സൂര്യ : സർ ഒന്നും പറഞ്ഞില്ല , ഇരുന്നോട്ടെ
സന്തോഷ് : ഹേ എന്തിനാ ചോദിക്കണേ ഇരുന്നൂടെ . നിങ്ങൾ എന്താ ഇവിടെ, ആരെ എങ്കിലും കാണാൻ വന്നതാണോ.
സൂര്യ : അതെന്താ കോഫീ കുടിക്കാൻ വരാൻ പാടില്ലാന്നുണ്ടോ.
സന്തോഷ് : അയ്യോ അങ്ങനെ ഒന്നും ഇല്ല ചുമ്മാ കണ്ടപ്പോൾ ചോദിച്ചതാ. തന്റെ കാലു ശെരിയായോ, എപ്പോ എങ്ങനെ ഉണ്ട്.
സൂര്യ : ഇപ്പൊ കുഴപ്പം ഇല്ല , എല്ലാം ഓക്കേ ആയി.
സന്തോഷ് : അതെന്താടോ തന്റെ കൂട്ടുകാരി ഒന്നും മിണ്ടത്തില്ലേ.
അതും ചോദിച്ചു ഞാൻ അവളെ നോക്കി , പെട്ടെന്ന് അവൾ മുഖം ഉയർത്തി എന്നോട് ചോദിച്ചു
രാധു : ഇനി കാണുമ്പോൾ നമ്പർ തരാം എന്നല്ലേ പറഞ്ഞെ, തന്നില്ലല്ലോ
ഞാൻ ശെരിക്കും ഞെട്ടിപോയി, അവൾ വേറെ ഒന്നും ചോദിക്കാതെ അത്ര ഓപ്പൺ ആയിട്ട് അന്നത്തെ കാര്യം ഓർത്തു ചോദിക്കും എന്ന് ഞാൻ സത്യത്തിൽ പ്രതീക്ഷിച്ചില്ല, ആ ഞെട്ടലിൽ തന്നെയാ നമ്പർ പറഞ്ഞു കൊടുത്തതും
നമ്പർ മൊബൈലിൽ സേവ് ആക്കിട്ട് അവൾ എന്നോട് ചോദിച്ചു .
രാധു : എപ്പോഴും എല്ലാവരോടും അന്നത്തെ പോലെ തന്നെയാണോ പെരുമാറുന്നെ ഒട്ടും മാനേഴ്സ് ഇല്ലാതെ.
സന്തോഷ് : അത് ഞാൻ അന്നത്തെ ഒരു മൂഡിൽ അങ്ങനെ പറ്റിപോയതാ, അതിനു ഞാൻ അന്നേ സോറി പറഞ്ഞതല്ലേ, വേണമെങ്കിൽ ഒന്നുടെ പറഞ്ഞേക്കാം സോറി സോറി സോറി. മതിയോ
രാധു : സ്വന്തം മൂഡ് വെച് മറ്റുള്ളവരെ ട്രീറ്റ് ചെയ്യുന്നത് മോശം അല്ലെ ചേട്ടാ, അതും ഒരു പരിജയവും ഇല്ലാത്ത പെൺകുട്ടികളോട്, അതൊക്കെ ശെരി ആണോ.
സന്തോഷ് : അല്ല അത് പിന്നെ ….
രാധു : ഞാൻ കാരണം എന്റെ ഫ്രണ്ട്സിനു ഒരുപാട് നാണക്കേട് ഉണ്ടായി. അത് എനിക്ക് നല്ല സങ്കടമായി. നിങ്ങളെ കാണുമ്പോൾ ഇതൊന്ന് പറയണം എന്നുണ്ടായിരുന്നു അത്രേ ഉള്ളു. ഓക്കേ അപ്പൊ ശെരി എന്നാൽ .. വാടി പോകാം
അതും പറഞ്ഞു വായും തുറന്ന് ഇരിക്കുന്ന സൂര്യയെ പിടിച്ചു എണീപ്പിച് രാധു പോകാൻ ഇറങ്ങി.
സന്തോഷ് : ഹേ ഹലോ എഡോ തന്റെ നമ്പർ തന്നില്ലല്ലോ, നമ്മൾ ഇനി കാണുമോ ..
രാധു : അതിന്റെ ആവശ്യം ഉണ്ടെന്ന് തോന്നുന്നില്ല. അപ്പോ ശെരി ചേട്ടാ ബൈ …
അത് കേട്ട് ഞാൻ അത്യാവശ്യം ചമ്മി അവർ പോകുന്നതും നോക്കി അവിടെ ഇരുന്നു.
സൂര്യ : എടി മോളെ നീ ഒന്ന് നിന്നെ, ഈ ട്വിസ്റ്റ് ഞാൻ ഒട്ടും പ്രതീക്ഷിച്ചില്ലടി, ഓ എന്റെ പൊന്നോ എന്തൊക്കെയാടി നീ അയാളെ പറഞ്ഞെ നിനക്കു ഞങ്ങളോട് ഇത്രേം സ്നേഹം ഉണ്ടെന്ന് ഞാൻ അറിഞ്ഞില്ലടി, ഞാൻ വിചാരിച്ചു നിനക്ക് അയാളെ കണ്ട് പ്രേമം ആയി നീ ഐ ലവ് യൂ പറയാൻ നടന്നതാന്നെ.
എന്തായാലും പൊളിച്ചു മുത്തേ. ലവ് യൂ ടി എനിക്ക് ഇത്രേം സന്തോഷം ഈ ഇടക്കാലത്തൊന്നും വന്നിട്ടില്ല. അയാളുടെ മുഖം ഒന്ന് കാണണം ആയിരുന്നു, ഓ ഓർക്കും തോറും നിന്നെ അങ്ങ് കടിച്ചുതിന്നാൻ തോന്നുവാടി പെണ്ണെ.
രാധു : അങ്ങനെ ഒന്നും ഞാൻ എന്റെ കൂട്ടുക്കാരെ വിട്ടുകൊടുക്കില്ല ടി. എനിക്ക് നിങ്ങളെക്കാൾ വലുതല്ല ഇന്നലെ കണ്ട ആ ചേട്ടൻ. ശെരി വാ സമയം കളയണ്ട റൂമിൽ പോയി കിടന്ന് ഉറങ്ങാം, നല്ല ക്ഷീണം ഉണ്ട്.
സൂര്യ : ഓക്കേ മോളെ കം ലൈറ്റ്സ് ഗോ ..
അന്ന് രാത്രി …
ശെരിക്കും ഇന്നവൾ യാദൃച്ഛികമായി അവിടെ വന്നതാണോ അതോ അവൾ എന്നെ തിരക്കി കണ്ടുപിടിച്ചതാണോ. എന്നാലും അവൾ എന്നോട് അങ്ങനെ ഒക്കെ പറയും എന്ന് ഞാൻ വിചാരിച്ചില്ല, അപ്പോൾ ആള് ടെറർ ആണ് കാണും പോലെ സോഫ്റ്റ് ഒന്നും അല്ല.
സത്യത്തിൽ അവൾ അങ്ങനെ ഒക്കെ പറഞ്ഞിട്ടും എനിക്ക് എന്താ അവളോട് ദേഷ്യം ഒന്നും തോന്നുന്നില്ലല്ലോ. പെണ്ണ് അത്ര സുന്ദരി ഒന്നും അല്ല പക്ഷെ എന്തോ ഒന്ന് അവളിൽ ഉണ്ട് , എല്ലാരേയും മയക്കുന്ന എന്തോ ഒന്ന് …
ശ്ശെ പുല്ല് പെണ്ണ് മനസ്സിൽ നിന്ന് പോകുന്നില്ലല്ലോ. ശെടാ ഉറക്കം വരുന്നില്ലാലോ അവളോട് സോറി ഒക്കെ പറഞ്ഞു അവൾ പോയതല്ലേ ഞാൻ എന്തിനാ പിന്നേം അവളെ തന്നെ ഓർത്തു ഓർത്തു ഇരിക്കണേ.. ഇങ്ങനെ ആണേൽ മോനെ സന്തോഷേ നീ കുറച്ച ബുദ്ധിമുട്ടും കേട്ടോ.
അവനു ശെരിക്കും ചിരി വരുന്നുണ്ടായിരുന്നു , അതെ പുഞ്ചിരിയോടെ തന്നെ അവൻ ഉറങ്ങി പോയി …