അതൊക്കെ നടക്കുമെടോ…താൻ ഇപ്പോൾ പാർട്ടി ഫണ്ടിലേക്കെന്നു പറഞ്ഞു ഒരു പത്തു ലക്ഷം രൂപ ഇങ്ങോട്ടു താ…തനിക്കു മൂന്നുരൂപയുടെ മെമ്പർഷിപ് നമുക്ക് ശരിയാക്കാഡോ…
അതിനെന്താ പണം താരാല്ലോ….
“ഇന്ദിരേ….ഇന്ദിരേ….ഒരു പത്ത് ലക്ഷത്തിന്റെ ചെക്കൊന്നു ഒപ്പിട്ടെ….
“ഇച്ചായ…ഇച്ചായനിങ്ങോട്ടു വന്നേ….ഇന്ദിര അകത്തേക്ക് വിളിച്ചു…
“ഇച്ചായ ഈ കഴിഞ്ഞ മൂന്നാഴ്ച കൊണ്ട് അമ്മപത് ലക്ഷം രൂപയാണ് മിസ്ലീനിയസ് ചെലവിനായി ബാങ്കിൽ നിന്നും എടുത്തിരിക്കുന്നത്…എന്തായിത്…ഇനി പത്ത് ലക്ഷം കൂടി …എന്താ ഇത്ര കാശിനാവശ്യം…ആ ഇരിക്കുന്ന മനുഷ്യനുമായി കൂടിയതിനു ശേഷമാണ് ഇത്രയും ചിലവ്….ഇന്ദിര പതുക്കെ പറഞ്ഞു….
ഓ….നീ കണക്കു പറയാൻ തുടങ്ങി അല്ലെ….നന്ദി കെട്ടവളേ….മദ്യത്തിന്റെ ലഹരിയിൽ അയാൾ പറഞ്ഞത് അല്പം ഉറക്കെ ആയിപോയി….
വലപ്പാട് അത് കേട്ടു.
വലപ്പാടെ..ആ കാശു നമുക്ക് നാളെയോ മറ്റെന്നാളോ കൊടുക്കാം…ഇന്നിനിയിപ്പോൾ ചെക്ക് ഒപ്പിട്ടാൽ കണക്കു ക്ളോസിങ്ങിൽ പ്രശനം വരുമെന്ന് ഇന്ദിര പറഞ്ഞു….
ഉവ്വ്…ഉവ്വേ…….അപ്പോൾ തനിക്കു സ്വന്തമായിട്ട് ഒന്നുമില്ല..എല്ലാം അച്ചിയുടെ ഔദാര്യമാണല്ലേ……
മാർക്കോസ് ഒന്ന് ചൂളി….
ഞാൻ പറഞ്ഞന്നേ ഉള്ളൂ……അതൊക്കെ പോട്ടെ ഇനി ആ ആൽബിയെ നമുക്ക് വച്ചേക്കണോ?…അവനെ അങ്ങ് ഫിനിഷ് ചെയ്യിച്ചാലോ…..
ഓ….എങ്ങനെ……ആ വേല മനസ്സിലിരിക്കട്ടെ വലപ്പാടെ…..താൻ തന്തയില്ലാഴിക കാണിക്കില്ലെന്നു എന്താ ഉറപ്പ്….ചിരിച്ചു കൊണ്ട് മാർക്കോസ് പറഞ്ഞു…..
ദിവസങ്ങൾ നീങ്ങി….സബ്ജയിലിൽ റിമാൻഡിൽ കഴിഞ്ഞിരുന്ന കാർലോസ് ജാമ്യത്തിൽ പുറത്തിറങ്ങി….മാർക്കോസ് സുലോചനയെ കൊണ്ട് ഹൈക്കോടതിൽ അപ്പീൽ കൊടുപ്പിച്ചു….
ഇതിനിടയിൽ ഗംഗ ഗോപുവിനെ അതീവമായി ഇഷ്ടപ്പെട്ടു തുടങ്ങി…മാർക്കോസിനും ഇന്ദിരക്കുമിടയിൽ അസ്വാരസ്യങ്ങൾ പൊട്ടിപ്പുറപ്പെട്ടു…..ഒരു ദിവസം ഇന്ദിര ഗോപുവിനെയും ആൽബിയെയും മാര്കോസില്ലാത്ത സമയത്തു വിളിപ്പിച്ചു…..
“ഗോപൂ,ആൽബി….നിങ്ങളെ എനിക്ക് മുൻ പരിചയമില്ല…പക്ഷെ നിങ്ങളെ ഞാൻ എന്റെ സഹോദരതുല്യരായിട്ടാണ് കാണുന്നത്..ഈയിടെയായി ആ മാർക്കോസ് അച്ചായൻ വളരെ അകലമാണ് ഞാനുമായി പുലർത്തുന്നത്…ആ രാഷ്ട്രീയക്കാരനുമായി കൂടിയതിൽ പിന്നെ…..അത് പോകട്ടെ….
“പരമ ചെറ്റയാണയാൾ..അറിയാതെ ആൽബിയുടെ വായിൽ നിന്നും വീണു പോയി…
“നീ എന്താ,ആരെയാ ഉദ്ദേശിച്ചത്….ഇന്ദിര ആൽബിയോട് ചോദിച്ചു….
അത് പിന്നെ ഒന്നുമില്ല……
അങ്ങനെ ഒന്നുമില്ലാതില്ല…..കാര്യം പറയടാ…….
“അത് പിന്നെ….പിന്നെ….എന്റെ ജീവൻ അപകടത്തിലാകും…..
“നിനക്കൊന്നും സംഭവിക്കില്ല…ഉള്ള സത്യം പറ..എന്താ കാര്യം….എനിക്ക് എന്തെക്കെയോ പന്തി കേടു തോന്നിയിരുന്നു…ഗോപു പറഞ്ഞു…..
“അത് പിന്നെ ആ കാർലോസ് മുതലാളി നിരപരാധിയായ…..ഈ വലപ്പാടാണ് ഗോപു ഗോപുവിന്റെ പെണ്ണ് ആ ഗായത്രിയെ കൊന്നത്…എത്ര നാള് ഞാനിങ്ങനെ ആ സത്യം മൂടി വച്ച് കഴിയും…..ആനി ഡോക്ടറിൽ ഈ മാർക്കോസിന് ഒരു കണ്ണുണ്ടായിരുന്നു…അന്ന് അവർ അതിനു വഴങ്ങിയില്ല…അതിന്റെ പ്രതികാരമാണ് ഈ കാണിക്കുന്നത്…..
“ഓഹോ….നീ പുതിയ കഥ മെനയുകയാണോ…ഗോപു ചോദിച്ചു…ആനിയെ സംരക്ഷിക്കാൻ…
ഏയ് അല്ല ഗോപു…എനിക്ക് ഡോക്ടർ ആനിയെ ഇഷ്ടമാണ്…പക്ഷെ അവരല്ല..ആ വലപ്പാടാണ് ഇതിനു പിന്നിൽ….
ഗോപു….ഇന്ദിര വിളിച്ചു…ഇവാൻ പറയുന്നതിൽ കാര്യമുണ്ടെങ്കിൽ ഒരു നിരപരാധിയെ നീ അവിശ്വസിക്കരുത്…..അത് പോട്ടെ ഈ ഡോക്ടർ ആനിക്കു നിന്നെ ഇഷ്ടമാണോ ആൽബി….
“അറിയില്ല പക്ഷെ ഞങ്ങൾ തമ്മിൽ……
“നിങ്ങൾ തമ്മിൽ…..ഇന്ദിര ചോദിച്ചു….
“ശാരീരിക ബന്ധത്തിൽ വരെ ഏർപ്പെട്ടിട്ടുണ്ട്……
അതൊരു പുതിയ അറിവായിരുന്നു ഗോപുവിന്….
“ഊം…അപ്പോൾ അവൾക്കു നിന്നെ ഇഷ്ടപ്പെടാതിരിക്കാൻ വഴിയില്ല….നീ ഇന്ന് തന്നെ ഇവിടെ നിന്ന് പോകണം…ആനിയെ കാണണം……
പക്ഷെ എങ്ങനെയാ ഇന്ദിരേച്ചി….ആൽബി ചോദിച്ചു….
“നീ അവരുടെ കണ്ണിൽ പെടാതെ ആനിയുടെ അടുക്കൽ എത്തുക…അവളോട് സത്യങ്ങൾ തുറന്നു പറയുക….
ഗോപു നീ സൂക്ഷിക്കണം..മാർക്കോസ് അവൻ നിന്നെ സംരക്ഷിച്ചത് നിന്നെ കൊണ്ട് മറ്റെന്തെങ്കിലും നേടാൻ ആയിരിക്കും…പക്ഷെ കാർലോസ് മുതലാളി അങ്ങനെ അല്ല..അയാൾ മനസ്സറിഞ്ഞു എല്ലാവരെയും സഹായിക്കുന്നവനാണ്….ആൽബി പറഞ്ഞു….