പക്ഷേ ഇപ്രാവശ്യം ബുക്കിലേയ്ക്ക് നോക്കാതെ അവളെത്തന്നെയാണ് നോക്കിയിരുന്നതെന്നു മാത്രം…
എന്നാലാ കാത്തിരിപ്പും വെറുതെയായതോടെയെന്റെ ഇടനെഞ്ചിലൊരു വെള്ളിടിവെട്ടി… കൂട്ടത്തിൽ രണ്ടിന്റേം ഒച്ചയൊന്നും കേൾക്കുന്നില്ലല്ലോന്നോ മറ്റോ അമ്മ ചേച്ചിയോടു ചോദിയ്ക്കുന്നതു കൂടിയറിഞ്ഞതോടെ എന്റെ നല്ലജീവനങ്ങു പോവുവേംചെയ്തു…
ഉടനെ പാഞ്ഞുചെന്ന ഞാൻ മീനാക്ഷിയെ വിളിച്ചെഴുന്നേല്പിയ്ക്കാനൊരു ശ്രെമവുംനടത്തി…
“”…മീനുവേച്ചീ… വായെണീറ്റേ… ദേയമ്മ വിളിയ്ക്കുന്നുണ്ട്..!!”””_ ഞാനവളെ കുലുക്കി വിളിച്ചെങ്കിലുമവളനങ്ങിയില്ല…
കുറേപ്രാവശ്യം കൂടി വിളിച്ചിട്ടുമൊരനക്കവുമില്ല…
വയറുംപൊത്തിപ്പിടിച്ച് അതേയിരിപ്പ്…
ഞാൻനല്ല വൃത്തിയ്ക്കു ഞെട്ടി…
ചെവിയോർത്തു നോക്കിയപ്പോൾ കരയുന്നയൊച്ചയുമില്ല…
മുട്ടുമടക്കി കൈയാ മുട്ടുകളിൽചുറ്റി, അതിലേയ്ക്കു മുഖം പൂഴ്ത്തിയിരിക്കുന്നതിനാൽ മുഖവും കാണാൻപറ്റുന്നില്ല…
ഇരുന്നയിരിപ്പിലവളുടെ ബോധം പോയെന്നാണ് ഞാനപ്പോൾ കരുതിയത്…
അതോടൊറ്റ നിമിഷംകൊണ്ട് ഞാനാകെ വിയർത്തുകുളിച്ചു, ആരെയും പിടിച്ചു കടിയ്ക്കരുതെന്നുള്ള അച്ഛന്റെ ഉഗ്രശാസനമുള്ളതാണ്…
എന്നാലതും തെറ്റിച്ചാണിപ്പോൾ മീനാക്ഷിയെ കടിച്ചു ബോധം കെടുത്തിയിരിയ്ക്കുന്നത്…
ഒരു നിമിഷം എന്തു ചെയ്യണമെന്നറിയാതെ ഞാനാകെ പകച്ചുനിന്നു…
പിന്നെ രണ്ടുംകൽപിച്ചു വീണ്ടുമവളെ കുലുക്കി എണീപ്പിയ്ക്കാൻനോക്കി…
ആദ്യമൊക്കെ അത്യാവശ്യം ധൈര്യത്തോടെയാണ് വിളിച്ചതെങ്കിലും അവളനങ്ങാതെ വന്നതോടെ അതുപിന്നൊരേങ്ങലടിയും കരച്ചിലുമൊക്കെയായി മാറി…
“”…എന്നെ കളിയാക്കിയ കൊണ്ടല്ലേ ഞാങ്കടിച്ചേ… അച്ഛനെന്നോടാരേം കടിക്കല്ല്ന്ന് പറഞ്ഞയാ… അറിയാണ്ടാ ഞാങ്കടിച്ചോയെ… എണീര് മീനുവേച്ചീ..!!”””_ ന്നൊക്കെ പതംപറഞ്ഞുള്ളയെന്റെ കരച്ചിലിന്റവസാനമാണ് മീനാക്ഷിയൊന്നു മുഖമുയർത്തിയത്…
അവളെന്നെനോക്കി കളിയാക്കി ചിരിച്ചുകൊണ്ടാണ് എഴുന്നേറ്റതെങ്കിലും എനിയ്ക്കപ്പോൾ ജീവൻ തിരിച്ചുകിട്ടിയ സന്തോഷമായിരുന്നു…
മാത്രവുമല്ല, ചിരിയോടെയിരുന്ന മീനാക്ഷിയെ പിടിച്ചെഴുന്നേൽപ്പിയ്ക്കാനും ഞാൻ ശ്രെമിച്ചു…
ആരെങ്കിലും പെട്ടെന്നുകയറി വരികയാണെങ്കിൽ അവളങ്ങനെ നിലത്തിരുന്നാൽ പണി പാളുമെന്നറുപ്പുള്ളതുകൊണ്ട്, പെട്ടെന്നുതന്നെ കക്ഷത്തിലൂടെ കൈകയറ്റിയവളെ വലിച്ചെഴുനേല്പിക്കാൻ ഞാൻ പരമാവധി നോക്കിയെങ്കിലും ഇക്കിളികൊണ്ടോ അതോ എന്നെ കളിയാക്കാനോന്നറിയില്ല അവളവിടിരുന്നു ചിരിച്ചുകൊണ്ട് ബലംപിടിച്ചു…
എനിയ്ക്കാണെങ്കിൽ എങ്ങനെയെങ്കിലും അവളെയൊന്നെഴുന്നേൽപ്പിച്ചാൽ മതിയെന്നായിരുന്നു…
അതിനായി അമ്മ വിളിയ്ക്കുന്നുണ്ട്…
കീത്തുവേച്ചിയിപ്പൊ വരുമെന്നൊക്കെയുള്ള മുടന്തൻ ന്യായങ്ങൾ നിരത്തിനോക്കുവേം ചെയ്തു…
എന്നിട്ടൊന്നും മീനാക്ഷിയനങ്ങീല…
ഒടുക്കം, വീണ്ടുംഞാൻ കാറുമെന്നുള്ളവസ്ഥ വന്നപ്പോളാണ് അവളെഴുന്നേറ്റത്…
എന്റെയുദ്യമം വിജയിച്ച സന്തോഷത്തിൽ ഞാനുമപ്പോളൊന്നു ചിരിച്ചു…
പക്ഷേ, ആ സന്തോഷവുമധികം നീണ്ടുനിന്നില്ല…
“”…നീയെന്തോത്തിനാടാ എന്നെക്കടിച്ചേ..??”””_ അവള് വയറു തിരുമിക്കൊണ്ടെന്നെ നോക്കിയതും,
“”…മീനുവേച്ചിയെന്തോത്തിനാ എന്നെ കളിയാക്കിയെ..??”””_ ന്നു ഞാനും തിരിച്ചുചോദിച്ചു…
“”…കളിയാക്കിയെന്നുവെച്ച് നീയെല്ലാരേങ്കടിയ്ക്കുവോ..?? ആഹാ.! അതു കൊള്ളാലോ..!!”””_ മീനാക്ഷി വീണ്ടുംകലിപ്പായി… അതോടെന്റെ ട്യൂബുമഴിഞ്ഞു…
…ആരുമറിയാതിരിയ്ക്കാൻ ബോധംകെട്ടു കിടന്നവളെ വിളിച്ചെഴുനേല്പിച്ചതാണ്… അതിപ്പോൾ വീണ്ടും കുരിശായിരിയ്ക്കുന്നു..!!
പറഞ്ഞശേഷമവൾ വാതിലിനടുത്തേയ്ക്കു പോകാൻ കൂടിയാഞ്ഞതോടെ എന്റെ ഫുൾ ഫ്യൂസുംപോയി…
പിന്നെ അവസാനത്തെയടവെടുക്കാതെ മറ്റുമാർഗ്ഗമില്ലായ്രുന്നു…
ഓടിച്ചെന്നവളെ പിന്നീന്നു കെട്ടിപ്പിടിച്ചൊരു കരച്ചിലങ്ങു പാസ്സാക്കി…
അക്കൂട്ടത്തിൽ,
അച്ഛനോട് നടന്നതൊന്നും പറയരുതെന്നും അച്ഛനറിഞ്ഞാൽ തല്ലുമെന്നുമൊക്കെ എണ്ണിയെണ്ണി പറഞ്ഞു…
എന്തായാലുമതേറ്റു, ആദ്യമൊക്കെ ബലംപിടിച്ചെങ്കിലും ആരോടും പറയില്ലെന്നുറപ്പു പറഞ്ഞിട്ടാണ് ഞാങ്കരച്ചിലും കെട്ടിപ്പിടുത്തവും നിർത്തിയത്…
അവളുടെയുറപ്പു കിട്ടിയതും സ്വിച്ചിട്ടപ്പോലെ കരച്ചിലുംനിന്നു…
അതോടെയവളെന്നെ സംശയത്തോടെയൊന്നു നോക്കി;
“”…കള്ളക്കരച്ചിലാരുന്നോടാ..??”””
“”…ങ്ഹൂം.! സത്യായ്ട്ടും അച്ഛനറിഞ്ഞാലെന്നെ തല്ലും..!!”””_ ഞാൻ നിസ്സഹായനായി മറുപടികൊടുത്തതും,
“”…അത്രയ്ക്കു പേടിയുള്ളോരെന്തിനാ കടിയ്ക്കാമ്പോയേ..?? പിന്നെന്റെ വേദനയിപ്പോഴും മാറീട്ടില്ലാട്ടോ… അങ്കിളിനോടുപറഞ്ഞു രണ്ടെണ്ണം മേടിച്ചുതരുവാ വേണ്ടത്..!!”””_ അവളൊരു പുഞ്ചിരിയോടെ പറഞ്ഞു…
അതുകേട്ടതും ഞാൻ വീണ്ടുമൊന്നു ഞെട്ടി;
…ഇവളിനി വാക്കുമാറുമോ..?? മാറിയാലിന്നെന്റെ പുറംപൊളിയും.!
പണ്ടിങ്ങനെ അമ്മേക്കടിച്ചതിന് അച്ഛന്തല്ലിയതിന്റെ പാട് രണ്ടുദിവസം തൊടേലുണ്ടായ്രുന്നു…
ആഓർമ്മ മനസ്സിലേയ്ക്കു തികട്ടിവന്നതും ഞാനൊരു സന്ധി സംഭാഷണത്തിനൊരുങ്ങി…
സാധാരണ കടിവെച്ചു കൊടുക്കുമ്പോളമ്മയോടും ചേച്ചിയോടും കാണിക്കുന്ന അതേയടവ്, അല്ലെങ്കിൽ മറ്റാർക്കുമിതേവരെ പറഞ്ഞു കൊടുക്കാത്തയെന്റെയാ ഭീകര മെഡിസിൻ മീനാക്ഷിയ്ക്കും കൊടുക്കാൻ ഞാൻ തീരുമാനിച്ചു…
സാധാരണയത് ചെയ്തുകൊടുത്താൽ അമ്മയും ചെറിയമ്മയും കീത്തുവേച്ചീമൊന്നും കടിച്ചകാര്യം അച്ഛനോടുപറയാറില്ല… അങ്ങനെ ചെയ്താലുടനെ വേദന കുറയുന്നുമുണ്ട്…
രണ്ടുദിവസം മുന്നേയമ്മേപ്പിടിച്ചു കടിച്ചപ്പോഴുമാ മരുന്നിന്റെ റിസൾട്ടു ഞാനനുഭവിച്ചറിഞ്ഞതാണല്ലോ…
ആഉറപ്പിൽ ഞാനാ മരുന്നവൾക്കു കൊടുക്കാൻതന്നെ തീരുമാനിച്ചു…
“”…വേദന കുറച്ചന്നാലാരോടും പറയാണ്ടിരിയ്ക്കോ..??”””_ പ്രതീക്ഷയോടെ ഞാനവളെ നോക്കി…
“”…അതിനു വേദനകുറഞ്ഞാലല്ലേ..??”””
“”…വേദനേക്കെ കുറഞ്ഞോളും… ആരോടുമ്പറയാണ്ടിരുന്നാ മതി..!!”””
“”…ആരോടുമ്പറയാണ്ടിരുന്നാൽ വേദനകുറയോ..??”””_ അവളൊരാക്കിയ ചിരിയോടെ ചോദിച്ചതിന്,
“”…ങ്ഹൂം.! ഞാമ്മേദന കുറച്ചരാം… എന്നാലാരോടും പറയാണ്ടിരിയ്ക്കോ..??”””_ ഞാൻ കൂടുതൽ പ്രതീക്ഷയോടെ മീനാക്ഷിയെനോക്കി…
എന്റെ മരുന്നിന്റെ ഫലസിദ്ധിയിൽ എനിയ്ക്കു നല്ല വിശ്വാസമുണ്ടായിരുന്നതിനാൽ അവളൊന്നു സമ്മതിച്ചാൽമതിയെന്ന പ്രാർഥനയിലായ്രുന്നൂ ഞാൻ…
എന്തായാലും, വേദന കുറഞ്ഞാലാലോചിയ്ക്കാമെന്നൊരു അനുകൂല മറുപടി കിട്ടിയതുമെന്റെ മുഖമൊന്നുതെളിഞ്ഞു…
“”…എന്നാലുടുപ്പു പൊക്ക്… വേദന ഞാമ്മാറ്റിത്തരാം..!!”””
“”…ഉടുപ്പുപൊക്കാനോ എന്തിന്..??”””_ ഒരു ഡോക്ടറുടെഭാവത്തിൽ വളരെസീരിയസായി പറഞ്ഞയെന്നെനോക്കി അത്യധികമമ്പരപ്പോടെയാണവളത് ചോദിച്ചത്…
അവളെന്തിനാ അതുപറയുമ്പോൾ ഇത്രയ്ക്കങ്ങടു ഞെട്ടുന്നതെന്ന അമ്പരപ്പിലായ്രുന്നൂ ഞാനും…