“”… അപ്പൊ നീയൊന്നുവറിഞ്ഞില്ലേ…?? ശ്രീനാഥൊന്നും പറഞ്ഞുമില്ലേ…??”””_
അവനതിശയത്തോടെ ചോദിച്ചപ്പോൾ ഞാനില്ലെന്നഭാവത്തിൽ ചുമൽകൂച്ചി…
“”…അതെന്തോപറ്റി നിന്നോടു പറയാഞ്ഞേ…??”””
“”…എന്റെ പൊന്നുമൈരേ… നീ കാര്യമെന്താന്നു വെച്ചാ കൊണ… കൊറേ നേരായ്ട്ടവൻ…”””_ ഇട്ടു ലാഗടിപ്പിച്ചപ്പോൾ ഞാൻ പരിസരംമറന്നു കലിപ്പായി…
“”…അതു കാര്യമെന്താന്നൊന്നും എനിയ്ക്കുമറിയില്ല… മറുവീടെല്ലാം കഴിഞ്ഞുവന്നിട്ട് ഇവന്മാരു വെള്ളമടിയ്ക്കാൻ റൂഫിലേയ്ക്കു പോയിരുന്നു… പിന്നൊരു സംസാരോം ബഹളോക്കെ കേട്ടെങ്കിലും അടിച്ചു വീലായേന്റെ പുറത്താന്നുകരുതി ഞങ്ങളതുവിട്ടു… അതുകഴിഞ്ഞീ മഹേഷിന്റെ നെലവിളികേട്ടാ ഞങ്ങളങ്ങോട്ടോടി ചെന്നേ… നോക്കിയപ്പോൾ ബിയർബോട്ടിലുകൊണ്ട് തലയടിച്ചു പൊട്ടിച്ചിട്ടേക്കുവായിരുന്നു ഇവന്റെ… പിന്നെയിന്നാ ഇവൻ കോളേജിലു വന്നേ…!!”””_
കാര്യങ്ങളെല്ലാം വിശദമായി പറയുമ്പോഴും മഹേഷു കേൾക്കാതിരിയ്ക്കാനായി ശബ്ദം താഴ്ത്തിയാണ് അരുണത് പറഞ്ഞുതീർത്തത്…
അവൻ ശ്രെദ്ധിയ്ക്കുന്നതു കണ്ടപ്പോൾ ചിരിവന്നെങ്കിലും, എനിയ്ക്കുവേണ്ടിയാണ് ശ്രീയവന്റെ മണ്ട തല്ലിപ്പൊളിച്ചതെന്നോർത്തപ്പോൾ ഉണ്ടായ രോമാഞ്ചത്തിൽ ആ ചിരി മറയുകയായിരുന്നു…
…എന്നാലും മഹേഷിനെയൊന്നു പൊട്ടിച്ചിട്ടിറങ്ങി വന്നെന്നു നീ പറഞ്ഞപ്പോൾ അതവന്റെ തലമണ്ടയാണെന്നു ഞാനോർത്തില്ല മോനേ…
മുന്നിലിരുന്ന ശ്രീയെനോക്കി മനസ്സാൽ ഞാനതു പറഞ്ഞുപോയി…
അപ്പോഴേയ്ക്കുമാ അവറുകഴിഞ്ഞ് ക്ലാസ്സിൽനിന്ന മിസ്സു പുറത്തേയ്ക്കു പോയി…
ഉടനെ മഹേഷ് എന്റടുത്തേയ്ക്കു മടിച്ചു മടിച്ചാണേലും ചോദിച്ചു,
“”…നീയെന്താ രണ്ടുമൂന്നു ദിവസായ്ട്ട് കോളേജിൽ വരാത്തത്…??”””_ എന്ന്…
അതിന്,
“”…സുഖമില്ലായ്രുന്നു…!!”””_
എന്നൊരുഴപ്പൻ മട്ടിൽ മറുപടിപറഞ്ഞപ്പോൾ, അവന്മാർ വീണ്ടുമോരോന്നായി ചോദിയ്ക്കാൻ തുടങ്ങി…
എല്ലാറ്റിനുമൊറ്റ വാക്കിൽ മറുപടി പറഞ്ഞപ്പോൾ അവന്മാർക്കും സന്തോഷം…
ശ്രീ അടുപ്പിയ്ക്കപോലും ചെയ്യാത്തിടത്തു ഞാൻ മറുപടിയെങ്കിലും പറയുന്നുണ്ടല്ലോ…
“”…എടാ… അന്നു മാളൂന്റെ കല്യാണത്തിനു നിന്നെ വിളിയ്ക്കാഞ്ഞതു മനപ്പൂർവ്വമല്ല…. അന്നതിനു പറ്റീല… സോറി… ഇനി നീയതൊന്നും മനസ്സിലു വെച്ചേക്കണ്ടടാ…!!”””_
ഡെസ്കിലിരുന്നയെന്റെ കയ്യിൽ കൂട്ടിപ്പിടിച്ചുകൊണ്ടാണ് മഹേഷതു പറഞ്ഞത്…
ക്ലാസ്സിലുള്ള മുഴുവൻപേരും പങ്കെടുത്തിടത്ത് എന്നെ വിളിയ്ക്കാൻ പറ്റിയില്ലെന്ന്… എന്താല്ലേ…??!!
“”…ഏയ്‌… അതൊന്നും സാരോല്ല… ഞാനതൊക്കപ്പോഴേ വിട്ടൂ…!!”””_ ഞാനും തിരിച്ചൊന്നു പുഞ്ചിരിച്ചു…
“”…അതാണ്‌… അതത്രേയുള്ളളിയാ… ഞാങ്കരുതി ഇവനെപ്പോലെ നീയുമെല്ലാം മനസ്സിവെച്ചു മിണ്ടാണ്ടു നടക്കോന്നാ… ഇപ്പോളാണൊരു സമാധാനമായേ…!!”””_ ശ്രീയെ ചൂണ്ടിക്കൊണ്ടു പറഞ്ഞശേഷം മഹേഷെന്റെ തോളിൽ കൈയിട്ടുകൊണ്ടാണ് ബാക്കി കൂട്ടിച്ചേർത്തത്…
“”…വിട്ടൂന്നുപറഞ്ഞത് ഇതൂടെച്ചേർത്താ…!!”””_ പറഞ്ഞുകൊണ്ടെന്റെ തോളിലിരുന്ന മഹേഷിന്റെ കൈതട്ടിമാറ്റിയതും തിരിഞ്ഞുപോലും നോക്കാതെയുള്ള ശ്രീയുടെ അമർത്തിച്ചിരി ഞങ്ങൾകേട്ടു…
ഇതിങ്ങനൊക്കേ സംഭവിയ്ക്കൂന്നറിയാവുന്ന മട്ടിൽ….
അന്നെന്തോ കാട്ടീന്നുമ്പറഞ്ഞൊരു പെണ്ണിനതുവരെ സ്വൈര്യം കൊടുത്തിട്ടില്ലാത്ത ഞാനത്ര പെട്ടെന്നൊന്നും യേശുക്രിസ്തുവാവില്ലെന്ന് അവനോളമാർക്കാ അറിയുക..??!!
അപ്പോഴും ഞാനെന്താ ഉദ്ദേശിയ്ക്കുന്നതെന്നു മനസ്സിലാവാതെന്റെ മുഖത്തേയ്ക്കു നോക്കിയിരുന്ന മഹേഷിനോടായി ഞാൻതുടർന്നു…
“”…കഴിഞ്ഞതു കഴിഞ്ഞു… അതിന്റെകൂട്ടത്തിൽ നമ്മളുതമ്മിലുള്ള ബന്ധോം… സ്വന്തമാവശ്യം കണ്ടുകഴിയുമ്പോൾ കൂടെനിന്നവനെ ഒഴിവാക്കുന്ന നിന്നേക്കെ കൂട്ടുകാരായി കൊണ്ടുനടക്കേണ്ട ഗതികേടൊന്നും എനിയ്ക്കില്ല..!!”””_
ഒന്നുനിർത്തിയശേഷം കിളിപോയിരുന്ന അവന്മാരെയെല്ലാം മാറിമാറിനോക്കിയാണ് ഞാൻ ബാക്കി കൂട്ടിച്ചേർത്തത്…
“”…ശെരിയാ… എനിയ്ക്കു നിന്നെയൊക്കെമാതിരി, മനസ്സിലൊന്നുവെച്ച് പുറമേ വേറൊന്നു കാണിയ്ക്കാനറിയില്ല… ഉള്ളിലെന്താണോ അതതേപടി ഞാങ്കാണിയ്ക്കും… സ്നേഹമാണേൽ സ്നേഹം… കലിപ്പാണേൽ കലിപ്പ്… ഇനി വെറുപ്പാണേൽ വെറുപ്പും… ചിലപ്പോൾ ഞാനതു പ്രകടിപ്പിയ്ക്കുന്ന രീതികൊണ്ടാവും നീയൊക്കെന്നെ പൊട്ടനായി കണ്ടിട്ടുളേള… അതിനെനിയ്ക്കൊരു മൈരൂല്ല..!!”””
“”…എടാ… നീയെന്തൊക്കെയായീ പറേണേ…??”””_ ബെഞ്ചിന്റെ അപ്പുറത്തെ മൂലയിൽനിന്നും റോബിൻ ചോദിച്ചു…
“”…ഞാനുള്ള കാര്യവാ പറഞ്ഞേ… നീയൊക്കെന്നെ മനപ്പൂർവ്വമൊഴിവാക്കിയെങ്കിൽ ഇതല്ലാതെ വേറെ കാരണവില്ലല്ലോ… സംഗതി സത്യവാ.. എനിയ്ക്കു നിങ്ങളോടൊപ്പം നടക്കാനുള്ള യോഗ്യതയില്ല… പക്ഷേ, അതു മനസ്സിലാക്കിത്തരാൻ
വേണ്ടിയാണേലും ഒഴിവാക്കണ്ടായ്രുന്നു… ഒന്നു പറഞ്ഞാമതിയാരുന്നു… പിന്നേം മണ്ടനായ്ട്ട് കൂടെ നടക്കത്തില്ലായ്രുന്നു..!!”””_
പറയുന്നതിനിടയിൽ തൊണ്ടയിടറിയപ്പോൾ ഒന്നുനിർത്തി…
നിർത്തിയതല്ല… നിന്നുപോയി…
എന്നാലതിനെന്തോ മറുപടി പറയാനൊരുങ്ങിയ കാർത്തിയെ തടഞ്ഞുകൊണ്ട് ഞാൻ വീണ്ടും തുടർന്നു…
“”…നീയൊക്കെന്നെ ചടങ്ങിനു വിളിയ്ക്കാതിരുന്നതു ഞാനവൾടെ തുണിയെടുത്തിട്ടു പോയതിനാണേൽ, ഞാനെടുത്തതു നിന്റേക്കമ്മേടേം പെങ്ങടേമൊന്നൂല്ലല്ലോ… എന്റെ ഭാര്യേടെയല്ലേ…??!! അതല്ല… ഇനിയെന്നെ വിളിച്ചാൽ നിന്റേക്കമ്മേടേം പെങ്ങമ്മാര്ടേം ഷഡ്ഡീം ബ്രായും ഞാനെടുത്താലോന്നു പേടിച്ചിട്ടാണേൽ അതിനെനിയ്ക്കൊരു മറുപടിയേയുള്ളൂ… ഞാനിതുവരെന്റമ്മേം പെങ്ങളേം മറന്നിട്ടില്ല…!!”””_
അത്രയും പറഞ്ഞു കഴിഞ്ഞപ്പോൾ പിന്നവന്മാർക്കൊപ്പമിരിയ്ക്കാൻ തോന്നീല…
അപ്പോൾത്തന്നെ ബാഗുമെടുത്തെഴുന്നേറ്റു…
എല്ലാംകേട്ടു മിഴിച്ചിരുന്ന അരുണിനെ മാറ്റി ബെഞ്ചിൽനിന്നുമിറങ്ങുമ്പോൾ,
“”…എടാ… നീയിത്രേം പറഞ്ഞില്ലേ… ഇനി നമുക്കു പറയാനുള്ളകൂടി കേക്ക്…!!”””_
എന്നും പറഞ്ഞുകൊണ്ടു കാർത്തിയെന്റെ കൈയ്ക്കു കേറിപ്പിടിച്ചു…
“”…ഇനിയെന്തോ കേൾക്കാൻ…?? ഒന്നുകേട്ടതിനുള്ള മറുപടിയായി വീട്ടിക്കേറി തല്ലാണ്ടിരുന്നത്, അതിനുള്ളർഹതപോലും എനിയ്ക്കില്ലെന്നു നീയൊക്കെ മനസ്സിലാക്കിച്ചു തന്നതുകൊണ്ടാ… അല്ലായ്രുന്നേൽ ഈ ഇരിയ്ക്കുന്നതിൽ പലരുമിന്നിവടെ കാണില്ലായ്രുന്നു… അറിയാലോന്റെ തനിക്കൊണം…!!”””_ അതുകൂടി കൂട്ടിച്ചേർത്തുകൊണ്ട് അവന്റെ കയ്യും തട്ടിയെറിഞ്ഞു ക്ലാസ്സിൽനിന്നുമിറങ്ങി നടക്കുമ്പോൾ ഒരുത്തന്റെ വായിൽപ്പോലും നാവുണ്ടായിരുന്നില്ല…
എന്റെ നെഞ്ച് നീറുന്നതു കാണാനുളള കണ്ണും…
അന്നത്തെ ദിവസവും അവിടവിടെയായി തെണ്ടിത്തിരിഞ്ഞാണ് ഞാൻ വീട്ടിലെത്തീത്…
സീരിയലും വെച്ചിരുന്ന അമ്മയേയോ കീത്തുവിനോ ശ്രെദ്ധിയ്ക്കാതെ
ഹോളിൽനിന്നും സ്റ്റെയർകയറാൻ തുടങ്ങീപ്പോഴാണ് അടുക്കളയിൽനിന്നും നൈറ്റിയിൽ കൈയും തുടച്ചുകൊണ്ടുവന്ന ചെറിയമ്മ,