നീ കിണിക്കല്ലേ എന്നാലും ഞാൻ വിചാരിച്ചു നീ എന്നോട് പറയുമെന്ന്.
ഡാ ആത്യം ഞാൻ ഒന്ന് നോക്കട്ടെ ഇത് പ്രേമം ആണോന്ന് എന്നിട്ട് പറയാം എന്ന് വിചാരിച്ചു അതാ അല്ലാതെ ഞാൻ നിന്നോട് പറയാതെ ഇരിക്കുവോ.
ഒരു പുച്ഛിച്ച ചിരിയാരുന്നു അതിനു അവന്റെ മറുപടി.
പിന്നെ അളിയാ വേറെ ആരോടും പറയല്ലേ…
എനിക്ക് ഒന്ന് ആലോചിക്കണം…. ഒട്ടും ആലോചിക്കാതെ അവൻ പറഞ്ഞു.
അളിയാ……
ആ ഡാ ആരോടും പറയില്ല…. പോരെ….
മതി അത് കേട്ട മതി.
പിന്നെ ഞങ്ങൾ രണ്ടും അതികം കറങ്ങാതെ നേരെ ക്ലാസ്സിലേക്ക് പോയി.
പിന്നീടുള്ള ദിവസങ്ങളിൽ ഞാൻ അറിയുകയാരുന്നു വൺ സൈഡ് ലവിന്റെ സുഖം. എന്നും അവളെ കാത്ത് നിൽക്കും എപ്പോളും അവളെ നോക്കി ഇരിക്കും. അവൾ ക്ലാസ്സിൽ വരാത്ത ദിവസം എനിക്ക് ആകെകൂടി ഒരു വല്ലാത്ത ദിവസം ആയിരിക്കും. ക്ലാസ്സിൽ ഇരിക്കുമ്പോ ആണെങ്കിൽ ഞാൻ അറിയാതെ തന്നെ അവളെ നോക്കിപ്പോകും ഇടക്ക് ഞാൻ നോക്കുമ്പോ അവളും യാദർശ്ശികമായി ഇടക്ക് എന്നെയും നോക്കി പക്ഷെ ഞാൻ അവളെ നോക്കുന്നുണ്ട് എന്ന് തോന്നിക്കാതെ ഞാൻ ആ സിറ്റുവേഷൻ മാനേജ് ചെയ്യും.
ക്ലാസ്സിൽ അങ്ങനെ ആരുന്നു എങ്കിലും ഞാൻ ഇതുവരെ അവക്ക് മെസ്സേജ് അയക്കുകയോ ഒന്നും ഒണ്ടായിട്ടില്ല. പിന്നെ ക്ലാസ്സിൽ ചിലർക്കൊക്കെ എന്തോ ഡൌട്ട് ഒക്കെ ഉണ്ടെന്നു റോഷൻ പറഞ്ഞു. അത് അല്ലേലും അങ്ങനെ ആണല്ലോ. എന്ത് ചെയ്യാൻ…..
ഇപ്പൊ എല്ലാദിവസവും വൈകുന്നേരം ഞങ്ങൾ മുന്നും അടുത്തുള്ള ഒരു പാർക്കിൽ പോയി ഇരിക്കാറുണ്ട് ഞങ്ങൾ അവടെ ഇരുന്ന് വെറുതെ സംസാരിക്കും. സന്ധ്യ അയാലേ വീട്ടിലേക്ക് പോകു ഇതൊരു ശീലം പോലെ ആയിട്ടുണ്ട് ഇപ്പൊ.
അങ്ങനെ ഇരിക്കുമ്പോളാണ് ആ ദുഃഖകരവും അസൂയവഹവുമായ കാര്യം നടക്കുന്നത്.
ഒരിക്കെ ഞങ്ങൾ പാർക്കിൽ ഇരിക്കുമ്പോ രണ്ട് പെൺകുട്ടികൾ വന്ന് ഞങ്ങളുടെ എതിർവശത്തുള്ള സീറ്റിൽ ഇരുന്നു അതിൽ ഒരുകുട്ടി റോഷനെ മാറ്റി നിർത്തി പ്രെപോസ് ചെയ്യുകയും ചെയ്തു. ആ കുട്ടിക്ക് ഇവനെ നേരത്തെ അറിയാവുന്നെ ആണ് കോളേജിൽ ഇവന്റെ ജൂനിയർ ആരുന്നു ഇപ്പൊ ഇവടെ ഒരു കോഴ്സ് ചെയ്യുന്നു. അങ്ങനെ നീണ്ട നേരത്തെ സംസാരത്തിനുശേഷം അവർ രണ്ടും ഞങ്ങടെ അടുത്തേക്ക് വന്നു രണ്ടിന്റെയും മുഖം കണ്ടപോളെ എന്റെ എന്താണ്ടൊക്കയോ പോയി അവൻ അവളെ എനിക്ക് പരിചയപ്പെടുത്തി തന്നു. പക്ഷെ ഞാൻ അവനും ലൈൻ സെറ്റായതിന്റെ ഷോക്കിൽ ആയിരുന്നു അതുകൊണ്ട് തന്നെ അവർ എന്താണ് പറഞ്ഞത് എന്ന് പോലും ഞാൻ കേട്ടില്ല എന്തിനേറെ പറയുന്നു ആ കൊച്ചിന്റെ പേരുപോലും ഞാൻ കേട്ടില്ല.
പക്ഷെ അന്ന് ഞാൻ ഒരു തീരുമാനം എടുത്തു എനിക്കും വേണം ഒരു പെണ്ണ്.
പക്ഷെ ആര്…..
വൈഗയോട് എനിക്ക് തോന്നിയത് പ്രേമം തന്നെ ആണോ…
ആണെങ്കിൽ തന്നെ അവക്കും എന്നെ ഇഷ്ടമാകുവോ….
ഇനി അഥവാ ഇഷ്ടമല്ല എങ്കിൽ അവളുടെ പ്രീതികരണം എന്തായിരിക്കും.
അഥവാ അവൾ ഇഷ്ടമാണെന്ന് പറഞ്ഞ ഞാൻ എന്ത് ചെയ്യും.
ഒരുപക്ഷെ ഞങ്ങൾ പ്രേമിച്ചുതുടങ്ങിയ ശേഷം അവളെ എനിക്ക് പിരിയാൻ കഴിയില്ല അതുകൊണ്ട് തന്നെ അവളുടെ വീട്ടിലോ മറ്റോ ഈ ബന്ധത്തിന് സമ്മതം അല്ലങ്കിൽ എന്തേലും കാരണവശാൽ അവളെ എന്റെ വീട്ടിലേക്ക് കൊണ്ടുപോകേണ്ടി വന്നാൽ എന്ത് ചെയ്യും. എന്റെ വീട്ടിൽ ആർക്കും പ്രശനം ഒന്നും ഉണ്ടാകില്ല എന്നാലും അവളുടെ കാര്യങ്ങൾ എല്ലാം ഞാൻ നോക്കണ്ടേ അതിന് എനിക്ക് ആത്യം ഒരു ജോലി വേണ്ടേ. കോപ്പ് എനിക്ക് ഇനി ഒരു ജോലി കിട്ടാൻ കുറഞ്ഞത് 2 വർഷം എങ്കിലും കഴിയണം. അതിൽ കൂടുതൽ എടുക്കാനാണ് സാധ്യത.
അങ്ങനെ വന്ന എല്ലാം പ്രശനം ആകും ഇതൊക്കെ ചിന്തിച്ചപ്പോ എനിക്ക് നല്ല സങ്കടം വന്നു.
അഖിൽ എന്റെ അടുത്ത് കിടന്ന് ഫോണിൽ തോണ്ടുന്നുണ്ടാരുന്നു അവന്റെ ഫോണിൽ നിന്ന് ആണുങ്ങൾ കരയാൻ പാടില്ല എന്ന സ്റ്റാറ്റസ് കേട്ടപ്പോ എനിക്ക് ശെരിക്കും ദേഷ്യം വന്നു അവനെ രണ്ട് തെറിയും പറഞ്ഞ് ഞാൻ നേരെ ബാൽക്കണിയിൽ പോയി നിന്നു.
ആണുങ്ങൾ കരയാൻ പാടില്ല പോലും അതിനു ആണുങ്ങൾക്ക് എന്റെ ഗെതി വന്ന് നോക്കണം അപ്പൊ അറിയാം. ഇതൊക്കെ പറഞ്ഞവൻ ഏതവനാടാ…… ശെരിയാ എനിക്ക് തോന്നുന്നു സാമ്പത്തികം മാത്രമാണ് ഒരാളുടെ ജീവിതം തീരുമാനിക്കുന്നത് എന്നാണ് കാരണം പൈസ ഒണ്ടേ അവന് എല്ലാം ഒണ്ട് പെണ്ണ് പ്രേസക്തി അങ്ങനെ എല്ലാം. പണം ഇല്ലാത്തവന് സുഹൃത്തുക്കൾ മാത്രേ ഉണ്ടാകുക ഒള്ളു അതും വളരെ കുറച്ച് മാത്രം പക്ഷെ അവരൊന്നും ഒന്നും പ്രേതീക്ഷിച്ചിട്ടരിക്കില്ല കൂടെ കൂടിയത്. ഇതുവരെ ഒള്ള എന്റെ ലൈഫ് വെച്ച് നോക്കുമ്പോ എനിക്ക് മനസിലായ കാര്യം ആണ് ഇതൊക്കെ ചിലപ്പോ എന്റെ മാത്രം തോന്നൽ ആയിരിക്കാം.
എന്റെ ചിന്തകൾ കാടുകയറിയപ്പോ ഞാൻ ഞാൻ ഒരു തീരുമാനം എടുത്തു ഇപ്പം തത്കാലം പ്രേമം ഒന്നും വേണ്ട.
അന്ന് ഭക്ഷണം കഴിക്കാൻ ഒന്നും നില്കാതെ ഞാൻ പോയി കിടന്നു അവന്മാർ എന്താന്ന് ചോദിച്ചപ്പോ തലവേദന ആണെന്നും പറഞ്ഞു. റോഷന്റെ നോട്ടം കണ്ടപ്പോ എന്തോ മനസിലായ പോലെ എനിക്ക് തോന്നി. പിന്നെ അതൊന്നും കാര്യം ആക്കാതെ ഞാൻ പോയി കിടന്നു ഉറക്കം വരാൻ കുറെ സമയം എടുത്തു ഇടക്ക് എപ്പളോ ഉറങ്ങി.
ഇനി ജീവിതത്തിൽ എന്ത് സംഭവിക്കും എന്ന് അറിയാതെ.
നാളെ എന്താകും എന്ന് അറിയാതെ.
തുടരും……….
എല്ലാർക്കും ഇഷ്ടമായി എന്ന് വിചാരിക്കുന്നു ഇഷ്ടമായാലും ഇല്ലെങ്കിലും അഭിപ്രായം കമന്റ്‌ ചെയ്യണേ ഇന്നലെ എനിക്ക് വേണ്ട മാറ്റങ്ങൾ വരുത്താൻ പറ്റു.
അപ്പൊ അടുത്ത പാർട്ടിൽ കാണാം
നളൻ….. ❤❤
