ഹന്ന എഴുന്നേറ്റു “ഇനിയും നീയെന്നെ ചതിക്കില്ലായെന്ന് എനിക്ക് യാതൊരു ഉറപ്പുമില്ല…….. എങ്കിലും ഇത് സത്യമാണെന്ന് ഞാൻ വിശ്വസിക്കുന്നു ”ഹന്ന യാതൊരു ഭാവ വ്യത്യാസവുമില്ലാതെ പറഞ്ഞു
റാഷി ഞെട്ടി പോയിരുന്നു അവളുടെ അടുത്ത് നിന്നും ഉടനെ ഒരു സമ്മദം റാഷി പ്രതീക്ഷിച്ചിരുന്നില്ല ആ ഹ്ളാദവും സന്തോഷവും കാരണം എന്താ ചെയ്യേണ്ടതെന്ന് ഒരു പിടിയുമില്ലാതയവൻ സ്തംപിച്ചു നിന്നു അവൻ്റെ മറുപടിക്കൊന്നും നിക്കാതെ ഹന്ന നടന്നു നീങ്ങി
&&&&&&&&&&&&&&&&&&&&&&&&&&&&&&&
കോളേജിലെ ക്ലാസ് കഴിഞ് ഒരു വൈകുന്നേരം റാഷിയും സലുവും ഫുട്ബാൾ പ്രാക്ടീസിനു ഗ്രൗണ്ടിലായിരുന്നതുകൊണ്ടു തന്നെ കാൻ്റീനിൽ അവളൊറ്റക്കിരുന്ന് ചായ കുടിക്കുകയായിരുന്നു
“ഹായ് …..” അവളുടെ ടേബിളിലിരുന്നു കൊണ്ട് ചെയർമാൻ അഭിനവ് അവളുടെ ശ്രദ്ധ ക്ഷണിച്ചു
മറുപടിയായി അവളൊന്നു പുഞ്ചിരിച്ചു
“ അമാന ഫാത്തിമ അതല്ലേ പേര്” അഭിനവ് ആദ്യ ചോദ്യം തൊടുത്തു
അതിനവൾ തലകുലുക്കി
“ എന്താടോ നിൻ്റെ നാവ് വർക്ക് ചെയ്യില്ലേ….”താൻ എന്തു പറയുന്നതിനെല്ലാം ആഗ്യം കൊണ്ട് മറുപടി പറയുന്ന അവളോടുള്ള അമർഷം മറച്ചുപിടിച്ചുകൊണ്ടവൻ ചോദിച്ചു
“ അതല്ലാ…… ഞാൻ എന്നെ ഉപദ്രവിക്കാൻ ചേട്ടൻ പറഞ്ഞയക്കുന്ന വല്ല ആളുകളും വരുന്നുണ്ടോന്ന് നോക്കിയതാ…”
അഭിനവ് അക്ഷരാർഥത്തിൽ ഞെട്ടി പോയിരുന്നു
അവൻ്റെ മുഖത്ത് ദേശ്യവും അത്ഭുതവും മിന്നി മാഞ്ഞു
“ അനെ ഞാൻ തന്നെയാണവനെ പറഞ്ഞയച്ചത് …….. പക്ഷേ അത് നിന്നെ ഉപദവിക്കാനൊന്നുമല്ല, നിൻ്റെ മനസ്സിൽ ഒരു സ്ഥാനമുണ്ടാക്കി എടുക്കാനാണ് ” പെട്ടന്നു തന്നെ അഭിനവ് അവൻ്റെ മുഖത്ത് സങ്കടം നിറച്ചുകൊണ്ട് പറഞ്ഞു
“അമാന …….ഐ ലവ് യു……” അവൻ പറഞ്ഞു നിർത്തി
“എനിക്ക് നിന്നെ ഇഷ്ടമല്ല, ഒരിക്കലും ഇഷ്ടപെടാനും പോകുന്നില്ല……” അവളുടെ വാക്കുകൾ ശാന്തമെങ്കിലും ഉറച്ചതായിരുന്നു
അഭിനവിൻ്റെ മഖത്ത് കോപം,എടുത്തടിച്ച പോലുള്ള ഒരു മറുപടി അവൻ ഒട്ടും അതും ചെയർമാനും കോളേജ് ഹീറോയുമായ അവൻ്റെ നേരെ അവൻ തീരെ പ്രധീക്ഷിച്ചിരുന്നില്ല അതവൻ്റെ ഈഗോക്ക് തന്നെ കൊണ്ടു
“ഡീ….. ഒന്ന് നിന്നെ……. “എഴുന്നേറ്റു പോവാൻ നിന്ന അവളെ അവൻ വിളിച്ചു
“നിന്നോടുളള പ്രേമം മൂത്തിട്ടൊന്നുമല്ല നിൻ്റെ ഈ സൗന്ദര്യം ……അതൊന്നു അനുഭവിക്കാനാണ്……. എന്തായാലും നീ ഒരിക്കലും എന്നെ സ്നേഹിക്കില്ലാന്ന് പറഞ്ഞ സ്ഥിതിക്ക്,നീ കുറിച്ചു വെച്ചോ നിന്നെ ഞാൻ എൻ്റെ കിടക്കയിൽ എത്തിച്ചിരിക്കും” അവനവളുടെ അടുത്തേക്ക ചെന്ന് ദേശ്യത്തിലെങ്കിലും പതിയെ പറഞ്ഞു
അവളുടെ മുഖത്ത് പുഛം കടന്നു വന്നു
“എന്താടി നിനക്കിത്ര ധൈര്യം…..” അവളുടെ മുഖത്തെ പുഛം കണ്ട അവൻ്റെ ശബ്ദമയർന്നു
അവൻ്റെ ഒച്ച പൊങ്ങിയതും ചുറ്റുമുള്ള ആളുകൾ ശ്രദ്ധിക്കാൻ തുടങ്ങി അത് കണ്ടവൻ അവളെയൊന്നു കനപ്പിച്ചു നോക്കി പുറത്തേക്കു പോയി മിന്നു ഗ്രൗണ്ടിലേക്കും
&&&&&&&&&&&&&&&&&&&&&&&&&&&&&&&
‘കോളേജ് കഴിഞ്ഞ് റാഷി ഹന്നയെയും കൊണ്ട് സലുവിൻ്റെ വീട്ടിലെത്തി
“ഉമ്മാ………” തുറന്നിട്ട വാതിലിൽ കൂടി അകത്തേക്കു കയറി അവൻ ഉറക്കെ വിളിച്ചു
“അകത്തേക്കു വാ…….”വീടിൻ്റെ വാതിൽപടിയിൽ എന്ത് ചെയ്യണമെന്നറിയാതെ നിൽക്കുന്ന ഹന്നയെ അവൻ അകത്തേക്ക ക്ഷണിച്ചു
കോളേജിൽ നിന്നും ഒരു പ്രധാനപെട്ട സ്ഥലത്തേക്ക് പോവാനുണ്ടെന്ന് പറഞ്ഞു കൊണ്ട് വന്നതായിരുന്നു റാഷി ഹന്നയെ
അവൻ അകത്തേക്കു കയറിയപ്പോൾ കാണുന്നത് സോഫയിലിരുന്ന് വായിച്ച പുസ്തകം മുഖത്ത് വെച്ച് ഉറങ്ങുന്ന സൈനബാനെയാണ്
“ട്ടോ……….” റാഷി ഹന്നയോട് ശബ്ദമുണ്ടാക്കാതിരിക്കാൻ വേണ്ടി പറഞ്ഞ് സോഫയുടെ അടുത്ത് ചെന്ന് ഉറക്കെ അലറി
ഞെട്ടിയെണീറ്റ സൈനബ റാഷിയെ കണ്ട് അവൻ്റെ ചെവി പിടിച്ച് തിരിക്കാൻ തുടങ്ങുമ്പോഴാണ് ഹാളിലെ വാതിൽക്കൽ നിൽക്കുന്ന ഹന്നയെ കണ്ടത്
“ എന്താ മോളേ അവിടെ നിൽക്കുന്നത് അകത്തേക്ക് കയറി വാ….. ” അവൻ്റെ ചെവിയിൽ നിന്നും കൈയ്യെടുത്ത് ഹന്നയെ അകത്തേക്ക ക്ഷണിച്ചു
അവളുടെ മുഖത്ത് ചെറിയ ടെൻഷനുണ്ടെങ്കിലും അവളകത്തേക്കു വന്നു
“ഇതാണ് ഞാൻ പറഞ്ഞ ഹന്ന ……..” ഹന്നയുടെ കൈ പിടിച്ച് മുമ്പിലേക്ക് നിർത്തി
“എന്താ മോളേ നീ ഇങ്ങനെ അന്തംവിട്ട് നിൽക്കുന്നത് …….” അമ്പരപ്പ് വിട്ടുമാറാത്ത ഹന്നയുടെ കവിളിൽ തലോടി കൊണ്ട് സൈനബ ചോദിച്ചു
“ഒന്നുല്ല…….” അവൾ പറഞ്ഞൊപ്പിച്ചു
“എന്നാ നിങ്ങളിരിക്ക് ഞാൻ കുടിക്കാനെന്തെങ്കിലും എടുക്കാം …….” സൈന ബ അടുക്കളിയിലേക്ക് പോയി
ഹന്ന ഹാളിൻ്റെ ചുറ്റുമൊന്നു കണ്ണോടിച്ചു അവിടെ തൂക്കിയിട്ടിരിക്കുന്ന ഫോട്ടോയിലതികവും സലുവിൻ്റെയായിരുന്നു
റാഷി മുകളിലേക്ക് കയറ പോവുന്നത് കണ്ട ഹന്നയും അവനെ പിന്തുടർന്നു
അവർ രണ്ടു പേരും ഒരു മുറിയിലേക്കാണ് കയറിയത്
ഒറ്റ നോട്ടത്തിൽ തന്നെ ഹന്നക്കത് സലുവിൻ്റെ റൂമാണെന്ന് മനസ്സിലായി
പെട്ടന്നവളുടെ കണ്ണുകൾ ഭിത്തിയിൽ തൂക്കിയിട്ട ഒരു ഫോട്ടോയിൽ ഉടക്കി, സലുവിൻ്റെ അപ്പുറവും ഇപ്പുറവും നിന്ന് അവൻ്റെ ഇരു കവിളുകളിലും ഉമ്മ വെച്ചു നിൽക്കുന്ന റാഷിയും മിന്നുവുമായിരുന്നു ഫോട്ടോയിൽ
അവളതിൻ്റെ അടുത്തേക്കു ചെന്നു
“ ഞങ്ങൾ എഴാം ക്ലാസിൽ പഠിക്കുമ്പോ എടുത്തതാ…..” റാഷി പറഞ്ഞു കൊടുത്തു
മറുപടിയായി അവളൊന്നു മൂളി
“ഹന്ന ………”
അവൻറെ വിളി കേട്ട് തിരിഞ്ഞ അവളുടെ തൊട്ടു മുമ്പിലായി അവൻ വന്നു നിന്നു
അവനെ തൊട്ടടുത്തേക്കു വന്നതിൻ്റെ ഞെട്ടൽ മാറുന്നതിനുമുമ്പ് തന്നെ റാഷി അവളുടെ കൈയ്യിലേക്ക് ഒരു സ്വർണ മോതിരം ഇട്ടു കൊടുത്തു
“ ഇതെൻ്റെ മമ്മിൻ്റെ മോതിരമാണ് …..ഇനി ഇത് നിൻ്റെ കയ്യിലാണ് കിടക്കേണ്ടത് ” അവനെ നോക്കി സ്തപിച്ചു നിൽക്കുന്ന അവളുടെ നേരെ വിരൽ ഞൊടിച്ചു കൊണ്ടവൻ പറഞ്ഞു
“എന്തുപറ്റി ……..” അവളുടെ കണ്ണ് നനഞ്ഞതു കണ്ടവൻ ചോദിച്ചു
“ ഒന്നുല്ല ഹോസ്റ്റലിൽ കയറാൻ സമയമായി……”നിറഞ്ഞ കണ്ണുകൾ അവൻ കാണാതിരിക്കാൻ വേണ്ടി തിരിഞ്ഞു നിന്നവൾ മറുപടി പറഞ്ഞു
“ശരി …… ഉമ്മ ചായ ഉണ്ടാക്കിയിട്ടുണ്ടാവും അത് കുടിച്ച് പോവാം “റാഷി അവളേം കൊണ്ട് താഴേക്ക് നടന്നു
&&&&&&&&&&&&&&&&&&&&&&&&&&&&&&&
രണ്ടാം സെമസ്റ്റർ പകുതി കഴിഞ്ഞ് കോളേജ് ഇല്ലാതിരുന്ന ഒരു വ്യഴാഴ്ച ബിസ്നസ് ക്ലബിൻ്റെ മീറ്റിങ്ങ് അറ്റൻ്റ് ചെയ്ത് കോളേജിൽ നിന്നും തിരിച്ചു പോവുന്ന വഴി കോളേജിൽ നിന്നും അൽപം മാറിയുള്ള ചായ കടിയിൽ നിന്നും