ശ്യാമയും സുധിയും 10
Shyamayum Sudhiyum Part 10 | Author : Eakan
[ Previous Part ] [ www.kambi.pw ]
ഇത് ഒരു ക്ലൈമാക്സ് അല്ല. ഇത് വളരെ ചെറിയ ഒരു പാർട്ട് മാത്രം. സാഹചര്യം അങ്ങനെ ആയതു കൊണ്ട് മാത്രം. തുടർന്നും വായിക്കുക.
ശ്യാമയും സുധിയും തുടരുന്നു….
എല്ലാവരും ഞെട്ടി തിരിഞ്ഞു നോക്കി. അവിടെ വീണു കിടക്കുന്ന ശ്യാമയെ അവർ താങ്ങി പിടിച്ചു അവിടെയുള്ള മറ്റൊരു കട്ടിലിൽ കിടത്തി.
ശ്യാമയുടെ മുഖത്തു വെള്ളം തളിച്ച് ശ്യാമയെ തട്ടി വിളിച്ചു. ശ്യാമ മെല്ലെ കണ്ണ് തുറന്ന് എല്ലാവരെയും നോക്കി.
സുചിത്ര വേഗം അവളെ പരിശോധിക്കാൻ തുടങ്ങി. ആരോ പോയി നേഴ്സിനെ വിളിച്ചു കൊണ്ട് വന്നു. സുചിത്ര ശ്യാമയുടെ ബി പി നോക്കി. ബി പി ലോ ആയിരുന്നു. എന്നാലും പേടിക്കാൻ ഒന്നും ഇല്ല.
വലിയ പ്രശ്നങ്ങൾ ഒന്നും ഇല്ലെന്ന് മനസ്സിലാക്കിയ സുചിത്ര
നേഴ്സോട് കുറച്ചു ഒ ആർ എസ്സ് ലായനി ഉണ്ടാക്കി കൊണ്ട് വരാൻ പറഞ്ഞു. കൂട്ടത്തിൽ ശ്യായ്ക്ക് ഡ്രിപ് ഇട്ട് കൊടുത്തു.
“എന്താ പറ്റിയത്..? മോൾക്ക് എന്താ പറ്റിയത്.?”
അവിടെ ഉള്ള മറ്റുള്ളവർ ചോദിച്ചു.
“ഏയ് ഒന്നും ഇല്ല! . ഈ പെണ്ണ് ഇവിടെ വന്നതിനു ശേഷം നേരാം വണ്ണം എന്തെങ്കിലും കഴിച്ചിട്ട് വേണ്ടേ. ? അതുകൊണ്ട് ക്ഷീണം ആയതാ. വേറെ ഒന്നും ഇല്ല.” സുചിത്ര പറഞ്ഞു.
“കുറച്ചു സമയം എല്ലാവരും ഒന്ന് പുറത്ത് നിൽക്ക്. എനിക്ക് കുറച്ചു കാര്യങ്ങൾ ശ്യാമയോട് സംസാരിക്കാൻ ഉണ്ട്.”
സുചിത്ര അവരെ എല്ലാവരേയും നോക്കി പറഞ്ഞു. എല്ലാവരും പുറത്ത് പോയി. ശ്യാമ സൂചിത്രയെ നോക്കി.
“എന്ത് പറ്റി എന്റെ ഏട്ടത്തിക്കു… പേടിച്ചു പോയോ…?” സുചിത്ര ചോദിച്ചു.
ശ്യാമ സുചിത്രയെ നോക്കി ചിരിക്കാൻ ശ്രമിച്ചുകൊണ്ട് പറഞ്ഞു.
“ഇല്ല. ”
“പിന്നെ എന്തിനാ ഇങ്ങനെ ടെൻഷൻ ആയത്? ടെൻഷൻ ആയത് കൊണ്ടല്ലേ ബി പി ലോ ആയത്..? എല്ലാവരുടേയും മുന്നിൽ ബോധം കെട്ട് വീണത്..?”” സുചിത്ര ശ്യാമയെ നോക്കി ചിരിച്ചുകൊണ്ട് പറഞ്ഞു.
“അത് ടി വിയിൽ കണ്ടത് . അപ്പു ഏട്ടൻ..? പിന്നെ ……….”” ശ്യാമ ചോദിച്ചു.
സുചിത്ര ചിരിച്ചു എന്നിട്ട് പറഞ്ഞു.
“അതേ! അത് അപ്പു ഏട്ടൻ തന്നെയാണ്. എന്റെ ഏട്ടൻ S P സുധീഷ് ചന്ദ്രൻ . എന്റെ ശ്യാമ കുട്ടിയെ കെട്ടാൻ പോകുന്ന ചെറുക്കൻ. അപ്പു ഏട്ടൻ.”
ശ്യാമ സൂചിത്രയെ തന്നെ നോക്കി. എന്നിട്ട് ചോദിച്ചു.
“പിന്നെ എന്തിനാ ചേച്ചി അപ്പു ഏട്ടനെയാണ് വിവാഹം കഴിക്കാൻ പോകുന്നത് എന്നൊക്കെ എന്നോട് കള്ളം പറഞ്ഞത്..? ”
“അതൊക്കെ നിന്റെ അപ്പു ഏട്ടൻ വന്നിട്ട് നേരിട്ട് ചോദിച്ചാൽ മതി. ഏട്ടൻ ഇപ്പോൾ ഇങ്ങ് എത്തും. . ഏട്ടനാണ് ഇതിന്റെ കഥയും തിരക്കഥയും സംവിധാനവും എല്ലാം..”
ശ്യാമ ചിരിച്ചു എന്നിട്ട് മെല്ലെ ചോദിച്ചു.
“എന്നിട്ട് അപ്പു ഏട്ടൻ….?”
“ഹാ! ഏട്ടൻ ഇപ്പോൾ ഇങ്ങോട്ട് വരും. അമ്മാവൻ വിളിച്ചു പറഞ്ഞു കാണും. ഇവിടെയുള്ള കാര്യങ്ങൾ അപ്പോൾ അപ്പോൾ ഏട്ടനെ അറിയിക്കേണ്ട ചുമതല അമ്മാവനാണ്.”
അത് കേട്ടു ശ്യാമ നാണത്തോടെ ചിരിച്ചു. അത് കണ്ട് സുചിത്ര ചോദിച്ചു.
“ഇപ്പോൾ പേടി മാറിയോ..? ഇപ്പോൾ മനസ്സിലായില്ലേ എന്തിനാ എല്ലാവരും ഇവിടെ വന്നത് എന്ന്. ?”
“മ് ” ശ്യാമ ചിരിച്ചുകൊണ്ട് മൂളി.
“അയ്യടാ അവളുടെ ഒരു ചിരി. കണ്ടാലും മതി ഒരു സുന്ദരി കോത. അതേ ഈ കല്ല്യാണത്തിന് ഞാൻ സമ്മതിച്ചിട്ടില്ല. ” ശ്യാമയുടെ കവിളിൽ നുള്ളിക്കൊണ്ട് സുചിത്ര പറഞ്ഞു
ശ്യാമ വീണ്ടും സൂചിത്രയെ നോക്കി. കളിപ്പാട്ടം തരില്ല എന്ന് പറയുന്ന അമ്മയെ നോക്കുന്ന കുഞ്ഞിനെ പോലെ. അത് കണ്ട് ചിരിച്ചുകൊണ്ട് സുചിത്ര പറഞ്ഞു.
“ഈ കല്യാണത്തിന് ഞാൻ സമ്മതിക്കണം എങ്കിൽ ഞാൻ മുൻപ് പറഞ്ഞ പോലെ നീ എന്റെ മുന്നിൽ വന്നു എന്നോട് ചോദിക്കണം. ചേച്ചിയുടെ ഏട്ടനെകൊണ്ട് എന്നെ കെട്ടിച്ചു തരുമോ എന്ന്…”