“ആ….. എനിക്കറിയില്ലാ ….” അൽപ നേരം ചിന്തിച്ച് റാഷി ഒരു ഒഴുക്കൻ മട്ടിൽ മറുപടി പറഞ്ഞു
&&&&&&&&&&&&&&&&&&&&&&&&&&&&&&&
കോളേജിലെ പുളിമരചോട്ടിൽ ഇരിക്കുകയായിരുന്നു സലുവും സനയും
“നിനക്കെന്തു പറ്റി……..”സലു പറയുന്നതൊന്നും ശ്രദ്ധിക്കാതെ എന്തോ ആലോചിച്ചിരിക്കുന്നവളോടവൻ ചോദിച്ചു
“ഇപ്പോ എങ്ങനെയുണ്ട്……..” അവളവൻ്റെ തലയിലേക്ക് ചൂണ്ടി
“എനിക്ക് കുഴപ്പമൊന്നുമില്ല ……” അവൻ കണ്ണടച്ചു കാണിച്ചു
“സ്കോളർഷിപ്പിൻ്റെ ആവിശ്യത്തിനു വേണ്ടി………”
“നീ എന്തിനാ എല്ലാ കാര്യത്തിനും ഇങ്ങനെ കണ്ണ് നിറക്കുന്നത്, കണ്ണ് തുടക്ക്…… ” അവൾ കലങ്ങിയ കണ്ണുമായി അന്ന് നടന്നത് വിവരിക്കാൻ തുടങ്ങിയപ്പോഴേക്ക് സലു അവളെ തടഞ്ഞു
“അത് ….അത് ഞാൻ കാരണമല്ലേ …….” അവൾ വിതുമ്പി കൊണ്ട് പറഞ്ഞു
“ നീയാണേ എൻറെ തലക്ക് തല്ലിയത് ” അവൻറെ മുഖത്ത് ചിരി
അവൻ കളിയാക്കിയതാണെന്ന് മനസ്സിലായ അവളുടെ മുഖം കൂർത്തു
“ നീ ഇങ്ങനെ ഏത് കാര്യത്തിനും കരയാൻ നിക്കരുത് …… ” സലു അവളുടെ കൈയ്യിലേക്ക് അവൻറെ കൈ ചേർത്തു വെച്ചു
പെട്ടന്നു തന്നെ വിതുമ്പി കൊണ്ടിരുന്ന അവൾ ഞെട്ടി, പ്രേമിക്കാൻ തുടങ്ങിയിട്ട് കുറച്ചായെങ്കിലും അപൂർവമായി പരസ്പരം കാണുന്ന അവർ ഇത് വരെ ദേഹത്ത് തൊട്ടിട്ടില്ലായിരുന്നു
അവളുടെ മുഖത്തെ ഞെട്ടൽ കണ്ട് സലു കൈയ്യെടുത്തു
“നിനക്ക് എന്തെങ്കിലും സങ്കടമുണ്ടോ……..” കുറച്ചു സമയമായി നിശബ്ദദയെ ബേദിച്ചു കൊണ്ട് സലു ചോദിച്ചു
“എന്ത് സങ്കടം …….. ”
“നിൻ്റെ മുഖത്ത് എപ്പോഴും കാണുന്നത് പരവേശമായിരുന്നു പക്ഷേ ഇന്ന് ഒരു തരം വേറെയൊരു ഭാവം സങ്കടവും കുറ്റബോധവുമൊക്കെ പോലെ ……”സലു വ്യക്തമാക്കി
“നിനക്ക് തോനുന്നതാവും ……..” അവൾ പുഞ്ചിരിച്ചു കൊണ്ട് പറഞ്ഞു
“ന്നാ ഒക്കെ ” അവനതിന് മറുപടിയും കൊടുത്തു
&&&&&&&&&&&&&&&&&&&&&&&&&&&&&&&
ദിവസങ്ങൾ കടന്നുപോയി അവരെല്ലാം കസെക്കൻ്റിയറിൻ്റെ അവസാനത്തേക്കെത്തിയിട്ടുണ്ടായിരുന്നു, ഹന്നയും റാഷിയും ഇപ്പോ അവരുടെ കോളേജ് പ്രണയം ആസ്വതിക്കുകയാണ് സനക്കിപ്പോഴും പേടി മാറിയിട്ടില്ല സലുവും സനയും പരസ്പരം കാണുന്നത് തന്നെ കുറച്ചായിരുന്നു
അങ്ങനെ ഒരു ദിവസം ഉച്ചക്ക് മിന്നുവും റാഷിയും സലുവും കോളേജ് കാൻ്റീനിൽ നിന്ന് ഭക്ഷണം കഴിച്ചു കൊണ്ടിരിക്കുകയായിരുന്നു
കഴിച്ചു കഴിഞ്ഞ റാഷിയും സലുവും കൈ കഴുകി വരാനായി എഴുന്നേറ്റു പോയി മിന്നു അപ്പോഴും കോഴി ബിരിയാണിയുമായി മല്ലിടുകയാണ്
പെട്ടന്ന് കാൻ്റീനിൻ്റെ വാതിൽക്കൽ ഒരു ശബ്ദം കേട്ട് തിരിഞ്ഞു നോക്കിയ അവൾ കാണുന്നത് അറേഴ് പേര് കോളേജ് ചെയർമാൻ്റെ പുറകെ ഓടി വരുന്നതാണ് അവരുടെയൊല്ലാം കയ്യിൽ മരത്തടികളും ഇരുമ്പ് പൈപ്പും ഹോക്കി സ്റ്റിക്കുകളുമുണ്ട്, മിന്നുവിൻ്റെ ടേബിളിൻറെ മുന്നിലിട്ട് അവരവനെ പിടിച്ചു മിന്നുവിൻ്റെ ടേബിളിൽ കിടത്തി രണ്ട് പൊട്ടിച്ച ശേഷം വലിച്ചു നിലത്തിട്ടു വട്ടം നിന്ന് ചവിട്ടി കൂട്ടാൻ തുടങ്ങി, അതിനിടയിൽ മിന്നുവിൻ്റെ ഫോൺ അവരുടെ ഇടയിലേക്ക് വീണിരുന്നു
ഫോൺ നിലത്തേക്കു വീണത് കണ്ടവൾ ഗുണ്ടകൾ തീർത്ത വട്ടത്തിനിടയിലേക്ക് കയറി അവളുടെ ഫോണെടുക്കാൻ നോക്കി
“എങ്ങോട്ടാടീ………” മിന്നു നുഴഞ്ഞുകയറാൻ നോക്കുന്നത് കണ്ട് നേതേവ് എന്നു തോന്നുന്ന ഒരുത്തൻ അവളോട് ചോദിച്ചു
“ എൻ്റെ ഫോൺ ” അയാളുടെ മുമ്പിൽ കിടക്കുന്ന ഫോണിലേക്കവൾ വിരൽ ചൂണ്ടി
“ആനകാര്യത്തിൻ്റെ എടേലാണോ ടി നിൻ്റെ ചേന കാര്യം ” എന്നു പറഞ്ഞയാൾ ഫോണ് ചവിട്ടി പൊട്ടിച്ചു
“ഡാ……”അതുകണ്ട് സമനില തെറ്റിയ അവൾ അടുത്ത നിമിഷം അവനെ അടിക്കാനായി കൈ വീശി
പക്ഷേ അയാളത് പിടിച്ചു വെച്ച് തിരിച്ചൊന്നു കൊടുത്തു, അയാളുടെ കരുത്തും വേഗതയും കാരണം അവൾക്കത് തടുക്കാൻ കഴിഞ്ഞില്ല
അവളുടെ ചെവിയിൽ കൂടി എന്തൊക്കെയോ മൂളി പറന്നു കൊണ്ടിരുന്നു, ഭൂമി മുഴുവൻ ചുറ്റുന്നത് പോലെ. തല കറങ്ങി വീഴാൻ പോയവളെ ബലമുള്ള ഒരു കൈ താങ്ങി, അടിയുടെ ആഘാതത്തിൽ കണ്ണ് നേരെ
നിൽക്കുന്നില്ലെങ്കിലും ആ കൈകൾ അവൾ തിരിച്ചറിഞ്ഞിരുന്നു
തുടരും……..
അഭിപ്രായങ്ങൾ അറിയിക്കണേ…..