിയിട്ട് എന്റെ ഉറക്കം പോയല്ലോ…
ഞാൻ ഫോണിലേക്ക് ഒന്ന് നോക്കി… സമയം പന്ത്രണ്ട് കഴിഞ്ഞിരിക്കുന്നു…
ഒരു സോറി പറഞ്ഞാലോ…. 🤔അല്ലെങ്കിൽ വേണ്ട അവളല്ലേ ഒരു എന്നേ ആദ്യം തല്ലിയത്…..
പക്ഷേ അതിനു ഒരു കാരണമുണ്ടായിരുന്നില്ലേ….
അവസാനം സോറി പറയാൻ തന്നെ തീരുമാനിച്ചു…
ഞാൻ അവളുടെ വാതിലിനു മുന്നിൽ എത്തി….ഡോർ പാതി തുറന്നിട്ട അവസ്ഥയിലായിരുന്നു…
അതെന്തോ എനിക്കത്ര പന്തിയായി തോന്നിയില്ല….
മനസ്സിൽ എന്തോ പേടി തികട്ടി വന്നു…
ശേഷം ഒറ്റ നിമിഷം പാഴാക്കാതെ ഞാൻ വാതിൽ തുറന്നു…
തുറന്നപ്പോൾ ആദ്യം കാണുന്ന കാഴ്ച ആ ജനലിലൂടെയുള്ള മലയുടെ ഭംഗിയായിരുന്നു…… നിലാവെളിച്ചം ഇരചെത്തുന്ന ആ മുറിയുടെ സൗന്ദര്യം എന്നേ വേറേ ഏതോ ലോകത്തേക്ക് കൊണ്ട് പോയി….
ഹോ എന്തൊരു തേജസ്സ്…..
😐
പെട്ടെന്നാണ് വന്ന കാര്യം ഓർമ്മ വന്നത്…
മുറിയാകെ മൊത്തത്തിൽ നോക്കി…ഫാൻ ഓടി കൊണ്ടിരിക്കുകയാണ്
പക്ഷേ എവിടെയും അവളേ കാണാൻ സാധിച്ചില്ല….
പക്ഷേ ആ ബുക്ക് അവിടെയുണ്ട്. അത് തുറന്നിരിക്കുന്ന അവസ്ഥയിലാണ്…. ഇനി ഇത് വായിച്ചുകൊണ്ടിരിക്കുമ്പോൾ ഇവൾ അപ്രത്യക്ഷമായോ… 🤔
ഞാൻ അവളുടെ ബാത്റൂമിന്റെ അടുത്തേക്ക് പോയി…. ഇനി ഇതിന്റെ ഉള്ളിൽ വലതുമുണ്ടാവുമോ….
ബാത്രൂം അടച്ച അവസ്ഥയിലാണ് ഞാൻ ഒരു വിരലുകൊണ്ട് പതിയേ ഒന്ന് ഡോറിൽ അമർത്തി…
അതു തുറന്നു വന്നു…പക്ഷേ അതിന്റെ ഉള്ളിലും ഉണ്ടായിരുന്നില്ല….
എന്നാലും അതിന്റെ വലുപ്പം കണ്ട് ഞാൻ ഉള്ളിലേക്ക് ഒന്ന് കയറി നോക്കി ബാത്ത്ടബ്ബ് ഒക്കെ ഉണ്ടല്ലോ….മൊത്തത്തിൽ ഒരു റിച്ച് സെറ്റപ്പ്… ഒന്ന് കുളിച്ചാലോ എന്ന് വരേ തോന്നി… 😐
പക്ഷേ എന്നാലും ഇവൾ ഇതെവിടെ പോയി…
ഞാൻ തിരിച്ചു ആ റൂമിന്റെ മധ്യ സ്ഥാനത്തേക്ക് തന്നെ വന്നു…
ശേഷം ആ ജനലിന്റെ അരികിലേക്ക് പോയി… മുഖം വെളിയിലേക്കിട്ട് ആ തണുത്ത കാറ്റ് കൊണ്ടു
അപ്പോഴാണ് എന്റെ കാലിൽ എന്തോ തടഞ്ഞത്. താഴേക്ക് നോക്കിയപ്പോൾ അതൊരു കയറാണ്…
അതിനെ നോക്കി പോയപ്പോൾ അത് കട്ടിലിന്റെ ഒരു കാലിൽ കെട്ടിയിരിക്കുന്നത് കണ്ടു…
അതിന്റെ മറ്റേ അറ്റം പോയിരിക്കുന്നത് ജനലിന്റെ പുറത്തേക്കാണ്…
ഞാൻ വേഗം ജനലിലൂടെ അടിയിലോട്ട് നോക്കി…
😳
അമ്പടി നീയാള് കൊള്ളാലോ……
ആ കയറിന്റെ അറ്റം അങ്ങ് അടി വരെയുണ്ട്…
ജനലിൽ കമ്പി ഇല്ലാത്തതുകൊണ്ട് തന്നെ ആർക്കും ഇതിലൂടെ പുറത്തേക്ക് കടക്കാം എന്നാലും ഇത്ര ഉയരം അതും ഈ കയറും പിടിച്ച് ഇറങ്ങണം എന്ന് വച്ചാൽ ഇവൾ നിസാരകാരിയല്ല..
വല്ല കള്ള വെടിക്കും പോയതാവും…
ഇവളേ തല്ലിയതും വിചാരിച്ച് ഞാൻ എന്റെ ഉറക്കം കളഞ്ഞല്ലോ എന്നോർത്തപ്പോൾ എനിക്ക് എന്നോട് തന്നെ ഒരു പുച്ഛം തോന്നി….
തിരിച്ചു എന്റെ റൂമിലേക്ക് തന്നെ പോവാൻ നിന്നപ്പോഴാണ് പുറത്തു നിന്നും ഞാൻ ഒരു ശബ്ദം കേൾക്കുന്നത്..
ഞാൻ വീണ്ടും തല പുറത്തേക്കിട്ട് മൊത്തത്തിൽ വീടും പരിസരവും ഒന്ന് നോക്കി….
പക്ഷേ ഒന്നും കാണാൻ സാധിച്ചില്ല…
വീണ്ടും തിരിച്ചു പോവാൻ നിന്നതും ഞാൻ എന്തോ ഒരു ശബ്ദം വീണ്ടും കേട്ടു….
മൈര്….
ഏത് നായിന്റെ മോനാണാവോ….
ഞാൻ വീണ്ടും പുറത്തേക്ക് നോക്കി… വീടിന്റെ പരിസരത്ത് വീണ്ടും ഒന്നും കാണാൻ കഴിഞ്ഞില്ലെങ്കിലും
കുറച്ചു മാറി പുല്ലുകൾക്കിടയിൽ ഒരു രൂപം ഞാൻ കണ്ടു…..
അതെന്നെ തന്നെ നോക്കി നിൽക്കുകയാണ്…