ആ ആശങ്കയിൽ മീനാക്ഷിയെ നോക്കുമ്പോൾ കക്ഷിയും നാറിപ്പോകുമോന്നുള്ള പേടിയിലിരിയ്ക്കുവാണ്…
എന്നാലെന്തോ ഭാഗ്യത്തിനവൻ പെണ്ണുമ്പിള്ളയോടു മനസ്സുതുറന്നതുപോലെ അവരോടു തുറന്നില്ല…
“”…ഇവടത്തെ അച്ഛനുമമ്മയുമാണോ..??”””_ വായ്ക്കൊരു റെസ്റ്റുകിട്ടീപ്പോൾ മീനാക്ഷിചോദിച്ചു…
ഇനി മുള്ളിയകേസ് ചികഞ്ഞെടുക്കാതിരിയ്ക്കാൻ വിഷയം മാറ്റിയതാണോന്നറിയില്ല…
“”…അതേ… ഇവിടത്തെ തന്നെയാ..!!”””_ പുള്ളിയൊരു ചിരിയോടെ പറഞ്ഞശേഷം ഓരോരോ കുശലങ്ങൾ ചോദിയ്ക്കാൻതുടങ്ങി…
ആക്കൂട്ടത്തിൽ അച്ഛന്റെയും അമ്മയുടേം കീത്തുവിന്റേം അവളുടെ കല്യാണക്കാര്യങ്ങളുമൊക്കെ സ്ഥാനംപിടിച്ചു…
ആ സംസാരംപോലും എനിയ്ക്കു ചടപ്പായിരുന്നേലും സഹിയ്ക്കയല്ലാതെ മറ്റൊരു വഴിയുമില്ലാതെപോയി…
ഒടുവിൽ രക്ഷയ്ക്കെത്തീത് ആ ചേച്ചിയായിരുന്നു…
“”…എന്റച്ഛാ… ആ പിള്ളേരൊന്നു തുണിമാറിക്കോട്ടേ… ഇന്നലേ അവിടന്നിറങ്ങീതല്ലേ… ബാക്കി വിശേഷങ്ങളൊക്കെ പിന്നെ ചോദിയ്ക്കാം..!!”””_ അടുക്കളയിൽനിന്നും പുള്ളിക്കാരി വിളിച്ചുപറഞ്ഞതും,
“”…അതുതന്നെ… ആ പിള്ളേർക്കു കൊറച്ചു സ്വൈര്യംകൊട് മനുഷ്യാ..!!”””_ എന്നുള്ള കാർന്നോത്തിയുടെ സപ്പോർട്ടും പിന്നാലെയെത്തി…
“”…ഓ.! അക്കാര്യം ഞാനങ്ങുവിട്ടുപോയി… ശെരിയെന്നാ നിങ്ങളുപോയി വിശ്രമിയ്ക്ക്..!!”””_ ഒരു ചമ്മിയചിരിയോടെ പറഞ്ഞശേഷം പുള്ളി വീണ്ടുമാ ചേച്ചിയെവിളിച്ചു;
“”…എടി പെണ്ണേ… ഇവർക്കുള്ള മുറികാണിച്ചു കൊടടീ..!!”””_ ന്നും പറഞ്ഞ്…
അതിന്,
“”…മോനടുത്തില്ലേ… അങ്ങോട്ടുപറ..!!”””_ എന്നായിരുന്നു അവടന്നുവന്ന മറുപടി…
“”…അതിനിനി അവന്റെ കൈയീന്നു കുരുത്തംകെട്ടതു മാറണ്ടേ..??”””_ അച്ഛൻ തിരിച്ചുചോദിച്ചതും നൈറ്റിയിൽ കൈയുംതുടച്ചുകൊണ്ടാ ചേച്ചിയങ്ങോട്ടു വന്നു…
എന്നിട്ടവനെ നോക്കി;
“”…ഒരു പണീംചെയ്യണ്ട… ഇരിപത്തിനാല് മണിയ്ക്കൂറും അതിനേം കെട്ടിപ്പിടിച്ചിരുന്നോ..!!”””_ എന്നു മുറുമുറുക്കുവേം ചെയ്തു…
“”…എന്നാലൊരു കാര്യഞ്ചെയ്… നീ കെട്ടിപ്പിടിച്ചിരിയ്ക്ക്… ഞാൻ പണിയൊക്കെ ചെയ്തോളാം..!!”””_ അവനും വിട്ടുകൊടുത്തില്ല…
ഉടനേ,
“”…എന്നിട്ടുവേണം ചെക്കൻകരഞ്ഞ് നാടുമൊത്തമറിയിയ്ക്കാൻ..!!”””_ അടുക്കളയിൽനിന്നും അമ്മയുടെ ഡയലോഗുമെത്തി… അതോടെ കക്ഷി ആസ്സായി…
“”…വാ… മുകളിലാണ് റൂം…!!”””_ ജോയെയൊന്നു ചുഴിഞ്ഞുനോക്കിക്കൊണ്ട് പുള്ളിക്കാരി സ്റ്റെയറുകേറിയപ്പോൾ മീനാക്ഷിയും കൂടെക്കൂടി…
എന്നാൽ ഞാനൊന്നുകൂടി അവനേയും കുഞ്ഞിനേയും മാറിമാറിനോക്കി…
ഒരുപ്രാവശ്യംപോലും എടുക്കാൻ തരാത്തതിലുള്ള സകലകലിപ്പും എന്റെയാ നോട്ടത്തിലുണ്ടായിരുന്നെന്നു പ്രത്യേകം പറയണ്ടല്ലോ…
“”…എന്താ ചേച്ചീടെ പേര്..??”””_ സ്റ്റെയറു കയറുന്നതിനിടയിൽ മീനാക്ഷിയാണ് തിരക്കീത്…
അതിനൊരു ചിരിയോടെയവർ,
“”…ആരതി..!!”””_ യെന്നു മറുപടി കൊടുക്കുവേം ചെയ്തു…
“”…ദാ… ഇതാ നിങ്ങടെ ബെഡ്റൂം..!!”””_ മുകളിലത്തെ മാസ്റ്റർബെഡ്റൂം എന്നുതോന്നിയ്ക്കുന്ന റൂമിലേയ്ക്കു ഞങ്ങളെക്കയറ്റി ചേച്ചിപറഞ്ഞു…
“”…പിന്നേതുനേരോം ഇതിനുള്ളിൽ പറ്റിക്കൂടിയിരുന്നു കളയരുത്… താഴെയൊത്തിരി പണിയുള്ളതാണ്..!!”””_ ഇറങ്ങാൻനേരം ആക്കിയൊരു ചിരിയോടെ പുള്ളിക്കാരി കൂട്ടിച്ചേർക്കാനും മറന്നില്ല…
അതിനൊരു ചളിച്ചചിരി മറുപടിയായി കൊടുത്തപ്പോൾത്തന്നെ അവരു മുറിയിൽനിന്നും ഇറങ്ങിനടന്നു…
കാത്തിരുന്നപോലെ ഞാനപ്പോൾത്തന്നെയാ ഡോറുവലിച്ചടച്ചുകൊണ്ടു മീനാക്ഷിയ്ക്കു നേരേതിരിഞ്ഞു;
“”…എന്താടീ..?? എന്താടീ പുന്നാരമോളേ നിന്റുദ്ദേശം..?? മനുഷ്യനെ നാണങ്കെടുത്താനായ്ട്ട് ഒരുമ്പെട്ടിറങ്ങിയേക്കുവാ ല്ലേ..??”””
“”…അതിനു ഞാനെന്തോചെയ്തു..??”””_ ഒന്നുമറിയാത്തതുപോലുള്ള മീനാക്ഷിയുടെ മറുചോദ്യം…
“”…നീയൊന്നും ചെയ്തില്ലല്ലേ..?? എന്നേം എന്റച്ഛനേം നാറ്റിയ്ക്കാനായി മനഃപൂർവ്വമല്ലേടീ നീയവരുടെ മുന്നിലിരുന്ന് അമ്മാതിരി തീറ്റതിന്നത്..??”””_ എന്റെയാ ചോദ്യംകേട്ടതും ഇവനിതെന്തൊക്കെയാ പറയുന്നേന്നുള്ള ഭാവത്തിൽ അവളെന്നെയൊരു നോട്ടംനോക്കി…
“”…നോക്കിപ്പേടിപ്പിയ്ക്കാതെ സത്യമ്പറേടീ ഉണ്ടക്കണ്ണീ..!!”””_ എന്നുകൂടി കൂട്ടിച്ചേർത്തപ്പോൾ,
“”…അവരു തന്നതല്ലേ ഞാങ്കഴിച്ചുള്ളൂ… ചോദിച്ചുമേടിച്ചു കഴിച്ചിട്ടൊന്നുവില്ലല്ലോ..!!”””_ അവൾടെ മറുപടി…
“”…അവരങ്ങനെ പലതുംകൊണ്ടുത്തരും അതവരുടെ മര്യാദയാ… അതൊക്കെക്കണ്ടിട്ട് നീ നിന്റെ മര്യാദകളയരുതെന്നാ പറേണേ… തിന്നുതിന്ന് എന്റെകുടുംബം നീ കുളംതോണ്ടി… ഇനിയിവരെക്കൂടി കുത്തുപാളയെടുപ്പിയ്ക്കരുത്..!!”””
“”…എന്നോടവരു പറഞ്ഞല്ലോ എന്തോരംവേണേലും കഴിച്ചോളാൻ… പിന്നെ നെനക്കെന്താ പ്രോബ്ലം..??”””_ കൊണ്ടുവന്ന ബാഗിൽനിന്നും ഒരുജോഡിഡ്രസ്സും ഒരു ബാത്ത്ടവലുമെടുത്ത് ബാത്ത്റൂമിലേയ്ക്കു നടക്കവേ മീനാക്ഷി പിറുപിറുത്തു…
“”…അതുനിന്റെ തീറ്റകണ്ടിട്ടു പറഞ്ഞതാ… അതുമനസ്സിലാക്കാനുള്ള മൂളപോലുമില്ലാത്ത നീയുമൊരു ഡോക്ടറ്… ത്ഫൂ..!!”””_ അവളെയും പുച്ഛിച്ചുകൊണ്ട് ബെഡ്ഡിലേയ്ക്കു മലർന്നുകിടന്നപ്പോൾ എന്നെയൊന്നു നോക്കി ദഹിപ്പിച്ചശേഷം മീനാക്ഷി ബാത്ത്റൂമിലേയ്ക്കു കയറി…
നീരാട്ടുകഴിഞ്ഞ് ഓറഞ്ചിൽ പച്ച ഷെയ്ഡ്സുള്ള ചുരിദാർടോപ്പും ബ്ലാക്ക് ലെഗ്ഗിൻസുമിട്ട് തലയുംതുവർത്തിയവൾ പുറത്തേയ്ക്കുവന്നു…
കൂട്ടത്തിൽ,
“”…അതേ… വല്യബാത്ത്റൂമാട്ടോ… നല്ല സൗകര്യോക്കെണ്ട്..!!”””_ എന്നൊരു ഡയലോഗും…
അതിന്,
“”…എന്നാൽ തിരിച്ചുപോകുമ്പോൾ തലേചുവന്നോണ്ടു പോര്..!!”””_ എന്നൊരു താല്പര്യമില്ലാത്തമട്ടിൽ പറഞ്ഞതോടെ കക്ഷിയടങ്ങി…
പിന്നെ മുടിയിലെ വെള്ളംകളയുന്നവരെ ഒന്നുംമിണ്ടീല…
ഒടുക്കം മുടിയൊതുക്കി കെട്ടുന്നതിനിടയിൽ എന്തോ ആലോചിച്ചിട്ടന്നപോലെ പുള്ളിക്കാരിയെന്നെ നോക്കി;
“”…അവരുടെ കല്യാണോം ലവ്മേരേജാന്നാ തോന്നുന്നേ… കേട്ടില്ലേ എടാ പോടാന്നൊക്കെയാ വിളിയ്ക്കുന്നേ..!!”””
“”…ഓ.! അതൊന്നും പറയാമ്പറ്റില്ല… ആരൊക്കെയോ അറേഞ്ച്ചെയ്തു കെട്ടിയിട്ട് നീയെന്നെയെന്താ വിളിയ്ക്കുന്നേ..?? അതൊക്കെ പുറത്തുപറയാൻ കൊള്ളാവോ..??”””_ ഞാനും വിട്ടില്ല…
“”…ഇതങ്ങനെയല്ല… ആ ചേച്ചിയുടെപേര് ആരതിയെന്നല്ലേ പറഞ്ഞേ… ആരതി ഹിന്ദുപ്പേരല്ലേ..?? ഇവരൊക്കെയാണേൽ ക്രിസ്ത്യൻസല്ലേ… അതാ ഞാമ്പറഞ്ഞേ, ലവ് മേരേജാവോന്ന്..!!”””
“”…ആ.! അതെന്തേലും മൈരാവട്ടേ… അതൊക്കെയവരുടെ കാര്യം… നീയിനി അതിന്റെടേൽപ്പോയി അവരെത്തമ്മിൽ തല്ലിയ്ക്കണ്ട..!!”””_ അവൾപറഞ്ഞതിനു മറുപടികൊടുത്തതും,
“”…മ്മ്മ്.! അല്ലേലുമിതൊക്കെ നിന്നോടു പറയാമ്മന്ന എന്നെപ്പറഞ്ഞാൽ മതീലോ..!!”””_ ന്ന് എന്നെനോക്കി പറഞ്ഞിട്ട് മുഖം വെട്ടിത്തിരിയ്ക്കുമ്പോളാണ് ഡോറിൽ തട്ടുകേൾക്കുന്നത്…
കൂട്ടത്തിൽ,