10:00>>>>>
ഞാൻ എഴുനേറ്റ് വന്നപ്പോൾ അവളുടെ റൂം അടഞ്ഞു കിടക്കുന്നു. അടുക്കളയിലും നോക്കിയപ്പോൾ അവിടെയില്ല. ഉണർന്നകാണില്ല.. ഞാൻ ചായ ഇട്ടുകൊണ്ട് അവളുടെ റൂമിലേക്ക് പോയി. ആരോരും ഇല്ലാത്തത് അല്ലേ അവളോട് ദേഷ്യപെട്ടതിന് എനിക്ക് ആകെ കുറ്റബോധം. ഒരു സോറി പറയാമെന്നു കരുതി ഡോറിൽ തട്ടി.. രണ്ട് മിനിറ്റ് കഴിഞ്ഞിട്ടും തുറന്നില്ല.. ഞാൻ വാതിൽ പിടി പിടിച്ചു താഴ്ത്തി അവൾ കുറ്റി ഇട്ടിട്ട് ഇല്ലായിരുന്നു. ചായ അവിടെ വച്ചിട്ട് ഞാൻ അവളെ വിളിച്ചു.
ഞാൻ :- ഗായത്രി…?? എഴുനേൽക്ക്.. വാ..
അനക്കമില്ല.. ഞാൻ അവളെ തട്ടി വിളിക്കാൻ കൈയിൽ തൊട്ടു. അതുപോലെ കൈ വലിച്ചു. നല്ല പൊള്ളുന്ന പനി.. എനിക്ക് ആകെ പേടിയായി. ഞാൻ അവളെ ശക്തിയായി വിളിച്ചു…
ഒന്ന് ഞെട്ടി അവൾ പതിയെ എന്താക്കൊയോ ഞെരുങ്ങി പറഞ്ഞു. നെറ്റിയിൽ കൈ വച്ചപ്പോൾ നല്ല ചൂട്. ഞാൻ വേഗം ഒരു തുണി നനച്ചു നെറ്റിയിൽ ഇട്ടു.. നഞ്ഞ തുണികൊണ്ട് അവളുടെ കഴുത്തും കൈയ്യും കാലമൊക്കെ തുടച്ചുകൊടുത്തു. ഇടക്ക് ഇടക്ക് തുണി നനച്ചു ഇട്ടുകൊടുത്തു കൊണ്ടിരുന്നു. പതിയെ ചൂടൊന്നും കുറഞ്ഞു. അത് തന്നെ എനിക്ക് ഒരു സമാധാനം.. അവൾ കണ്ണുതുറന്നു എന്നെ നോക്കി പിന്നെയും കിടന്നു.
അടുക്കളയിൽ പോയി ഒരു പനി കാപ്പിയിട്ട് വന്നു. അവളെ വിളിച്ചു.
ഞാൻ :- ഗായത്രി…. വാ എണീറ്റ്.. ഈ കാപ്പി കുടിച്ചിട്ട് കിടന്നോ..
അവൾ പതിയെ എഴുനേറ്റു. അവളെ കട്ടിലിന്റെ ക്രസയിൽ ചാരി ഇരുത്തി. കാപ്പി കൊടുത്തു. ഞാൻ തന്നെ ഊതി അവൾക് കുടിക്കാൻ പാകത്തിന് ആക്കി കൊടുക്കും. അവൾക് കുടിച്ചാൽ മാത്രം മതി. അത് കുടിച് തീർന്നപ്പോൾ ഞാൻ തുണി വീണ്ടും നനച്ചു ഇട്ടു കൊടുത്തു. അവൾ എന്റെ മുഖത്ത് നോക്കുന്നില്ല. ക്ഷീണം കാണും. ഞാൻ ഒരു ബൺ എടുത്ത് അവളെക്കൊണ്ട് കഴിപ്പിച്ചു. ഒരു പാരസെറ്റമോൾ കൊടുത്തു. അവളെ കിടത്തി വാതിൽ അടച്ചു.
13:09>>>>>
അടുക്കളയിൽ പോയി. കഞ്ഞിയും പയറും ഉണ്ടാക്കി. അവളുടെ റൂമിലേക്കു പോയി. നല്ല ഉറക്കം. സ്റ്റൂൾ വലിച്ചിട്ട് കഞ്ഞി അതിൽ വച്ചിട്ട് അവളെ വിളിച്ചു.
ഞാൻ :- ഗായത്രി.. വാ കഞ്ഞി കുടിച്ചിട്ട് കിടക്ക്..
അവൾ പതിയെ കണ്ണ് തുറന്ന് എന്നെ നോക്കി. ഞാൻ പതുക്കെ അവളെ പിടിച്ചു ചാരി ഇരുത്തി.
കഞ്ഞി സ്പൂണിൽ എടുത്ത് ഊതി അവൾക് കൊടുത്തു. ഒന്നും മിണ്ടാതെ കഴിച്ചു. ഇടക്ക് എന്റെ മുഖത്ത് നോക്കും. ഞാനും നോക്കും. പിന്നെ കഞ്ഞി കൊടുക്കും. കഴിച്ചു തീർന്നു വെള്ളവും കുടിച്ചിട്ട് ഞാൻ പ്ലാറ്റയൊക്കെ എടുത്തു മാറ്റിവച്ചു ഒരു പാരസെറ്റമോൾ എടുത്തു കൊടുത്തു. നെറ്റിയിൽ തൊട്ടപ്പോൾ പനി നന്നായി കുറഞ്ഞു.
ഞാൻ :- കിടന്നോ.. ഇനി രാത്രി കഴിക്കാൻ വിളിക്കാം.
ഞാൻ റൂം അടച്ച് വന്നു. കുറച്ചു സ്റ്റോക്ക് മാർക്കറ്റിന്റെ വീഡിയോസ് ഒക്കെ കണ്ടു. മനസ്സിലാക്കി ഇരുന്നു. ഇടക്ക് ബോർ അടിച്ചപ്പോൾ പോയി ഒരു റൗണ്ട് ഗെയ്മും കളിച്.
രാത്രി കഴിക്കാൻ അവളെ വിളിക്കാൻ പോയപ്പോൾ അവൾ ബാത്റൂമിൽ നിന്ന് ഇറങ്ങിവരുന്നു. ഞാൻ അവളെ കണ്ടപ്പോൾ ഒന്ന് ചിരിച്ചു. അവളും വളരെ പതിഞ്ഞ ഒരു ചിരി ചിരിച്ചു.
ഞാൻ :- കുറവുണ്ടോ?
ഗായത്രി :- കുറവുണ്ട്..
ഞാൻ :- എന്നാൽ ഇത് കഴിക്ക്..
ഞാൻ ആഹാരം അവിടെ വച്ചിട്ട് പറഞ്ഞു. അവൾ അതെടുത്തു കുടിച്ചു. ഇപ്പോൾ പഴയ ഉഷാർ വന്നപോലെ. ഒന്നുകൂടി ഉറങ്ങി എഴുനേൽക്കുമ്പോൾ പനി വിട്ടുമാറും.
ഞാൻ ഗുളികയും എടുത്തു കൊടുത്തു വെള്ളവും കൊടുത്തിട്ട്. അവൾ കിടന്നിട്ട് ലൈറ്റ് അണച്ചിട്ട് ഇറങ്ങി. ആഹാരവും കഴിച് ഞാനും എന്റെ റൂമിൽ പോയി കിടന്നു
8:00>>>>>
ഞാൻ എഴുനേറ്റ് റൂം തുറന്ന് അവളുടെ റൂമിലേക്ക് നോക്കി ആൾ എഴുനേറ്റു. അടുക്കളയിൽ ചെന്നപ്പോൾ അവിടെയുണ്ട്.
ഞാൻ :- ഗായത്രി.. പനി കുറഞ്ഞോ??
അവൾ എന്നെ തിരിഞ്ഞനോക്കി എന്നിട്ട് കുറഞ്ഞു എന്നെ തലയാട്ടി. ഞാൻ തൊട്ടുനോക്കിയപ്പോൾ പനിയൊന്നുമില്ല.
ഗായത്രി :- സന്ദീപേ..
ഞാൻ :-. മ്..?
ഗായത്രി :- താങ്ക് യൂ..