“‘ ..ഒരു ചുള്ളൻ …പോടാ ഒന്ന്””
“‘ ഓ …പിന്നേ .അസൂയ പാടില്ലെടീ മുത്തേ ..ഇന്നാള് നിന്റെ ഫ്രണ്ട് ആ ജെസ്സി എന്നോട് സംസാരിച്ചോണ്ടിരുന്നപ്പോ നീ എന്നെ ഓടിച്ചതെന്തിനാ “‘
”ഓ …അവള് ശെരിയല്ലടാ ..അതാ … നല്ല ചുള്ളൻ ചെക്കന്മാരെ വശീകരിച്ചു വശത്താക്കുന്നതാ ഹോബി . കാര്യം കഴിഞ്ഞിട്ട് കറിവേപ്പില പോലെ ഉപേക്ഷിക്കും .””
“‘അപ്പൊ ഞാൻ ചുള്ളൻ സമ്മതിച്ചു .. .. ഹമ് എന്നാടി കാര്യം കഴിഞ്ഞാൽ എന്ന് പറഞ്ഞെ ..എന്തുകാര്യം “‘
“‘കോപ്പ് .. നേരെ നോക്കി വണ്ടിയോടിക്കട ചെക്കാ “‘ മീനാക്ഷി അവന്റെ ചെവിയിൽ പിടിച്ചു .
“” എല്ലാരും വെക്കേഷന് അമ്മവീട്ടിലും അച്ഛൻ വീട്ടിലുമൊക്കെ പോകുന്നു . നമ്മുടെ അച്ഛനുമമ്മേം ഭൂമീന്ന് പൊട്ടിമുളച്ചുവന്നതാണോ ചേച്ചീ “”
“” ഹഹഹ … ആർക്കറിയാം ..ഞാനുമത് ആലോചിച്ചിട്ടുണ്ട് . ഓർമ വെച്ച നാൾ മുതൽ ഹോസ്റ്റലിൽ . പത്തായപ്പോൾ അവർ ജോലിനിർത്തി ഇങ്ങോട്ട് വന്നു . അവര് വന്നിട്ടും ഒരു ബന്ധുക്കളേം ഇങ്ങോട്ട് കണ്ടില്ല .അങ്ങോട്ട് പോയതുമില്ല . അമ്മേടെ വീട്ടുകാരെപറ്റീം അച്ഛന്റെ വീട്ടുകാരെ പറ്റീം എന്തേലും ചോദിച്ചാലുടനെ പഠിക്കാനൊന്നുമില്ലെന്ന് ചോദിച്ചൊച്ചപ്പാട് വെക്കും .പിന്നെ ചോദിക്കില്ലല്ലോ .””’
“” ഒരു ടൂർ പോകാൻ പോലും സമ്മതിക്കില്ല. എന്നാൽ നമ്മളെ കൊണ്ട് എങ്ങോട്ടും പോകുകെമില്ല. കോളേജ് വിട്ടാൽ വീട്.. വീട് വിട്ടാൽ കോളേജ്. ചേച്ചി കൂടി ഇത്രേം സംസാരിക്കില്ലായിരുന്നേൽ ഞാൻ നാട് വിട്ടോടി പോയേനെ.””
“”ഞാനുമതേടാ കുട്ടാ. നീയുള്ളതാ ഒരു സമാധാനം. ശെരിക്കും പറഞ്ഞാൽ ഹോസ്റ്റലിൽ ആയിരുന്നു ഇതിലും സുഖം. “” മീനാക്ഷി നെടുവീർപ്പിട്ടു.
“” എല്ലാർക്കും മൊബൈൽ ഉണ്ട്. ഒരു മൊബൈൽ വാങ്ങിത്തരാൻ പറഞ്ഞാൽ കേൾക്കില്ല. വീട്ടിൽ ലാൻഡ് ലൈൻ ഉണ്ട് പോലും. പഠിക്കാൻ ഉള്ളത് കൊണ്ട് ലാപ് വാങ്ങാൻ സമ്മതിച്ചു. നെറ്റ് ഉപയോഗിക്കണേൽ അമ്മേടെ നെറ്റീന്ന് എടുക്കണം. അതും പരിധി കഴിഞ്ഞാലോ അനുവദിച്ച സമയം കഴിഞ്ഞാലോ കട്ടാക്കും. ഒരു പടം പോലും ഡൗണ്ലോഡ് ചെയ്യാൻ പറ്റില്ല.””
“” അതേ… ഹിന്ദി സിനിമയോ ഇംഗ്ളീഷ് സിനിമയോ തമിഴോ ഒന്നും കാണാൻ അനുവദിക്കില്ല. എന്തോന്ന് ജീവിതമാടാ ഇത്””
അപ്പോഴേക്കും കോളേജ് എത്തിയിരുന്നു. മീനാക്ഷി ബൈക്കിൽ നിന്നിറങ്ങി ക്ലാസിലേക്ക് നടന്നു. മിഥുൻ ബൈക്ക് പാർക്കിങ്ങിൽ കൊണ്ടു വെച്ചിട്ട് കാന്റീനിലേക്കും.
“” റോസെ ..ദേ ടീ നിന്റെ കുട്ടൻ”” മിഥുനെ കണ്ട ജോർജ് പറഞ്ഞതും അപ്പുറത്തെ ടേബിളിൽ കൂട്ടുകാരികളോട് കത്തിവെച്ചു കൊണ്ടിരുന്ന റോസ്മേരി തിരിഞ്ഞു നോക്കി. അവളുടെ മുഖത്തൊരു നാണം .
“” ഞങ്ങളിവിടെ ഇരിക്കുന്നത് കൊണ്ട് കുഴപ്പമുണ്ടോ. അതോ മാറി തരണോ?”” മിയ കൗണ്ടറിടച്ചപ്പോൾ റോസ്മേരി എഴുന്നേറ്റ് മിഥുന്റെ കൈ പിടിച്ചു .
“” ഓ.. വേണ്ട ഞങ്ങൾ മാറിക്കോളാം…വാടാ കുട്ടാ”” റോസ് മേരി അവനെയും കൂട്ടി കാന്റീന്റെ പുറത്തേക്ക് നടന്നു .
“” എടി.. നീയിതെന്നാ കാണിക്കുന്നെ.. എല്ലാരും നോക്കുന്നു.”” അവൾ കൈ പിടിച്ചു വലിച്ചു കൊണ്ട് പുറത്തേക്ക് നടന്നപ്പോൾ മിഥുൻ കൈ വിടുവിക്കാൻ നോക്കി.
“” പിന്നെ… ഇവിടുള്ളൊരു ആദ്യമായിട്ട് കാണുവല്ലേ എന്നുവെച്ചാൽ നമ്മളെ.. എടാ നമ്മള് കാമുകീ കാമുകന്മാർ ആണെന്ന് ഇവിടെ ഉള്ളോർക്കെല്ലാം അറിയാം ..പിന്നെന്നാ?””
“” ആര്… നീയോ.. എന്റെ കാമുകിയോ….?”” മിഥുൻ അവളുടെ കൂടെ നടന്നു കൊണ്ട് നെറ്റിചുളിച്ചു നോക്കി.
കാന്റീനിന്റെ സൈഡിലൂടെ പുറകിലേക്ക് ഉള്ള വഴിയിലെത്തിയിരുന്നു അവരപ്പോൾ . പഴയ ഓഡിറ്റോറിയത്തിലേക്കുള്ള വഴിയാണത് . പണ്ടത്തെ കോളേജ് ഓഫീസും അവിടെയായിരുന്നു . കാടുപിടിച്ചു കിടക്കുന്ന സ്ഥലമാണ് പഴയ ഓഡിറ്റോറിയതിന്റെയും ഓഫീസ് കെട്ടിടത്തിന്റെയും പുറകിലെങ്കിലും കെട്ടിടത്തിന് മുൻപിലുള്ള സ്ഥലവും മറ്റും പല കളറിൽ ഉള്ള മൊസാന്തയും ചെടികളും ഒക്കെ കൊണ്ട് മനോഹാരിതമായിരുന്നു . ഈരണ്ട് കല്ലുകളും ഓരോ മൊസാന്തകളുടെയും അടിയിൽ ഉണ്ടായിരുന്നു . പ്രേമസല്ലാപം നടത്തുന്ന പ്രണയിതാക്കൾ കൊണ്ട് നിറഞ്ഞിരുന്ന അവിടം കഴിഞ്ഞാൽ ഒടിഞ്ഞ കസേരകളും മറ്റുമുള്ള ഓഡിറ്റോറിയവും ഇരുനിലകൾ ഉള്ള അടച്ചുറപ്പില്ലാത്ത പാതി നശിച്ച ഓഫീസ്കെട്ടിടവും. പ്രണയിതാക്കളെക്കാൾ അൽപം കൂടി മുൻപേ പറക്കുന്ന കമിതാക്കളെ കൊണ്ട് നിറഞ്ഞിരുന്നു . മൊസാന്തകൾ നിറഞ്ഞിരുന്ന ഗാർഡൻ ലവ് ഗാർഡൻ എന്നും പാതിനശിച്ച മേൽക്കൂരയ്ക്ക് കീഴിൽ കുട വിടർത്തിപ്പിടിച്ചു ചുണ്ടുകൾ കഥ പറയുന്ന അവിടം കിസ്സ് ഗാർഡൻ എന്നുമായിരുന്നു അറിയപ്പെട്ടിരുന്നത് .
എന്നാ കഥപാടാ ഉവ്വേ… ഗംഭീരം… സെക്സ്, റൊമാൻസ്, സെൻ്റിമെൻ്റ്സ് എൻ്റെ ദേവിയേ…. കിട്ടു സാധനം. താൻ ശരിക്കും കമ്പി രാജയാ…🙏🙏🙏🙏🙏