ചായ കടയുടെ എതിർവശത്തുള്ള പഞ്ചായത്ത് ഉപരോധിക്കുന്ന കുറച്ച് പാർട്ടിക്കാരേയും അവരെ ബാരിക്കേഡു വെച്ച് തടഞ്ഞു നിർത്തിയ പോലീസുകാരേയുമെല്ലാം കണ്ടു കൊണ്ട് പതിയെ പതിയെ ചായ ഊതി ഊത ഊതി കുടിച്ചു കൊണ്ടിരിക്കുകയായിരുന്നു സലു
പെട്ടന്നാണ് അവൻ്റെ ശ്രദ്ധ ഇളം ഗോൾഡൻ കളർ ചുരിധാറു ധരിച്ചു ആ സമരത്തിൻ്റെ ഇടയിൽ കൂട പഞ്ചായത്തിലേക്ക് പോവാൻ ശ്രമിക്കുന്ന സനയിൽ പതിഞ്ഞത്
“ചാർജ്…….” പ്രധിഷേധക്കാർ എറിഞ്ഞ കല്ല് പോലീസിൻ്റെ നേരെ എത്തിയതും മുമ്പിലെ പോലീസുകാരൻ്റെ ശബ്ദം മൈക്കിൽ മുഴങ്ങി
സമരക്കാർക്കു നേരെ പോലീസ് ഇരച്ചെത്തി
കുടിച്ചു കൊണ്ടിരുന്ന ഗ്ലാസ് നിലത്തിട്ടു കൊണ്ട് സലു അവിടേക്ക് പാഞ്ഞു
സ്കോളർഷിപ്പിനു വേണ്ടിയുള്ള ഒരു പേപ്പർ മേടിക്കാനാണ് സന ഹോസ്റ്റലിൽ നിന്നും പഞ്ചായത്തിലേക്ക് വന്നത്, പഞ്ചായത്തിനു മുമ്പിലുള്ള കൂട്ടം കണ്ടവൾ തിരിച്ചു പോവാൻ വിചാരിച്ചിരുന്നതായിരുന്നു , പക്ഷേ ‘സ്കോളർഷിപ്പിനപേക്ഷിക്കാൻ ഇനി കുറച്ചു ദിവസങ്ങളേ ബാക്കിയൊള്ളു എന്നതു കൊണ്ടവൾ സമരത്തിനിടയിലൂടെ അകത്തേക്ക് കയറാൻ ശ്രമിക്കുമ്പോഴാണ് പോലീസ് പാഞ്ഞു വന്നത്.
പെട്ടന്ന് അവൾക്ക് എന്താ ചെയ്യേണ്ടതെന്ന് ഒരു പിടിയുമുണ്ടായിരുന്നില്ല അവൾ തരിച്ചു. നിൽക്കുകയായിരുന്നു. ചുറ്റു അടികൊണ്ട് അളുകൾ നിലവിളിക്കുന്നതും കരയുന്നതു കേട്ടവൾ പേടിച്ച് കരയാൻ തുടങ്ങി,
നിറഞ്ഞു വന്ന കണ്ണുകളിൽ അവളുടെ നേരെ ഒരാൾ ഓടി വരുന്നതവൾക്ക് അവൾക്ക് അവ്യക്തമായി കാണാമായിരുന്നു. അയാൾ ഓടി വന്നവളെ പിടിച്ചു വലിച്ചു നെഞ്ചോടു ചേർത്തു
സലു റോഡ് ക്രോസ് ചെയ്ത് ആൾക്കൂട്ടത്തിനിടയിൽ കരഞ്ഞു കൊണ്ട് നിൽക്കുന്ന സനയുടെ അടുത്തേക്ക ആളുകളെ തട്ടി മാറ്റികൊണ്ടോട്ടിയെത്തി
അപ്പോഴഴേക്ക് പോലീസുകാർ അവളുടെ അടുത്തെത്തിയിരുന്നു, അതൊന്നും ശ്രദ്ധിക്കാതെ നിൽക്കുന്ന അവളെ വലിച്ചു നെഞ്ചോട് ചേർത്ത് നിർത്തി കൊണ്ടവൻ അവളെ തല്ലാൻ ലാത്തി ഓങ്ങിയ പോലീസുകാരനെ ചവിട്ടി വീഴ്ത്തി
അവൻ്റെ നെഞ്ചിൽ നിന്നും തല ഉയർത്തി നോക്കിയ ഹന്ന കാണ്ടത് സലുവിൻ്റെ മുഖമാണ്
ഇരുട്ടിൽ വെട്ടം കണ്ട പോലെ അവളുടെ ഉള്ളിൽ ആശ്വാസം നിറഞ്ഞു
തങ്ങളുടെ നേരെ വന്ന അടുത്ത ലാത്തി കൈ കൊണ്ട് തടുത്ത് അത് വീശിയ പോലീസുകാരനെ തള്ളി വീഴ്ത്തി കൊണ്ടവൻ അവളെയും വലിച്ചു കൊണ്ടോടി
ഓടുന്നതിനിടയിൽ പോലീസിൻ്റെ അടി സലുവിൻ്റെ തലക്ക് കൊണ്ടിരുന്നു പക്ഷേ അവനതൊന്നും കാര്യമാക്കാതെ പാഞ്ഞ് അവളെയു കൊണ്ട് കുറച്ച് ദൂരത്തെത്തി
“നിനക്ക് കുഴപ്പമൊന്നുമില്ലല്ലോ……” അവനവളോട് ചോദിച്ചു
ചോദ്യത്തിന് മറുപടിയൊന്നും പറയാതെ തൻ്റെ തലയിലേക്ക് നോക്കി നിൽക്കുന്നവളെ കണ്ട് സലു അവൻറെ തലയൊന്ന് തൊട്ടു നോക്കി
തലയിലെ മുറിവിൽ നിന്നും ചോര അവൻ്റെ കയ്യിൽ പറ്റി
“ഇത് കുഴപ്പമൊന്നുമില്ല …….. നീ ഹോസ്റ്റലിലേക്ക് പൊയ്ക്കോ.” പോക്കറ്റിൽ നിന്നും ഒരു കർച്ചീഫെടുത്ത് തലയിൽ കെട്ടി
ഒരു ഓട്ടോക്ക് കൈ കാണിച്ചു നിർത്തി
“ചേട്ടാ…. ഹോസ്പിറ്റലിലേക്ക് വിട്ടോ….”
അപ്പോഴും അവനെ തന്നെ നോക്കി നിൽക്കുന്ന ഒന്നുമില്ലെന്ന് കണ്ണടിച്ചു കാണിച്ച് അവൻ ഓട്ടോകാരൻ്റെ തോളിൽ തട്ടി പോവാൻ ധൃതി കൂട്ടി
&&&&&&&&&&&&&&&&&&&&&&&&&&&&&&&
ഹോസ്പിറ്റലിൽ എത്തി മുറിവ് കെട്ടി കാഷ്വാലിറ്റിയിലെ ബെഡിൽ ഇരിക്കുമ്പോഴാണ് റാഷിയും മിന്നുവും ഓടി പാഞ്ഞ് വന്നത്
“എന്താടാ ……. എന്തു പറ്റി “റാഷി ചേദിച്ചു
ഓട്ടോയിൽ പോരുന്ന വഴി സലു റാഷിയെ വിളിച്ച് ഹോസ്പിറ്റലിലേക്ക് വരാൻ പറഞ്ഞിരുന്നു
രണ്ടു പേരുടേയും മുഖത്തെ പരിഭ്രമം കണ്ട് സലു അവരെ കാര്യങ്ങൾ പറഞ്ഞു മനസ്സിലാക്കി, മുറിവ് അത്ര പ്രശ്നമുള്ളതല്ലെന്ന് കാണിച്ച് കൊടുക്കുകയും ചെയ്തു
സലുവിനെ ഇരുത്തിയിട്ടു
ള്ള കിടക്കയിൽ അവന് ഇരുവശത്തുമായി അവർ രണ്ടു പേരും ഇരുന്നു
“ വേദനയുണ്ടോടാ…….” മിന്നു സലുവിൻ്റെ തലയിൽ തൊട്ടു നോക്കി കൊണ്ട് ചോദിച്ചു
“ഇല്ല ടീ …… തല പൊട്ടിയാ പിന്നെ ഭയങ്കര സുഖമായിരിക്കില്ലേ…..” മറുപടി റാഷിയുടെ അടുത്തു നിന്നാണ് വന്നത്
മിന്നു റാഷിയുടെ തലക്കൊന്ന് കൊടുത്തു കൊണ്ട് സലുവിൻ്റെ തോളിലേക്ക് ചാരി
“ഇപ്പോ എങ്ങനെയുണ്ട്…..” അവരുടെ സംസാരത്തിനിടക്ക് അവിടേക്ക് കടന്നുവന്ന ഡോക്ടർ ചോതിച്ചു
“കുഴപ്പൊമൊന്നുമില്ല……..”സലുവിൻ്റെ മറുപടി
“ഇന്നൊരു ദിവസം ഒബ്സർവേഷനിൽ കിടക്കണം നാളെ ഡിസ്ചാർജ് എഴുതാം…. ” ഡോക്ടറവനെ പരിശോധിച്ചു കൊണ്ട് പറഞ്ഞു
ഹോസ്പിറ്റലിലെ അത്യാവശ്യം സൗകര്യമുള്ള ഒരു Alc മുറിയിലായിരുന്നു സലു
സൈനബയോട് വിളിച്ച് അവർ റാഷിയുടെ വീട്ടിലാണെന്നാണ് പറഞ്ഞിട്ടുള്ളത്
വാതിലിലെ മുട്ട് കേട്ട് ഒന്നു മയങ്ങിയിരുന്ന സലു കണ്ണ് തുറന്നു അപ്പോഴേക്ക് മിന്നു പോയി വാതിൽ തുറന്നു കൊടുത്തിരുന്നു. ഭക്ഷണ പൊതികളുമായി റാഷി അകത്തേക്കു കയറി
“ ഉമ്മ വിളിച്ചിരുന്നു, ഞാനൊരു വിധത്തിൽ അഡ്ജസ്റ്റ് ചെയ്തിട്ടുണ്ട് …” റാഷി ബൈസ്റ്റാൻ്റേഴ്സിൻ്റെ കിടക്കയിലേക്ക് ഇരുന്നു
“നാളെ എന്തായാലും ഉമ്മ അറിയും….. ഇന്നിനി ഇപ്പോ ഇതറിഞ്ഞാ ടെൻഷനടിച്ച് ഓടി ഇങ്ങോട്ടു വരാതിരിക്കാനാ ഞാൻ ആരോടും പറയണ്ടാന്നു പറഞ്ഞത് …….” സലു കട്ടിലിൽ എഴുന്നേറ്റിരുന്നു
മറുപടിയായി റാഷി ഒന്നു മൂളി
“നീ എന്താ ചത്ത കോഴിയെ പോലെ ഇരിക്കുന്നത് ” എന്തോ ആലോചിച്ചു ഇരിക്കുന്ന മിന്നുവിനെ ഒന്നു തട്ടി കൊണ്ട് സലു ചോദിച്ചു
“ഒന്നുല്ല…… നീ കഞ്ഞി വാങ്ങിയിട്ടില്ലേ…….” ബെഡിൽ നിന്നെഴുന്നേറ്റ് ഭക്ഷണത്തിൻ്റെ കവറുകൾ നോക്കി അവൾ ചോദിച്ചു
“ കഞ്ഞിയോ ……. ആർക്ക്….? നീ കഞ്ഞിയാണോ കുടിക്കുന്നത് ” റാഷി മിന്നുവിനെ സംശയത്തോടെ നോക്കി
“ അല്ല ഇവന് കഞ്ഞിയല്ലെ കുടിക്കാൻ പറ്റൂ….”
“അവന് ഞാൻ നല്ല ചൂട് പൊറോട്ടയും നല്ല തേങ്ങ കൊത്തിട്ട ബീഫും വാങ്ങിയിട്ടുണ്ട് …..” റാഷി എഴുന്നേറ്റ് ഭക്ഷണത്തിൻ്റെ കവർ തുറന്നു
“ കഞ്ഞി മാത്രം കുടിക്കാൻ ഞാനെന്താ ഇവിടെ ചാവാൻ കിടക്കാ….”സലു മിന്നുവിനെ കൂർപ്പിച്ചു നോക്കി
അവളൊരു ഇളിഞ്ഞ ചിരിയിൽ മറുപടിയൊതുക്കി
രാത്രി ഭക്ഷണമെല്ലാം കഴിച്ചു കഴിഞ്ഞ് സലു മരുന്ന് കഴിച്ചതിൻ്റെ ക്ഷീണത്തിൻ മിന്നുവിൻ്റെ മടിയിൽ തല വെച്ച് മയങ്ങിയിരുന്നു
“മിന്നു……”
“മ്മ് ….” സലുവിൻ്റെ തലയിലൂടെ വിരലോടിച്ചു കൊണ്ടവൾ റാഷിയുടെ വിളികേട്ടു
“ ഞാൻ വിചാരിച്ചിരുന്നത് സലു സനയോട് ഇഷ്ടം പറഞ്ഞത് കുറ്റബോധം കൊണ്ടാണെന്നാണ് പക്ഷേ അവന് സനയെ എത്ര ഇഷ്ടമാണെന്ന് ഇന്നെനിക്ക് മനസ്സിലായി”റാഷി സലുവിൻ്റെ മുഖത്തു നോക്കി പറഞ്ഞു നിർത്തി
“അവളെ ഇവന് എന്നെക്കാളുമൊക്കെ ഇഷ്ടമുണ്ടാവോ…..? ” മിന്നുവിൻ്റെ കൈ അപ്പോഴും സലുവിൻ്റെ തലയിലായിരുന്നു