“”…ദേ… മതീട്ടോ… ഇപ്പൊത്തന്നൊരുപാടു കരഞ്ഞു… ഇനീം കരഞ്ഞു വല്ലസുഖോമുണ്ടാക്കി വെയ്ക്കണ്ട….!!”””_
കസേരയിൽകിടന്ന അവളുടെ ഷോളെടുത്തു മുഖം തുടച്ചുകൊടുക്കുന്നതിനിടയിൽ ചെറിയമ്മ പറഞ്ഞപ്പോൾ അവളിതിൽപ്പരമില്ലാത്ത സ്നേഹത്തോടെ ചെറിയമ്മയെ നോക്കുന്നുണ്ടായിരുന്നു…
“”…എന്തായാലും നടന്നതൊക്കെ നടന്നു… ഇനി മോളതൊക്കെ മറന്നു നല്ല കുട്ടിയായിരിയ്ക്കൂട്ടോ…!!”””_
മുഖമെല്ലാം ഒപ്പിയെടുത്തശേഷം കവിളിലൊന്നു തട്ടിക്കൊണ്ടു ചെറിയമ്മ പറഞ്ഞപ്പോൾ,
“”…ഇല്ല ചെറീമ്മേ… അങ്ങനൊന്നും ഞാനിതു മറക്കത്തില്ല… എന്നെ കെട്ടിയിട്ടു റേപ്പു ചെയ്തയിവനെ അങ്ങനെ വെറുതെവിടാൻ ഞാനുദ്ദേശിയ്ക്കുന്നില്ല… മീനാക്ഷിയാരാന്നു ഞാനവനെ അറിയിയ്ക്കാൻ പോണതേയുള്ളൂ…!!”””_
പൂച്ചക്കുഞ്ഞിനെപ്പോലെ ചെറിയമ്മയോടു ചൊതുങ്ങിയിരുന്ന് അവളെന്നെ വീണ്ടും വെല്ലുവിളിയ്ക്കാൻ തുടങ്ങീപ്പോൾ അത്രയുംനേരമെല്ലാം കണ്ടുംകേട്ടും നിന്നയെനിയ്ക്കു വിറഞ്ഞങ്ങോട്ടു വന്നു…
എന്നാലവൾടെ വെല്ലുവിളിയ്ക്കു മറുപടി കൊടുക്കുന്നതിനു മുന്നേ വേണ്ടെന്ന ഭാവത്തിൽ ചെറിയമ്മ കണ്ണുകാണിച്ചതു കൊണ്ടു മാത്രം തൽക്കാലം ഞാനടങ്ങി…
“”…എന്റെ മീനൂട്ടീ… നീയൊന്നടങ്ങിയേ… ഒന്നൂല്ലേലും നീയിവനെക്കാളും മൂന്നുനാലു വയസ്സിനു മൂത്തതല്ലേ…?? അതിന്റെയൊരു പക്വതയെങ്കിലും നീ കാണിയ്ക്കടീ പെണ്ണേ…!!”””_
ഒന്നുകൂടിയവളെ ചേർത്തുപിടിച്ചുകൊണ്ട് ചെറിയമ്മ പറഞ്ഞതും അവളു മലർന്നു ചെറിയമ്മയുടെ മുഖത്തേയ്ക്കു നോക്കി…
അപ്പോൾ ചെറിയമ്മ തുടർന്നു,
“”…മാത്രോല്ലാ… ഇവനെക്കാളും ബുദ്ധീം വിവരോം പഠിപ്പുമൊക്കെയുള്ളവളല്ലേ നീയ്… അപ്പൊ നീയെങ്കിലുമിതൊക്കെ കണ്ടറിഞ്ഞുവേണ്ടേ ചെയ്യാൻ..??”””_
ചെറിയമ്മയൊരു ചോദ്യഭാവത്തോടെ നോക്കീതും അവരെന്താണുദ്ദേശിയ്ക്കുന്നതെന്നു വ്യക്തമാകാതെ മീനാക്ഷി അവരെത്തന്നെ നോക്കിയിരുന്നു…
“”…മോളൊന്നാലോചിയ്ക്ക്… ഇപ്പൊത്തന്നെ ഈ കാര്യങ്ങളൊക്കെ പുറത്തറിയുവാണേൽ ആർക്കാ നാണക്കേട്… മോൾക്കോ അതോ ഇവനോ…??”””_ ചെറിയമ്മ ചോദിച്ചതും അവൾ തനിക്കാണെന്നയർത്ഥത്തിൽ കണ്ണുകാണിച്ചു…
…അതെന്താപ്പോ അങ്ങനെ…?? എനിയ്ക്കെന്താ നാണോം മാനോന്നുമില്ലേ..??_ എന്ന ഭാവത്തോടെയവരെ നോക്കുമ്പോളേയ്ക്കും ചെറിയമ്മ തുടർന്നിരുന്നു:
“”…ആണല്ലോ..?? അതാണുകാര്യം, ഇവനിപ്പൊവേണേൽ എന്തേലും പറഞ്ഞു കൈകഴുകാം… എന്നാൽ മോൾടെ കാര്യമങ്ങനല്ല…!!”””_ ഒന്നു നിർത്തിയശേഷം,
“”…ഞാനിവനെ ന്യായീകരിയ്ക്കുവൊന്നുമല്ല… ഇനി മോളു പറഞ്ഞപോലിവൻ നിന്നങ്ങനൊക്കെ ചെയ്തിട്ടുണ്ടേൽത്തന്നെ വേറാരേലുമത് വിശ്വസിയ്ക്കോന്നു മോൾക്കു തോന്നുന്നുണ്ടോ…?? ഒന്നൂല്ലേലുമിവൻ ചെയ്തതാന്നും പറഞ്ഞു നീയിവടെ കാട്ടിക്കൂട്ടിയതൊക്കെ ഞങ്ങളു കണ്ടതാണല്ലോ…??”””_ അതിനു മീനാക്ഷിയ്ക്കൊന്നും മറുത്തു പറയാനില്ലാതെ തലകുനിയ്ക്കാനേ കഴിഞ്ഞുള്ളൂ…
“”…ഒന്നാലോചിയ്ക്ക്… ഞാന്തന്നെയീ റൂമിലെത്ര പ്രാവശ്യംവന്നിട്ടുണ്ട്… എന്നെങ്കിലുമൊരിയ്ക്കെ നിന്നെ നേരേ തുണിയുടുത്തു ഞാൻ കണ്ടിട്ടുണ്ടോ..?? നീ പറ..!!”””_ ഒരു പുഞ്ചിരിയോടെ ചെറിയമ്മ കൂട്ടിച്ചേർത്തതിനും മീനാക്ഷിയ്ക്കു മറുപടിയുണ്ടായിരുന്നില്ല…
പകരം, അപ്പോഴുമുടുത്തിരുന്ന ടവലിലേയ്ക്കൊന്നു നോക്കിയശേഷം, അതിന്റെ കുത്തുയർത്തി മുലച്ചാലു മറയ്ക്കാനാണവൾ ശ്രെമിച്ചത്…
“”…ഞാനീ പറഞ്ഞു വരുന്നത്, മോള് കള്ളംപറയുവാന്നല്ല… മോള് പറഞ്ഞതു സത്യോമായിരിയ്ക്കാം… പക്ഷേ ഇവിടാരും വിശ്വസിയ്ക്കത്തില്ല… ഇനി വിശ്വസിച്ചാലോ, അപ്പോഴും നഷ്ടം മോൾക്കു തന്നെയാ… അതറിയുന്നയാ നിമിഷം കീത്തു നിന്നെയിവടന്നടിച്ചിറക്കും… എന്നാലിതുമ്പറഞ്ഞു നിനക്കു നിന്റെ വീട്ടിച്ചെന്നുകേറാൻ പറ്റോന്നു തോന്നുന്നുണ്ടോ…?? അതുമില്ല… അതോണ്ടു ഞാമ്പറേണതു മോളൊന്നു കേൾക്ക്…”””_ പറഞ്ഞു മുഴുവിയ്ക്കാതെ ചെറിയമ്മ ദീർഘശ്വാസമെടുത്തതും ഞാനും മീനാക്ഷിയും ചെവികൂർപ്പിച്ചു…
മീനാക്ഷി, ചെറിയമ്മേടെ സാന്ത്വനവാക്കുകൾ കേട്ടതിലുള്ള ആശ്വാസത്താലാണു നോക്കിയതെങ്കിൽ, ഈ കാണിച്ചതൊന്നുമാരും വിശ്വസിയ്ക്കൂലെങ്കിൽ അതിപ്പോൾ ലാഭമായല്ലോ എന്ന സന്തോഷത്തോടുള്ള നോട്ടമായിരുന്നെന്റേത്…
“”…എന്തായാലും നിങ്ങളുതമ്മിൽ കെട്ടി… ഇനിയഡ്ജസ്റ്റു ചെയ്തു ജീവിയ്ക്കാനല്ലാതെ വേറെ വഴിയുണ്ടോ…??”””_
അതുംചോദിച്ചു ഞങ്ങളെ മാറിമാറി നോക്കിയതും മീനാക്ഷിയെന്തോ പറയാൻതുടങ്ങിയതാണ്…
പക്ഷേ, അതിനു സമ്മതിയ്ക്കാതെ ചെറിയമ്മ തടയുകയാണുണ്ടായത്…
“”…ഞാനൊന്നു പറഞ്ഞുതീർത്തോട്ടേ…!!”””_
എന്നൊരു ബ്ലോക്കിട്ടുകൊണ്ടു ചെറിയമ്മ വീണ്ടും തുടർന്നു:
“”…രെജിസ്റ്ററോഫീസിൽവെച്ച് ഒപ്പുമിട്ട്… നാട്ടുകാരുടേം വീട്ടുകാരുടേം മുന്നിൽ പരമാവധി നാറുവേം ചെയ്തു… ദാ… ഇപ്പൊയിതും നടന്നു… ഇനിയിപ്പോളെന്താ ബാക്കിയുളേള…?? നടക്കാനുള്ള മൊത്തം നടന്നില്ലേ…?”””_ ശേഷം, അവൾടെ മുഖം കൈയിലേയ്ക്കെടുത്ത്,
“”…മോളൊന്നു ചിന്തിച്ചുനോക്കിയ്ക്കേ… ഈ ചെറീമ്മയ്ക്കറിയാം.. മോളെക്കൊണ്ടതത്ര പെട്ടെന്നൊന്നും നടക്കൂലാന്ന്… എങ്കിലും ചെറീമ്മ നിങ്ങടെ നല്ലയ്നുവേണ്ടിയാ പറേണേ… ഇത്രേക്കെയായ സ്ഥിതിയ്ക്കു രണ്ടുപേരുമൊന്ന് അഡ്ജസ്റ്റ്ചെയ്…!!”””
അതുകൂടെ കൂട്ടിച്ചേർത്തു പ്രതീക്ഷയോടെ പുള്ളിക്കാരി മീനാക്ഷിയെ നോക്കുമ്പോൾ അവിടെ ഫുൾ ആശയക്കുഴപ്പം…
എന്നാലൊരു തരിപോലും കുഴപ്പവുമില്ലാതിരുന്ന ഞാൻ,
“”…അതൊന്നും നടക്കത്തില്ല… ഇവളെയിനീം സയിയ്ക്കാനെനിയ്ക്കു പറ്റത്തില്ല…!!”””_ എന്നങ്ങോട്ടു തുറന്നടിച്ചു പറഞ്ഞതു മാത്രമേയോർമ്മയുള്ളൂ…
കട്ടിലിൽനിന്നും ചാടിയെഴുന്നേറ്റു കരണം തീർത്തൊന്നു തന്നു, ചെറിയമ്മ…
കൂട്ടത്തിൽ,
“”…കന്നംതിരിവു മുഴുവനും കാണിച്ചിട്ടുനിന്നു ന്യായമ്പറയുന്നോടാ നീ…?? ചെയ്യാനൊളേളക്കെ നീ ചെയ്തില്ലേടാ… ഇനി വേറെ വല്ലവന്റേം തലേക്കൂടിയിതിനെ കെട്ടിവെയ്ക്കണോടാ നിനക്ക്…?? പറേടാ…!!”””_
മീനാക്ഷിയെ ചൂണ്ടിയങ്ങനെ കൂടി കൂട്ടിചേർത്തപ്പോൾ ഒരുനിമിഷമെന്റെ വായടഞ്ഞു…
അതുകണ്ടതും അത്രയുംനേരം മരണവീട്ടിലെന്നപോലിരുന്ന മീനാക്ഷിയ്ക്കൊരു സന്തോഷമൊക്കെ വന്നു…
എന്നെ നോക്കിയൊരാക്കിയ ചിരി കൂടായപ്പോളൊരു കാര്യമുറപ്പായി, മോൻ ചത്താലും വേണ്ടില്ല… മരുമോൾടെ കണ്ണീരു കണ്ടാൽ മതീന്നു പറഞ്ഞു കേട്ടിട്ടുള്ളതു സത്യമാണെന്ന്…
അല്ലേലങ്ങനൊരവസ്ഥയിൽ എനിയ്ക്കു തല്ലുകിട്ടുമ്പോളവൾ ചിരിയ്ക്കോ…??!!
“”…അതിനു ഞാമ്മനപ്പൂർവ്വം ചെയ്തതല്ലല്ലോ…”””_ ചെറിയമ്മേടെ തല്ലും ഡയലോഗും അതിനെന്നെ കളിയാക്കിയുള്ള മീനാക്ഷിയുടെ ചിരികൂടിയായപ്പോൾ മൊത്തത്തിൽ പൊളിഞ്ഞ ഞാൻ അടികിട്ടിയ കവിളും പൊത്തിപ്പിടിച്ചുകൊണ്ടു ചെറിയമ്മേടെ നേരേ ചാടി…