“ അല്ല തമ്പ്രാൻ കാവിലേക്കാ ചേട്ടാ… ഉടനെ എത്തുമോ…എത്ര കിലോമീറ്റർ ഉണ്ട് “…. മഹി അയാളെ നോക്കി…
“ ഗോപീ…. എന്തുവാടെ ഇന്ന് നേരം വെളുത്തപ്പോൾ തൊട്ട് തബ്രാൻ കാവിനെ കുറിച്ച് ആണല്ലോ എല്ലാവരും ചർച്ച… താൻ പത്രത്തിൽ നിന്നും വന്നത് ആണോ….”
ഇത്തവണ ഡ്രൈവർ ചേട്ടൻ്റെ ആയിരുന്നു ചോദ്യം…
“ അല്ല ചേട്ടാ ജോലിക്ക് വന്നതാ…അവൻ ചിരിച്ചു കൊണ്ട് പറഞ്ഞു…”
“ ഹാ…ബേസ്റ്….പട്ടണത്തിൽ നല്ല സ്ഥലം ഒന്നും ഇല്ലേ മോനെ ജോലി ചെയ്യാൻ ഈ ചെകുത്താൻ കോട്ടയിലേക്ക് തന്നെ വരണോ….”
ഒരു ആകിയുള്ള ചിരിയോടെ ആയിരുന്നു അയാളുടെ ചോദ്യം…
“ അതെന്ന ചേട്ടാ അങ്ങനെ ഒരു ചോദ്യം… ഇവിടെ ജോലി ചെയ്യാൻ ഇവിടുത്തെ ആൾക്കാർ സമ്മതിക്കില്ലേ…”
അയാള്ക്ക് ഇട്ട് താങ്ങി കൊണ്ട് മഹി ഒന്ന് എറിഞ്ഞു നോക്കി….
“ ഇവിടെ ജോലിക്ക് വന്നവമ്മാർ ഒന്നും എവിടുന്ന് ജീവനോട് പോയ ചരിത്രം ഇല്ല മോനേ …. ഇന്നലെ ഒരുത്തൻ തമ്പ്രാൻ കാവിൽ തീർന്നതെ ഉള്ളൂ..അവൻ പിന്നെ ഇവിടുത്തെ നാട്ടുകാരൻ കൂടി ആയിരുന്നു….”
അയാള് പറഞ്ഞു നിർത്തിയതും മഹി ഒന്ന് ഞെട്ടി….
“ എന്താണ് ചേട്ടാ നടന്നത് കൊലപാതകം ആണോ…” അവൻ അവളെ നോക്കി…
“ അതൊന്നും അല്ലടാ ചെക്കാ… യക്ഷി പിടിച്ചെന്ന നാട്ടിൽ പറയുന്നെ… നി ഈ പറയുന്ന യഥാർത്ഥ തമ്പ്രാൻ കാവിൻ്റെ ചുവട്ടിൽ കിടന്നു ആണ് കിട്ടിയത്….”
അയാള് ഡ്രൈവിങ്ങിൽ ശ്രധിച്ചു കൊണ്ട് മുന്നോട്ട് നോക്കി കൊണ്ട് അയാള് പറഞ്ഞു….
“ എൻ്റെ പൊന്നു ചേട്ടാ … ചേട്ടന് ഇതിലൊക്കെ വിശ്വാസം ഉണ്ടോ…ഓരോ വിശ്വാസങ്ങൾ…”
അവൻ പുച്ഛിച്ചു കൊണ്ട് പറഞ്ഞു നിർത്തി ….
“ നിങ്ങള് പട്ടണത്തിൽ കിടക്കുന്നവർക്ക് ഇതിൽ ഒന്നും ഒരു വിശ്വാസവും ഇല്ല…ഇവിടെ വന്നവന്മാരും ഇതേ ഡയലോഗ് അടിച്ചിട്ട് തന്നെ ആണ് കാട് കയറിയത് ഇതുവരെ തിരിച്ച് ഇറങ്ങിയിട്ടില്ല ഒരുത്തനും… “
ഇത്തവണ ജിപ്പിലെ കിളി ആയിരുന്നു പറഞ്ഞത്….
“ പിന്നെ മോനെ ഇന്നലെ ചത്തവൻ്റെ ദേഹത്ത് ഒരു തരി രക്തം ഇല്ലായിരുന്നു… ആകെ വിളറി വെളുത്ത് കണ്ണും തള്ളി… നക്കും പുറത്തിട്ട് വല്ലാത്ത ഒരു രൂപം ഹോ….ഓർക്കുമ്പോൾ തന്നെ വല്ലാത്ത പോലെ….”
ഡ്രൈവർ ചേട്ടൻ ശരീരം വിറച്ചു കൊണ്ട് ആണ് അതു പറഞ്ഞത്….
“ മോനെ… ഒരു മനുഷ്യൻ ആണ് എങ്കിൽ ഇങ്ങനേ ഉള്ള രക്തം ഊറ്റിക്കൊണ്ട് പോകുമോ… അവൻ ആര് കൊതുകിന് ഉണ്ടായ്യവൻ ആണോ…”
കിളിയുടെ മറുപടിക്ക് ഡ്രൈവർ ചേട്ടൻ പൊട്ടി ചിരിച്ചു….
മഹിക്ക് ഒന്നും പറയാൻ ഉണ്ടായിരുന്നില്ല അവൻ മൗനം പാലിച്ചു നിന്നു…അവൻ്റെ മനസ് ആകെ കുഴഞ്ഞു മറിയുക ആയിരുന്നു…എന്തൊക്കെയോ ചിന്തകള് അവന് മുന്നിലൂടെ കടന്നു പോയി ..അവൻ പുറത്തെ കാഴ്ചകൾ നോക്കി കൊണ്ട് ഇരുന്നു…
ഇപ്പോള് ജീപ്പ് പോകുന്നത് അത്യാവശ്യം വീടുക്കൾ ഉള്ള സ്ഥലത്ത് കൂടെ ആണ്…അവൻ അവൻ്റെ പോക്കറ്റിൽ നിന്നും ഫോൺ എടുത്തു നോക്കി…
വണ്ടി മുന്നോട്ട് പോകുന്നതിന് അനുസരിച്ച് സിഗ്നൽ ബാറുകളുടെ എണ്ണത്തിൽ കുറവ് വരാൻ തുടങ്ങി അവസാനം ഒന്നിൽ വന്നു നിന്നു…
ജീപ്പ് കുറച്ച് ദൂരം പോയതും ഒരു വളവിലായി വളച്ച് നിർത്തി…. “
ഈ കാണുന്ന വഴിയെ താഴേക്ക് പോയാൽ മതി വളവ് കഴിഞ്ഞാൽ കാവ് ആണ്….” ഡ്രൈവർ അവനെ നോക്കി പറഞ്ഞു…
അവൻ കാശ് കൊടുത്തു ജീപിൽ നിന്നും ഇറങ്ങി…
മോനെ… മോൻ എങ്കിലും ലീവിന് നാട്ടിൽ പോകണേ…. എങ്ങും കാണാതെ പോകല്ലേ ….തിരിച്ചു പോകുമ്പോൾ ഈ ജീപ്പിൽ തന്നെ ആയിരിക്കണം പോകേണ്ടത് കേട്ടോ…”
ഡ്രൈവർ ചേട്ടൻ തല വെളിയിലേക്ക് ഇട്ടു താഴേക്ക് ഇറങ്ങി പോകുന്ന അവനെ നോക്കി ഉറക്കെവിളിച്ചു പറഞ്ഞു ….
“ അവൻ കേട്ടോ എന്തോ…എത്ര പേരാണ് ഇപ്പൊൾ തന്നെ…ദൈവമേ അവനെ കാത്തോളണേ ജീപ്പിൽ ഒട്ടിച്ചു വച്ചിരുന്ന ദൈവത്തിൻ്റെ ഫോട്ടോ നോക്കി ഡ്രൈവർ പറഞ്ഞു വണ്ടി മുന്നോട്ടെക്ക് എടുത്തു…..”