റോഷൻ: രാത്രിയിൽ അപ്പോൾ ഐഷു ചേച്ചി ഒട്ടും ഫോൺ ഉപയോഗിക്കാറിലേ
ഐശ്വര്യ: ഉണ്ട്, എന്നാൽ അധികവും ഉപയോഗിക്കാറില്ല.റോഷൻ ഇത്ര വൈകിയിട്ടും എന്താ ഉറങ്ങാതിരുന്നത് അതും ഇങ്ങനെ പനി ഉള്ളപ്പോൾ. റോഷൻ മരുന്നും ഭക്ഷണം എല്ലാം കഴിച്ചോ?
റോഷൻ: അതെല്ലാം ഞാൻ സമയത്തിന് തന്നെ കഴിച്ചു
ഐശ്വര്യ : എന്നിട്ടാണോ ഉറങ്ങാതെ ഇങ്ങനെ ഇരിക്കുന്നത്. ഞാൻ രാവിലെ പറഞ്ഞതല്ലേ നന്നായി റസ്റ്റ് എടുക്കണം എന്ന്
റോഷൻ: എന്റെ ഐഷു ചേച്ചി എന്റെ പനി എല്ലാം മാറി ഞാൻ കുളിച്ച് ഫ്രഷ് ആയിട്ടാ ഇരിക്കുന്നത്
ഐശ്വര്യ:മാറിയോ?
റോഷൻ:മം, അതേ ഐഷു ചേച്ചി ഇനി നാളെ ക്ലിനിക്കിൽ പോയി ഡോക്ടറെ കണ്ടാൽ മതി
ഐശ്വര്യ: ഇന്നൊരു ദിവസം മരുന്ന് കഴിച്ചത് കൊണ്ട് പനി മാറി എന്ന് കരുതി നാളെ മുതൽ മരുന്ന് പ്രോപ്പറായി കഴിക്കാതിരിക്കരുത് പനി പുറമേ മാറി എന്ന് കാണിക്കും എന്നാൽ ഉള്ളിൽ നിന്ന് വിട്ടു മാറിയിട്ടുണ്ടാവില്ല
റോഷൻ: ആരു പറഞ്ഞു അങ്ങനെയൊന്നുമില്ല എനിക്കിപ്പോൾ യാതൊരു കുഴപ്പവുമില്ല അയാം പെർഫെക്റ്റ്ലി ഓൾ റൈറ്റ്
ഐശ്വര്യ: ഓൾറൈറ്റ് ഇതാ ഞാൻ പറഞ്ഞത് ഇപ്പോഴത്തെ ഈ ആശ്വാസം കണ്ട് ഇനി മരുന്നൊന്നും വേണ്ട എന്ന് വെച്ച് നടക്കുമെന്ന്
റോഷൻ: എനിക്ക് മരുന്ന് കഴിക്കാൻ കുറച്ചു മടിയൊക്കെ ഉണ്ടെന്ന് ഐഷു ചേച്ചിക്ക് എങ്ങനെയാ മനസ്സിലായത് ഐഷു ചേച്ചിക്ക് ദിവ്യദൃഷ്ടി വല്ലതും ഉണ്ടോ?
ഐശ്വര്യ: അതു മനസ്സിലാക്കാൻ ദിവ്യദൃഷ്ടിയോ? ത്രികാലജ്ഞാനമോ ഒന്നും വേണ്ട നിന്റെ പ്രായമുള്ള ഒരുത്തൻ ഇവിടെയും ഉണ്ടല്ലോ നിന്റെ കൂട്ടുകാരൻ അവന് അസുഖം വന്നാൽ മരുന്നു കഴിപ്പിക്കുന്നതാണ് വലിയൊരു ബുദ്ധിമുട്ടുള്ള ജോലി അങ്ങനെയെല്ലാം എക്സ്പീരിയൻസ് ഉള്ള ഞങ്ങൾ അമ്മമാർക്കു മനസ്സിലാകും നിങ്ങൾ സമയത്തിന് മരുന്ന് കഴിക്കുമോ? ഇല്ലയോ എന്ന്?
റോഷൻ: ഹോ, അപ്പോ ശരത്തിന് മരുന്നു കഴിക്കാൻ താല്പര്യം കാണിക്കാത്തത് കണ്ടുള്ള അനുഭവം വെച്ച് എന്നെ കമ്പയർ ചെയ്തു പറഞ്ഞതാണ് അല്ലേ
ഐശ്വര്യ: അങ്ങനെ ഒരാളുമായി കമ്പയർ ചെയ്തൊന്നുമല്ല പൊതുവേ ശരത്തിന്റെ പ്രായക്കാർ എല്ലാം അങ്ങനെയാണ് അതുകൊണ്ട് ഒക്കെയായി ഈ സമയത്ത് അമ്മമാർ കൂടെ വേണമെന്ന് പറയുന്നത്.
റോഷൻ: ഐഷു ചേച്ചി മരുന്നു നമ്മൾ എന്നും കഴിക്കുന്നുണ്ടോ അസുഖം വരുമ്പോൾ മാത്രമല്ലേ അതുകൊണ്ടുതന്നെ ദിവസവും ചെയ്യാത്ത കാര്യം ഞാൻ ചിലപ്പോൾ മറന്നുപോകും അത് ശ്രദ്ധ കുറവു കാരണമാണ് അതിനെ മടി എന്ന് പൊതുവേ പറയുന്നതുകൊണ്ട് ഞാൻ പറഞ്ഞെന്നേയുള്ളൂ
ഐശ്വര്യ : അതിനാണ് ഞാൻ മുൻപേ പറഞ്ഞത് നിങ്ങളുടെ ഇത്തരം ശ്രദ്ധ കമ്മികൾ അമ്മമാർ കൂടെയുണ്ടായിരുന്നെങ്കിൽ ഉണ്ടാവില്ലായിരുന്നു എന്ന്
റോഷൻ: നമ്മൾ ശ്രദ്ധിച്ചു ചെയ്യേണ്ട കാര്യങ്ങളെല്ലാം അങ്ങ് ശ്രദ്ധിച്ചു ചെയ്താൽ പോരെ അതിനു അമ്മമാരെ എല്ലാം ഇങ്ങനെ ബുദ്ധിമുട്ടിക്കണോ ഞാൻ പറഞ്ഞിട്ടില്ലേ ഐഷു ചേച്ചിയോട് എന്റെ അമ്മയെ കുറിച്ച് മരുന്ന് സമയത്തിന് എടുത്തു കഴിക്കാൻ ശ്രദ്ധിച്ചില്ല എന്നൊക്കെ എന്റെ അമ്മയോട് പറഞ്ഞാൽ ആദ്യം കുറച്ച് കളിയാക്കും
പിന്നെ എന്റെ ശ്രദ്ധക്കുറവിനെ കുറിച്ച് പറഞ്ഞു നന്നായി ഉപദേശിക്കും പിന്നെ ഇത്തരം നിസ്സാര കാര്യങ്ങളൊന്നും ശ്രദ്ധിക്കാത്തതും നോക്കാത്തതും പറഞ്ഞു ജോലിക്കാരനോട് വഴക്കു പറയും. ഇവിടെ ചിറ്റപ്പൻ എന്റെ എല്ലാ കാര്യങ്ങളും നന്നായി നോക്കുന്നുണ്ട് പിന്നെ എന്റെ നല്ല ഫ്രണ്ട് ആയ ഐഷു ചേച്ചിയും എന്റെ കൂടെയുണ്ടല്ലോ ഇതെല്ലാം നോക്കാനും പറഞ്ഞുതരാനും ഇപ്പോൾ
ഐശ്വര്യ: നാളെ ക്ലിനിക്കിൽ പോകാൻ ചിറ്റപ്പൻ കൂടെ വരുന്നുണ്ടോ?
റോഷൻ:ഇല്ല, അതിന്റെയൊന്നും ആവശ്യമില്ല വെറുതെ ചിറ്റപ്പനെ എന്തിനാ ബുദ്ധിമുട്ടിക്കുന്നത് ഞാൻ നാളെ ബൈക്കുമെടുത്ത് പോയി വരും ഇന്ന് തന്നെ രാവിലെ മുതൽ ഉച്ച വരെ എനിക്ക് വേണ്ടി ഒരുപാട് അങ്ങോട്ടുമിങ്ങോട്ടും ഓടിയിട്ടുണ്ട് ചിറ്റപ്പൻ എന്തിനാ വെറുതെ ഇനിയും ചിറ്റപ്പനെ ബുദ്ധിമുട്ടിക്കുന്നത് ഞാൻ പോയി ഡോക്ടറെ കണ്ടു വന്നു വിവരം പറഞ്ഞാൽ മതി.
Waiting for next part tomorrow