തോടിൻ്റെ അടുക്കലേക്ക് അടുക്കും തോറും …കല്ലിൽ തുണി അടിച്ചലക്കുന്ന ശബ്ദം ഇരുവരുടെയും ചെവികളിൽ അലയടിച്ചു …നടന്നു തോടിനോട് അടുക്കും തോറും . .ശബ്ദം കൂടി വന്നു…
മഹിക്ക് അതു കേട്ട് സമാധാനം ആയി ഒരാൾ എങ്കിലും ഉണ്ടില്ലോ…ഇവിടെ അടുത്ത് തന്നെ വീട് ഉണ്ടാകും എന്ന് അവൻ ഊഹിച്ചു….
എന്നാല് ശബ്ദം കേട്ടതും പ്രിയ ചെറുതായി ഒന്ന് വിരണ്ടു അവളുടെ നടത്തത്തിൻ്റെ വേഗത നല്ലപോലെ കുറഞ്ഞു മഹിയും അത് ശ്രദ്ധിച്ചു..അവള് ഇതുവരെ ഒന്നും മിണ്ടുന്നില്ല… അവൾക്ക് ആകെ ഒരു വെപ്രാളം പോലെ …
എന്നാലും കൂരിരുട്ട് വ്യാപിക്കുന്ന അസമയത്തു ആരാണ് തോട്ടിൽ തുണി അലക്കുന്നത് എന്നുള്ള സംശയം പെട്ടെന്നു അവൻ്റെ ഉള്ളിൽ തികട്ടി .. അവൻ്റെ ഉള്ളിലെ സംശയം അതു പ്രിയയോട് ചോദിച്ചു….
എന്നാൽ അവള് അതിനു മറുപടി ആയി ഒന്നും മിണ്ടിയുമില്ല ..
ഇരുവരും കുളത്തിന് അരികിലേക്ക് അടുക്കും തോറും ആ ശബ്ദം കൂടി കൊണ്ട് ഇരുന്നു….പ്രിയ അവൻ്റെ കയ്യിലേക്ക് മുറുകെ പിടിച്ചു അവളുടെ കൈ നല്ലപോലെ വിറക്കുന്നുണ്ടായിരുന്നു….
മഹി അവൻ്റെ ഫോണിൻ്റെ നിലത്തേക്ക് അടിച്ചു….നിലത്തെ വെളിച്ചത്തിൻ്റെ പ്രതിബിംബത്തിൽ ഇരുവരും തൊട്ടിൻ കരയിൽ നിന്നിരുന്ന ആ രൂപത്തെ കണ്ടു…
ഒരു ഇരുട്ട് മൂടിയ പോലെ എന്തോ ഒന്ന് അതു മനുഷ്യന് സമം ആണ്….അതു പുറം തിരിഞ്ഞു നിന്ന് തറയിലേക്ക് എന്തോ കൊണ്ട് ആഞ്ഞു ഇടിക്കുകയാണ്..
ഇതുവരെ മഹി വിചാരിച്ചത് ആരോ തുണി അലക്കുന്നു എന്നാണ്… അതു കണ്ടതോടെ ഇരുവരും നല്ലപോലെ വിരണ്ടു…
അതൊരു സ്ത്രീ ആണ് പിന്നിൽ നിൽക്കുന്ന ഇരുവരെയും ആ സ്ത്രീ ഇത് വരെ ശ്രദ്ധിച്ചില്ല എന്ന് രീതിയിൽ അതു തിട്ടയിലേക്ക് ഇടിച്ചു കൊണ്ട് ഇരുന്നു…
എന്നാല് അതിൻ്റെ ശാന്തം ആയ ഇരുത്തം ഇരുവരിലും നല്ലപോലെ ഭയപെടുത്തുകയാണ് ഉണ്ടായത്…
മൊബൈൽ വെട്ടത്തിൽ ഇരുവരും പരസ്പരം നോക്കി പോകാതിരിക്കാൻ പറ്റത്തില്ല തോടിനക്കരെ കടക്കണം…അതു അറിയാതെ ശബ്ദം ഉണ്ടാക്കാതെ വേണം അക്കരെ എത്താൻ
അവിടുന്ന് ഒരു 5മിനിറ്റു നടന്നു കയറ്റം കയറിയാൽ വീടായി … എന്തെങ്കിലും ചെയ്തേ പറ്റൂ പ്രിയ മനസിൽ ഉറപ്പിച്ചു…
അവള് മഹിയുടെ കയ്യിലേക്ക് മുറുകെ പിടിച്ചു….അവൻ അവളെ നോക്കി….
“ പതിയെ ശബ്ദം ഉണ്ടാക്കാതെ എൻ്റെ ഒപ്പം വരണേ മഹിയേട്ടാ….”
ശബ്ദം താഴ്ത്തി ഉള്ള അവളുടെ പറച്ചിൽ ഏറെ ദയനീയം ആയി അവന് തോന്നി… കരച്ചിലിൻ്റെ വക്കോളം അവള് എത്തിയിട്ടുണ്ട്…
അവർ നിൽക്കുന്നതിനു ഇടതു സൈഡിൽ ആയി കുറച്ചു മാറി ആണ് ആ രൂപം ഇപ്പൊൾ നിൽക്കുന്നത്…..അതിനപ്പുറം വലിയ വെള്ളച്ചാട്ടം ഉള്ള ഒരു കുഴി ആണ്…പിന്നീട് മുഴുവൻ ഇരുട്ട് ആണ്…
തോട്ടിൽ കാല്പാദത്തിനു മുകളിൽ മുങ്ങാനുള്ള വെള്ളമേ ഉള്ളു…. പ്രിയക്ക് നല്ലപോലെ ആപത് ശങ്ക തോന്നി…
വെള്ളത്തിലേക്ക് അടുക്കാർ ആയ്തും ഇരുവരെയും അമ്പരപ്പിച്ചുകൊണ്ട് അവിടെ ആകെ ഒരു ദുർഗന്ധം വ്യാപിക്കാൻ തുടങ്ങി….ചത്ത ജീവികൾക്ക് ഉണ്ടാകുന്ന ഒരു തരം മണം മടിപ്പിക്കുന്ന ഗന്ധം…. അതു അവിടെ ആകെ പരന്നിട്ടുണ്ട്….
ആ ഗന്ധം അവരുടെ മൂക്കിനുള്ളിലേയ്ക് തുളച്ചു കയറി ഓർക്കാനം വരുന്ന പോലെ മഹിക്ക് തോന്നി ….
ഇനിയും ഇവിടെ നിൽക്കുന്നത് പന്തിയല്ലെന്ന് കണ്ട അവള് വാ എന്ന്പതിയെ വിളിച്ചുകൊണ്ടു തോട്ടിലേയ്ക് ആദ്യം ഇറങ്ങി ..
ചെറിയ പേടി തോന്നി എങ്കിലും ധൈര്യം സംഭരിച്ചു അവനും പുറകെ ഇറങ്ങി …
കരിയിലയുടെ ഞരക്കം കെട്ട് ആണോ എന്തോ പെട്ടെന്ന് ആ കല്ലിൻ്റെ ശബ്ദം നിന്നു ….
ഇരുവരും അവിടെ തന്നെ അനങ്ങാതെ നിന്നു ..
ഒരു നിശബ്ദതയ്ക്കു ശേഷം …വീണ്ടും ആ രൂപം ഇടിച്ചു തുടങ്ങി …
ഇരുവരും പതിയെ ഓരോ ചുവടും മുൻപോട്ടു വെച്ചു ..
പേടിയുടെ മൂർദ്ധ്യനത്തിൽ നിൽക്കുമ്പോഴും അവന് ആകാംഷ ആയിരുന്നു …. എന്താണ് എന്ന് ഏതൊരു മനുഷ്യനും തോന്നുന്ന ഒരു തോന്നൽ….അവൻ്റെ നോട്ടം മുഴുവൻ ആ രൂപത്തിൽ ആയിരുന്നു..
ചെറിയ മഴ ചാറി നിൽക്കുന്ന ആ സ്ഥിതിയിലും മുന്നിൽ നടക്കുന്ന പ്രിയയുടെ ഞെഞ്ചിടിപ്പ് മഹിക്ക് നല്ല വ്യക്തം ആയി കേൾക്കാം…
പക്ഷെ ഇരുവരുടെയും കണക്കു കൂട്ടലുകൾ തെറ്റിച്ചു കൊണ്ട് .. മഹിയുടെ കാൽ അവിടെ ഉണ്ടായിരുന്ന ഉരുളൻ കല്ലിൽ ചവിട്ടി അതു ഉരുണ്ടു മറിഞ്ഞു വെള്ളത്തിലേക്കു വീണു !!!
ആ നിറഞ്ഞ് നിന്നിരുന്ന ശാന്തതയേ കീറി മുറിച്ച് കൊണ്ട് ബ്ളും….എന്ന ശബ്ദം ഉയർന്നു….
ഒരൊറ്റ നിമിഷം കൊണ്ട് ഇടി ശബ്ദം നിന്നു…. പെട്ടന്ന് ദൂരെ എങ്ങോ ഒരു വല്ലാത്ത ഒരിയിടൽ അവിടെ ആകെ മുഴങ്ങി……അതിനു മറുപടി ആയി അനേകം നായകളുടെ ഒറിയിടൽ…. അവർക്ക് ചുറ്റും ആ ഓരിയിടൽ വലയം ചെയ്യുന്ന പോലെ തോന്നി…
.
മരങ്ങളിൽ നിന്നും ഏതൊക്കെയോ പക്ഷികൾ ചിറകടിച്ചു ഉയരുന്ന ശബ്ദവും ..അതിൻ്റെ പ്രാണ രക്ഷാർത്ഥം ഉള്ള കരച്ചിൽ പോലെ ഇരുവർക്കും തോന്നി…ഏതോ ദിക്കിൽ നിന്നും കൊടും കാറ്റ് അടിച്ചു വരുന്ന പോലെയും ഉള്ള ശബ്ദങ്ങൾ ഇരുവർക്കും തോന്നി…
മൂക്കിനുള്ളിലേയ്ക് വീണ്ടും മാംസം അഴുകിയ രൂക്ഷഗന്ധം കൂടുതൽ തുളച്ചു കയറി ..ആ സ്ത്രീ രൂപം മെല്ലെ തിരിഞ്ഞു ….
ചലിക്കാൻ പോലും ആവാതെ പ്രിയയും മഹിയും ഇത് കണ്ട് ഞെട്ടി നിൽക്കുക ആണ് ….
ഈ വേപ്രാളത്തിന് ഇടയിൽ മഹിയുടെ കൈ വിറച്ചുകൊണ്ട് അവൻ അറിയാതെ തന്നെ അവൻ്റെ മൊബൈൽ വെളിച്ചം ആ സ്ത്രീ രൂപത്തിന് മേലേക്ക് പതിച്ചു ….
ആ വെളിച്ചത്തിൽ മഹി ആ സ്ത്രീ രൂപത്തെ പൂർണം ആയി കണ്ടിരുന്നു….
മുടി കൊണ്ട് മൂടിയ മുഖം !! പൂർണ്ണമായും നഗ്നരൂപം “”മുടിച്ചുരുൾ കൊണ്ട് മാറിടം മറഞ്ഞിരുന്നു ….അതിൻ്റെ കാൽ നിലത്ത് കുത്താതെ ഉയർന്ന് നില്ക്കുന്നു….അതിൻ്റെ ചുറ്റിൽ നിന്നും കറുത്ത പുക ഉയർന്നു പറക്കുന്നു….ആ രൂപം ഇതിനകം അവനെയും കണ്ടിരുന്നു ….
ഈ രൂപം….ഈ രൂപം മുൻപ് താൻ കണ്ടിട്ടുണ്ട്….. ഓർമകളിൽ മറഞ്ഞു പോയ സംഭവം അവൻ ഓർത്ത് എടുക്കാൻ നോക്കി…. അവന് അതു കഴിഞ്ഞില്ല….
അവരെ നോക്കിയ ആ രൂപം പെട്ടെന്ന് ആകാശത്തേക്ക് നോക്കി അലറി…. ആ കാടിന് ഉളളിൽ എങ്ങും അലയടിച്ചു…പിന്നീട് ഇരുവരെയും ഒന്ന് നോക്കി വെട്ടി തിരിഞ്ഞു വായുവിലേക്ക് അലിഞ്ഞു ചേർന്നു….
“വാ”….
എന്ന് വിളിച്ചുകൊണ്ടു പ്രിയ മഹിയെയും കൊണ്ട് അക്കരയ്ക്കു പാഞ്ഞു….
ഇരുവരും നല്ലപോലെ ഓടുകയാണ് എന്ന് തന്നെ പറയാം…. ഇതിന് ഇടയിൽ പ്രിയ എന്തൊക്കെയോ പിറു പിറുത്തു കൊണ്ടാണ് ഓടുന്നത്….എന്തോ മന്ത്രം ആണു എന്ന് മഹി പിന്നീട് മനസിലായി….