അതിന് അവളെ അപ്പൻ അല്ലെ പോലീസിൽ.. മകൾ അല്ലല്ലോ..
ടീ കോപ്പേ.. ഞാൻ അതിൽ എന്റെ വാട്സ്ആപ്പ് നമ്പറും പോരാത്തേന് എന്റെ ഒരു പടവും വരച്ചു വച്ചിട്ടുണ്ടെടി.എന്റെ ആദ്യത്തെ പ്രേമലേഖനം അല്ലെ അപ്പൊ പിന്നെ പൊളിക്കാമെന്നു കരുതി..
നന്നായി.. ഇനി നിന്റെ പുറം പൊളിയാൻ വേറെ വഴിയൊന്നും നോക്കണ്ട ദീപൂട്ടാ.അവൾ അത് നേരെ അവളെ അപ്പന്റെ കയ്യിൽ കൊണ്ട് കൊടുക്കും.
ഈ ആഴ്ചയിലെ മോന്റെ വാരഫലം വളരെ മോശം ആണ് മോനെ ദീപുവേ.
മാനഹാനി,അംഗഭംഗം,കൂടാതെ കാരാഗ്രഹ വാസം വരെ അനുഭവിക്കാൻ ഉള്ള എല്ലാ വിധ ചാൻസുകളും നോം കാണുന്നുണ്ട്..കാണുന്നില്ല..
ടീ നീ ഇത് കാലാവസ്ഥ പ്രവചിക്കുന്നത് പോലെ സംഭവിക്കാം.. ഇല്ലായിരിക്കാം എന്ന് ഒരു ഉറപ്പും ഇല്ലാത്ത പറച്ചിൽ പറയാതെ എന്തേലും ഒന്ന് ഉറപ്പിച്ചു പറയെടീ.
അങ്ങനെ പറയാൻ മാത്രം പ്രത്യേകിച്ച് ഒന്നും ഇല്ല.വരാൻ ഉള്ളത് വഴിയിൽ തങ്ങില്ല.അത് ഓട്ടോറിക്ഷ വിളിച്ചാണേലും നിന്നെ തേടി നേരെ ഇങ്ങെത്തും അത്രേ ഉള്ളൂ കാര്യം.
ദീപു ആകെ പെട്ട അവസ്ഥയിൽ
പുറത്തേക്ക് നോക്കി.. ചുരുണ്ട മുടിക്കാരി അവളെ ബൈനോക്കുലർ കണ്ണും വച്ചു ക്ലാസ്സ് മുറി ആകെ തിരയുകയാണ് അവളെ പ്രാണേശ്വരനെ..
ദീപു തലകുനിച്ച് ഡസ്ക്കിലേക്ക് കിടന്നു.
ടീ ശിവാ എനിക്ക് എന്തോ പെട്ടന്ന് തല ചുറ്റുന്ന പോലെ.. മാഷ് ചോദിച്ചാൽ അങ്ങനെ തന്നെ പറഞ്ഞേക്കണേ..
ഉത്തരവ്.. അടിയൻ അത് വേണ്ട പോലെ കൈകാര്യം ചെയ്തോളാം..
ചിലവ് മറക്കണ്ട ട്ടോ.. വൈകുന്നേരം ക്ലാസ് കഴിഞ്ഞ് നേരെ കാന്റീൻ.. ദീപുകുട്ടന്റെ പറ്റിൽ ചൂട് നാല് പരിപ്പ് വട ചായ..
എഗ്രി ആണേൽ ഡീൽ ഉറപ്പിക്കാം..
ശിവാനി തന്റെ തള്ളവിരൽ ഉയർത്തി അവന് നേരെ കാണിച്ചു കൊണ്ട് ചോദിച്ചു.
ഡീൽ ഓർ നോ ഡീൽ..
മണിക്കുട്ടി ഓടി തുടങ്ങി.. ദീപുകുട്ടാ വേഗം.. ലോക് ചെയ്യട്ടെ ഡീൽ..
ആടി കോപ്പേ ഡീൽ..
നിനക്ക് പുര കത്തുമ്പോ തന്നെ വാഴ വെട്ടണം അല്ലേടി പന്നീ..
അതും പറഞ്ഞ് ദീപു ഡസ്ക്കിലേക്ക് ചാഞ്ഞു..
വൈകുന്നേരത്തെ കാര്യം തീരുമാനം ആയ സന്തോഷത്തിൽ അവൾ കുറച്ചു നേരം ക്ലാസിൽ ശ്രദ്ധിക്കാം എന്ന് കരുതി മാത്തപ്പൻ സാറെ മുഖത്തേക്ക് കണ്ണ് നട്ടിരുന്നു.
മാഷ് അത് കണ്ടതും പുറത്തേക്ക് ഒന്ന് എത്തി നോക്കി.കാക്ക വല്ലതും മലർന്ന് പറക്കുന്നുണ്ടോ പതിവില്ലാത്ത വിധം പിള്ളേര് ഒക്കെ ക്ലാസ്സിൽ ശ്രദ്ധിക്കുന്നു..