ഇപ്പൊ തന്നെ പരിശോധിച്ച് കളയാം. ഞാൻ ജനൽ തുറന്ന് പുറത്ത് നോക്കി. അതിലുടെ അപ്പുറത്തെ വീട് കാണാം. ലൈറ്റെലാം ഓഫാണ്. ആകെ ഉള്ള പേടി ആ നശിച്ച പട്ടിയാണ്. അതിന് എന്നെ കാണുമ്പൊ അല്പം ഇളക്കം കൂടുതലാണ്. വേറാരെയും പിടിക്കും. എന്നെ മാത്രം കണ്ടൂടാ. ബ്ലഡി ബഗ്ഗർ .
ഞാൻ മുണ്ട് മടക്കി കുത്തി മെല്ലെ പുറത്തിറങ്ങി. കുറ്റാകൂരിരുട്ട് . ചീവീടിന്റെ ചലപ്പ് മാത്രം. ആശാൻ മുമ്പിലെ കൂട്ടിലാണ്. എന്റെ ഭാഗ്യത്തിന് കുളിമുറി വീട്ടിന്റെ പുറകിലും. ഞാൻ മെല്ലെ മതിലിൽ ചാടി കേറിയപ്പോഴാണ് പെട്ടെന്നാ കാര്യം ഓർത്തത്. പിന്നെ തിരിഞ്ഞൊരൊറ്റ ഓട്ടമായിരുന്നു. വേറൊന്നുമല്ല. നമ്മുക്കുമുണ്ടേ പുറത്തൊരു ബാത്രൂം.
മൊബൈൽ ഫ്ലാഷ് ലൈറ്റ് ഓണാക്കി ഞാൻ ഫുൾ ഒന്ന് പരിശോധിച്ചു. ആഹ് എന്റെയും തന്തപടീടെം കുളിസീൻ ആർക് വേണം. കതകടച്ച് ഞാൻ തിരിച്ച് വന്ന് മതിൽ ചാടി. മൈര് പട്ടിയ്ക്ക് നൂറു നാവാന്ന് പറയുന്ന പോലെ നൂറ് ചെവിയാ. സൂചി വീണാൽ മതി കൊര തുടങ്ങാൻ .
ഞാനൊരു ഇരുത്തം വന്ന കള്ളനെ പോലെ വളരെ പതിയെ മതില് ചാടി പമ്മി നടന്ന് കുളിമുറിയിലേക്ക് കേറി ലോക്കിട്ടു. ശേഷം ഫ്ലാഷ് ഓണാക്കി ചുറ്റുമൊന്ന് നോക്കി. മെസൊപ്പൊട്ടോമിയയിലേത് പോലെ തോന്നിക്കുന്ന ഒരു പുരാതന കെട്ടിടം . മൊത്തം പൊട്ടി പാളീസാണ്. എല്ലാ ഇടവും വിടവും പൊട്ടലുമൊക്കെ തന്നാ. ആര് കണ്ടാലും ഒരു ഒളികാമറ വെക്കാൻ തോന്നും. അജ്ജാതി കുളിമുറി . കണ്ടിട്ട് എനിക്ക് തന്നെ തോന്നുന്ന് . ആഹ് അത് പോട്ടെ..
വീഡിയോ ആംഗിൾ കണക്ക് കൂട്ടി ക്യാമറ ഇരുന്ന സ്ഥലം ഞാൻ പരിശോധിച്ചു. ശൂന്യമായിരുന്നു. പക്ഷെ ഒളികാമറ വെക്കാൻ പറ്റിയ ഒരു സ്പോട്ട് അവിടെ ഉണ്ടായിരുന്നു. ഞാൻ അവിടെ ആകെ തറമായി ഒന്ന് നോക്കുന്ന ടൈമിലാണ് പെട്ടെന്നെന്റെ ഫോൺ ചിലച്ചത്.
നാശം. സൈലന്റാക്കാൻ വിട്ട് പോയി.
‘കൊടുവാ മീസെ അറുവ പാർവയ് ആറുമുഖം താൻ കയ്യാ വച്ചാ ദൂൾ , ആ കുളിമുറിയ്ക്കകത്ത് മുഴങ്ങി കേട്ടു. ഞെട്ടി പോയ എന്റെ കയ്യിൽ നിന്ന് ഫോണ് ഐറ്റം ഡാൻസ് കളിച്ചു. ഒരു വിധം ഞാൻ ഫോൺ എടുത്ത് കാൾ അബദ്ധത്തിൽ അ റെന്റ്യം ചെയ്തു.
അലവലാതിയ്ക്ക് വിളിയ്ക്കാൻ കണ്ട സമയം. അയൽവാസി അമലായിരുന്നു അത്. ഫോൺ ചെവിയോട് ചേർത്തതും രണ്ട് ശബ്ദം ഞാൻ കേട്ടു. ഒന്ന് അമലിന്റെ മോങ്ങൽ രണ്ട് പട്ടി സറിന്റെ കൊര.
അവളെന്നെ വിട്ട് പോയളിയാ…..ങീ….ങീ.. പൊട്ടൻ കരഞ്ഞ് മെഴുകുന്നൊണ്ട് . ഒപ്പം പട്ടിയും. ലൈറ്റകൾ തെളിയാൻ അധികം നേരം വേണ്ടി വന്നില്ല. ഞാൻ മറുപടി പറയാതെ ഫോൺ സ്വിച്ച് ഓഫ് ചെയ്ത് അതിനകത്ത് നിന്നും ഇറങ്ങി ഓടാൻ നോക്കി. വാതിലിന്റെ കുറ്റിയും പറിയുമൊന്നും തുറക്കാൻ പറ്റണില്ല.
പെട്ട് പെട്ട് പെട്ട് …. ഈശ്വരാ ഭഗവാനെ, ശത്രുക്കൾക്ക് പോലും….
ഉത്സവത്തിന് സീരിയൽ ബൾബ് തെളിയും പോലെ അല്ലേ ആവീട്ടിൽ വെളിച്ചം പടർന്നത്. പെട്ടെന്ന് ആ കുളിമുറിയിലും ബൾബ് ഓണായി. ആദ്യമായിട്ടാണ് വെളിച്ചം കണ്ട് കണ്ണില് ഇരുട്ട് കേറും പോലെ തോന്നുന്നത്. പക്ഷെ വെളിച്ചം ഒരനുഗ്രഹമായി. ഇത്രയും നേരം കൊളുത്തെന്നും പറഞ്ഞ് പിടിച്ച് വലിച്ചത് കെളവന്റെ കൊളുത്തി വച്ച ടങ് ക്ലീനറിലായിരുന്ന് മൈര്.കുറ്റി തുറന്നതും ഇരുട്ട് പിടിച്ച് വാണം വിട്ട പോലെ ഞാനോടി.
ആര്ടെയൊക്കെയോ ഉച്ചയും കതകിന്റെയൊക്കെ ശബ്ദവും കേട്ടെങ്കിലും ഞാൻ പറപ്പിച്ച് വിട്ടു. മുറിയിലെത്തിയ ശേഷമാണ് ശ്വാസം വീണത്. ദാറ്റ് വാസ് എ ക്ലോസ് കാൾ . അയൽവാസി ഒരു അലവലാതി. മൈരൻ കാരണം ഞാനിപ്പൊ പെട്ടേനെ. ഞാൻ മെല്ലെ ജനല് തുറന്ന് നോക്കി. സകലരും ഹാജരാണ് പുറത്ത് . നേത്ര അവളുടെ അനിയത്തി നിദ്ര, പാരന്റ്സ് . അവളുടെ അപ്പുപ്പൻ പിന്നെ ഇഷിതയും അവളുടെ അനിയൻ ഇഷാനും.
ദതാരാ വേറൊരു നിഴൽ. ആഹാ …. അമല് തെണ്ടി. എന്നെ കൊലയ്ക്ക് കൊടുത്തിട്ട്.മ്.. കണ്ണൊക്കെ തുടച്ച് നിക്കേണ്.
അവനെ വിളിച്ച് നോക്കാം. ഞാൻ ഫോൺ ഓൺ ചെയ്തു.
ന്താളിയാ നേരത്തേ വിളിച്ചത്… ഫോണ് കട്ടായി പോയി കേട്ടോ…. ?
മ്… അ..അളിയ അത് പിന്നെ .. ദാണ്ട് ഇവിടെ നേത്രേടെ വീട്ടില് കള്ളനെന്തോ കേറി. നീ ഇങ്ങെറങ്ങി വാ.അവരെന്തോ ആരോ ഓടി പോണ ശബ്ദം കേട്ടെന്നോ നിഴല് കണ്ടെന്നോ…
എട മിടുക്കാ…
“അത്രേ ഉള്ളോ … അളിയാ ഞാൻ വല്ലാത്ത ക്ഷീണം ഇനീപ്പൊ നാളെ നോക്കാം. അല്ലെങ്കി തന്ന ഇവിടേത് കള്ളൻ വരാനാ അതും നമ്മളൊക്കെ ഉള്ളപ്പൊ … ആഹ് അളിയാ ഞാൻ നാളെ നോക്കാം. “
ഞാൻ തന്ത്രപൂർവ്വം ഉറക്കം നടിച്ച് ഫോൺ കട്ട് ചെയ്തു. ഇനി പുറത്ത് ചെന്നിട്ട് വേണം അവർക്ക് എന്നെ കണ്ടിട്ട് വല്ല ഡൗട്ട് വീഴാൻ. എല്ലാവരും പിരിഞ്ഞ് പോയതും ഞാൻ കട്ടിലിൽ വീണു.
പിറ്റേന്ന് ഉറക്കം ഉണർന്നതും എല്ലാം മറന്നിരുന്നു. രാവിലെ അമ്മ ചായ തന്ന സമയത്ത് രാത്രീലെ ബഹളം പറഞ്ഞപ്പോഴാണ് ഓർമ്മ വന്നത്. ഉള്ളിലേ ആവേശം വീണ്ടും കൊളുത്തി. എന്റെ ഏരിയയിൽ വന്ന് ഒളിക്യാമറ വയ്ക്കാൻ നീ ആരടാ …. ചൂടു ചായ ചാരായം പോലെ ഒറ്റവലിക്ക് മോന്തി ഞാൻ മുണ്ട് മടക്കി കുത്തി. ഇനി ഒരു നിമിഷം പോലും പാഴാക്കരുത്.കണ്ടുപിടിച്ചേ തീരൂ..പിന്നെ ഒന്നും നോക്കീല്ല റാക്കിൽ നിന്ന് പ്ലേറ്റ് വലിച്ചൂരി മുന്നിലേക്ക് നീട്ടി.
അമ്മാ പുട്ട്………
പോയ് പല്ല് തേച്ചിട്ട് വാടാ പട്ടീ…..!
ഹായ് നല്ല ആട്ട് ……!
കോൾഗേറ്റ് വലിച്ച് കീറി അതിന്റെ അവസാനത്തെ ആത്മാവും ബ്രഷിലേക്ക് ആവാഹിച്ചശേഷം ഞാൻ നേത്രേടെ വീടൊന്ന് നന്നായിട്ട് സ്കാൻ ചെയ്തു. ഇച്ചിരി റിച്ച് സെറ്റപ്പാ . അതിന്റെ പവറുമുണ്ട് അവർക്ക്. ഞാൻ മൈൻഡ് ചെയ്യാൻ പോവാറില്ല. പിന്നെ ഇഷിത വന്നതിന് ശേഷമാണ് മൈൻ ഡ് ചെയ്യാൻ തുടങ്ങിയത്. ഇഷിത നേത്രയുടെ വകയിലെ ഒരു കസിനാണ്.
അനിയൻ ഇഷാന് വെക്കേഷനായപ്പൊ വന്നതാണ് അവർ ഇവിടെ. അതിന് ശേഷം ഇവിടെയാണ് താമസം. ഇഷിത ഡിഗ്രി ലാസ്റ്റ ഇയറാണ് ഇഷാൻ 12 ലും . നേത്രയെ പോലെ അല്ല ഇഷിത .പാവമാണ്. ഒടുക്കത്തെ ഗ്ലാമറും. പക്ഷെ അതിന്റെ ഗമയൊന്നുമില്ല. എന്നോട് ഇങ്ങോട്ട് വന്നാണ് സംസാരിക്കുന്നത്. എനിക്കൊരു ക്രഷുണ്ട്. ഏത്….
ആഹ്…. ഇന്നലത്തെ കള്ളന്റെ കേസ് എന്തായാ എന്തോ….. ഇനി എല്ലാം പ്ലാൻ ചെയ്ത വേണം നീങ്ങാൻ . ഇന്നലത്തെ പോലെ എടുത്ത് ചാടരുത്.
ആരെ സംശയിക്കണം ? അതാണ് ആദ്യ ചോദ്യം. പറഞ്ഞ് വന്നാൽ എല്ലാരെയും സംശയിക്കണം. കാലം അതാണ്. അവളുടെ വീട്ടിൽ ആണുങ്ങൾ ആയിട്ട് അവളുടെ അച്ഛൻ , അപ്പുപ്പൻ പിന്നെ ഇഷാൻ. ഇവരെ സംശയിക്കണോ എന്ന് ചോദിച്ചാൽ വേണ്ട പക്ഷെ 2% ചാൻസ് തള്ളി കളയാനാവില്ല. പിന്നെ ഉള്ളത് അയൽക്കാരാണ്. അതിൽ മെയിൻ ഒന്ന് ഞാൻ പിന്നെ അമൽ. അമലിന്റെ വീട്ടിൽ അവനും അമ്മേം ചേച്ചീം മാത്രേ ഉള്ളു. പിന്നെ എന്റെ വീട്ടിൽ ഞാൻ അമ്മ അനിയത്തി അച്ചൻ അനിയൻ .
