” ഓ നാളേം കൂടെ കഴിഞ്ഞാൽ ഓഫീസിൽ പോകേണ്ട ഒന്ന് ആലോചിക്കുമ്പോൾ ഇപ്പോൾ തന്നെ മടിയാകുന്നു..!! ”
സ്റ്റെല്ല എന്നിലേക്ക് ചേർന്ന് നിന്ന് കുറുകി കൊണ്ടിരുന്നു.
” അത് ശരി..!! മാസാവസാനം ശമ്പളം വേണോം താനും എന്നാൽ ഓഫീസിൽ പോകാൻ മടി. എന്താണ് മോളെ ?? ”
ഞാൻ ചെറുതായി അവളെ കളിയാക്കി കൊണ്ടന്ന പോലെ ചോദിച്ചു.
” ഓ പിന്നെ പറയുന്നത് നിനക്ക് ഇതൊന്നും ഇല്ലാത്തതുപോലെ.. നീ തിന്നണ്ട..!! ”
അവൾ പാത്രം കൊണ്ട് എന്റടുത്തു നിന്നും മാറ്റി പിടിച്ചു.
കുറച്ചു സമയം ഫോണിൽ കളിച്ചും ഓരോന്നും പറഞ്ഞും ഞങ്ങൾ സമയം ചെലവഴിച്ചു അതിനോടകം ചിക്കൻ ഏകദേശം പകുതി വെന്തിരുന്നു.
അവൾ അതുപോലെ എടുത്ത് വാങ്ങിവച്ച ശേഷം ഞങ്ങൾ രണ്ടുപേരും ഒരു ഉറക്കത്തിനായി കയറി കിടന്നു.
വൈകുന്നേരം ഏകദേശം ആറുമണിയോടെ അടുത്താണ് ഞങ്ങൾ എഴുന്നേറ്റത് അതും സ്റ്റെല്ല വിളിച്ച്എഴുന്നേൽപ്പിക്കുകയാണ് ഉണ്ടായത്.
അവൾ അന്ന മോളെയും കൂട്ടി നടക്കാൻ ഇറങ്ങുകയാണ് എന്ന് പറഞ്ഞു ഞാൻ ഒക്കേ എന്ന് പറഞ്ഞതിനുശേഷം ഒരു 10 മിനിറ്റ് കൂടി വീണ്ടും കിടന്നു.. അവൾ പോയി എന്ന് ഉറപ്പായത്തിനുശേഷം ഫോണെടുത്ത് സജിനെ വിളിച്ചു.
10 മിനിറ്റ് കൊണ്ട് അവൻ എൻറെ റൂമിലേക്ക് എത്തുകയും ചെയ്തു.
” സ്റ്റെല്ല ചേച്ചി പോയാരുന്നൊ ? ”
” ആം അവൾ ഇറങ്ങി ഏകദേശം അരമണിക്കൂർ മുക്കാൽ മണിക്കൂർ കഴിയും തിരിച്ചുവരാൻ ഇത് പതിവുള്ളതാണ് നീ കേറി വാ ”
” ചേട്ടായി നല്ല കിടിലൻ സാധനമാണ് ഞാൻ കുറെ നാൾ തപ്പിയിട്ടാണ് കിട്ടിയത് ഇനി ഇതെങ്ങാനും ചേച്ചി പിടിച്ചിട്ട് അവസാനം എന്റെ തല ഇടാൻ നിൽക്കരുത് പ്ലീസ് പറ്റാത്തത് കൊണ്ടാണ്… ”
” അതൊന്നുമില്ല ഞാൻ നോക്കിക്കോളാം നീ ധൈര്യമായിട്ട് ഇരി ”
ഏകദേശം അരമണിക്കൂറോളം ഞങ്ങൾ തമ്മിൽ വർത്തമാനം പറഞ്ഞ് ഇവിടെ ചെലവഴിച്ചിരുന്നു.
അപ്പോഴേക്കും സ്റ്റെല്ല മോളെയും കൂട്ടി മടങ്ങിവന്നിരുന്നു അവളുടെ കയ്യിൽ നല്ല കുറച്ചു ഫ്രൂട്ട്സും ഉണ്ട് അവൾ വന്നപ്പോഴേക്കും അവൻ പോകാൻ എഴുന്നേറ്റു.
” അതെന്നാടാ ഞാൻ വന്നപ്പോഴേക്കും നീ പോകാൻ തുടങ്ങുന്നത്..?? ”
” ഒന്നുമില്ല ചേച്ചി സമയമില്ലായിരുന്നു എന്തായാലും ചേച്ചി വന്നതല്ലേ കുറച്ചുനേരം കഴിഞ്ഞിട്ട് പോകുന്നുള്ളൂ..!! ”
അവൻ വേഗം പോയി മോളെ കയ്യിലേക്ക് എടുത്തു.
” നീ ഇവിടെ നിൽക്ക് ”
അവൾ അകത്തേക്ക് പോയി കൈയിൽ ചായയുമായി പുറത്തേക്ക് വന്നു, പിന്നെ കുറച്ച് സമയം കൂടി ഞങ്ങൾ തമ്മിൽ എല്ലാവരും അവിടെ തന്നെ സമയം ചെലവഴിച്ചു.
ഇടയ്ക്ക് സ്റ്റെല്ലയുടെ തീരെ പ്രതീക്ഷിക്കാതെ ചോദ്യം
” എടാ ചെക്കാ നിനക്ക് ഇപ്പോഴും മറ്റേ പരിപാടി ഉണ്ടോ ?? ”
ഞങ്ങൾ രണ്ട് പേരും ഒരു പോലെ ഞെട്ടി..!!!
” ഏയ് ഇല്ല ചേച്ചി ഞാൻ അതൊക്കെ നിർത്തിയി ”
” നിർത്തിയാൽ നിനക്ക് നല്ലത് നീ വല്ലപ്പോഴും കള്ള് കുടിക്കുന്ന പോലെയല്ല ഇതൊക്കെ.. പറഞ്ഞത് മനസ്സിലാകുന്നുണ്ടോ ?? ”
” ഉണ്ട് ചേച്ചി ഞാനിപ്പോ അങ്ങനെ ഉപയോഗിക്കാറൊന്നുമില്ല ”
അവൻ പക്കാ നിഷ്കളങ്കനായി.
” ആണെങ്കിൽ നിനക്ക് നല്ലത് ഞാൻ പറഞ്ഞെന്നേയുള്ളൂ. പിന്നെ ഇനി ഇങ്ങേരെങ്ങാനും അത് ഉപയോഗിച്ചെന്ന് അറിഞ്ഞാൽ രണ്ട് കയ്യും ഞാൻ വെട്ടും ഉറപ്പിച്ച കാര്യം തന്നെയാണ്… !! ”
എൻറെ നെഞ്ചിൽ ഒരു ഇടിവെട്ടി വീടിനകത്ത് ന്യൂക്ലിയർ ബോംബ് വെച്ചാണ് ഞാൻ ഇരിക്കുന്നത് എന്നതാണ് സത്യം.
കുറച്ചുനേരം കൂടി അവിടെ തന്നെ ശേഷവും സജിൻ ഞങ്ങളുടെ യാത്ര പറഞ്ഞിറങ്ങി.. സമയം പിന്നെയും മുന്നോട്ട് ഓടിക്കൊണ്ടിരുന്നു.
രാത്രിക്കത്തെ അത്താഴം കഴിച്ചു ഞങ്ങൾ മൂന്നുപേരും കൂടി ചെറുതായി ഒന്നു കൂടി നടക്കാൻ ഇറങ്ങി.
ഇലക്ട്രോണിക് സിറ്റിയുടെ തെരിവുകളിൽ ആളുകൾ ഇപ്പോൾ രാത്രി നടത്തം പതിവുള്ളതാണ് ആ കൂട്ടത്തിൽ ഞങ്ങളും ചേർന്നു.. ചെറിയ ചായ കുടിച്ച്
ഏകദേശം 11 മണിയോട് അടുത്താണ് ഞങ്ങൾ തിരികെ വന്നത്..!!
” ആൽബി ഞാനൊന്നു ഞാനൊന്നു മേൽ കഴുകട്ടെ ”
അവൾ ബാത്ത് റൂമിലേക്ക് കയറി.
” എടി ഞാൻ കുളിക്കുന്നില്ല ഞാൻ വൈകുന്നേരം കുളിച്ചത് ആണ് ”