പ്രത്യേകിച്ച് ഇത്തിരി അഭിമാനിയായ എന്റച്ഛന്,… അൽപ്പം ദുരഭിമാനം കൂടി ഉണ്ടെന്നു കൂട്ടികൊള്ളു ….. അതിനോട് യോജിക്കാൻ സാധിച്ചില്ല….. അതിന്റെ സൗന്ദര്യപിണക്കം നീണ്ടുപോയി. ഇപ്പൊ അവർക്ക് രണ്ടുപേർക്കും, ഞങ്ങൾ തമ്മിലുള്ള ബന്ധത്തിനോട് യോജിക്കാനും, ഒത്തുപോകാനും സാധിക്കുന്നില്ല എന്നത് തന്നെ ചുരുക്കം.
പക്ഷെ തിരിച്ചറിവ് വന്ന മനസുകളെ അകറ്റാൻ ആർക്കും കഴിയില്ല എന്ന സത്യം ഇവർക്കാർക്കും മനസ്സിലാക്കാൻ സാധിച്ചില്ല…..
ആ കാര്യം എന്റെ ചേട്ടനടക്കം എല്ലാവരും വിസ്മരിച്ചു. അച്ഛൻ പറഞ്ഞതിനപ്പുറം ചേട്ടന് വാക്കില്ല. ചലിക്കുകയുമില്ല…
റെജിയേട്ടൻ അൽപ്പം പിടിവാശിയുള്ള ആളായിരുന്നെങ്കിൽ എന്നെ എപ്പഴേ വീട്ടീന്ന് അടിച്ചു മാറ്റി, ഇറക്കി കൊണ്ടുപോയേനെ,… ഈ സമയം കൊണ്ട് ഞാൻ അങ്ങേരുടെ രണ്ട് പിള്ളാരെ പെറ്റേനെ….
ആളൊരു പാവമാണ് വീട്ടുകാരെ, മാതാപിതാക്കളെ വെറുപ്പിച്ചും പിണക്കിയും കൊണ്ട് കല്യണം കഴിക്കുന്നതിൽ പുള്ളിക്ക് താല്പര്യമില്ല….. അവരുടെ മനസ്സ് മാറുന്നത് വരെ കാത്തുനിൽക്കാം എന്നുതന്നെയാണ് പുള്ളീടെ തീരുമാനം.
ഉച്ചയ്ക്ക് ശേഷമുളള വണ്ടിക്ക് ഞാൻ പുറപ്പെട്ട്. യാത്രയും കഴിഞ്ഞു സന്ധ്യയായി അവിടെ എത്തിയപ്പോൾ തന്നെ.
കുടുംബത്തിലെ എല്ലാരുമുണ്ട് കല്യാണത്തിന് പങ്കെടുക്കാൻ. കാരണം ആ തറവാട്ടിലെ അവസാനത്തെ കല്ല്യാണമാണത്.
എല്ലാവരോടും ഒന്നു മിണ്ടിയും പറഞ്ഞും നില്ക്കാനും വിശേഷം പറച്ചിലും, ഒക്കെ കഴിഞ്ഞപ്പോൾ തന്നെ നേരം ഒത്തിരിയായി …. പിന്നെ അവിടെത്തെ തിക്കും തിരക്കും വല്ലാത്ത വീർപ്പുമുട്ടൽ ഒന്നിനും സമയമില്ല.
വീട് നിറയെ ആളുകളുടെ ബഹളം. ഒരു കല്ല്യാണ വീടായാൽ ഇങ്ങനെയൊക്കെയാണെന്ന് അറിയാമായിരുന്നിട്ടും ഒരു തരം വീർപ്പു മുട്ടൽ.
കല്യാണതലേന്ന് ഉള്ള ചടങ്ങുകളിൽ പങ്കെടുക്കാൻ നാട്ടുകാരും അയൽവാസികളും പിരിഞ്ഞ് പോകാൻ തന്നെ ഏറെ നേരമെടുത്തു.
അതിനിടെ അകത്തെ മുറിയിൽ വച്ച് റെജിയേട്ടനെ ഞാൻ കണ്ടു…. മണവാട്ടിയുടെ അമ്മയുമായി എന്തോ, പിറ്റേ ദിവസത്തെ സദ്യാവട്ടങ്ങളെ കുറിച്ചുള്ള കാര്യങ്ങൾ സംസാരിക്കുന്നതിനിടെ എന്നെ കണ്ടപ്പോൾ ഒന്ന് ചിരിച്ചു,…
അവർ ആ മുറിയിൽ നിന്ന് ഇറങ്ങി പോയ ശേഷമാണ് ഞാൻ അങ്ങോട്ട്‌ കയറി പോയത്‌.
റെജിയേട്ടൻ വേഗം എന്റെ അടുത്തേക്ക് വന്നു രണ്ടു കൊച്ചു വർത്താനം പറഞ്ഞു… “മോളെ ഞാൻ ഇത്തിരി തിരക്കിലാണ്, സോറി, നമ്മുക്ക് പിന്നെ കാണാം കേട്ടോ”……. എന്ന് പറഞ്ഞിട്ട്… ആരും കാണാതെ കെട്ടിപിടിച്ച് എന്റെ കവിളിൽ ഒരു ചുംബനം തന്നിട്ട് പോയി…. എന്നാലും അപൂർവമായി കിട്ടുന്ന ആ ചുംബനത്തിന്റെ സുഖം ഒന്ന് വേറെ തന്നയാണ്……. ഏറെ അനുഭൂതി ഉളവാക്കുന്നതാണ് അത്. ….
കുറച്ചു നേരം ആ കവിളുകളിൽ തടവികൊണ്ട് അതിന്റെ ലഹരിയിൽ ത്രില്ലടിച്ചു ലയിചിരിക്കുകയായിരുന്നു ഞാൻ.
സത്യം പറഞ്ഞാൽ എന്റെ ഉള്ളിന്റെ ഉള്ളിലെ ഒരു ലഹരിയാണ് റെജിയേട്ടാൻ. ആരൊക്കെ എതിർത്താലും ഞങ്ങളെ വേർപെടുത്താനാവില്ല എന്ന് ഞങ്ങൾ മുൻപേ തീരുമാനിച്ചതാണ്….. തെളിയിച്ചതാണ് ഒരു പ്രഖ്യാപനം പോലെ….
നേരിൽ കാണുമ്പോഴും, അല്ലാത്തപ്പോഴും അദ്ദേഹത്തിലെ സ്നേഹത്തിന്റെ അളവ് ഒരുപോലെയാണ്. അതാണ്‌ ഞാൻ അദ്ദേഹത്തിൽ കാണുന്ന ഒരു വലിയ ക്വാളിറ്റി…..
വല്ലപ്പോഴും മാത്രമേ ഒരു ഫോൺ കോൾ ചെയ്യാറുള്ളൂ, അത് പക്ഷെ ഒരുപാട് മധുരതരമാണ്…… എല്ലാം ദിവസവും ഫോൺ ചെയ്തു വെറുപ്പിക്കുന്ന രീതിയിലുള്ള വർത്തമാനം, അഥവാ റൂട്ട് മാറ്റിയുള്ള സംസാരം അതുപോലുള്ള അനുഭവങ്ങൾ ഇത്രയും നാളുകൾക്കിടെ ഒരു തവണ പോലും റെജിയേട്ടനിൽ നിന്നും എനിക്കുണ്ടായിട്ടില്ല…
അങ്ങിനെ ഒക്കെ ആയാലും ആളൊരു വലിയ പരസഹായിയാണ്, ആ ദേശത്ത് തന്നെ പുള്ളിയെ അറിയാത്ത ആരുമില്ലന്നു മാത്രമല്ല,
കല്യാണങ്ങൾ, മരണവീട്, അങ്ങനെയൊക്കെയുള്ള സ്ഥലങ്ങളിൽ പുള്ളിയും കുറച്ച് സുഹൃത്തുക്കളും കൂടി അകമഴിഞ്ഞ സഹായ സഹകരണങ്ങളും അത്യാവശ്യം ചെറിയ ധനസഹായവുമൊക്കെ ചെയ്യും…
അതൊക്കെ, പുള്ളീടെ വക സ്വന്തം പോക്കറ്റിൽ നിന്നള്ള സ്‌പോൺസേർഡ് പ്രോഗ്രാം ആണ്…..
ഈ കല്യാണവീട്ടിലെ കാര്യങ്ങൾ പോലും പുള്ളിയുടെ നിയന്ത്രത്തിലാണ്‌……. നിമ്മിയുടെ സഹോദരന്റെ സ്ഥാനത്തു നിന്ന് കൊണ്ട് സഹായിച്ചും സഹകരിച്ചും ഇത്രയും കാര്യങ്ങൾ അടുപ്പിച്ചു കൊണ്ടു വരിക, എന്നത് അത്ര എളുപ്പമുളള കാര്യമാണെന്ന് തോന്നുന്നില്ല…
എന്നാൽ അവരുടെ അകന്ന ഒരു ബന്ധു മാത്രമാണ് റെജിച്ചേട്ടൻ…..
ഈ “നിമ്മിക്ക് ” ഒരു സഹോദരൻ ഉണ്ടായിരുന്നു. കുറച്ചു വർഷങ്ങൾക്ക് മുൻപ് ഒരു അപകടത്തിൽ പെട്ട് മരിച്ച് പോയി,
“സജീവേട്ടൻ” …… എന്റെ റെജിയേട്ടനും സജീവേട്ടനും ഉറ്റ സുഹൃത്തുക്കളയിരുന്നു. “ചക്കരയും, പീരയും” എന്നാണ് സുഹൃത്തുക്കൾ ഇവരെ വിളിച്ചിരുന്നത്….
ആ ഒരു ബന്ധം വച്ചാണ് പുള്ളി ഇവിടെത്തെ കാര്യങ്ങളൊക്കെ നോക്കി നടത്തുന്നത്…….
ങാ.. ഈ കക്ഷിക്ക്,…. സജീവേട്ടൻ, എന്നോട് പണ്ട് ഒരു ലൈൻ ഉണ്ടായിരുന്നു എന്നാണ് എന്റെ അറിവ്, അത് കുറെ നാൾക്ക് ശേഷം നിമ്മി തന്നെയാണ് എന്നോട് പറഞ്ഞത്…..
പക്ഷെ അതൊരു വൺ വേ ലൗ ആയിരുന്നുന്നേയുള്ളൂ….. കാരണം “ഞാൻ നിന്നെ പ്രേമിക്കുന്നു” എന്നൊന്നും പുള്ളി ഇതുവരെ എന്നോടൊന്നും പറഞ്ഞിട്ടില്ല…. പിന്നെ എങ്ങന്യാ ഞാൻ അറിയുന്നേ…..?
ഹും…. അതിനിടെ അങ്ങനെയും ഒരു സ്റ്റോറി… ഇനി ഞാൻ അറിയാതെ എന്നെ പ്രേമിക്കുന്ന ആളുകൾ വേറെയുമുണ്ടായിരുന്നോ ആവോ ഈ നാട്ടിൽ……. ?.
അതിന് ഞാൻ അത്ര വലിയ അടിപൊളി സ്റ്റൈൽ ഉള്ള ആളൊന്നുമല്ല കേട്ടോ….. എന്നാ അത്യാവശ്യത്തിന് ഒരു പെണ്ണിന് വേണ്ട ശാരീരിക സൗന്ദര്യവും മൊഞ്ചുമൊക്ക ഉണ്ട് താനും…. അത്രയും ഇല്ലങ്കിലും എന്റെ റെജിയേട്ടൻ എന്നെ പ്രേമിക്കുമെന്നു നിങ്ങൾക്ക് തോന്നുന്നുണ്ടോ…… ?
പിന്നെ…. അത് ഇനി നിമ്മിയുടെ, പ്ലാൻഡ് ക്രിയേഷൻ വല്ലതുമാണോ എന്നുപോലും എനിക്ക് തോന്നീട്ടുണ്ട്……
അറിഞ്ഞിടത്തോളം സജിയേട്ടൻ നല്ലൊരു വ്യക്തിയാണെന്ന് അറിയാം, അതിൽ കൂടുതലായി …. ഇടയ്ക്കിടെ അൽപ്പം വെള്ളമടി, അൽപ്പം വായ് നോട്ടം ഒക്കെ ഉണ്ടെന്നും കേട്ടിട്ടുണ്ട്….. അത്രതന്നെ…..
അത്രയൊന്നും ഇല്ലാത്തവൻ ഈ കാലഘട്ടത്തിൽ ഒരു ശരാശരി പുരുഷൻ എന്ന് പറയാനൊക്കുമോ… ?. പക്ഷെ എന്റെ ആത്മ സുഹൃത്തായ “നിമ്മി” യേ എനിക്ക് അത്രകണ്ട് കണ്ണും പൂട്ടി വിശ്വസിക്കാൻ പ്രയാസമാണ്….. കാരണം “അനുഭവങ്ങൾ” തന്നെ…. അത് ഞാൻ പിന്നെ പറയാം……
അല്ലെങ്കിൽ വേണ്ട അത് ഇപ്പൊ തന്നെ പറയാം കാരണം എന്റെ കാര്യങ്ങൾ പറയണമെങ്കിൽ എനിക്കവളെ കുറിച്ചും പറയാതെ വയ്യ.
നമ്മുക്ക് തമ്മിൽ നല്ല സൗഹാർദ്ദവും ബന്ധവുമൊക്ക ആണെങ്കിലും ചില കാര്യങ്ങളിൽ എനിക്കവളെ പിടിക്കില്ല…. പൊതുവെ, ഈ കക്ഷി, പുരുഷവിഷയത്തിൽ അൽപ്പം കമ്പം കൂടുതലുള്ള ഒരിനമാണ്…
