രണ്ടും വളർന്നിട്ടുണ്ട് 3എന്നിട്ടെന്താ ഇപ്പോഴും രണ്ടിന്റെയും എല്ലാ കാര്യവും ഞാൻ തന്നെ ചെയ്യണം..
ഹാ നിങ്ങൾക്കു ഇപ്പൊ അതും പറഞ്ഞു വിളിച്ചാൽ പോരെ..
അല്ല നിങ്ങടെ കൈവേദന എങ്ങിനെയുണ്ട് മാറിയോ.
പിന്നെ കേട്ടത് വളരെ നേരിയ ശബ്ദത്തിൽ.
അതാ പറഞ്ഞെ ഒരു രണ്ട് മാസം ലീവെടുത്തു വരാൻ അപ്പൊ എല്ലാത്തിനും പരിഹാരം കിട്ടുമല്ലോ
എന്നു പറഞ്ഞോണ്ട് ചെറു പുഞ്ചിരിയോടെ. അതേ ഇങ്ങോട്ട് വന്നാൽ എല്ലാം ഞാൻ ശരിയാക്കി തരാം കേട്ടോ . ഉഴിഞ്ഞോ കടഞ്ഞോ എങ്ങനെയെന്നു വെച്ചാൽ അതുപോലെ
അല്ലേൽ പിന്നെ അവിടെ മലർന്നു കിടന്നു ഉയിഞ്ഞു കൊണ്ടിരുന്നോ അല്ല പിന്നെ.
അതല്ല ഇനി വേറെ വല്ലവളും കടയുന്നുണ്ടോ ആവോ.
ദേ മനുഷ്യ പിള്ളേര് വലുതായി അതോർമയുണ്ടായിക്കോട്ടെ.
വല്ലവളും എന്റെ മക്കളുടെതിന്നു ഭാഗം ചോദിച്ചേച് വരാതിരുന്നാൽ മതി..
ലേഖേ ആരാ രാജീവ് ആണോ
അതേ അമ്മേ
ദേ അമ്മെക്കെന്തോ പറയണം എന്നു തോന്നുന്നു..
എന്നു പറഞ്ഞോണ്ട് അമ്മ ഫോൺ അച്ഛമ്മക്ക് കൊടുത്തു..
പിന്നെ കേട്ടത് എടാ രാഹുലെ നി ഇനിയും എഴുന്നേറ്റില്ലേ എന്നുള്ള വിളിയായിരുന്നു.
ആ അമ്മേ ദാ വരുന്നു.
അതെങ്ങിനെയാ നേരം അന്തി പാതിരായ്ക്ക് അല്ലേ വീട്ടിലോട്ടു കയറുകയുള്ളൂ.. വന്നാലോ കഴിക്കാനോ ഒന്നും തന്നെ വേണ്ട എന്നാൽ
കുളിക്കുകയെങ്കിലും ചെയ്തുകൂടെ.
കയറി അങ്ങ് കിടക്കും. എല്ലാം ചെയ്തു തരാൻ ഈ ഞാനൊരാൾ ഉണ്ടല്ലോ അല്ലേ.
എഴുനേറ്റു പോയി കുളിച്ചേച്ചും വാ
ഹ്മ് വരുന്നമ്മേ.
ആ അതും പറഞ്ഞോണ്ട് ഇനിയും കയറി കിടക്കാനാണ് ഭാവമെങ്കിൽ തലയിൽ വെള്ളം കൊണ്ടു വന്നു ഒഴിക്കും കണ്ടോ നീ..
എന്താ ലേഖേ അവിടെ ഒരു മുറുമുറുപ്പ്.
ഒന്നുമില്ല അച്ഛാ നിങ്ങടെ പുന്നാര പേര കിടാവിനോട് ഒന്ന് കുളിക്കാൻ പറയുന്നതാ.
ആ അവനെണീറ്റോ ഇത്ര നേരത്തെയോ.
ഹാ നല്ല അച്ചാച്ചൻ പിന്നെങ്ങിനെ അവൻ ഇങ്ങിനെ ആകാതിരിക്കും..
നിങ്ങളാണ് അച്ഛാ അവനെ ഇത്രയും വഷളാക്കുന്നെ..
മോളെ അവൻ കൊച്ചു കുട്ടിയല്ലേ അതാ.
ഹ്മ് കൊച്ചുകുട്ടി അതും പറഞ്ഞു അച്ചാച്ചനും മോനും നടന്നോ.
ചെറുക്കനെ കല്യാണ പ്രായമായി തുടങ്ങി.. എന്നിട്ടും നിങ്ങൾക്കു അവൻ കൊച്ചു കുട്ടിയാ..
അതേ അവന്റെ അച്ഛനും ഇങ്ങിനെ തന്നെ ആയിരുന്നു മോളെ. നിന്നെ കെട്ടുന്നതിനും രണ്ട് വർഷം മുന്നേ വരെ. പിന്നെ വിദേശത്തു പോയ ശേഷമാ അവൻ മാറിയത്. അതുപോലെ എന്റെ കൊച്ചുമോനും മാറും.അല്ലെടാ മോനെ.
ഹ്മ് എന്നു പറഞ്ഞോണ്ട് ഞാൻ അച്ചാച്ചന്റെ അടുത്തേക്ക് എത്തിയതും അമ്മയും അങ്ങോട്ടേക്ക് കയറിവന്നു.
ഞാൻ അച്ചാച്ചനെ കെട്ടിപിടിക്കാനായി തുനിഞ്ഞതും അച്ചാച്ചൻ ഒരടി പിന്നോട്ടാഞ് കൊണ്ടു..
മോളെ നീ പറയുന്നതിലും കാര്യമുണ്ട് ഒന്ന് പോയി കുളിച്ചു വാടാ മോനെ.
അതുകേട്ടു അമ്മ ചിരിച്ചു കൊണ്ടു ഇപ്പൊ എങ്ങിനെയുണ്ട് അച്ഛാ ഞാൻ ഇവനെ വഴക്ക് പറയുന്നതിൽ വല്യ തെറ്റുമുണ്ടോ..
അവൻ കുളിക്കാൻ പോകുകയല്ലേ മോളെ പിന്നെന്തിനാ നീ അവനെ വഴക്ക് പറയുന്നേ അല്ലെടാ മോനെ.
നീ വേഗം പോയി കുളിച്ചു സുന്ദരനായി വാ മോനെ നമുക്ക് ഒരിടം വരെ പോകാനുണ്ട്..
എങ്ങോട്ടാ അച്ഛാ.
മോളെ അത് നമ്മുടെ വക്കീലിനെ ഒന്ന് കാണണം. തെക്കേലെ ആ ഭൂമി
യുടെ കേസ് എന്തായി എന്നൊക്കെ അറിയേണ്ടേ..
അതങ്ങിനെ കണ്ണി കണ്ടവർക്ക് അനുഭവിക്കാൻ കൊടുക്കാൻ പറ്റില്ലല്ലോ നാളെ എന്റെ ഈ കൊച്ചുമോനും കൊച്ചുമോൾക്കും അനുഭവിക്കാൻ ഉള്ളതാ..
ഹ്മ് അവര് അത് ഒഴിഞ്ഞു പോകും എന്നു തോന്നുന്നില്ല അച്ഛാ.
അതിനല്ലേ മോളെ കോടതിയിൽ കേസ് ഫയൽ ചെയ്തത്. ഇപ്പൊ വിസ്താരം ഒക്കെ കഴിഞ്ഞില്ലേ ഇനി ഒരു രണ്ടുമാസം ക്കൂടി അതുകഴിഞ്ഞാൽ വിധിയുണ്ടാകും എന്നാ വക്കീൽ അന്ന് പറഞ്ഞത്.
ഞാൻ കഷ്ടപ്പെട്ട് ഉണ്ടാക്കിയ മൊതലാ മോളെ അത് കണ്ടവന്മാർക്ക് അനുഭവിക്കാൻ ഞാൻ കൊടുക്കില്ല..
എന്റെ മക്കൾക്ക് വേണ്ടിയാ ഞാൻ കഷ്ടപെട്ടത് അല്ലാതെ..
ഹ്മ് അച്ഛാ ചേട്ടൻ വിളിച്ചപ്പോഴും അതുതന്നെയാണ് ചോദിച്ചേ.
അവൻ ഇവിടെ ഇല്ലാത്തതു ആണ് മോളെ നല്ലത്.
കഴിഞ്ഞ പ്രാവിശ്യം വന്നപ്പോളുണ്ടായ കോലാഹലം എല്ലാം നമ്മൾ കണ്ടതല്ലേ.
അതാ എന്റെയും ആദി അച്ഛാ.
ചേട്ടന്റെ ലീവ് ആകുമ്പോഴേക്കും അതിന്റെ വിധി വന്നു നമുക്ക് അനുകൂലം ആയാൽ മതിയാർന്നു.
അമ്മയെവിടെ മോളെ.
അകത്തുണ്ട് തല വേദനിക്കുന്നു എന്നു പറഞ്ഞപ്പോ ഞാൻ മരുന്ന് കൊടുത്തിട്ടുണ്ട് ഇപ്പൊ ഉറങ്ങിയിട്ടുണ്ടാകും.
ഹ്മ് അവളെ ഉണർത്തേണ്ട കിടന്നോട്ടെ ഞാൻ ഇവനെയും കൂട്ടി പോയി വരാം മോളെ.
ഹ്മ് ശരിയച്ച..
പത്തു കൊല്ലമായിട്ട് കോടതിയും കേസുമായി നടക്കുകയാ അച്ചാച്ചൻ.
അച്ചാച്ചൻ ഒരു കേന്ദ്ര ഗവണ്മെന്റ് ജീവനക്കാരൻ ആയിരുന്നു.
ഞങ്ങളിപ്പോൾ നിൽക്കുന്ന ഭൂമി തന്നെ നാല് ഏക്കറിന് മുകളിലുണ്ട് ഇതെല്ലാം അച്ചാച്ചന്നു കുടുംബ വിഹിതം ആയിട്ട് കിട്ടിയതാ.
അച്ചാച്ചന്റെ അച്ഛനും അമ്മയ്ക്കും ഒരേ മകൻ മാത്രമേ ഉണ്ടായിരുന്നുള്ളു. ഇട്ടുമോടാനുള്ള സ്വത്തുക്കൾ ഉണ്ട് താനും.
അച്ചാച്ചൻ പഠിപ്പ് കഴിഞ്ഞു ജോലിക്കുള്ള ശ്രമം ആരംഭിച്ചപ്പോയെ അച്ചാച്ചന്റെ അമ്മയും അച്ഛനും ഇനി നിനക്കെന്തിനാ ഒരു ജോലി കണ്ടവന്മാരുടെ വായിൽ ഇരിക്കുന്നത് കേട്ടു അവിടുന്ന് കിട്ടുന്നതിലും കൂടുതൽ നിനക്ക് ഇവിടെ ഇരുന്നു ഉണ്ടാക്കിക്കൂടെ എന്നു പറഞ്ഞു നോക്കിയെങ്കിലും അച്ചാച്ചൻ അത് കേൾക്കാതെ വാശി പിടിച്ചു ജോലിക്ക് കയറിയതായിരുന്നു. ഇത്രയും പഠിപ്പും വിദ്യാഭ്യാസവും ഉണ്ടായിട്ടും എന്തിനാ വെറുതെ കളയുന്നെ എന്നു കരുതിക്കാണും..
പിന്നെ നാട്ടുകാരുടെ ഇടയിൽ ഒരു അഭിമാനവും അതിന് വേണ്ടിയായിരുന്നു.
അച്ഛമ്മയെ ജോലി സ്ഥലത്തു നിന്നും കണ്ട് ഇഷ്ടപ്പെട്ടു കൂടെ ഇറക്കി കൊണ്ടു പോന്നു എന്നൊക്കെ അച്ചാച്ചൻ ഇടയ്ക്കു പറയാറുണ്ട്.
അച്ചാച്ചന്റെ അച്ഛനും അമ്മയും എതിർക്കാനൊന്നും പോയില്ലത്രേ.
ഒരേ മകൻ അവനിഷ്ടമുള്ളത് എന്തിനാ നമ്മളായിട്ട് മുടക്കുന്നെ എന്നു കരുതിക്കാണും.
ചെറിയ പ്രായത്തിലെ അമ്മമ്മയെ കണ്ടാൽ ആരും കുറ്റം പറയില്ല കേട്ടോ.. അതും ഒരു കാരണമായിരുന്നിരിക്കാം.
അച്ചാച്ചനെ പോലെ തന്നെ യായിരുന്നു അച്ഛനും ഒരേ ഒരു മകൻ. അവരുടെ വംശം മൂന്നാല് തലമുറ ആയിട്ട് അതെ പോലെ യായിരുന്നു എന്നു അച്ചാച്ചൻ പറഞ്ഞു കേട്ടിട്ടുണ്ട്..
അമ്മയെ പക്ഷെ ചാടിച്ചു കൊണ്ടുവന്നതൊന്നും അല്ല കേട്ടോ.
അച്ചാച്ചന്റെയും അച്ഛമ്മയുടെയും കൂടെആയിരുന്നു മുത്തശ്ശൻ ജോലി ചെയ്തിരുന്നത്.
അങ്ങിനെ ആ ബന്ധത്തിലൂടെ ഉരി തിരിഞ്ഞു വന്ന ആലോചന ആയിരുന്നെത്രെ.
അച്ഛന് അമ്മയെ കണ്ടപ്പോയെ ഫ്ലാറ്റ് ആയേത്രെ.ഇതും പറഞ്ഞു അമ്മ അച്ഛനെ ഒരുപാട് കളിയാകാറുണ്ട്.
ഇപ്പോഴും..
അമ്മയുടെ വീട്ടുകാരും അത്ര മോശക്കാര് അല്ല കേട്ടോ അവരും ആ നാട്ടിലെ പ്രമാണിമാർ തന്നെയായിരുന്നു..
