അവൾ ഒരു കണ്ണിറുക്കി ചിരിയോടെ പറഞ്ഞതും നന്ദിനിക്ക് കലി കയറി.
നീ എന്നെ ഭ്രാന്തു പിടിപ്പിക്കല്ലേ ശിവാനി.
എന്തിനാ അമ്മയ്ക്ക് ഇത്ര ദേഷ്യം. ഭർത്താക്കന്മാർ മരിച്ച സ്ത്രീകൾ വേറെ വിവാഹം കഴിക്കുന്നത് ലോകത്ത് ഇത് ആദ്യത്തെ സംഭവം ഒന്നും അല്ല.എന്റെ അമ്മ ഇപ്പോഴും ചെറുപ്പമല്ലേ കാണാനും സുന്ദരിപിന്നെ ഇപ്പൊ എന്റെ അമ്മക്ക് എന്താ ഒരു കുറവ്.
ശിവാനി ബസ് വരാൻ ടൈം ആയില്ലേ.നീ കഴിച്ചു കഴിഞ്ഞേൽ എഴുന്നേറ്റ് പോകാൻ നോക്ക്.പിന്നെ എനിക്ക് ഒരു ഭർത്താവ് വേണമായിരുന്നേൽ അത് വർഷങ്ങൾക്ക് മുൻപേ ആകാമായിരുന്നു.നിന്റെ അച്ഛൻ മരിച്ച ആ കാലത്ത് തന്നെ.
അത്രയും പറഞ്ഞ് നന്ദിനി ബാഗും എടുത്ത് പുറത്തേക്ക് നടന്നു.
അമ്മയ്ക്ക് ഒരു ഭർത്താവ് വേണ്ടേലും എനിക്ക് ഒരു അച്ഛന്റെ സ്നേഹം വേണം.
ശിവാനി പിന്നിൽ നിന്നും വിളിച്ചു പറഞ്ഞത് നന്ദിനി കേട്ടെങ്കിലും അവൾ
മറുതൊന്നും പറയാതെ വേഗം ഇറങ്ങി നടന്നു.
ബാങ്കിൽ എത്തിയിട്ടും നന്ദിനിയുടെ മനസിൽ ശിവാനിയുടെ വാക്കുകൾ ആയിരുന്നു.
അമ്മയ്ക്ക് എന്താ ഒരു വിവാഹം കഴിച്ചാൽ.. അമ്മ ഒരു കല്ല്യാണം കഴിക്കാണേൽ അത് കഴിഞ്ഞ് എന്റെ കാര്യത്തെ കുറിച്ച് ആലോചിക്കാം.അല്ലേൽ ഞാനും ഇങ്ങനെ നിൽക്കുകയെ ഉള്ളൂ..
ഈ കാര്യവും പറഞ്ഞ് അവൾ തന്റെ പിന്നാലെ കൂടിയിട്ട് കുറച്ചു ദിവസമായി.
ഒരേവാശിയിൽ ആണവൾ.ഈ കാര്യവും പറഞ്ഞ് വഴക്കിട്ട് പിണങ്ങി കൊണ്ടാണ് ഇപ്പൊ അവളുടെ രാത്രി ഉറക്കം പോലും.
ഓരോന്ന് ആലോചിച്ചു നന്ദിനിക്ക് ജോലിയിൽ ശ്രദ്ധിക്കാൻ കഴിഞ്ഞില്ല.
എന്താടോ തനിക്ക് പറ്റിയെ.. താൻ ഈ ലോകതൊന്നും അല്ലെ..
ഉച്ചക്ക് ഊണ് കഴിച്ചു കൊണ്ടിരുന്നപ്പോൾ നന്ദിനിയുടെ ഉറ്റ കൂട്ടുകാരി ലേഖ അവളോടായി ചോദിച്ചു.
ഏയ് അങ്ങനെയൊന്നുമില്ല ലേഖ.
അത് വെറുതെ.. രാവിലെ മുതൽ ഞാൻ തന്നെ ശ്രദ്ധിക്കുന്നുണ്ട്.
ശിവാനി.. എനിക്ക് അവളെ കുറിച്ചോർത്തുള്ള ആദിയാണ് ലേഖേ.
അവൾ നല്ല കുട്ടി അല്ലെ നന്ദിനി ഒരു കുറുമ്പി..
ഉം.. അവളുടെ കുറുമ്പ് ഈയിടെയായി ഇത്തിരി കൂടുതലാണ്.
എന്താടാ പ്രശ്നം..
അവൾക്ക് ഇപ്പൊ എന്നെ പിടിച്ചു കെട്ടിക്കണം..
നന്ദിനി പറഞ്ഞത് കേട്ട് ലേഖ പൊട്ടിച്ചിരിച്ചു.
കളിയല്ല ലേഖേ.. തുടക്കത്തിൽ ഞാനും അങ്ങനെ ആണ് കരുതിയെ.ഇപ്പൊ എബിയുടെ കാര്യത്തിൽ പോലും അവൾ താൽപര്യം കാണിക്കുന്നില്ല.അവളുടെ പ്രശ്നം ഞാൻ ഒരു വിവാഹം കഴിക്കണം.എങ്കിൽ മാത്രമേ അവൾക്ക് ഒരു ജീവിതം ഉണ്ടാകൂ എന്ന വാശിയിലാ അവൾ.
അവൾ പറഞ്ഞതിൽ എന്താ നന്ദിനി തെറ്റ്..
നിനക്ക് അതിനെക്കുറിച്ച് സീരിയസായി ഒന്ന് ചിന്തിച്ചൂടെ..
ആഹാ നല്ല ആളോടാണ് ഞാൻ പറഞ്ഞത് നീ വേഗം കഴിക്കാൻ
നോക്ക്..
അതും പറഞ്ഞ് നന്ദിനി ചോറുണ്ണാൻ തുടങ്ങി.ഉച്ച കഴിഞ്ഞ് അനിരുദ്ധൻ സാറിന് അക്കൗണ്ട് മുഴുവൻ ക്ലിയർ ചെയ്ത് കൊടുക്കാനുള്ളതാ.അല്ലേൽ എന്റെ പണി പോകും.
അനിരുദ്ധൻ എന്ന് കേട്ടതും ലേഖ ചിരിച്ചു.
എന്താ തനിക്കൊരു ചിരി..
ഏയ്.. ഇവിടെ വന്നിരിക്കുമ്പോൾ ആകെ കൂടി നേരം പോകാനുള്ള ഒരേ ഒരു മാർഗം അനിരുദ്ധൻ സാർ അല്ലെ.കാണാനും കൊള്ളാം.പക്ഷേ ആൾ ആരുമായും അടുക്കില്ലല്ലോ.അങ്ങോട്ട് ഒന്ന് മിണ്ടാൻ ചെന്നാലോ കക്ഷി അപ്പൊ തന്നെ അവിടുന്ന് സ്ഥലം കാലിയാക്കും.
എന്റെ ലേഖേ നിന്റെ ഒരു കാര്യം..
നന്ദിനി തലയിൽ കൈ വച്ചു പോയി.
എന്റെ നന്ദിനി നിന്നെ പോലെ ഒരാൾ ഈ ലോകത്ത് നീ മാത്രേ ഉള്ളൂ.എടീ ആകെ കൂടി മനുഷ്യന് ഒരു ജന്മമല്ലേ ഉള്ളൂ.അപ്പൊ പിന്നെ അത് നമ്മൾ ഇങ്ങനെ ആഘോഷിച്ചു തീർക്കണ്ടേ..
ഉം നടക്കട്ടെ..
അതും പറഞ്ഞ് നന്ദിനി കൈകഴുകാനായി എഴുന്നേറ്റ് പോയി..
ഊണ് കഴിഞ്ഞ നന്ദിനിയും ലേഖയും തിരികെ തങ്ങളുടെ ഇരിപ്പിടത്തിൽ വന്നിരിക്കുമ്പോൾ സ്റ്റാഫ് ആരും എത്തിയിരുന്നില്ല.എല്ലാവരും ഊണ് കഴിക്കാൻ പോയതാണ്.വർക്ക് തുടങ്ങാൻ ഇനിയും അരമണിക്കൂർ കൂടി താമസം ഉണ്ട്.
കുറേ നാള് കൂടി ഞാൻ ചോദിക്കണം എന്ന് കരുതി ഇരിക്കയാ.ഈ ശിവാനി..എബി..
രണ്ട് പേരും കൂടി അങ്ങ് ഒക്കുന്നില്ലല്ലോ നന്ദിനി.ഈ എബി എന്നത് ക്രിസ്ത്യൻസിന്റെ പേര് ആണല്ലോ..