“ പുതിയ അടവാണോ ……”ഹന്നയുടെ പുഛം
“എന്റെ മുഖം കണ്ടിട്ട് ഇത് കള്ളമാണെന്ന് തോനുന്നുണ്ടോ ……”
സലുവിന്റെ മറുപടി ഹന്നയെ നിശബ്ദയാക്കി
“സന….. മറുപടി അലോചിച്ചിട്ട് പറഞ്ഞാ മതി …..വൈകുന്നേരം പുളിമരത്തിന്റെ ചോട്ടില് ഞാന്ണ്ടാവും ”
മനസ്സിലെ ഒരു ഭാരമിറക്കിയതിന്റെ ആശ്വാസത്തിൽ സലു മനസ്സറിഞ്ഞ ഒരു ചിരി സനക്കും ഹന്നക്കും കൊടുത്ത് തിരിച്ചു പോയി
&&&&&&&&&&&&&&&&&&&&&&&&&&&&&
വൈകുന്നേരം പുളി മര ചോട്ടിൽ ഇരിക്കുകയായിരുന്ന റാഷി സലു അവന്റെ മുമ്പില് ടെൻഷൻ കൊണ്ട് അങ്ങോട്ടും ഇങ്ങോട്ടും നടക്കുകയാണ്
“ഡാ …… നിനക്ക് ടെൻഷനുണ്ടോ” റാഷി
“ഇല്ലടാ …… ഞാനിപ്പോൾ ഭയങ്കര മനസ്സമാദാനത്തിലാണെന്ന് നിനക്കറിയില്ലേ …” സലു അവനെ ദേശ്യത്തോടെ നോക്കി
റാഷി അതിനു മറുപടിയായി പല്ലിളിച്ചു കൊടുത്തു
അൽപസമയം കഴിഞതും കുറച്ചകലെയായി നടന്നു വരുന്ന ഹന്നയെ സലു കണ്ടു
“സന വന്നില്ലേ ………” അവന്റെ സ്വരത്തിൽ ഒരു ചെറിയ വേദന നിഴലിച്ചിരുന്നു
“ഇല്ലാ ….. പക്ഷേ അവൾക്ക് നിന്നെ ഇപ്പോഴും ഇഷ്ടമാണ്, നിനക്ക് നിന്റെ ചങ്ങാതീന്റെ പോലെ പ്രേമമെല്ലാം ഒരു തമാശയാണെങ്കിൽ ഇത് ഇവിടെ വെച്ച് അവസാനിപ്പിക്കണമെന്ന് പറയാനാണ് ഞാൻ വന്നത് …” ഹന്ന പറഞ്ഞ് തീർത്തത് റാഷിയുടെ മുഖത്ത് നോക്കിയാണ്
“നിങ്ങളെ എങ്ങനെ വിശ്വസിപ്പിക്കണമെന്നൊ ന്നും എനിക്കറിയില്ല വിശ്വാസമുണ്ടെങ്കിൽ വിശ്വസിക്ക് ”ഹന്നയുടെ വാക്കുകൾക്ക് മുമ്പിൽ കുനിഞ്ഞ തലയുമായി നിൽക്കുന്ന റാഷിയുടെ തോളിൽ കൈ വെച്ചു കൊണ്ട് അൽപം ദേശ്യത്തിൽ സലു പറഞ്ഞു
“പിന്നെ ഇത് നമ്മൾ നാലു പേരുമല്ലാഞ ആരും അറിയാൻ പാടില്ല …… അവളുടെ വീട്ടുകാര് അറിഞ്ഞാ അവളുടെ പഠിപ്പ് നിർത്തും”സലുവിന്റെ മുഖത്ത് ആദ്യമായി ദേശ്യം കണ്ട് അവൾ അടുത്ത കാര്യം എടുത്തിട്ടു
“മിന്നുവിന് അറിയാം …… ”
മിന്നുവിന്റെ പേര് കേട്ടപ്പോൾ ഹന്നയുടെ മുഖത്ത് ദേശ്യം വന്നു, അത് സ്വാഭാവികവുമാ യിരുന്നു
അവൾ മറുപടിയായി ഒന്നു മൂളി
&&&&&&&&&&&&&&&&&&&&&&&&&&&&
മാളിയേക്കൽ തറവാടിന്റെ അകത്തേക്കു കയറിയ സലു കോണി പടി കയറി മിന്നുവിന്റെ മുറിയിൽ എത്തി
ക്യാമ്പ് കഴിഞ്ഞവൾ ഇന്നലെ രാത്രി എത്തിയിരുന്നു
“ഡി …….” കോളേജിലേക്ക് പോവാൻ വേണ്ടി ഡ്രസ്സ് മാറി എന്തോ അലോചിച്ച് മുറിയുടെ അടുത്തുളള ചെറിയ ബാൽക്കണിയിൽ ഇരിക്കുന്ന അവളെയവൻ വിളിച്ചു
വിളി കേട്ടവളൊന്ന് ഞെട്ടി തിരിഞ്ഞു
“ എന്തു പറ്റി …..” അവളുടെ മുഖം വാടിയിരിക്കുന്നത് കണ്ട് അവൻ വെപ്രാളപെട്ടു
“ഒരു തല വേദന …….” അവൾ നെറ്റി ഉഴിഞ്ഞു
“അതിന് കുറച്ച് നേരം അടങ്ങി നിൽക്കണം ക്യാമ്പിന് ഉറങ്ങിയിട്ടുണ്ടാവില്ല …..” അവൻ ചൂടായി
“നല്ല വേദനയുണ്ടോ …..” അവന്റെ ചോദ്യത്തിന് മറുപടിയൊന്നും പറയാതെ അവനെ നോക്കി നിൽക്കുന്ന അവളുടെ നെറ്റിയിൽ തലോടി കൊണ്ടവൻ ചോദിച്ചു
“ എനിക്ക് കുഴപ്പൊന്നുല്ല….നീ…… പെട്ടന്ന് പോര് ഇന്ന് നിന്റെ തൊട്ടാവാടിയെ എനിക്ക് ഒഫീഷ്യലായി നേരിട്ട് പരിജയപെടുത്തി തരേണ്ടതാ ……”അവൾ പറഞ്ഞു കൊണ്ടെഴുന്നേറ്റു
“ഡി …..കുറവില്ലെങ്കിൽ ആശുപത്രിയിൽ പോവാം …..” മുറിക്ക് പുറത്തേക്ക് പോവുന്ന അവളോടവൻ വിളിച്ചു പറഞ്ഞു
അതിനവൾ വേണ്ടായെന്ന് കൈകാട്ടി പുറത്തേക്ക് പോയി
&&&&&&&&&&&&&&&&&&&&&&&&&&&&&
സലുവും സനയും പ്രണയത്തിലായിട്ട് കുറച്ച് ദിവസങ്ങൾ കഴിഞ്ഞു പോയി, ഈ ദിവസങ്ങളിലെല്ലാം അപൂർവമായ സലു സനയെ കണ്ട് സംസാരിച്ചിരുന്നൊള്ളു. കോളേജിൽ ഇങ്ങനത്തെ കാര്യങ്ങൾ മറച്ചു പിടിക്കാൻ പാടായതു കൊണ്ട് തന്നെ അവർ വളരെ ശ്രദ്ധിച്ചാണ് കണ്ടു മുട്ടിയിരുന്നത്
അന്ന് കോളേജ് ഉച്ചക്ക് ശേഷം കോളേജിൽ സെമിനാറായിരുന്നു അതിനു കയറാതെ സലുവും റാഷിയും മിന്നുവും ഗ്രൗണ്ടിന്റെ സൈഡിലുള്ള മര ചുവട്ടിലെത്തി അവർക്കൊപ്പം സനയും ഹന്നയും ഉണ്ടായിരുന്നു
സനക്ക് ഇപ്പോഴും സംസാരിക്കുമ്പോഴുള്ള പരവേശം മാറിയിട്ടില്ല പക്ഷേ കുറഞ്ഞ് വരുന്നുണ്ട്. അവർക്ക് രണ്ടു പേർക്കും സ്വസ്ഥമായി സംസാരിക്കാൻ വേണ്ടി റാഷി മിന്നുവിനേയും ഹന്നയേയും കൊണ്ട് കുറച്ച് അപ്പുറത്തേക്ക് മാറി നിന്നു
അവർ മൂന്നു പേരുണ്ടെങ്കിലും ആകെ നിശ ബ്ദമായിരുന്നു മിന്നു റാഷിയോട് കണ്ണു കൊണ്ട് എന്തൊക്കെയോ ആഗ്യം കാണിക്കുന്നുണ്ട്
“ഹന്ന …… എനിക്ക് നിന്നോട് കുറച്ച് സംസാരിക്കാനുണ്ട് അവസാനം റാഷി ഹന്നയെ വിളിച്ചു”
അവൾ മറുത്തൊന്നും പറഞ്ഞില്ല
അവർ രണ്ടു പേരും പോകുമ്പോ പുറകിൽ നിന്നും മിന്നു തംസപ് കാണിക്കുന്നത് ഹന്ന കണ്ടിരുന്നു
“എന്താ നിനക്ക് സംസാരിക്കാനുള്ളത് …..” അവിടെ നിന്നും അൽപം മാറി അവർ രണ്ടു പേരും സിമന്റ് ബെഞ്ചിൽ മുഖാമുഖം ഇരിക്കാൻ തുടങ്ങിയിട്ട് കുറച്ച് നേരമായെങ്കിലും റാഷി ഒന്നും പറയാത്തതു കൊണ്ട് ഹന്ന ചോദിച്ചു
“ഞാൻ ആറാം ക്ലാസിൽ പഠിക്കുമ്പോഴാണ് എൻ്റെ ഉപ്പയും അമ്മയും എന്നെ വിട്ടു പോവുന്നത്…..”
ഹന്നക്കതറിയില്ലായിരുന്നു കാറും അടിപൊളി വേഷങ്ങളുമെല്ലാം ധരിച്ചു കോളേജിലേക്ക് വരുന്നവൻ അനാഥനാണെന്ന് അവൾ വിചാരിച്ചിരുന്നില്ല
“പിന്നെ എനിക്ക് സ്വന്തമെന്ന് പറയാൻ ഉണ്ടായിരുന്നത് സലുവും അവൻ്റെ ഉമ്മയുമാണ്” അവളുടെ മുഖത്തെ ഞെട്ടൽ കണ്ട് അവനൊന്ന് നിർത്തി
“ അങ്ങനെ ഞാൻ ഒൻപതാം ക്ലാസിൽ പഠിക്കുമ്പോ എനിക്ക് ഒരു തേപ്പു കിട്ടി ഞാൻ സ്നേഹിച്ചിരുന്ന എന്നെ സ്നേഹിച്ചുരുന്നു എന്ന് ഞാൻ വിശ്വസിച്ചുരുന്നവള് എന്നെ ചതിച്ചു…. ” അവളുടെ മുഖത്തെ ഭാവം മനസ്സിലാവാത്തതുകൊണ്ട് തന്നെ അവൻ തുടർന്നു
“ ആദ്യം സങ്കടം ……. പിന്നെ ദേശ്യം….. അത് പതിയെ പകയിലേക്ക് മാറി, അങ്ങനെ അവളോടുള്ള ദേശ്യം തീർക്കാൻ പല പെണ്ണുങ്ങളേയും സ്നേഹിക്കുന്നതായി അഭിനയിച്ചു…..” റാഷി ഒന്നു നിർത്തി പിന്നെയും പറയാൻ തുടങ്ങി
“ എന്നെ പ്രേമിച്ചിരുന്ന പെൺകുട്ടികളെല്ലാം ഒന്നെല്ലെങ്കിൽ എൻ്റെ പണം അല്ലെങ്കിൽ വേറെന്തെങ്കിലും കാരണങ്ങൾ കൊണ്ട് എന്നെ ഇഷ്ടപെട്ടവരാണ് പക്ഷേ നീ അങ്ങനെയായിരുന്നില്ല, ഞാൻ നിന്നോട് ചെയ്ത തെറ്റിനെ ന്യായീകരിക്കുകയല്ല …… നിന്നോട് ഞാൻ ചെയ്തതിന് ജീവിത കാലം മുഴുവൻ നിന്നെ സ്നേഹിച്ച് പ്രായശ്ചിത്തം ചെയ്യാൻ എന്നെ അനുവദിച്ചൂടെ….” അവസാനമെത്തിയപ്പോഴേക്കും അവൻ്റെ ശബ്ദത്തിൽ യാജന കടന്നുവന്നിരുന്നു