കാര്യമേറെക്കുറേ വ്യക്തമായതോടെ ഞാൻ തലയുംകുലുക്കി പുറത്തേയ്ക്കിറങ്ങി…
എല്ലാരോടും യാത്രപറഞ്ഞു വണ്ടിയിലേയ്ക്കു കേറുമ്പോൾ ഇന്നോവയുടെ പിൻസീറ്റിൽ മീനാക്ഷി സ്ഥാനംപിടിച്ചു കഴിഞ്ഞിരുന്നു…
ഞാനുംകൂടി വണ്ടിയിലേയ്ക്കു കയറീതും ശ്രീ വണ്ടിയെടുത്തു…
ഉടനെ മീനാക്ഷി കൈപുറത്തേയ്ക്കിട്ട് അവർക്കൊക്കെ റ്റാറ്റ കാണിയ്ക്കാനും തുടങ്ങി…
“”…കയ്യെടുത്തകത്തിടാൻ പറേടാ… അല്ലേ വല്ലവണ്ടീം കൊണ്ടുപോവും… പിന്നതു തിരിച്ചുമേടിയ്ക്കാനൊന്നും ഇവടാർക്കും സമയമില്ല..!!”””_ അവൾടെ കൂത്തുകണ്ടു ഞാൻ ശ്രീയോടുപറഞ്ഞു…
അതുകേട്ടിട്ടാവണം കക്ഷി കയ്യകത്തേയ്ക്കിട്ടു…
പിന്നെ കെഎസ്സ്ആർടിസി ബസ്സ്സ്റ്റാൻഡിലേയ്ക്കുള്ള യാത്രയിലുടനീളം ഞാനും ശ്രീയും വായൊഴിയാതെ വർത്താനം പറഞ്ഞുകൊണ്ടേയിരുന്നു…
കുറച്ചുനാളുകൾക്കു ശേഷമല്ലേ മിണ്ടുന്നത്…
അതിന്റെ കുറവുതീർക്കണമല്ലോ…
എന്നാലതിനിടയിൽ മീനാക്ഷിയുമാരെയൊക്കെയോ വിളിയ്ക്കുന്നുണ്ടായിരുന്നു…
മൂന്നാറിലേയ്ക്കു ട്രിപ്പുപോകുവാണ്…
മൂന്നാലുദിവസം കഴിഞ്ഞേ വരുള്ളൂന്നൊക്കെ തള്ളിമറിയ്ക്കുവായിരുന്നു കക്ഷി…
“”…ശ്രീക്കുട്ടാ… എനിയ്ക്കൊരുകുപ്പി വെള്ളംവേണം..!!”””_ ബെസ്സ്സ്റ്റാൻഡിലെത്തീതും പുറത്തിറങ്ങി ചുറ്റുംനോക്കിയായിരുന്നു അവൾടാവശ്യം…
“”…വെള്ളംമാത്രം മതിയോ..?? വേറെ കഴിയ്ക്കാൻ സ്നാക്സെന്തേലും വേണോ..??”””_ ശ്രീയുടെ ചോദ്യംകേട്ടതും അവളെന്നെനോക്കി…
വേണംന്നു പറഞ്ഞാൽ തെറിയുറപ്പാണല്ലോ… അതോണ്ടാവും മറുപടിയൊന്നും പറയാതിരുന്നത്…
എന്നാലവൻ വെള്ളംമേടിയ്ക്കുന്ന കൂട്ടത്തിൽ ബനാനചിപ്പ്സും കേക്കും വേറെന്തൊക്കെയോ സ്നാക്സുമൊക്കെ വാങ്ങി…
“”…ഇതുമതിയാവൂലേ..??”””_ മേടിച്ചസ്നാക്സവൾക്കു കൊടുത്തുകൊണ്ടു
ചോദിച്ചപ്പോൾ പാവ തലകുലുക്കുമ്പോലെ തലകുലുക്കുവേം ചെയ്തു…
എന്നാലെനിയ്ക്കപ്പോഴും മനസ്സിലാകാതിരുന്നത് മീനാക്ഷിയോടു കട്ടക്കലിപ്പോടെനടന്ന ശ്രീയ്ക്കെന്താ ഇപ്പോളൊരു മാറ്റംന്നായിരുന്നു…
“”…ദേ.. ഡാ… അതു മൂന്നാർക്കുള്ള വണ്ടിയാ… വാ..!!”””_ മീനാക്ഷിയുടെ കയ്യിലിരുന്ന ട്രോളിബാഗും മേടിച്ചുകൊണ്ട് ശ്രീയാ ബസ്സിനുനേരേ ഓടിയപ്പോൾ ഞങ്ങളുമവനെ പിൻചെന്നു…
“”…ഡാ… കൈയില് കാശൊക്കെണ്ടല്ലോ… നൈറ്റെവിടേലും നിർത്തുമ്പോൾ ഫുഡ്മേടിച്ചു കഴിച്ചോണം… പിന്നവളേം നോക്കിക്കോൾണം..!!”””_ അവനോർമ്മിപ്പിയ്ക്കുമ്പോലെ പറഞ്ഞപ്പോൾ തികട്ടിവന്ന ദേഷ്യം പുറത്തുകാണിയ്ക്കാതെ തലകുലുക്കിക്കൊണ്ടു ഞാൻ പിന്നിലെഡോറുവഴി അകത്തേയ്ക്കുകേറി…
മീനാക്ഷിയപ്പോഴേയ്ക്കും മുന്നിലൂടെ ബസ്സിൽക്കയറി സീറ്റുംപിടിച്ചിരുന്നു…
ബസ്സുമുന്നിലേയ്ക്കെടുത്തപ്പോൾ സ്റ്റെപ്പിൽനിന്നും അവനെ കൈവീശിക്കാണിച്ച് അകത്തേയ്ക്കു കയറിയപ്പോൾ മീനാക്ഷിയിരിയ്ക്കുന്ന സീറ്റൊഴികെ ബാക്കിയെല്ലാം ഫുള്ള്…
“”…താനെന്തിനാ നിൽക്കുന്നേ..?? അവിടേയ്ക്കിരിയ്ക്കെടോ..!!”””_ മീനാക്ഷിയിരുന്ന സീറ്റിലേയ്ക്കുചൂണ്ടി കണ്ടക്ടർപറഞ്ഞു…
ഇരുന്നില്ലേൽ ചിലപ്പോൾ മൂന്നാറുവരെ നിൽക്കേണ്ടിവന്നാലോന്നു ചിന്തിച്ചപ്പോൾ ഇരിയ്ക്കുന്നതാണു നല്ലതെന്നുതോന്നി…
അങ്ങനെയാണ് മീനാക്ഷിയുടെ സീറ്റിലേയ്ക്കിരിയ്ക്കുന്നത്…
തിരിഞ്ഞോന്നുനോക്കി ഞാനാണെന്നുകണ്ടതും പട്ടിവിലപോലും തരാതവൾ കഴുത്തുവെട്ടിച്ചു പുറത്തേയ്ക്കുനോക്കിയിരുന്നു…
ഓഹ്..! വിൻഡോസീറ്റു കിട്ടിയതിന്റെ അഹങ്കാരവാണോ..??
“”…മാറ്… എനിയ്ക്കുവേണം വിൻഡോസീറ്റ്..!!”””_ കൊച്ചുകുട്ടികൾടെകൂട്ട് ഞാനവളോടാവശ്യപ്പെട്ടു…
“”…ഇവടിപ്പൊ ഞാനിരുന്നുപോയി… നീ വേറെവിടേലും പോയിരിയ്ക്ക്..!!”””_ എന്നായിരുന്നതിനവൾടെ മറുപടി…
ഏറ്റില്ലെന്നു കണ്ടതും;
“”…നിന്നോടു മര്യാദയ്ക്കുമാറാമ്പറഞ്ഞാ നീ കേൾക്കത്തില്ലല്ലേ..?? എഴുന്നേറ്റുമാറടീ..!!”””_ ഞാനൊന്നു വിരട്ടിക്കൊണ്ടവളെ പിടിച്ചെഴുന്നേൽപ്പിയ്ക്കാൻ ശ്രെമിച്ചു…
“”…ദേ… എന്റെ മേത്തുതൊട്ടാൽ ഞാങ്കടിയ്ക്കും..!!”””_ കടിയ്ക്കാനെന്നപോലെ വായുംതുറന്നുവന്ന മീനാക്ഷിപെട്ടെന്ന് ഓപ്പോസിറ്റുള്ള സീറ്റിലേയ്ക്കു നോക്കിശേഷമടങ്ങി…
പിന്നെ ശബ്ദംതാഴ്ത്തി;
“”…ദേ… അവടിരിയ്ക്കുന്ന പിള്ളേരൊക്കെ നോക്കുവാ… മര്യാദയ്ക്കിരീടാ..!!”””_ എന്നൊരു ഡയലോഗും…
ആദ്യമതവൾടെ അടവാണെന്നു കരുതിയെങ്കിലും നോക്കിയപ്പോൾ സംഗതിശെരിയാണ്…
മൂന്നുകോളേജുപിള്ളേരാണ്…
ഞങ്ങളെനോക്കി എന്തൊക്കെയോ പറയുകേം ചിരിയ്ക്കുവേമൊക്കെ ചെയ്യുന്നുണ്ട്…
കോപ്പ്.! മാനംപോയി.!
“”…എന്താ..?? ഇപ്പൊ വിൻഡോസീറ്റുവേണ്ടേ..??”””_ ഞാനൊന്നടങ്ങീന്നു കണ്ടപ്പോൾ അവളെന്നെയാക്കി ചോദിച്ചു…
“”…വേണം… മാറ്…!!”””_ പറഞ്ഞതും,
“”…അയ്യടാ.! അത്രയ്ക്കങ്ങടു സുഖിയ്ക്കുവോന്നുമ്മേണ്ട..!!”””_ അവളൊറ്റ ചിരിയായിരുന്നു…
അതോടെനിയ്ക്കു പൊളിഞ്ഞുകേറി…
“”…മര്യാദയ്ക്കു മാറ്… അല്ലേ ഞാനിപ്പൊ കണ്ടക്ടർടടുക്കെ പറഞ്ഞുകൊടുക്കും..!!”””_ ഞാനവളെ ഭീഷണിപ്പെടുത്തി…
“”…പിന്നേ… ഇതു നിന്റച്ഛൻ മേടിച്ചുകൊടുത്ത സീറ്റല്ലേ..?? ഒന്നുപോടാ..!!”””
“”…ആഹാ.! എന്നാലേ ഇതിനകത്തു കാർഡൊന്നുമെടുക്കൂല… ടിക്കറ്റുകിട്ടണേൽ കാശുതന്നെ കൊടുക്കണം… എനിയ്ക്കു വിൻഡോസീറ്റുതന്നില്ലേൽ നെനക്കു ടിക്കറ്റെടുക്കാനെനിയ്ക്കു ചിലപ്പോൾ തോന്നീന്നുവരില്ല… ബസ്സേന്നിറക്കിവിട്ടാൽ തിരിച്ചുപോകാനുള്ള വഴിയൊക്കെയറിയാമെങ്കിൽ അവടത്തന്നിരുന്നോ..!!”””_ ഞാനതു പറഞ്ഞുകേട്ടതും കക്ഷീടെ മുഖമൊക്കെ ചെറുതായി…
അത്രയുംനേരം മുഖത്തുണ്ടായിരുന്ന ചിരിയുംമാഞ്ഞു…
പിന്നീടു കുറച്ചുനേരം മിണ്ടാതിരുന്നയവൾ സീറ്റിൽനിന്നുമെഴുന്നേറ്റു,
“”…ഇരുന്നോ..!!”””_ വിൻഡോസീറ്റിലേയ്ക്കു ചൂണ്ടിക്കൊണ്ടവൾ പറഞ്ഞതും രണ്ടാമതൊന്നാലോചിയ്ക്കാതെ ഞാനറ്റംപിടിച്ചു…
അപ്പോഴും എതിരെയുള്ളസീറ്റിലിരുന്ന പിള്ളേർ ഞങ്ങളെനോക്കി ചിരിയ്ക്കുന്നുണ്ടായിരുന്നു…
എന്നാലതൊന്നും കാര്യവാക്കാതെ മീനാക്ഷി ചിപ്സിന്റെ പാക്കറ്റ് പൊട്ടിച്ചു…
രാത്രിയായപ്പോൾ ഫുഡ്കഴിയ്ക്കാനും ബാത്ത്റൂംയൂസ് ചെയ്യാനുമൊക്കെയുള്ള സൗകര്യത്തിനായി വണ്ടി കുറച്ചുസമയത്തേയ്ക്കു നിർത്തിയിട്ടു…
അപ്പോഴെല്ലാം മുള്ളാമ്പോലുംപോകാതെ നിഴലുപോലെ മീനാക്ഷിയും കൂടുണ്ടായ്രുന്നു…
ഒരുപക്ഷേ, മുള്ളാമ്പോയാൽ അവളെയവിടെ കളഞ്ഞിട്ടുപോകോന്നുള്ള പേടികൊണ്ടാവണം കക്ഷിയെന്റെ പിന്നലേകൂടീത്…
അവിടുന്ന് വണ്ടിയിൽക്കേറി കുറച്ചുദൂരം പിന്നിട്ടപ്പോഴേയ്ക്കും മീനാക്ഷി ഉറക്കംപിടിച്ചിരുന്നു…
തലസീറ്റിലേയ്ക്കമർത്തി മലർന്നിരുന്നുറങ്ങുന്ന അവളെക്കണ്ടതും വീണ്ടുമെന്നിലെ കുരുട്ടുബുദ്ധിയുണർന്നു…
…രാവിലെയവൾ എഴുന്നേൽക്കുന്നതിനു മുന്നേ കടന്നുകളഞ്ഞാലോ..?? അടിമാലിയിലിറങ്ങാനല്ലേ പറഞ്ഞത്… അപ്പോൾ ഞാനടിമാലിയിലിറങ്ങാം… ഇവളു മൂന്നാർക്കും പൊയ്ക്കോട്ടേ…
വേണേലൊരു നൂറുരൂപ ബാഗിൽവെച്ചേക്കാം… രണ്ടുമൂന്നുദിവസം മൂന്നാറൊക്കെ തെണ്ടിനടന്നിട്ട് തിരിച്ചുപൊയ്ക്കോട്ടേന്ന്… ഏതായാലും കഴിച്ചിട്ടു കയറിയപ്പോൾ വിൻഡോസീറ്റ് മീനാക്ഷിയ്ക്കുകൊടുത്തത് നന്നായി…