പുറകിലെ ഒരു കരസ്പർഷമാണവനെ ചിന്തകളിൽ നിന്നുണർത്തിയത്
“എന്താടാ…….” റാഷിയുടെ നിറഞ്ഞിരിക്കുന്ന കണ്ണൂകൾ കണ്ടവൻ വേവലാതിയോടെ ചോദിച്ചു
“ഇപ്പോ എല്ലാവരും ഉണ്ടായിരുന്നെങ്കി എന്ത് രസാവായിരുന്നല്ലേ …….”
“കഴിഞ്ഞത് …… കഴിഞ്ഞില്ലേ ……” സലു ഒന്ന് നിർത്തി
“ഇനി അതോർത്ത് കരഞാ നിന്റെ കണ്ണ് ഞാൻ കുത്തി പൊട്ടിക്കും ” സലു അവനോട് ചൂടായി അകത്തേക്ക് കയറി പോയി
അവൻ ദേശ്യപെടുന്നതവന് സംങ്കടം വരുമ്പോഴാണെന്ന് റാഷിക്കറിയാം ഒരു ചിരിയോടെ അവൻ സലുവിനെ അനുഗമിച്ചു
&&&&&&&&&&&&&&&&&&&&&&&&&&&&&
പിറ്റേന്ന് ഫുട്ബാൾ മാച്ചും കഴിഞ്ഞ് വൈകുന്നേരം കോളേജിൽ നിന്നും വീട്ടിലേക്ക് റാഷിയുടെ മാരുതി സെൻ കാറിൽ തിരിച്ചു പോരുകയായിരുന്നു സലുവും റാഷിയും മിന്നുവും
ഒരു വളവു കഴിഞ്ഞതും പെട്ടന്നാണ് റാഷി അവരുടെ ഭാഗത്തു തന്നെ ഒരു സ്കൂട്ടി നടുറോഡിൽ നിർത്തിയത് കണ്ടത് ഉടനടി ബ്രേക്ക് ചവിട്ടിയിട്ടും കാറ് ചെന്ന് സ്കൂട്ടറിലിടിച്ചു
റാഷി ബ്രേക്ക് പിടിച്ചതു കൊണ്ടു തന്നെ വലിയ അപകടം ഒന്നും സംഭവിച്ചിരുന്നില്ലെങ്കിലും സ്കൂട്ടർ മറിഞ്ഞ് അതിലുണ്ടായിരുന്ന രണ്ടു പെൺകുട്ടികൾ നിലത്തേക്കു വീണു റാഷി ഉടനെ വണ്ടി ഒരു ഭാഗത്തേക്ക് ഒതുക്കി ഇറങ്ങി ഒപ്പം സലുവും
“നീ ഇവിടെയിരിക്ക് ഞങ്ങൾ നോക്കിയിട്ട് വരാം …..” കൂടെ ഇറങ്ങാൻ നിന്ന മിന്നുവിനെ സലു തടഞ്ഞു
റാഷിയും സലുവും വീണവരുടെ മുഖം കണ്ടതും അവരൊന്ന് അത്ഭുതപെട്ടു.
വീണു കിടക്കുന്ന രണ്ടു പേർ ഹന്നയും സനയുമായിരുന്നു ആദ്യത്തെ അമ്പരപ്പ് മാറിയപ്പോൾ സലുവും അവരെ എഴുന്നേൽപിച്ചു, റാഷി അവരുടെ സ്കൂട്ടി ഒരു സൈഡിലേക്ക് ഒതുക്കി നിർത്തി
രണ്ടു പേരുടെയും കൈയ്യിലും കാൽ മുട്ടിലും ചെറിയ മുറിവുകളുണ്ട് എന്നല്ലാതെ മറ്റു കുഴപ്പമൊന്നും പ്രത്യക്ഷ്യത്തിൽ കാണാനില്ല
“കുഴപ്പമൊന്നുമില്ലല്ലോ …….” സലു ചോദിച്ചു
“എവിടെ നോക്കിയാടാ വണ്ടി ഓടിക്കുന്നത് ” പ്രശ്നമൊന്നുമില്ലെങ്കിലും റാഷിയെ കണ്ടതും ഹന്ന ചൂടാവാൻ തുടങ്ങി
“അതിന് നിങ്ങൾ വണ്ടി റോഡിന്റെ നടുവിൽ കൊണ്ടിട്ടാൽ ഞങ്ങളെന്തു ചെയ്യും ….. ” റാഷിയും ദേശ്യപെട്ടു
അപ്പോഴേക്ക് ആളുകൾ കൂടിയിരുന്നു
“ഞാൻ വണ്ടി സൈഡിലാണ് നിർത്തിയത് ….” ഹന്ന വിട്ടു കൊടുത്തില്ല
ഹന്നയും റാഷിയും പരസ്പരം വഴക്കടിക്കാൻ തുടങ്ങി സലു റാഷിയേയും സന ഹന്നയെയും സമാദാനിപ്പിക്കാൻ നോക്കിയിട്ട് നടക്കുന്നില്ല
ചുറ്റം കൂടിയ ആളുകളിൽ ഭുരിഭാഗവും എന്താണ് നടന്നെതെന്ന് കണ്ടിട്ടില്ലെങ്കിലും പെൺകുട്ടികളുടെ ഭാഗത്തായി നിലയുറപ്പിച്ചിട്ടുണ്ട്
“ഞങ്ങൾക്ക് ആശുപത്രിയുടെയും വണ്ടി ശരിയാക്കാനും പൈസ തന്നട്ട് നിങ്ങൾ പോയാ മതി ” വഴക്കിന്റെ അവസാനം ഹന്ന തീർത്തു പറഞ്ഞു
“സൗകര്യമില്ല ……” ഉടനെ റാഷിയുടെ മറുപടി
“നീ പൈസ കൊടുത്തിട്ട് പോയാ മതി …….” കൂടി നിന്നവരിൽ ഒരുത്തൻ ആളാവൻ മുമ്പോട്ടു വന്നു
”ഇല്ലെങ്കിൽ താനെന്തു ചെയ്യും ……” മറുപടി വീണ്ടും റാഷി തന്നെ പറഞ്ഞു
ദേശ്യത്തോടെ റാഷിയുടെ കോളറിൽ കയറി പിടിക്കാൻ വന്നവനെ സലു തള്ളി വീഴ്ത്തി
“നിർത്ത് …..” വീണവൻ എഴുന്നേറ്റ് അവരുടെ നേരെ ചെല്ലാൻ നിന്നപ്പോഴേക്ക് മിന്നുവിന്റെ അലർച്ച മുഴങ്ങി
നിശബ്ദരായ ആൾകൂട്ടത്തിനിടക്ക് മിന്നു നടന്നു വന്നു
“നിങ്ങളുടെ വണ്ടി എവിടെയായിരുന്നു ……” മിന്നു ഹന്നയോട് ചോദിച്ചു
“റോഡിന്റെ സൈഡിൽ …….. ” മിന്നുവിനെ കണ്ട ഞെട്ടൽ മറച്ച് പിടിച്ച് ഹന്ന കൂസലില്ലാതെ പറഞ്ഞു
മിന്നു അവളുടെ കൈ പിടിച്ച് അവരുടെ വണ്ടി മറിഞ്ഞ സ്ഥലത്തേക്ക് പോയി
“നിന്റെ വണ്ടി സൈഡിലായിരുന്നെങ്കിൽ ഈ പാടെങ്ങനെ ഇവിടെ വന്നു ” അവരുടെ വണ്ടി ചിരകിയതിന്റെ പാട് റോഡിന്റെ നടുവിൽ കാണിച്ചു കൊടുത്താ കൊണ്ട് മിന്നു ചോദിച്ചു
ശേഷം മിന്നു ആളുകൾക്ക് നേരെ തിരിഞ്ഞു
“ ഈ വളവിൽ റോഡിന്റെ നടുക്ക് നിർത്തിയിട്ട ഒരു സ്കൂട്ടറിൽ വന്ന് ഇടിച്ചില്ലെങ്കിലല്ലെ അത്ഭുതം ”
അതുവരെ ഹന്നയുടെ ഭാഗത്തായിരുന്നവരെല്ലാം ഒരു കുറ്റബോധവുമില്ലാതെ അവൾക്കെതിരെ തിരിഞ്ഞു, ആളാവാൻ മുന്നോട്ടു വന്നവന്റെ പൊടി പോലും കാണാനില്ല
“എന്തായിരുന്നു അവളുടെ അഹങ്കാരം …… ”
“ ഞാനപ്പോഴേ പറഞ്ഞില്ലേ ആ പയ്യൻമാർ തെറ്റൊന്നും ചെയ്തിട്ടില്ലാന്ന് …. ”കൂട്ടം കൂടിയിട്ടുള്ള ആളുകൾ പറയുന്നത് കേട്ട് ഹന്നയുടെയും സനയുടെയും തല കുനിഞ്ഞു
“പിന്നെ നിനക്ക് വേണ്ടത് അശുപത്രി ചിലവ് പിന്നെ നിന്റെ വണ്ടിയുടെ കേട് പാടിനുള്ള ചിലവ് ഇതൊന്നും കൂടാതെ നിന്റെ ഈ പെർഫോമൻസിനുള്ള ഒരു ക്യാഷ് പ്രൈസും കൂടി ഞാൻ തരാം …….”
അടുത്ത നിമിഷം മിന്നു ഹന്നയുടെ ചെപ്പകുറ്റിക്ക് കൊടുത്തു
“ഇത് ആശുപത്രി ചിലവ് ……..“
“ ഇനി വണ്ടിക്കുളളത് ”എന്നു പറഞ്ഞ് വീണ്ടും തല്ലാൻ കൈ ഉയർത്തിയ മിന്നുവിനെ സലു തടഞ്ഞു
“മിന്നു മതി ……..” സലു മിന്നുവിനെ പിടിച്ചു നിർത്തി
പേടിച്ചിട്ട് നിറഞ്ഞ കണ്ണുകളുമായി നിൽക്കുന്ന സനയെ കണ്ടിട്ട് സലുവിന് പാവം തോന്നി
സലു റാഷിയുടെ പോക്കറ്റിൽ നിന്നും പേഴ്സ് എടുത്ത് അതിലുള്ള മുഴുവൻ പൈസയും . അവർക്കു നേരെ നീട്ടി
ഹന്ന അതു വാങ്ങിയില്ലെങ്കിലും സലു നിർബന്ധിച്ച് സനയുടെ കയ്യിലത് വെച്ച് കൊടുത്തു , ശേഷം അവിടെ നിന്നും മിന്നുവിനെയും റാഷിയെയും വലിച്ചു കൊണ്ട് പോന്നു
ആളുകൾ പലരും പലതും പറഞ്ഞു കൊണ്ട് പിരിഞ്ഞു പോയി
ഹന്നയുടെ മുഖം ദേശ്യവും സങ്കടവും അപമാനവും കാരണം മുഖം വലിഞ്ഞു മുറുകിയിരുന്നു
&&&&&&&&&&&&&&&&&&&&&&&&&&&&&
“എന്തായിരുന്നു രണ്ടിന്റെയും പെർഫോമെൻസ് …. ”വണ്ടി ഓടിച്ചു കൊണ്ടിരിക്കുന്ന റാഷിയുടെ തലക്കൊന്ന് കൊടുത്തു കൊണ്ട സലു കലിപ്പോടെ പറഞ്ഞു
“ഞങ്ങളുടെ പെർഫോമൻസ് മാത്രമേ നീ കണ്ടൊള്ളു അവളുടെ കണ്ടില്ലേ …..” റാഷിയുടെ മറുപടി
“അവള് മാത്രമാണെങ്കി പോട്ടെ, ആ സനക്ക് പേടിച്ച് ഹാർട്ടറ്റാക്ക് വരാതിരുന്നത് നമ്മളുടെ ഭാഗ്യം ” അവളുടെ പേടിച്ചുള്ള മുഖം ഓർത്ത് സലു ഒരു ചിരിയോടെ പറഞ്ഞു
“എന്താണ് സലു കുട്ടാ അവളോടൊരു സോഫ്റ്റ് കോർണർ ” റാഷി അവനെയൊന്ന് ചുഴിഞ്ഞു നോക്കി
“എന്ത് സോഫ്റ്റ് കോർണർ …….”
“അവളോട് സോറി പറയുന്നു ….. അവളുടെ പേടിച്ചുള്ള മുഖം കണ്ടിട്ട് ഞങ്ങളോട് ചൂടാവുന്നു എന്താണ് മോനെ ഉദ്ദേശം വല്ല പ്രേമവുമാണോ ” റാഷി ഒരു കള്ള ചിരിയോടെ ഒരു കൈ അവൻറെ മുഖത്തുകൂടെ തലോടിക്കൊണ്ട് ചോദിച്ചു
“ഒന്ന് പോടാ നാറീ….. ” കൈ തട്ടിമാറ്റി
“എടാ പ്രേമാണെ പറയടാ എത്ര പ്രേമത്തിന്റെ എക്സ്പീരിയൻസ് ഉള്ളതാ എനിക്ക്, നിനക്ക് ഞാൻ സെറ്റാക്കി തരില്ലേ…….”