ഇത് ഞങ്ങളുടെ കഥ

Ethu njangalude Kadha Part 1 | Author : Sayooj

ആമുഖം :

നമസ്കാരം.എന്റെ പേര് സായൂജ് , ഇവിടെ സ്ഥിരം സന്ദർശകൻ ആണെങ്കിലും ഇതുവരെ ഒരു കഥ എഴുതിയിട്ടില്ല. എന്നെങ്കിലും എഴുത്തിലേക്ക് ഇറങ്ങണം എന്ന ആഗ്രഹം ഉള്ളിൽ ഉണ്ടായിരുന്നു.ഒടുവിൽ അത് നിറവേറാൻ പോവുകയാണ്.

ഒരു മുഴുനീള കമ്പികഥ അല്ല ഞാൻ ഉദ്ദേശിക്കുന്നത്. ഇതിൽ കമ്പിയുണ്ട്, അതുപോലെ തന്നെ പ്രേമമുണ്ട്, സൗഹൃദവുമുണ്ട്.

തുടക്കക്കാരനായത് കൊണ്ട് അതിന്റെതായ പോരായ്മകൾ കഥയിൽ ഉണ്ടാവാനുള്ള സാധ്യതയുണ്ട്, അതെല്ലാം ഷെമിച്ചു നിങ്ങൾ പിന്തുണ നൽകുമെന്ന ഉറപ്പോടെ ഞാൻ തുടങ്ങട്ടെ.

അന്നൊരു തിങ്കളാഴ്ചയായിരുന്നു, കോളേജിലേക്ക് ജൂനിയർ ബാച്ച് കുട്ടികൾ വരുന്ന ദിവസം. ഇത് മുൻകൂട്ടി കണ്ടുകൊണ്ട് തന്നെയാണ് അരുണും നിയാസും പതിവിലും നേരത്തെ കോളേജിൽ ഹാജരായത് കൂട്ടത്തിലെ മൂന്നാമൻ ഉണ്ണിയും കൂടെയുണ്ട്.മറ്റു രണ്ടുപേരുടെയും ഉദ്ദേശം ചെറിയ റാഗിംഗും പുതിയ പെൺപിള്ളേരെ നോട്ടമിടുന്നതും ഒക്കെയാണെങ്കിലും ഉണ്ണിക്ക് ഇതിനോടൊന്നും തീരെ താല്പര്യമില്ലായിരുന്നു എന്നും അരുണിന്റെ ബൈക്കിന് പിറകിൽ കോളേജിലേക്ക് വന്നുകൊണ്ടിരുന്ന അവൻ ബസ് യാത്ര ഒഴിവാക്കാൻ വേണ്ടി മാത്രമായിരുന്നു നേരത്തെ ഇവരുടെ കൂടെ കൂടിയത്.

കോളേജിന്റെ കവാടം കടന്നുവരുന്ന പലനിറത്തിലും രൂപത്തിലുമുള്ള തരുണീമണികളെ നോക്കിക്കൊണ്ട് മൂവരും കവാടത്തിനടുത്തുള്ള ആൽത്തറയിൽ സ്ഥാനമുറപ്പിച്ചു.

ഇനി നമുക്ക് കഥയിലെ പ്രധാന കഥാപാത്രങ്ങളായ ഈ മൂവർ സംഘത്തെ പരിചയപ്പെടാം.

അരുൺ ആണ് നമ്മുടെ കഥാനായകൻ. ഇടത്തരം കുടുംബത്തിൽ നിന്ന് വരുന്ന കാണാൻ സുന്ദരനായ ഒരു ശരാശരി മലയാളി പയ്യൻ.

വീട്ടിൽ അമ്മയും അച്ഛനും ഒരു അനുജത്തിയും ഉണ്ട്.

അരുണിന്റെ ഉറ്റസുഹൃത്തുക്കളാണ് ഉണ്ണികൃഷ്ണനും മുഹമ്മദ് നിയാസും. സത്യം പറഞ്ഞാൽ ഇവർ രണ്ടുപേരും തമ്മിൽ ഉള്ള ഏക സാമ്യത അരുണിന്റെ ബെസ്റ്റ് ഫ്രണ്ട്സ് എന്നുള്ളത് മാത്രമായിരുന്നു.

വളരെ ധനികരായ കുടുംബത്തിൽ നിന്നാണ് നിയാസിന്റെ വരവ്.ഒറ്റ മകൻ ഉമ്മയോടൊപ്പം താമസിക്കുന്നു ഉപ്പു സൗദിയിൽ വലിയൊരു കമ്പനിയിൽ ജോലി നോക്കുന്നു. മാസമാസം അവന്റെ വീട്ടിലേക്ക് ഉപ്പയുടെ സമ്പാദ്യം ഒഴുകുന്നു. സ്വാഭാവികമായും കൂട്ടത്തിലെ പണത്തിന്റെ പ്രധാന സ്രോതസ്സ് അവൻ തന്നെയായിരുന്നു. പണം പോലെ നിയാസിനെ ജീവിതത്തിൽ ക്ഷാമം ഇല്ലാതിരുന്ന മറ്റൊന്നായിരുന്നു പെണ്ണ് സ്ത്രീ വിഷയങ്ങളിൽ അഗ്രഗണ്യനായിരുന്നു കക്ഷി. അളവിൽ കൂടുതൽ പണവും അത്യാവശ്യം സൗന്ദര്യവും ഉള്ളതുകൊണ്ട് അവനു കാര്യങ്ങൾ കുറച്ചുകൂടെ എളുപ്പത്തിലായി.

ഇതിന്റെ നേരെ വിപരീതമായിരുന്നു ഉണ്ണിയുടെ കാര്യങ്ങൾ. വളരെ ബുദ്ധിമുട്ടുള്ള ഒരു പാവപ്പെട്ട കുടുംബത്തിൽ നിന്നായിരുന്ന ഉണ്ണിയുടെ വരവ്. തെങ്ങു കയറ്റക്കാരനായ അച്ഛൻ അരക്കു താഴെ തളർന്നു കിടപ്പിലായിട്ട് ഇപ്പോൾ വർഷം 3 ആയി. ജോലിക്കിടെ കാൽ വഴുതി വീണായിരുന്നു അപകടം. വീട്ടുജോലികളും തൊഴിലുറപ്പുമൊക്കെയായി അമ്മയാണ് കുടുംബം മുന്നോട്ട് കൊണ്ട് പോവുന്നത്. കെട്ടിക്കാൻ പ്രായമായ ചേച്ചി ഉൾപ്പടെ നാല് പേരുടെ ഒരു ചെറിയ കുടുംബമായിരുന്നു അവന്.

കഷ്ടപ്പാടുകളും പണത്തിന്റെ വിലയും തന്റെ ഇതുവരെയുള്ള ജീവിതാനുഭവങ്ങളിൽ നിന്ന് നല്ലതുപോലെ തിരിച്ചറിഞ്ഞ ഉണ്ണിക്ക് സാധാരണ ചെറുപ്പക്കാരെ പോലെ കൂട്ടുകാരിലും പെണ്ണിലും ആഘോഷങ്ങളിലും ഒന്നുമല്ലായിരുന്നു ശ്രദ്ധ, എങ്ങനെയെങ്കിലും നല്ലപോലെ പഠിച്ചു ഒരു ജോലി നേടി കുടുംബത്തെ രക്ഷപ്പെടുത്തണമെന്ന ഒരൊറ്റ ലക്ഷ്യം മാത്രമായിരുന്നു അവന് .

അത് അവന്റെ ക്ലാസിലെ പ്രകടനങ്ങളിലും വ്യക്തമായിരുന്നു ടീച്ചർമാരുടെ കണ്ണിലുണ്ണിയായിരുന്നു അവൻ.

അന്തർമുഖൻ ആയതിനാലും സാധാരണ ചെറുപ്പക്കാരെ പോലെ അടിപൊളികളിൽ ഒന്നും താല്പര്യമില്ലാതിരുന്നതിനാലും കോളേജിൽ അവന്റെ ആകെയുള്ള കൂട്ട് അരുണും നിയാസും മാത്രമായി ഒതുങ്ങി. നിയാസിനെ അരുൺ കോളേജിൽ വെച്ചാണ് പരിചയപ്പെടുന്നതെങ്കിൽ,ഉണ്ണി അരുണിന്റെ കളിക്കൂട്ടുകാരനായിരുന്നു രണ്ടുപേരുടെയും വീടുകൾ ഒരു മതിൽ മാത്രം വേർതിരിച്ചു.