“”…ഒന്നിങ്ങോട്ടു പെട്ടെന്ന് കേറടാ..!!”””_ പുള്ളി വീണ്ടുംകലിപ്പിച്ചതും എനിയ്ക്കുമങ്ങട് പൊളിഞ്ഞുതുടങ്ങി…
പിന്നെ തന്തയായ്പ്പോയില്ലേന്നൊരു പരിഗണനമാത്രം കൊടുത്തുകൊണ്ട് ഞാൻപിന്നിൽ കീത്തുവിന്റെ കൂടെകയറി…
ഞാനടുത്തേയ്ക്കിരുന്നതും എനിയ്ക്കു മുഖംതരാതവൾ പെട്ടെന്ന് ഗ്ലാസ്സിലൂടെ പുറത്തേയ്ക്കുനോക്കി,
ഇടയ്‌ക്കൊന്നു കണ്ണു തുടയ്ക്കുന്നതുംകണ്ടു…
ആ ഒരവസ്ഥയിൽ ഞാനെന്തുപറഞ്ഞാലും അവള് വിശ്വസിയ്ക്കില്ലെന്നുറപ്പായ്രുന്നു…
അല്ലേൽതന്നെ പറഞ്ഞുതുടങ്ങിയാൽ ഒന്നുമെന്റെ കയ്യിൽനിൽക്കില്ലല്ലോ…
എങ്കിലും ഞാനൊന്നു പറയാൻനോക്കി, പക്ഷേ വാതൊറക്കാതെടാ നാറീന്നൊരലർച്ച മുന്നീന്നുവന്നതേ ഞാൻസൈലന്റായി…
അതോടെ എന്നാച്ചെന്നുകേറിക്കൊട് എന്നമട്ടിലുമായി ഞാൻ…
അങ്ങനോരോന്നൊക്കെ ആലോചിച്ച് ചാരിയിരിയ്ക്കുമ്പോൾ വണ്ടിയുടെ വേഗംകൂടുന്നറിഞ്ഞു…
…ഈശ്വരാ.! അവൾടെ തന്തേടെകയ്യീന്ന് തല്ലുകൊള്ളാനിത്രേം തിടുക്കോ..??
ഇനിയെന്തൊക്കെയാണ് സംഭവിയ്ക്കാൻ പോകുന്നേന്നറിയാതെ മനസ്സുമുഴുവൻ ഒരു മരവിപ്പിലിരിയ്ക്കുമ്പോൾ ഞങ്ങൾ മീനാക്ഷിയുടെ വീടിന്റെ ഗേറ്റ്കടന്നു…
കാറുനിർത്തി പുറത്തിറങ്ങി കുരുക്ഷേത്രയുദ്ധം നടക്കാൻപോകുന്ന സൈറ്റൊന്നൂടി നോക്കുമ്പോളാണ് ഓടിപ്പിടഞ്ഞുകൊണ്ട് മീനാക്ഷിയെത്തുന്നത്…
ആകെ വിയർത്തൊഴുകി വല്ലാണ്ടായ അവൾടെമുഖത്ത് ഞങ്ങളെ കണ്ടപ്പോളുണ്ടായ ഞെട്ടലും പേടിയുംകൂടിയായപ്പോൾ എനിയ്ക്കൊരു ചവിട്ടു വെച്ചുകൊടുക്കാനാണ് തോന്നിയത്…
“”…നീയിങ്ങോട്ടായ്രുന്നേൽ നമുക്കൊപ്പം വന്നൂടായ്രുന്നോ..??”””_ കക്ഷിയെക്കണ്ടതും തന്തചോദിച്ചു…
എന്നാലതിനു മറുപടിയില്ലാണ്ട് എന്നെനോക്കിയ മീനാക്ഷിയ്ക്ക് മുഖംകൊടുക്കാതെ ഞാനവിടെനിന്നും മാറുകയായിരുന്നു…
“”…ആഹാ.! ഇതാര്..?? ഡോക്ടറോ..?? എന്താ ഡോക്ടറേ ഈവഴിയ്ക്ക്..?? വാ… കേറിവാ..!!”””_ പുറത്തെ സംസാരംകേട്ട് വരാന്തയിലേയ്ക്കിറങ്ങി വന്ന രേവുവാന്റി പടത്തലവന്റെമാതിരി മുന്നെനിന്ന അച്ഛനെക്കണ്ട് കാര്യമന്വേഷിയ്ക്കുമ്പോളാണ് അമ്മയുംകീത്തുവും കൂടി അച്ഛനടുത്തേയ്ക്ക് ചെല്ലുന്നത്…
“”…ഓ.! എല്ലാരുമുണ്ടല്ലോ… വാ… വാ കേറിവാ… വാ മോളേ..!!”””
സ്ഥിരം കണ്ടുപരിചയമുള്ള കീത്തുവിന്റെ കൈ കവർന്നുകൊണ്ട് എല്ലാരേമകത്തേയ്ക്കു ക്ഷണിയ്ക്കുമ്പോൾ, കുറച്ചുകഴിഞ്ഞും ഈ ആതിഥ്യമര്യാദയൊക്കെ കണ്ടാൽമതിയായ്രുന്നു എന്ന ഭാവത്തിൽ ഞാനുമവരുടെ പിന്നലെയായികയറി…
അപ്പോഴുമനങ്ങാമ്പാറപോലെ പുറത്തുനിന്ന മീനാക്ഷിയെ അവൾടമ്മ ശ്രെദ്ധിയ്ക്കുന്നതു കൂടിയില്ലെന്ന് കണ്ടപ്പോൾ എനിയ്ക്കുള്ളിൽ ചിരിയാണ് വന്നത്…
…അയ്യോ.! പാവം മീനാക്ഷി.! പുറത്തെ ജാഡയൊക്കെയേഉള്ളൂ…. നമ്മടെമാതിരി വീട്ടിൽ പട്ടിവെലതന്നെ.!
ആന്റിയെല്ലാരെയും ക്ഷണിച്ചിരുത്തുമ്പോഴേയ്ക്കും,
“”…എന്താടോ..?? എന്തായീവഴിയ്ക്ക്..?? മോൾടെ കല്യാണമ്മിളിയ്ക്കാൻ കൂട്ടത്തോടെ ഇറങ്ങിയതാല്ലേ..??”””_ ന്നും ചോദിച്ച് റൂമിൽനിന്നും കള്ളിമുണ്ട് ഒന്നുകൂടി മുറുക്കിയുടുത്തുകൊണ്ട് അവൾടെ തന്തയിറങ്ങിവന്നു…
പിന്നെ എന്റെ തന്തസെർനോട് എന്തൊക്കെയോ കുശലംചോദിച്ച് ഞങ്ങടെതിരേകിടന്ന സെറ്റിയിലേയ്ക്ക് മൂടൂന്നുകേംചെയ്തു…
“”…ഏയ്‌.! അങ്ങനെ കാര്യമായവിളിയൊന്നും തുടങ്ങീട്ടില്ല… രണ്ടു ദിവസത്തിനകം ലെറ്ററടിച്ചുകിട്ടും… എന്നിട്ടുവേണം കാര്യമൊന്നുഷാറാക്കാൻ..!!”””_ അച്ഛനൊരു വരുത്തിചിരിയോടെ പറയുമ്പോൾ മീനാക്ഷി ആടിയാടി മുന്നിലെ വാതിൽപ്പടിയ്ക്കൽ വന്ന് ചാരിനിന്നു…
…ഇനി അടിതുടങ്ങുമ്പോൾ ആദ്യമേയിറങ്ങി ഓടാനാണോ ആവോ..??
“”…മീനൂ… നോക്കിനിയ്ക്കാണ്ട് പോയി കുടിയ്ക്കാനെന്തേലുമെടുക്ക്… മ്മ്മ്..!!”””_ രേവുആന്റി ഓഡറിട്ടതും പുള്ളിക്കാരി മനസ്സില്ലാമനസ്സോടെ എല്ലാരെയുമൊന്ന് പാളിനോക്കിയശേഷം ഷോളിൽ വിരല് ചുറ്റിയുമഴിച്ചുംകൊണ്ടകത്തേയ്ക്ക് ആടിയാടിത്തന്നെ പോയി…
“”…എന്താ മോളേ… കല്യാണമായ്ട്ട് ഒരുഷാറുമില്ലല്ലോ..?? എന്തുപറ്റി ടെൻഷനാണോ..??”””_ മീനാക്ഷിയുടച്ഛൻ കീത്തുവിനോടുചോദിച്ചതും അവൾമറുപടി കഷ്ടപ്പെട്ടുണ്ടാക്കിയ ചെറുചിരിയിലൊതുക്കി…
“”…ഇതിലൊന്നും ടെൻഷനാവേണ്ടകാര്യമില്ല മോളേ… ഇതൊക്കെ ഒറ്റത്തവണത്തെ എക്സ്പീരിയെൻസാണ്… പരമാവധി എൻജോയ്ചെയ്യണം… അല്ലേ ഡോക്ടറേ..??”””_ പുള്ളി പറഞ്ഞശേഷം അച്ഛനെ കൂട്ടുപിടിച്ചപ്പോൾ അച്ഛനുമൊന്നു ചിരിച്ചു…
“”…എന്തായാലും നിങ്ങടിഷ്ടത്തിന് മോള് നിന്നുതന്നില്ലേ… അതന്നെയൊരു ഭാഗ്യാ… ഇവിടേമുണ്ടൊരെണ്ണം, വയസ്സു പത്തിരുപത്തഞ്ചായി… എത്ര കല്യാണാലോചന വന്നെന്നറിയോ..?? പെണ്ണമ്പിനും വില്ലിനുമടുക്കുന്നില്ല..!!”””_ രേവുആന്റി കീത്തുവിനെപുകഴ്ത്തി മീനാക്ഷിയെതാറ്റുമ്പോൾ അച്ഛൻ തലചെരിച്ചെന്നെ തുറിച്ചൊന്നുനോക്കി…
അവള് കല്യാണത്തിനു സമ്മതിയ്ക്കാതെ നിൽക്കുന്നതിന്റെ കാരണം ഞാനാണെന്നാണ് പുള്ളിയുടെനിഗമനം…
പിന്നെയും കുറച്ചുസമയംകൂടിയാ സംസാരംതുടരുമ്പോൾ മീനാക്ഷി വലിയൊരു ട്രേയിൽ ജ്യൂസുമായിവന്നു…
“”…രാജീവേ… എന്നാ നമ്മളുവന്ന കാര്യമ്പറയാലോ..!!”””_ അച്ഛൻ പ്രധാനകാര്യത്തിലേയ്ക്ക് കടക്കാനൊരുങ്ങിയതും മീനാക്ഷി പെട്ടെന്ന് ട്രേയും ടേബിളിന്പുറത്തുവെച്ച് പിന്നിലേയ്ക്കു വലിഞ്ഞു…
“”…അപ്പൊ കാര്യമുണ്ടാഞ്ഞിട്ടാല്ലേ വന്നേ… മ്മ്മ്..?? എന്താ..?? എന്താണേലും ഡോക്ടറ് വളച്ചുകെട്ടാതെ പറയ്..!!”””_ എന്റെച്ഛനും അവള്ടച്ഛനും നല്ല ചങ്ങാത്തത്തിലാണെങ്കിലും നാട്ടുകാര്കൊടുക്കുന്ന ബഹുമാനം പുള്ളിയും അച്ഛന് കൊടുക്കാറുണ്ട്…
…ആഹ്.! അതുമിന്നത്തോടെ തീരും.!
“”…എടാ… വേറൊന്നുമല്ല… മീനുമോളെ ഇവന് കെട്ടിച്ചുകൊടുക്കാമോ എന്നൊരാലോചനയുമായി വന്നതാ..!!”””_
ഒരുളുപ്പുമില്ലാതെ എന്റെതന്ത എടുത്തവായ്ക്കങ്ങ് ചോദിച്ചപ്പോൾ സകലരും ഇരുന്നയിരുപ്പിൽ ഞെട്ടി…
മീനാക്ഷിയും അവള്ടെയമ്മയും നിന്നനിൽപ്പിലും…
അപ്പോഴാണ് കുണ്ണൻസെർനെ കുറിച്ച് ഞാനാലോചിയ്ക്കുന്നത്… പുള്ളിയെ ആ പരിസരത്തൊന്നും കണ്ടില്ല…
സംഗതി ഇനിയങ്ങോട്ട്‌ നടക്കാൻപോണതിന്റെ ഏകദേശരൂപം മനസ്സിലാക്കിയ ഞാൻ സെറ്റിയിൽനിന്നും മെല്ലെ നിരങ്ങിയിറങ്ങാൻ തുനിയവേ കീത്തു തുടയിലമർത്തി പിടിച്ചെന്നെ രൂക്ഷമായിനോക്കിയാ ഉദ്യമംതടഞ്ഞു…
റെയിൽവേ പ്ലാറ്റ്ഫോംപോലെ നീണ്ടുപരന്നുകിടന്ന ലിവിങ്റൂമിൽ ഒരുനിമിഷം ഭീകരമായൊരു നിശബ്ദത കളിയാടുമ്പോൾ നടക്കാൻപോകുന്ന ഇടിമുഴക്കത്തെ പേടിച്ചിട്ടാവണം മീനാക്ഷി രണ്ടുകൈകളും ചെവിയോടു ചേർത്തുപിടിച്ച് കണ്ണുകളെ കൊട്ടിയടച്ചു…
“”…എന്റെ ഡോക്ടറേ, നിങ്ങളിതെന്തായീ പറയുന്നേ… മീനുനെ ഇവന് കെട്ടിച്ചുകൊടുക്കാനോ..?? നിങ്ങക്കെന്താ പ്രാന്തായോ..??”””_ അയാളെന്തോ തമാശകേട്ടഭാവത്തിൽ മറുചോദ്യംചോദിച്ചതും ഇങ്ങേരെന്താ തല്ലാഞ്ഞതെന്ന ചിന്തയിലായ്രുന്നു ഞാൻ…