ദുബായിൽ ഓയിൽ റിഗിൽ ജോലി, നല്ല ശമ്പളം കാണാനും കൊള്ളാം.റൂഹിയും നല്ലൊരു മൊഞ്ചത്തി ആയത് കൊണ്ട് പരസ്പരം രണ്ടാൾക്കും ഇഷ്ടപ്പെട്ടു. ടൗണിൽ ഉള്ള ഡയമണ്ട് സ്റ്റാർ കൺവെൻഷൻ സെന്റർ ൽ വച്ച് ആണ് നിക്കാഹ്. ഇവാനയുടെ കൂടെ മൊത്തം ഫാമിലി യെയും ക്ഷണിച്ചിരുന്നു. വീട്ടിൽ നിന്ന് 5 കിലോമീറ്റർ മാത്രം ആണ് അങ്ങോട്ട് ദൂരം ഉണ്ടായിരുന്നത്.ഞായറാഴ്ച്ച ആയിരുന്നു നിക്കാഹ്. അത് കൊണ്ട് വീട്ടുകാർക്കും ഒഴിവ് ആയിരുന്നു. തലേ ദിവസം പോയി മെഹന്തി യും ഒക്കെ കഴിഞ്ഞു ബിരിയാണി യും കഴിച്ചാണ് ഇവാന വീട്ടിൽ എത്തിയത്.
നിക്കാഹിനു പോകാൻ ഫാമിലി യെ മൊത്തം കാറിൽ വിട്ട ഇവാന സ്കൂട്ടർ ൽ ആണ് പോകാൻ തീരുമാനിച്ചത്. പല്ലവി യുടെ വീട്ടിൽ കേറി അവളെ പിക്ക് ചെയ്യാൻ ആയിരുന്നു അത്.എല്ലാരും കൂടി കാറിൽ കേറിയാൽ ഡ്രസ്സ് ചുളുങ്ങും എന്ന് അനിയത്തി ആണ് പറഞ്ഞത്.അപ്പൊ ഇവാന തന്റെ ടി വി എസ് എന്റോർക്ക് എടുക്കാൻ തീരുമാനിച്ചു.. പല്ലവി യുടെ വീട് 7 കിലോമീറ്റർ അപ്പുറത് ആണ്.
അവിടെ നിന്നും ഹാളിലേക്ക് 4 കിലോമീറ്റർ കൂടി ഉണ്ട്.ഗായത്രി യും എലീസ യും അവളുടെ ആക്ടിവ യിൽ എത്താം എന്ന് അറിയിച്ചിരുന്നു. 11 മണിക്ക് മുൻപ് എത്താൻ ആയി അവൾ 10.30 ന് തന്നെ ഇറങ്ങി. പല്ലവി യുടെ വീട്ടിൽ എത്തിയപ്പോൾ അവൾ റെഡി ആയി സിറ്റ്ഔട്ട് ൽ ഉണ്ടായിരുന്നു. നേരം കളയണ്ട എന്ന് കരുതി അവൾ വീട്ടിൽ കയറാൻ നിന്നില്ല.. അമ്മയോട് യാത്ര പറഞ്ഞു അവർ രണ്ട് പേരും ഇറങ്ങി.
ഹാളിൽ എത്തിയപ്പോൾ അച്ഛനും അമ്മയും അവളുടെ ഫ്രണ്ട്സ് ഉം എല്ലാം എത്തിയിരുന്നു.. നേരെ പോയി വെൽക്കം ഡ്രിങ്ക് ഉം കഴിച്ച് അവർ എല്ലാരും സ്റ്റേജിൽ കയറാൻ പോയി. പക്ഷെ മതപരമായ ചടങ്ങുകൾ നടക്കുന്നത് കൊണ്ട് അവർക്ക് കേറാൻ പറ്റിയില്ല.. ഒടുവിൽ കേറി ഫോട്ടോ എടുപ്പും കെട്ടിപ്പിടിത്തവും ഒക്കെ കഴിഞ്ഞ് എല്ലാരും ഫുഡ് അടിച്ചു. അച്ഛനും ഫാമിലി യും കാറിൽ പോയി.ഗായത്രി യും എലീസ യും വേറെ റൂട്ട് ആയത് കൊണ്ട് അവരും പോയി. ഏറ്റവും ഒടുവിൽ ആണ് ഇവാനയും പല്ലവി യും ഇറങ്ങിയത്.
ഇവാനയ്ക്ക് ടൂ വീലർ ലൈസെൻസ് കിട്ടിയിട്ട് 3 വർഷം ആയി.. അവൾ അതിൽ എക്സ്പെർട്ട് ആയിരുന്നു.പക്ഷെ പല്ലവി കഴിഞ്ഞ മാസം ആണ് ലൈസൻസ് എടുത്തത്. അവൾക്ക് വണ്ടി ഓടിക്കാൻ നല്ല ആഗ്രഹം വന്നു. പ്രത്യേകിച്ച് എന്റോർക്ക് അവൾക്ക് ഓടിക്കാൻ നല്ല ആഗ്രഹം ആയിരുന്നു. അവൾ കൊറേ പറഞ്ഞപ്പോ ഇവാന സമ്മതിച്ചു.
രണ്ടാളും വണ്ടിയിൽ ഇറങ്ങി ടൗണിൽ ജംഗ്ഷൻ എത്തിയപ്പോൾ ഒരു ബസ് ഓവർടേക്ക് ചെയ്തു തങ്ങളുടെ നേരെ വന്നത് കണ്ട പല്ലവി വണ്ടി സൈഡിലേക്ക് വെട്ടിച്ചു. ബസിൽ കൊള്ളാതെ രക്ഷപ്പെട്ടെങ്കിലും വെപ്രാളത്തിൽ ആക്സിലറെറ്ററിൽ നിന്ന് കൈ എടുക്കാതെ നിന്ന അവളുടെ നിയന്ത്രണത്തിൽ സ്കൂട്ടർ നിന്നില്ല. ഒരു ഗട്ടറിൽ ചാടി മതിലിലും ഇടിച്ച ശേഷം വണ്ടി മറിഞ്ഞു. പല്ലവി വലത്തോട്ടും ഇവാന ഇടത്തോട്ടും വീണു.. ഹെൽമെറ്റ് ഉള്ളത് കൊണ്ട് പല്ലവി യ്ക്ക് തലയ്ക്കു ഒന്നും പറ്റിയില്ല.
അവളുടെ ഇടുപ്പിലും കാലിലും കയ്യിലും പരിക്കുകൾ ഉണ്ടായിരുന്നു. ഇവാന യ്ക്ക് ഹെൽമെറ്റ് ഇല്ലാത്തത് കൊണ്ട് തല മതിലിൽ ഇടിച്ചിരുന്നു. ഇടതു വശം ചേർന്ന് വീണത് കൊണ്ട് കയ്യിലും ഫ്രക്ചർ ഉണ്ടായി. സംഭവ സ്ഥലത്ത് വച്ച് തന്നെ അവളുടെ ബോധം പോയി.. നാട്ടുകാർ എല്ലാരും കൂടി രണ്ട് പേരെയും എടുത്ത് ഹോസ്പിറ്റലിൽ കൊണ്ട് പോയി. പോകുന്ന വഴിക്ക് പല്ലവി ഇവാനയുടെ വീട്ടിൽ വിളിച്ചു വിവരങ്ങൾ പറഞ്ഞു.മദർ ഹോസ്പിറ്റലിൽ ക്യാഷ്വലിറ്റി യിൽ രണ്ട് പേരെയും പ്രവേശിപ്പിച്ചു.
സ്വന്തം പരിക്കിനെക്കാൾ താൻ കാരണം ഇവാന യ്ക്ക് അപകടം സംഭവിച്ചതിൽ പല്ലവി ക്ക് ഭയങ്കര സങ്കടം ഉണ്ടായിരുന്നു.. അവൾ വേദന മറന്ന് ഇവാനയുടെ കാര്യങ്ങൾ നോക്കാൻ ധൃതി കാണിച്ചു.പക്ഷെ നഴ്സുമാർ അതിന് സമ്മതിക്കാതെ അവളുടെ മുറിവുകൾ വച്ച് കെട്ടി. ഈ നേരം കൊണ്ട് ഇവാനയുടെയും പല്ലവിയുടെയും വീട്ടുകാർ ഹോസ്പിറ്റലിൽ എത്തി. അവരെ കണ്ടതോടെ പല്ലവി കരച്ചിൽ തുടങ്ങി..