” നീല കായലുപോൽ പോൽ തോന്നും ഓമൽ കണ്ണാണ് ……
മുടി കാർമുകിലും തോൽക്കും നാടൻ ചേലാണ്.. ……. “
എന്ന ഏതോ ഒരു സിനിമയിലെ വരികൾ ബാഗ്രൗണ്ടിൽ കേൾക്കുന്ന സമയം എൻ്റെഅച്ചൂ എന്നെ നോക്കി ഓടിവരികയായിരുന്നൂ….. അടുത്ത് വന്നതും എന്നെ കെട്ടിപിടിക്കാൻ മുതിർന്ന അച്ചൂനേ തളളി നീക്കി എൻ്റെ സ്വന്തം ഏടത്തി മുന്നിൽ നിന്നൊരൊറ്റ അലറലായിരുന്നു….
” എടാ….. “
വിളിയോടൊപ്പം പുറത്തിനിട്ട് ഒന്ന് കിട്ടിയപ്പോൾ ആണ് എഴുന്നേൽക്കണമെന്നൊരൂ തോന്നല് വരെ എനിക്ക് ഉണ്ടായത്… കണ്ടത് വെറും സ്വപ്നമായിരുന്നു എന്ന് മനസിലാക്കാൻ എനിക്ക് ഒരുപാട് സമയമൊന്നും വേണ്ടിവന്നില്ല ….. കണ്ണ് തുറന്ന് നോക്കുമ്പോൾ ഏടത്തി മുന്നിലുണ്ട്…. കൈയ്യിലെൻ്റെ ഫോണും … കേട്ട പാട്ട് എൻ്റെ ഫോണിൽ നിന്നായിരുന്നു …. അച്ചൂൻ്റെ സ്പെഷ്യൽ റിംങ് ട്യൂണാണല്ലോ അത്…. ഞാൻ ചാടി എഴുന്നേറ്റ് അവരുടേ കൈയ്യിൽനിന്ന് ഫോൺ പിടിച്ച് വാങ്ങി കോൾ കട്ട് ചെയ്തു ..
” എന്തിനാ കട്ട് ചെയ്തേ…. അവള് അമ്പലത്തിൽ പോകാൻ വിളിക്കുന്നതാ….. “
അതും പറഞ്ഞൊന്ന് ചിരിച്ച് ഏടത്തി മുറിക്ക് വെളിയിലേക്ക് ഇറങ്ങി… ഓഹോ … അപ്പോ ചേച്ചി കോൾ ആദ്യം തന്നെ എടുത്തിരുന്നു അല്ലേ….
” ചിന്തിച്ചോണ്ട് ഇരിക്കാതെ എഴുന്നേറ്റ് പോടാ..അവളവിടെ നിന്നേം നോക്കി നിക്കാൻ തുടങ്ങീട്ട് സമയം കുറേയായി ….”
ഏടത്തി അതും കൂടി പറഞ്ഞപ്പോ എൻ്റെ സംശയം പൂർത്തിയായീ……. എഴുന്നേറ്റ് തയ്യാറാവാൻ തുടങ്ങുമ്പോഴാണ് അച്ചൂ വീണ്ടും വിളിച്ചതും…
” ചേട്ടായി ഇതെവിടയ്യാ … ഇന്നെങ്ങാനും വരുവോ…. ഞാൻ ഒരുപാട് നേരായീ ഇവിടെ നിക്കാൻ തുടങ്ങീട്ട്….”
” .അല്ല അച്ചൂ.. നീ എവിടെയ്യാ…”
അവള് പറയ്യുന്ന കേട്ടപ്പോ അവള് എൻ്റെ വീടിന് മുന്നിലുണ്ടോ എന്നെനിക്കൊരു സംശയം .
” ദേ.. എൻ്റെ വായീന്ന് ഒന്നും കേക്കരുത്ട്ടോ.. ഞാൻ ഇവിടെ ബസ്സ് സ്റ്റോപ്പിലാ…. ഇപ്പ രണ്ട് ബസ്സ് പോയി…. പെട്ടെന്ന് വാ…. കഴിക്കാനൊന്നും നിക്കണ്ട….”
എല്ലാം ഒറ്റ ശ്വാസത്തിൽ പറഞ്ഞ് അവള് ഫോൺ കട്ട് ചെയ്തു .സമയം നോക്കിയപ്പോ ഏഴ് പത്തേ ആയിട്ടുള്ളൂ. ഇത്ര നേരത്തെ എന്തിനാ പോണെ ആവോ… ഞാൻ ചാടി എഴുന്നേറ്റ് ഒരുങ്ങി പുറത്തേക്ക് ഇറങ്ങാന്നേരം ഏടത്തി ഓടിവന്നു
” ഇന്നവളുടേ പിറന്നാളല്ലെ… എന്തേലും വാങ്ങി കൊടുക്കണം ….”
എന്ന് പറഞ്ഞ് അവര് എനിക്ക് കുറച്ച് കാശ് തന്നു.. സന്തോഷത്തോടെ ഞാനാ കാശ് വാങ്ങി കീശയിലിട്ട് പുറത്തിറങ്ങിയപ്പോഴാണ് അവളുടെ പിറന്നാൾ ആണിന്നെന്ന് ചേച്ചി എങ്ങനെ അറിഞ്ഞു എന്ന സംശയം വന്നത്… അത് തീർക്കാൻ തിരിച്ച് വീട്ടിലേക്ക് കയറി ചെന്ന ഞാൻ ചെന്ന് പെട്ടത് അമ്മയുടെ മുന്നിൽ ….
” അമ്മക്കിന്ന് പണിയില്ലേ….. “
തെല്ലൊന്ന് ചോർന്നു പോയ ധൈര്യം വീണ്ടെടുത്ത് ഞാൻ ചോദിച്ചു ….
” അതിന്ഇന്ന് ഞായറാഴ്ച ആടാ…. “
ഞായറാഴ്ച വില്ലേജ് ഓഫീസിലെന്ത് ജോലി …. എനിക്ക് അബദ്ധം പറ്റി .. ധൈര്യം ഒക്കെ വീണ്ടും ചോർന്നു പോയി …
” നീയ്യിതെങ്ങോട്ടാ ഇത്ര രാവിലെ?….”
” ഞാൻ അമ്പലത്തി പോകുവാ…. “
പറഞ്ഞതിനോടൊക്കെ ഞാൻ ഇറങ്ങി ഒറ്റ ഓട്ടം ആയിരുന്നൂ….
” അതിന് അമ്പലത്തിൽ കേറാൻ നീ കുളിച്ചില്ലല്ലോ ഡാ ചെറുക്കാ…”
എന്ന് അമ്മ വിളിച്ച് പറഞ്ഞത് മനപൂർവ്വം ഞാൻ കേട്ടില്ല എന്ന് വച്ചൂ… ഇനി സംശങ്ങളെല്ലാം അച്ചൂനോട് തന്നെ ചോദിച്ചു നോക്കാം … അതിനിയിപ്പോ അവൾക്കിട്ടൊന്ന് പൊട്ടിച്ചിട്ടാണെങ്കിലും ഇന്നെല്ലാം അറിയണം … എന്നൊക്ക വിചാരിച്ച് കിട്ടിയ ഒരു ഓട്ടോറിക്ഷയും പിടിച്ച് അവള് കാത്തുനിൽക്കുന്ന ബസ്സ് സ്റ്റോപ്പില് ചെല്ലുമ്പോൾ ഒരു പട തന്നെ ഉണ്ടായിരുന്നു അവളുടെ കൂടെ… ശ്രുതിയും കാവ്യയും കൂടെ മനുവും… ഞാൻ ഒന്നമാന്തിച്ചാണ് അവരുടെ അടുത്തേക്ക് ചെന്നത്.. ചെന്നതും എല്ലാവരെം ഒന്ന് വിഷ് ചെയ്ത് അച്ചൂനേ നോക്കി… നീല കളർ ധാവണിയിലവളെ കാണാൻ നല്ല ഭംഗി തോന്നി എനിക്ക്…
” ചേട്ടായീ….അമ്മ ഒറ്റക്ക് പോകാൻ സമ്മതിച്ചില്ല… ശ്രുതിനെ കൂട്ടിന് വിളിച്ചതാ അപ്പോൾ അവള് കാവ്യനെ വിളിച്ചു… കാവ്യ വരുന്നുണ്ട് എന്ന് പറഞ്ഞപ്പോ അവനും കൂടേ ഇറങ്ങീ……. “
എന്നെ കണ്ടതേ എൻ്റെ അടുത്തേക്ക് ഓടി വന്ന അച്ചൂ പതിഞ്ഞ സ്വരത്തിൽ പറഞ്ഞു ….
” ഈ ധാവണി സൂപ്പറയിട്ടുണ്ട്….”
എൻ്റെ മറുപടി കേട്ട അവളുടെ മുഖം നാണം കൊണ്ട് ചുവന്നിരുന്നു ….
( ഈ ഭാഗം താമസിച്ചതിനു ക്ഷമ ചോദിക്കുന്നു..)
തുടരും.._
