എന്റെ ഭീഷണിയ്ക്കവൾ മൈരുവിലതന്നതും എനിയ്ക്കുപൊളിഞ്ഞു…
പിന്നെയും ഞാൻ വാശിയോടെ പിന്നാലെയോടിയെങ്കിലും പെണ്ണ് പാഞ്ഞുനിന്നു…
…ഇങ്ങനെ കുതിച്ചുകുതിച്ചു നിൽക്കാൻ ഇവള് റബ്ബറിൻപാല് വല്ലതും കട്ടുകുടിച്ചോ..??
എന്നാലവൾക്കൊരു കൂസലുമില്ലായ്രുന്നു… എന്നെവെട്ടിച്ചുകൊണ്ട് ഡയനിങ്ങ് ടേബിനുചുറ്റും ഓടുന്നതിനിടയിലും ഫ്ളാറ്റിൽ മുഴുവനായുമവളുടെ പൊട്ടിച്ചിരി മുഴങ്ങിക്കേട്ടു…
അന്നേരം ഞാൻകാണിച്ച കസർത്തുവല്ലതും ടോമണ്ണൻ കണ്ടെങ്കിൽ, പറ്റത്തില്ലേൽ നിർത്തീട്ടു വല്ലപണിയ്ക്കും പോടാന്നു പറഞ്ഞേനെ…
അവസാനം മറ്റുരക്ഷയൊന്നുമില്ലെന്നു തോന്നിയപ്പോൾ;
“”…മിന്നൂസേ… ദിസീസ് ടു മച്ച്.! എന്നെയന്നു കരയിപ്പിച്ചതും പോരാഞ്ഞിട്ട് ഇപ്പോൾ ചോദിയ്ക്കാൻ വന്നപ്പോൾ ഇങ്ങനെയിൻസൾട്ട് ചെയ്യുന്നതൊട്ടും ശെരിയല്ല..!!”””_ മുഖത്തു വിഷമംനടിച്ച് ഞാനൊന്നെറിഞ്ഞുനോക്കി…
…കുറച്ചു കണ്ണീരൂടെയുണ്ടായേൽ സംഗതിയൊന്നു കൊഴുത്തേനെ… കുറച്ചു തുപ്പലുതൊട്ടലോ..??
…ങ്ഹൂം.! വേണ്ട.! തിന്നിട്ട് വാ കഴുകീട്ടില്ല… പണികിട്ടും… പിന്നെ ഒറിജിനലായ്ട്ട് കരയേണ്ടിവരും.!
“”…നീയെന്താ ആലോചിയ്ക്കുന്നേ..?? സങ്കടായോ..??”””_ ആദ്യമൊന്നു സംശയിച്ചെങ്കിലും പിന്നെ ടേബിളിന്റെയോരത്തു വിരൽചേർത്തു വലിച്ചുകൊണ്ട് അവളെന്റടുത്തേയ്ക്കു വന്നു…
“”…അന്നങ്ങനൊക്കെ പറഞ്ഞൂന്നുവെച്ച് അതിന്റെ പേരിലെന്നെ കുട്ടൂസെന്തോരം കടിയ്ക്കേം മാന്തേം പിച്ചുവൊക്കെ ചെയ്തൂ… അപ്പഴെന്തേലും ഞാന്തിരിച്ചു ചെയ്തോ..?? കുട്ടൂസ് പറ… അന്നറിഞ്ഞോണ്ടല്ലല്ലോ… അപ്പഴ്ത്തെ ദേഷ്യത്തിനല്ലേയങ്ങനെ പറഞ്ഞേ… അതിനു സോറീമ്പറഞ്ഞല്ലോ… എന്നിട്ടും എടയ്ക്കെടേ ഓരോന്നോർത്തോണ്ടിരുന്നിട്ടുള്ള ഈയുപദ്രവന്തീരൂലാന്നു വെച്ചാ..!!”””_ പറഞ്ഞശേഷമവളൊന്നു തൊണ്ട തെളിയ്ക്കുകകൂടി ചെയ്തപ്പോൾ, അതിനി തൊണ്ടയിടറീട്ടാണോന്നൊരു സംശയമായെനിയ്ക്ക്…
…ഈശ്വരാ.! എപ്പോഴ്ത്തേമ്പോലെ കളിപ്പിയ്ക്കാൻ നോക്കീതിപ്പോൾ കാര്യമായോ..??_
ഊർജ്ജ്വസ്വലതമുഴുവൻ നഷ്ടമായതുപോലെയവൾ പതിയെ നടന്നെന്റെടുക്കെ വരുന്നതുകണ്ടപ്പോൾ എനിക്കും വിഷമമായി;
…ശ്ശെടാ.! ഞാനെന്തൊരു പാപിയാണ്… ഞാനൊരിയ്ക്കലും അങ്ങനൊന്നും ചെയ്യാൻപാടില്ലായ്രുന്നു.. ഡോണ്ട്ഡൂ..!!_ എന്ന മുഖഭാവത്തോടെ നോക്കിനിന്നതും, അവളെന്നോടു ചേർന്നുനിന്ന് എന്റെനെഞ്ചിലേയ്ക്കു തലചായ്ച്ചു…
ശേഷം;
“”…സോറി..!!”””_ എന്നവൾ പതിഞ്ഞസ്വരത്തിൽ പറയുകകൂടി ചെയ്തപ്പോൾ ഐസ്ക്രീമലിയുമ്പോലെ ഞാനങ്ങോട്ടലിഞ്ഞു, അന്നേരമൊരു പാത്രവുമായിവന്നെങ്കിൽ നിങ്ങൾക്കെന്നെ കരണ്ടിയ്ക്കു കോരിയെടുക്കായ്രുന്നു…
“”…മിന്നൂസല്ലല്ലോ… ഉറങ്ങിക്കിടന്ന മിന്നൂസിനെ നുള്ളിയുണർത്തി സങ്കടപ്പെടുത്തിയത് ഞാനല്ലേ..?? അപ്പൊ ഞാനല്ലേ സോറിപറയേണ്ടേ..??”””_
പൂച്ചക്കുഞ്ഞിനെ തലോടുമ്പോലെ അവളുടെ മുടിയിഴകളിൽ തലോടിക്കൊണ്ട് ഞാൻചോദിയ്ക്കുമ്പോൾ, നെഞ്ചിലേയ്ക്കു തലചേർത്തുപിടിച്ചു നിന്നവൾ എന്റെ ഇടത്തേമാറിൽ വിരലുകളാൽ ചിത്രപ്പണി നടത്തുവായ്രുന്നു…
ഞാനാ പറഞ്ഞതുകേട്ടതും അവൾ കണ്ണുകളുയർത്തി എന്റെ മുഖത്തേയ്ക്കു നോക്കി…
“”…ഞാനതിനൊന്നുവല്ലല്ലോ
കുട്ടൂസിനോടു സോറിപറഞ്ഞേ..!!”””_ ഒരു ഭാവമാറ്റവുമില്ലാതെന്റെ കണ്ണുകളിലേയ്ക്കു നോക്കിയതു പറയുമ്പോൾ എനിക്കൽഭുതമായി… അതിലുപരി ആകാംഷയായി…
“”…പിന്നെ..??”””
“”…പിന്നെയോ..?? പിന്നെയിതിനാടാ പട്ടീ..!!”””_ നീട്ടിവിളിച്ചതു പറഞ്ഞതിനൊപ്പം എന്റെ മുലഞെട്ടിൽ ആഞ്ഞൊരു കടിയുംതന്നിട്ട് ഒറ്റയോട്ടവുമായ്രുന്നു…
“”…ആആഹ്..!!”””_ നെഞ്ചും പൊത്തിപ്പിടിച്ച് വന്ദേമാതരവുംപറഞ്ഞ് ജഗതിച്ചേട്ടൻ സിഐഡി മൂസയിൽ നിൽക്കുന്നതിന്റെ ക്ലോസ് ഇനഫുമായി നിൽക്കുമ്പോൾ മീനാക്ഷി ഒരിയ്ക്കൽക്കൂടി ആവർത്തിച്ചു;
“”…ഇതിനാടാ പട്ടീ ഞാന്നേരത്തേ സോറി പറഞ്ഞേ..!!”””_ അതു പറയുമ്പോളവൾ ലിവിങ്റൂമിലെത്തിയിരുന്നെന്നത് മറ്റൊരുസത്യം…
…എടാ… മരവാഴേ… ഇത്രയുംനാള് കൂടെക്കിടന്നിട്ടും അവൾടെ തനിസ്വഭാവം നിനക്കു മനസ്സിലായിട്ടില്ലെന്നു പറയുമ്പോൾ… കഷ്ടം തന്നെ.!_ അവൾക്കുപുറമേ എന്റെ മനസ്സാക്ഷിപോലുമെന്നെ പുച്ഛിച്ച നിമിഷമായ്രുന്നത്…