“കുറച്ചു വേദനിക്കട്ടെ. ഞാനും കുറെ അനുഭവിച്ചതല്ലേ…”
അവൾ ചെവിയിൽ പിടിച്ചുകൊണ്ട് ഒന്ന് കൂടി തിരിച്ചു.
“ആാാാാ…”
അവസാനം പിടി വിട്ടപ്പോഴാണ് ഞാൻ ശ്വാസം നേരെ വിട്ടത്. ചെവി മുഴുവൻ ചൂടായി കത്തുന്നുണ്ടായിരുന്നു.
“എന്നിട്ട് ഞാൻ വിളിച്ചപ്പോൾ നീയെന്താ ഫോൺ എടുക്കാഞ്ഞത്?”
അത് കേട്ടതും
അവളുടെ മുഖത്ത് വീണ്ടും കലിതുള്ളി.
അവൾ പിന്നെയും എന്റെ ചെവിക്ക് നേരെ കൈ നീട്ടിയതും ഞാൻ പെട്ടെന്ന് രണ്ടു ചെവിയും പൊത്തിപ്പിടിച്ചു.
“അവന്റെ ഒരു ഫോൺ വിളി…”
അവൾ എന്നെ കൂർപ്പിച്ചു നോക്കി.
“ഞാൻ വിചാരിച്ചത് നീ അന്ന് തന്നെ വന്ന് എന്നെ കൂട്ടിക്കൊണ്ടുപോകുമെന്നാണ്. പക്ഷേ നീ വന്നില്ല.”
അവളുടെ ശബ്ദത്തിലെ പരിഭവം പതുക്കെ പുറത്തേക്ക് വന്നു.
“പോട്ടെ… ഒരു ദിവസം കഴിഞ്ഞാൽ തന്നെ നീ വരും എന്ന് വിചാരിച്ചു. എന്നിട്ട് കേറി വന്നിരിക്കുന്നത് കണ്ടോ?…”
അവൾ മുഖം തിരിച്ചു.
“നിനക്കപ്പോ ഞാൻ അത്ര ഉള്ളൂ അല്ലേ?”
അവൾ അങ്ങനെ പറഞ്ഞപ്പോൾ എന്റെ വാക്കുകൾ ഒന്ന് മുട്ടി.
“എടീ… ഞാൻ അത് അങ്ങനെയൊന്നും വിചാരിച്ച് ചെയ്തതൊന്നുമല്ല.”
ഞാൻ പതുക്കെ പറഞ്ഞു.
“നിന്നെ ഫേസ് ചെയ്യാൻ എനിക്ക് ചെറിയ പേടി ഉണ്ടായിരുന്നു. പിന്നെ നീയും ഒന്ന് ഓക്കേ ആയിക്കോട്ടെ എന്ന് ഞാനും കരുതി.”
“എന്നിട്ട് ഞാൻ ഓക്കേ ആയെന്ന് നിനക്ക് ഇപ്പോൾ തോന്നുന്നുണ്ടല്ലേ?”
അവൾ പുരികം ഉയർത്തി ചോദിച്ചു.
“ഇല്ല…”
എന്റെ മറുപടി കേട്ട് അവൾ ഒന്ന് കണ്ണുരുട്ടി.
അല്ല പിന്നെ… ഇവൾ എന്തിനാണ് അന്ന് ഇത്രയും വെപ്രാളപ്പെട്ട് ഇറങ്ങിപ്പോയത്?
“അല്ല… ഞാൻ അന്ന് തന്നെ വന്ന് നിന്നെ കൂട്ടിക്കൊണ്ടുപോകാൻ ആയിരുന്നെങ്കിൽ, എന്തിനാ നീ അന്ന് കണ്ട ബാഗ് ഒക്കെ പാടെ തൂക്കി ഇറങ്ങിപ്പോന്നത്?”
എന്റെ ചോദ്യം കേട്ടതും അവളുടെ മുഖത്ത് വീണ്ടും ആ പഴയ ദേഷ്യം നിറഞ്ഞു.
“അതോ?”
അവൾ ഒന്ന് മുന്നോട്ട് ചാഞ്ഞു.
“അന്നെങ്ങാനും ഞാൻ അവിടെ നിന്നിരുന്നെങ്കിൽ നിന്റെ പതിനാറടിയന്തരം ഞാൻ അവിടെ തീർത്തേനെ.”
അവൾ പറഞ്ഞത് കേട്ട് ഞാൻ ഒന്നും മിണ്ടാതെ നിന്നു.
ആ ബെസ്റ്റ്
അവളുടെ സ്വഭാവം വെച്ച് നോക്കിയാൽ അതിന് വലിയ സാധ്യത ഉണ്ട്.
“പിന്നെ…”
അവൾ ഒരു നിമിഷം നിശ്ശബ്ദയായി.
“എനിക്ക് അമ്മയോട് ചിലത് ചോദിച്ചറിയാനുണ്ടായിരുന്നു.”
“എന്ത്?”
ഞാൻ അവളെ നോക്കി.
“അമ്മ നിന്നോട് കാണിക്കുന്ന അടുപ്പം… എനിക്കെന്തോ ഒരു സംശയം തോന്നിച്ചു.”
അത് കേട്ടതും എന്റെ മനസ്സിലും ഓർത്തു.
ആ എനിക്കും അത് വല്ലാണ്ട് തോന്നുന്നുണ്ട്.
അമ്മായിയമ്മ കാണേണ്ട പോലെയല്ല അവർ എന്നെ ഇപ്പോൾ കാണുന്നത്. ആ അടുപ്പത്തിൽ എന്തോ ഒരു വശപിശക് ഉണ്ട് .
ഞാൻ അത് മനസ്സിൽ മാത്രം പറഞ്ഞു.
“എന്നിട്ട് നീയത് ചോദിച്ചോ?”
“അറിഞ്ഞിട്ടെന്തിനാ?”
അവൾ അതും പറഞ്ഞു ചുണ്ടുകോട്ടി.
“അല്ല… ചോദിച്ചെന്നേയുള്ളു.”
അത്രയും പറഞ്ഞിട്ട് ഞാൻ അവളുടെ മുഖത്തേക്ക് നോക്കി.
ഇനി അതിന്റെ പേരിൽ വേറൊരു വഴക്ക് തുടങ്ങാൻ എനിക്ക് ഒട്ടും താല്പര്യമില്ലായിരുന്നു..
പിന്നെ പതിയെ കൈകൾ അവളുടെ തുടയിൽ വെച്ചു. അത് ഇഷ്ടപ്പെടാത്ത മട്ടിൽ അവൾ തട്ടിമാറ്റി.. ഞാനത് വീണ്ടും ചെയ്തപ്പോൾ അവൾ വീണ്ടും അത് തന്നെ തുടർന്നു…
പെണ്ണ് വെറുതെ മൊട കാണിക്കാണ്…എനിക്കറിയാം ശരിക്കും എന്നെ കടിച്ചു കീറാനുള്ള ദാഹത്തോടെയാണ് ഈ ഇരിപ്പ്…
വീണ്ടും ഞാൻ എൻ്റെ വിരലുകൾ അവളുടെ ശരീരത്തിൽ വച്ചപ്പോൾ. ഒട്ടും താല്പര്യമില്ലാത്ത അവൾ തിരിഞ്ഞു…
പെട്ടെന്ന് ഞാൻ അവളുടെ പുറകിൽ നിന്നും പിടിച്ചു എൻറെ നെഞ്ചിലേക്ക് ചേർത്തു കിടത്തി…
“എന്നെ വിട്ടേ…”
“വിടാൻ ഇപ്പൊ മനസ്സില്ലെങ്കിലോ…”
അത് പറയുമ്പോഴും പെണ്ണ് കിടന്ന് വാശി പിടിച്ചു കുതറുവാണ്.
“എന്നെ ഇഷ്ടം ഇല്ലാത്തവർ ആരും എന്നെ
തൊടണ്ടാ…”കുറച്ച് സങ്കടം ചേർത്താണ് അത് പറഞ്ഞത്…
തുടങ്ങി പെണ്ണിൻറെ.. സാധാരണ ഇവൾ ഈ അടവ് എടുക്കാത്തതാണല്ലോ…
ഞാൻ അവളെ ഒന്നുകൂടി എൻറെ ദേഹത്തേക്ക് അടുപ്പിച്ചു . കൈകൾ അവളുടെ വയറുകളി ലൂടെ ചുറ്റിപ്പിടിച്ചു…ഒരു വെള്ള ഓവർ സൈസ് ടീഷർട്ടും ഷോർട്ട്സും ആയിരുന്നു അവൾ ധരിച്ചിരുന്നത്