ഇത് കണ്ടതോടെ എനിക്ക് ഞെട്ടലും ,പേടിയും ,സങ്കടവും ,വേദനയും എല്ലാംകൂടി എന്തെന്ന് അറിയാത്ത അവസ്ഥ …
ഇന്നലത്തെ കള്ളുംപുറത്ത് ആ സമയത്ത് ഞാൻ ഒന്നും അറിഞ്ഞിരുന്നില്ല … സോഫയുടെ താഴെ ഞാൻ ഇട്ടിരുന്ന പാന്റ് കണ്ടു …. അവിടെയും ഇവിടെയുമായി കീറിയിട്ടുണ്ട് ..റോഡിൽ ഉരഞ്ഞപ്പോൾ കീറിയതാവും .. പക്ഷെ ഇന്നലെ ഇതൊന്നും കാണാൻ പറ്റിയ അവസ്ഥയിൽ ആയിരുന്നില്ല ഞാനും,ജിഷ്ണുവും ,,
ഷിർട്ടിൽ ശർദ്ദിൽ ആയതുകൊണ്ടാവും ഷർട്ട് അവർ അഴിച്ചു മാറ്റിയത് …ഞാൻ മനസ്സിൽ ഓർത്തു ..
എന്തായാലും മരണം ഉറപ്പായി …. തൊണ്ട വരളുന്ന ദാഹം സഹിക്കാൻ വയ്യാതെ ഞാൻ വെള്ളം ചോദിക്കാൻ തീരുമാനിച്ചു ….. “മ്മാ … വെ ……വെള്ളം ……..!” പക്ഷെ ശബ്ദം പുറത്ത് വന്നില്ല ……
കുറച്ച് കഴിഞ്ഞതും ഒരു ജഗ്ഗ് വെള്ളം കൊണ്ടുവന്ന് ‘അമ്മ എന്റെ അടുത്ത് വെച്ചിട്ട് എതിർവശത്തുള്ള സോഫയിൽ പോയി തലയിൽ കൈ വെച്ച് കുനിഞ്ഞ് ഇരുന്നു എന്റെ മുഖത്തു പോലും നോക്കിയില്ല …അപ്പോഴാണ് ഞാൻ ശ്രെദ്ധിച്ചത് …. അമ്മയുടെ തൊട്ടപ്പുറത്ത് സോഫയിൽ ഇരുന്ന് എന്നെ നോക്കി കരയുന്ന “അമ്മു ” … അവളുടെ മുഖം കണ്ടാൽ അറിയാം ഈ നേരം വരെ ഉറങ്ങിയിട്ടില്ല ….കരഞ്ഞ് കരഞ്ഞ് മുഖം ആകെ വല്ലാതെ ആയിരിക്കുന്നു …. ആ കാഴ്ച മതിയായിരുന്നു എന്റെ ഹൃദയം തകരാൻ ….
ഞാൻ നോക്കുന്നത് കണ്ട അവൾ പെട്ടെന്ന് തല വെട്ടിച്ചു … ആ നിമിഷം ഞാൻ മനസ്സിലാക്കി ..എല്ലാരും എന്നെ വെറുത്തു …അവർക്ക് എന്നെ കാണുന്നത് പോലും ഇഷ്ട്ടമല്ല എന്ന് … ഞാൻ അകെ തകർന്നു പോയി ..
ദാഹം സഹിക്ക വയ്യാതെ താഴെ ഇരിക്കുന്ന ജഗ്ഗ് എടുക്കാൻ വേണ്ടി ഇടത്തോട്ട് ചെരിഞ്ഞ് വലത്തേ കൈ താഴത്തോട്ട് കുനിഞ്ഞതും നെഞ്ചിലേയും കയ്യിലേയും മുറിവ് ഒന്ന് വലിഞ്ഞു ….
“ആഹ്ഹ്ഹ് “,,,,…………………..!! നിലവിളിച്ചുപോയി ഞാൻ …
എന്റെ നിലവിളി കേട്ട അമ്മ ഓടി വന്ന് എന്റെ തലയുടെ അടുത്ത് വന്നിരുന്ന് എന്നെ അമ്മയുടെ മടിയിൽ തല വെച്ച് കിടത്തി… അമ്മു ഓടിവന്ന് എന്റെ അടുത്ത് മുട്ടുകുത്തി ഇരുന്ന് എന്റെ വയറിൽ തലവെച്ച് “എന്തിനാടാ ഇതൊക്കെ ..” എന്നും പറഞ്ഞ് വിക്കി വിക്കി കരയാൻ തുടങ്ങി … അമ്മയുടെ കണ്ണുകളിൽ നിന്നും കണ്ണുനീർ എന്റെ മുഖത്തു വീഴുന്നുണ്ടാർന്നു …. ഇതൊക്കെ കണ്ട് എനിക്കും പിടിച്ച് നിൽക്കാൻ ആയില്ല….
എന്റെ കണ്ണിൽ നിന്നും കണ്ണീർ ഒഴുകി ഇറങ്ങി …..!!!!!
പെട്ടെന്ന് തന്നെ ‘അമ്മ ജഗ്ഗ് കയ്യിൽ എടുത്ത് എന്റെ തല അൽപ്പം പൊക്കിപ്പിടിച്ചു എനിക്ക് വെള്ളം തന്നു…
അത്രയും വേദനയിലും ആ വെള്ളം കുടിക്കുമ്പോ ഒരു ആശ്വാസമായിരുന്നു …. ജഗ്ഗിലെ പകുതി വെള്ളം ഞാൻ അകത്താക്കി ….!!!!
പെട്ടന്നായിരുന്നു ഒരു അലർച്ച കേട്ടത് ….
” എന്തിനാടാ ഞങ്ങളെ ഇങ്ങനെ ഇഞ്ചിഞ്ചായി കൊള്ളുന്നത് …ഒറ്റയടിക്ക് കൊന്നിട്ട് നീ നിനക്കു തോന്നിയപോലെ ജൂവിച്ചൂടെ …അല്ലെങ്കി നിനക്കു പോയി ഒന്ന് ചത്തൂ……!!!! പെട്ടെന്ന് ആ വാക്കുകൾ മുറിഞ്ഞു .. നോക്കുമ്പോ സ്റ്റെയറിൽ നിൽക്കുന്ന അച്ഛൻ …..!!!
ഇന്നേവരെ എന്നോട് ഇങ്ങനെ ഒന്നും പറയാത്ത അച്ഛൻ ഇന്ന് ഞാൻ അവരെക്കൊണ്ട് അങ്ങനെ പറയിപ്പിച്ചതോർത്ത് എനിക്ക് ചാത്താ മതി എന്നായിരുന്നു…
സങ്കടം സഹിക്കവയ്യാതെ ഞാൻ അമ്മയെ ഇടുപ്പിലേടെ കൈ ചുറ്റിപ്പിടിച്ച് കരയാൻ തുടങ്ങി …
“പറ്റിപ്പോയമ്മാ …. എന്നെ വെറുക്കല്ലേ മ്മ ……. ഡീ അമ്മൂ … എന്നെ വെറുക്കല്ലേടീ …. ഇന്നലെ അങ്ങനെ ഒക്കെ പറ്റിപ്പോയി … നിങ്ങളൊക്കെ എന്നെ വെറുത്താ പിന്നെ ഞാൻ എന്തിനാ ജീവിച്ചിരിക്കണേ ….. ഇനി ഞാൻ ഒരിക്കലും കുടിക്കില്ല …” കരച്ചിൽ നിർത്താതെ ഞാൻ മൂന്നുപേരെയും മാറി മാറി നോക്കിക്കൊണ്ട് പറഞ്ഞു … അച്ഛന്റെ മുഖവും നിഴലടിക്കുന്നത് ഞാൻ കണ്ടു ….
അൽപ്പനേരം ആരും ഒന്നും മിണ്ടിയില്ല ….
“ഇനി നീ കുടിച്ചാ നിനക്ക് ഞാൻ ചോറിൽ വിഷം കലക്കിത്തരും പന്നി” …. എന്റെ വയറിൽ നിന്നും എണീറ്റ് പുറംകൈകൊണ്ട് കണ്ണ് തുടച്ചുകൊണ്ട് അമ്മു പറഞ്ഞു … അവളുടെ കണ്ണുകളിൽ കത്തുന്ന ദേഷ്യവും ഉണ്ടായിരുന്നു …പക്ഷെ അതുകണ്ടപ്പോൾ എനിക്ക് കുറച്ചെങ്കിലും ആശ്വാസം ആയി ..
അമ്മയും , അമ്മുവും ചേർന്ന് എന്നെ എഴുനേൽപ്പിച്ച് ഇരുത്തി ….
“വേഗം പോയി ഡ്രസ്സ് മാറ് ..ഹോസ്പിറ്റലിൽ പോണം…” എന്റെ ഓപ്പോസിറ്റ് സോഫയിൽ ഇരുന്ന്കൊണ്ട് അച്ഛൻ കുറച്ച് കലിപ്പിൽ തന്നെ പറഞ്ഞു ….
ഒറ്റക്ക് എഴുനേൽക്കാൻ പോലും വയ്യാത്ത ഞാൻ എങ്ങനെയാ ഡ്രസ്സ് മാറുന്നെ … പോരാത്തതിന് ഇന്നലെ ഇട്ട ഇന്നർ മാറ്റിയിട്ടില്ല … അതിനു പുറമെ ഒരു ടവൽ ചുറ്റിയിട്ടുണ്ടെന്നേ ഉള്ളു ….
എന്റെ മുഖഭാവം കണ്ടിട്ടെന്നോണം അച്ഛൻതന്നെ പറഞ്ഞു “ജിഷ്ണുവിനെ വരാൻ പറഞ്ഞിട്ടുണ്ട് ..ഇപ്പോ എത്തും “….
അപ്പോഴാ ഞാൻ അവന്റെ കാര്യം ഓർത്തത് …. ആ പന്നിക്ക് ഒന്നും പറ്റിയില്ല ആവോ ..!
എന്താടാ ആലോചിക്കുന്നേ …ഞാൻ പോയി ചായ എടുക്കാം എന്ന് പറഞ്ഞ് അമ്മ പോയി ചായ എടുത്തോണ്ട് വന്നു …ചായ കുടിച്ചോണ്ടിരിക്കുമ്പോ ജിഷ്ണുവും വന്നു … വന്നപാടെ അവൻ എന്റെ ദേഹം കണ്ടതും ഒന്ന് അമ്പരന്നു …ഒപ്പം അവന്റെ കണ്ണിൽ പേടിയും …. അവനെ കണ്ടതും ‘അമ്മ പറഞ്ഞു .. “ഡാ ജിഷ്ണു ..നീ ഇവനെ ഒന്ന് ഡ്രസ്സ് മാറിക്ക് …അപ്പോഴേക്കും ഞങ്ങൾ പോയി റെഡി ആയിട്ട് വരാം എന്ന് പറഞ്ഞ് അമ്മയും അമ്മുവും ഡ്രസ്സ് മാറാൻ പോയി…
അവർ പോയതും ജിഷ്ണു എന്റെ അടുത്ത് വന്നിരുന്നു … “ഡാ നിനക്ക് ഇത്ര മുറിവ് ഉണ്ടായിരുന്നോ …കണ്ടിരുന്നേൽ ഇന്നലെത്തന്നെ ഹോസ്പിറ്റലിൽ പോവായിരുന്നു “…അവൻ അമ്പരപ്പോടെ പതിയെ പറഞ്ഞു ….
“ഉവ്വ് മൈരേ ..മൂക്കറ്റം മോന്തിയിട്ട് മുറിവ് പോയിട്ട് ഒരു പൂട പോലും ഞാൻ ഇന്നലെ കണ്ടില്ല…… അല്ല …നിനക്ക് ഒന്നും പറ്റിയില്ലേ “….ചെറിയൊരു ആശ്ചര്യത്തോടെ ഞാൻ അവനോട് ചോദിച്ചു …
“ഏയ് ..ഇല്ലടാ .. ഞാൻ വീണത് നേരെ പുല്ലിലോട്ടാ …അതോണ്ട് എനിക്ക് ഒന്നും പറ്റിയില്ല ”
അപ്പൊ അതാണ് സംഭവം … വണ്ടി സ്കിഡ് ആയതും അവൻ പുല്ലിലേക്ക് വീണു … ഹാൻഡിൽ പിടിച്ചിരുന്നതുകൊണ്ട് ഞാൻ വണ്ടിയുടെ അടിയിൽ ആയിപ്പോയി ..
“എങ്ങനെയാ വീണതെന്ന് നീ വീട്ടിൽ പറഞ്ഞോ …?… ഞാൻ കൂടെ ഉണ്ടായിരുന്നെന്ന് അവർ അറിഞ്ഞാ എന്നെ വെട്ടും ….” അവൻ അൽപ്പം ഭയത്തോടെ ചോദിച്ചു
“എങ്ങനെയാ വീണത് എന്നൊന്നും ഇതുവരെ ചോദിച്ചില്ല …ചോദിക്കാനുള്ള സമയം കിട്ടിയില്ല….”
“ഹാവു …. പട്ടി ചാടിയപ്പോ വീണതാണെന്ന് പറഞ്ഞാ മതി … ഞാൻ കൂടെ ഉണ്ടായിരുന്നെന്നും പറയണ്ട …” അവൻ പതുക്കെ എന്റെ ചെവിയിൽ പറഞ്ഞു …
“പട്ടി ചാടിയതോ ….ആ പൂറി മോൾ അല്ലെ ചാടിയെ … അവൾക്ക് എന്തായാലും ഞാൻ കൊടുക്കുന്നുണ്ട് ” പാലിക്കടിച്ചുകൊണ്ട് ഞാൻ പറഞ്ഞതും അവൻ ഇടക്കി കേറി
