എന്നാൽ, എല്ലാത്തിലുമല്ലെങ്കിലും കുറച്ചൊക്കെ കാര്യങ്ങളിൽ എനിയ്ക്കുപറ്റിയ ജോഡിയാണെന്നവൾ ചുമ്മാ തെളിയിച്ചുതന്നു…
എന്താന്നല്ലേ…??
ഞാമ്പറഞ്ഞതൊക്കെയാ പൊട്ടത്തി രണ്ടുകാലേൽ നിന്നു വിശ്വസിച്ചു… അതന്നെ…
ബാത്ത്റൂമിന്റെ ഡോറിൽ ചാരിനിന്നു വിരലു കടിയ്ക്കുന്നതിനിടയിൽ കാര്യമായെന്തൊക്കെയോ ചിന്തിയ്ക്കുന്നതു കണ്ടപ്പോഴേ എനിയ്ക്കു സ്പാർക്കടിച്ചു…
“”…ആ… പിന്നൊരു കാര്യം…”””_
അവളെ ചിന്തയിൽനിന്നും തിരിച്ചുകൊണ്ടുവരാനൊരു മുഖവുരയിട്ടുകൊണ്ട് ഞാൻ തുടർന്നു,
“”… ഞാനകത്തു പോകുവാണെങ്കിലതു നിന്നെയൂക്കിയേനാവില്ല… മറിച്ച് നിന്നെ കൊന്നു കെട്ടിത്തൂക്കിയേനാവും… പിന്നെ കൊലക്കയറേ… കൊലക്കയറെനിയ്ക്കു പുല്ലാടീ… അതു നിന്നെ കൊന്നിട്ടുകൂടിയാവുമ്പം ചാവുമ്പഴും ഞാൻ ചിരിച്ചോണ്ടേ ചാവൂ… ഓർത്തോ നീയ്…!!”””_ കഴുത്തിൽ കുരുക്കു വീഴോന്നുകരുതി തട്ടിവിട്ടതാണേലും സംഗതിയേറ്റു…
മീനാക്ഷിയാകെ കൺഫ്യുഷനിലായി…
കേസുകൊടുക്കാൻ പോയാൽ പോലീസുകാരുംകേറി പൂശുമെന്നൊക്കെ പറഞ്ഞപ്പോൾ കക്ഷിയുമൊന്നു തളർന്നു…
പിന്നൊന്നും പറയാതെ ബാത്ത്റൂമിലേയ്ക്കു
കയറിയ അവൾ, കുളികഴിഞ്ഞിറങ്ങുന്നതുവരെ ഞാൻ തിരിഞ്ഞും മറിഞ്ഞും കട്ടിലിൽത്തന്നെ കിടന്നു…
“”…അതേ… ഇനി ഞാനായ്ട്ടു നിന്നുപദ്രവിയ്ക്കാനോ നിന്റൊറ്റ കാര്യത്തിലെടപെടാനോ വരത്തില്ല… നീയെന്നേമുപദ്രവിയ്ക്കരുത്… എന്താ പറ്റോ…??”””_ കുളികഴിഞ്ഞു മഞ്ഞയിൽ നീലപ്പൂക്കളുള്ള ചുരിദാർടോപ്പും കാൽവണ്ണവരെ ഇറക്കമുള്ള നീലപ്പാവാടയുമിട്ട് ടവലിൽ മുടിയും പൊതിഞ്ഞുകെട്ടി വന്നയവൾ, അങ്ങനെചോദിച്ചതും ഞാനാദ്യമൊന്നു കുഴങ്ങി…
അങ്ങോട്ടുപോയപ്പോളൊരു കൊഴപ്പോമില്ലാർന്നല്ലോ…
ഇനി തലയില് വെള്ളംവീണതുകൊണ്ടു വല്ലതുമാവോ..??
സ്വിച്ചിട്ടപോലെ ഭാവംമാറ്റിയ മീനാക്ഷി പെട്ടെന്ന് അങ്ങനൊരുടമ്പടിയെടുത്തിട്ടതും ഇനി ഇതുമവൾടെന്തേലും പ്ലാനാണോയെന്നു ഞാൻ സംശയിയ്ക്കാതിരുന്നില്ല…
കാരണം അത്രയുംസമയം കടിച്ചുകീറാൻനിന്ന അവൾക്കു പെട്ടെന്നൊരു മനംമാറ്റമുണ്ടായാലെങ്ങനെയാ വിശ്വസിയ്ക്ക…??!!
എങ്കിലും സംഗതിയുള്ളതാണേൽ എനിയ്ക്കു വലിയ നഷ്ടമില്ലാത്തതുകൊണ്ടും ചെറിയമ്മേടെ വാക്കുകളെയത്ര നിസ്സാരമായി തള്ളിക്കളയാനാവാത്തതുകൊണ്ടും മിണ്ടാതെ നിന്നാലവള് കേസു കൊടുക്കില്ലാന്നുറപ്പായതു കൊണ്ടും മൗനം സമ്മതമെന്ന തലത്തിൽ ഞാനുമതിനൊപ്പു വെയ്ക്കുകയായിരുന്നു…
ഒന്നുമില്ലേലുമതിന്റെ കുറച്ചു സമാധാനമെങ്കിലും കിട്ടോലോന്നുവെച്ച്…
എന്നാലുമവളെയത്ര വിശ്വാസമില്ലാത്തതുകൊണ്ട് ഇനിയെങ്ങാനുമിതും പുതിയ പ്ലാൻ വല്ലതുമാണേൽ അന്നു നിന്റന്ത്യമാടീ പുണ്ടച്ചീന്നു മനസ്സിലൊരു വെല്ലുവിളികൂടി നടത്തി…
എനിയ്ക്കതു സമ്മതമാണെന്നു കണ്ടതും പിന്നൊന്നും മിണ്ടാനായി നിൽക്കാതെയവൾ മുടിചുറ്റിക്കെട്ടിയിരുന്ന ടവലഴിച്ചു കസേരയിലേയ്ക്കു വിടർത്തിയിട്ടു കട്ടിലിലേയ്ക്കു കയറിക്കിടന്നു…
കിടക്കുമ്പോഴും പുതപ്പെടുത്തു ശരീരം മൂടുമ്പോഴുമെല്ലാം ശരീരം നുറുങ്ങുന്ന വേദനയവൾ അനുഭവിയ്ക്കുന്നത് ആ മുഖത്തു നിന്നും വായിച്ചെടുക്കാമായിരുന്നു…
എങ്കിലുംവലിയ മനസ്താപമൊന്നും കാണിയ്ക്കാൻ നിൽക്കാതെ ഞാൻ ബാത്ത്റൂമിലേയ്ക്കു കയറി…
ഒന്നു തണുക്കെ കുളിച്ച് ഉള്ളിലെ തീ മുഴുവനണയ്ക്കാനൊന്നു ശ്രെമിച്ചശേഷം തല തുവർത്തുമ്പോഴാണ് റൂമിനു പുറത്തുനിന്നും,
“”…സിത്തു എവിടെ…??”””_ ന്നും ചോദിച്ചു ശ്രീയുടെ ശബ്ദം കേൾക്കുന്നത്….
“”…ബാത്ത്റൂമിലാ…!!”””_ എന്നതിനു മീനാക്ഷി മറുപടി പറയുമ്പോഴേയ്ക്കും ഞാൻ പുറത്തിറങ്ങിയിരുന്നു…
അപ്പോൾ, കട്ടിലിൽ മീനാക്ഷി കിടക്കുന്നതുകൊണ്ട് റൂമിനകത്തേയ്ക്കു കയറാതെ വാതിൽക്കലായി നിൽക്കുകയായിരുന്നു ശ്രീ…
എന്നെക്കണ്ടതും അവന്റെ മുഖത്തു പെട്ടെന്നൊരു കുറ്റബോധവും എന്നെ ഫേസ് ചെയ്യാനൊരു ചമ്മലുമൊക്കെയുള്ളതു പോലെ തോന്നിച്ചു…
എന്തായാലും ശ്രീയെക്കുറിച്ചു ഞാൻ ചെറിയമ്മയോടു പറഞ്ഞതൊക്കെ അവരവനോടു ചോദിയ്ക്കുമെന്നുറപ്പുള്ളതിനാൽ എനിയ്ക്കതിൽ വല്യ ആശ്ചര്യമൊന്നും തോന്നിയില്ല…
“”…ഡാ… എനിയ്ക്കു നിന്നോടൊന്നു സംസാരിയ്ക്കണം…!!”””_
അവനെ കണ്ടിട്ടും വലിയ ഭാവമാറ്റമൊന്നും കാണിയ്ക്കാതെ വന്നപ്പോൾ ശ്രീയിങ്ങോട്ടു പറഞ്ഞു…
“”…മ്മ്മ്…!!”””_ കണ്ണാടിയ്ക്കു മുന്നിൽനിന്നും തലയൊന്നുകൂടി തോർത്തിക്കൊണ്ടു ഞാനതിനു മൂളുമ്പോൾ മൂടിപ്പുതച്ചു കട്ടിലിൽകിടന്ന മീനാക്ഷി, തല ക്രാസിയിലേയ്ക്കു ചാരിവെച്ചുകൊണ്ടു ഞങ്ങളെ മാറിമാറി നോക്കുന്നുണ്ടായിരുന്നു…
സംഗതി പേർസണലായി പറയാനാണു വന്നതെങ്കിലും ഞാനതു ഗൗനിയ്ക്കുകയോ മീനാക്ഷിയൊട്ടു പുറത്തേയ്ക്കു പോകയോ ചെയ്യാതെ വന്നപ്പോൾ വന്നകാര്യമവിടെ വെച്ചു പറയാൻ ശ്രീ നിർബന്ധിതനായി…
“”…ഡാ… സത്യത്തിലാ പൂറൻ നിന്നെയിന്നലെ കല്യാണംവിളിച്ചില്ലെന്നു ഞാനവിടെ വെച്ചാടാ അറിയണേ…!!”””
“”…മ്മ്മ്…!!”””_ അവൻ സ്വന്തം നിരപരാധിത്വം തെളിയിയ്ക്കാനായി പറഞ്ഞപ്പോൾ, ഞാനതിനു നിസാരമട്ടിലൊന്നു മൂളി…
ഞാനെന്റെ നിരപരാധിത്വം തെളിയിയ്ക്കാൻ ചെന്നപ്പോൾ അവൻ മൂളിയതിലും കുറച്ചുകൂടി ഘനത്തിൽ…
അവന്റെ വാക്കുകളെ ഞാനത്ര നിസാരമാക്കുമെന്നവൻ ചിന്തിച്ചിട്ടുണ്ടാവില്ല… അതാണ്‌ കുറച്ചു സമയമവൻ മൗനംപൂണ്ടതും…
എന്നിട്ടും ഞാൻ ശ്രെദ്ധിയ്ക്കാതെ വന്നപ്പോൾ അവൻതന്നെ പറഞ്ഞു തുടങ്ങി…
“”…എടാ… നീയുമിവളും തമ്മിലൊരു റിലേഷനുമില്ലാന്നു പറഞ്ഞിട്ടു പെട്ടെന്നിവൾടെ വായിൽനിന്നങ്ങനൊക്കെ കേട്ടപ്പോൾ നീയെന്നെയും ഒളിയ്ക്കാനൊക്കെ തുടങ്ങീന്നു ഞാനങ്ങു കരുതിപ്പോയി… അതിന്റെ ദേഷ്യത്തിലാടാ ഞാൻ…”””_
അവനൊന്നു വാക്കുകൾ മുറിച്ചു…
ശേഷം,
“”…പിന്നെ പിറ്റേന്നു വല്യമ്മകൂടങ്ങനൊക്കെ പറഞ്ഞപ്പോൾ നീയെന്നെ പറഞ്ഞു പറ്റിയ്ക്കുവാർന്നൂന്നു ഞാങ്കരുതിപ്പോയി… പോരാത്തേനന്നത്തെ സങ്കടങ്കൊണ്ടു കോളേജിലുവെച്ചു ഞാനിതേപ്പറ്റിയവന്മാരോടു പറഞ്ഞപ്പോൾ.. അവരാപറഞ്ഞേ നിനക്കിവളോടു നേരത്തേ റിലേഷനുണ്ടെന്നും നീയെന്നെ ചതിയ്ക്കുവാന്നും… അതിനവന്മാർ, അന്നു
കോളേജിപ്പോയപ്പോൾ നിങ്ങളവിടെ കാട്ടീതും പകരമ്മീട്ടാനായ് ഹോസ്റ്റലിക്കേറീതും ഇവളു വീട്ടിൽവന്നു സീനുണ്ടാക്കീതുമെല്ലാം കണക്ടു ചെയ്തു പറഞ്ഞപ്പോൾ, എല്ലാറ്റിനും കൂടുണ്ടാർന്ന ഞാമ്പോലുമതു വിശ്വസിച്ചുപോയെടാ…!!”””_
അവൻ കൂട്ടിച്ചേർത്തു…
“”…മുൻപും അവന്മാരിതേക്കുറിച്ചു പറഞ്ഞപ്പോഴൊക്കെ ചുമ്മാ തമാശയായ്ട്ടാ പറയുന്നേന്നാ ഞാങ്കരുതീരുന്നത്… പക്ഷേ അന്നിവളെ കോളേജിക്കൊണ്ടാക്കിയതിന്റന്ന് ഇവളുപറഞ്ഞതും വല്യമ്മ പറഞ്ഞതുമെല്ലാം കൂടെനിയ്ക്കു പ്രാന്തു പിടിയ്ക്കുന്നവസ്ഥയായിപ്പോയി…. അതിന്റകൂട്ടത്തിലവന്മാരു കൂടങ്ങനെ പറഞ്ഞപ്പോൾ വിശ്വസിച്ചുപോയതാടാ… പക്ഷേയിന്നലെ രാത്രീല് ചടങ്ങുകഴിഞ്ഞു ചെറുതായ്ട്ടൊന്നു കൂടിയപ്പോളാണ് നിന്നെ വിളിയ്ക്കാഞ്ഞതു നന്നായെന്നു കാർത്തി പറേണകേട്ടത്… അതുവരെ, ഞങ്ങളോടു തെറ്റി നടക്കുന്നതുകൊണ്ട് നീ വരാത്തതെന്നാ ഞാൻ
വിചാരിച്ചിരുന്നത്… സത്യത്തിലപ്പോഴാ നിന്നവന്മാര് മനഃപൂർവ്വമൊഴിവാക്കിയതെന്നു ഞാനുമറിയണേ… അപ്പോത്തന്നെ അവനിട്ടൊന്നു പൊട്ടിച്ചിട്ടു ഞാനുമവിടന്നിറങ്ങീതാ… പക്ഷേ… പക്ഷേ… നിന്നെ വന്നു ഫേസ് ചെയ്യുന്നതെങ്ങനാന്നു കരുതിയാ ഞാൻ…”””_
ശ്രീയൊരിയ്ക്കൽകൂടി വാക്കുകൾ മുറിച്ചുകൊണ്ടെന്നെ നോക്കിയപ്പോൾ ഞാൻ പെട്ടെന്നു മുഖംവെട്ടിച്ചു…