അവളോട് ഒരിക്കൽ സംസാരിച്ചാൽ എല്ലാവരെയും അവളുടെ ഫാൻ ആക്കി മാറ്റാനുള്ള കഴിവ് ഉണ്ടായിരുന്നു അവൾക്കു… അത്ര മധുരമായ ഇടപെടൽ ആണ്…
**************************************************
കുറച്ചു കഴിഞ്ഞപ്പോ, എനിക്കൊരു കാര്യം മനസ്സിലായി… അവൾ എന്നോട് ഒരു ഡിസ്റ്റൻസ് ഇടുന്നുണ്ട്…
അവന്മാരോട് ഒന്നും കുഴപ്പമില്ല…..
അവളുടെ സംസാരത്തിൽ നിന്ന് എനിക്ക് മനസ്സിലായി… അവൾക്കു മലയാളി പയ്യന്മാരുടെ കയ്യിൽ നിന്നും നല്ല എക്സ്പെരിയെൻസ് അല്ല ഉള്ളത്…
അവൾ മുമ്പ് വർക് ചെയ്ത കമ്പനികളിലും കോളേജ് ഡേയ്സിലും … മലയാളി പയ്യന്മാർ ഒരുപാടു പിറകെ നടന്നിട്ടു ഉണ്ട്…ശല്യം ചെയ്തിട്ടുണ്ട്..
എങ്ങനെ നടക്കാതിരിക്കും… ഇത്രേം സുന്ദരിയായൊരു പെണ്ണ്… ഇത്രേം നന്നായി ഇടപെട്ടാൽ ചെക്കെന്മാർ വീണു പോകാതിരിക്കുമോ….
ഹമ്മ് … എന്തായാലും അത് എനിക്ക് പണിയായി… അവളൊരു മുൻവിധിയോടെ ആണ് എന്നെ കാണുന്നത്… എന്നെ അടുപ്പിക്കാതിരിക്കാൻ അവൾ ഒരു ശ്രദ്ധ കൊടുക്കുന്നുണ്ട്…
അവൾ നൈസ് ആയി അവന്മാരുടെ കൂടെ ചേർന്നു…
സാമിനോടാണ് അവളെ ട്രെയിൻ ചെയ്യാൻ പറഞ്ഞിരിക്കുന്നത്… അവനാണ് സീനിയർ ഞങ്ങളുടെ ടീമിൽ… അവനാണെങ്കിൽ അഹങ്കാരം കണ്ടു പിടിച്ചവൻ ആണ്..
അവള് നൈസ് ആയി… ഗോകുലിനെയും അവോയ്ഡ് ചെയ്യിന്നുണ്ട്… പക്ഷെ ആ നാണമില്ലാത്തവൻ..എന്നാലും ഇളിച്ചു കൊണ്ട് ചെല്ലും…
അവനാണെങ്കിൽ എല്ലാ നമ്പറും ഇറക്കുന്നുണ്ട്… ഒന്ന് വളക്കാൻ…
പക്ഷെ അവളാണെങ്കിൽ പട്ടിയുടെ വില കൊടുക്കുന്നുമില്ല…
ഉച്ചക്ക് എല്ലാവരും ഫുഡ് കഴിക്കാൻ ഇരിക്കുമ്പോൾ…. സാമും അവളും നല്ല സംസാരം ആണ്…. ഞങ്ങളും ഉണ്ടെങ്കിലും മെയിൻ ആയി അവരുടെ സംസാരം ആണ് നടക്കുക…
അല്ലെങ്കിലും പവർ ഉള്ളവരുടെ കൂടെ നില്കുന്നത് ആണല്ലോ എളുപ്പം.. സാമിനാണ് സാറിന്റെ അടുത്ത് പിടി ഉള്ളത്… അവന്റെ കൂടെ കൂടിയാൽ കാര്യങ്ങൾ എല്ലാം ഈസി ആയി നടക്കും…
ഹമ്മ്… നടക്കട്ടെ…
അങ്ങനെ ഞാൻ വീണ്ടും നിരാശനായി…
അതിനിടക്ക് ഒരു സംഭവം ഉണ്ടായി….
ഉച്ചക്ക് ഞങ്ങൾ കഴിച്ചുകൊണ്ടിരിക്കുകയായിരുന്നു… ഞാനും സാമും ദിവ്യയും മാത്രമേ ഒള്ളു… ഗോകുൽ പുറത്തു കഴിക്കാൻ പോയി…
സംസാരിച്ചു ഇരിക്കുന്നതിന് ഇടയ്ക്കു ഞാൻ എന്തോ ചോദിച്ചപ്പോൾ അവൾ നൈസ് ആയി എന്നെ ഒഴിവാക്കി…
ഒരു മിനുട്ടേ … എന്ന് പറഞ്ഞിട്ട് അവൾ സാമിനോട് സംസാരിച്ചു ഇരുന്നു…
ഹമ്മ്… ആയിക്കോട്ടെ …
എനിക്ക് വിഷമം ആയി എങ്കിലും ഞാൻ അത് മുഖത്ത് കാണിച്ചില്ല….
പക്ഷെ ഞാൻ അന്നു ഉറങ്ങാൻ കുറെ ബുദ്ധിമുട്ടി……
നെക്സ്റ്റ് ഡേ മുതൽ ഞാൻ അവളോട് ഒന്നും ചോദിക്കാതെ ആയി…
അവളും അങ്ങനെ തന്നെ… അവന്മാരോടൊക്കെ ഗുഡ് മോണിങ് പറയുന്നുണ്ട് … എന്നെ മൈൻഡ് ചെയ്യുന്നില്ല… അറിഞ്ഞു കൊണ്ട് തന്നെ അവഗണിക്കുകയാണ്…
എനിക്ക് പിന്നെയും വിഷമമായി … ഞാൻ എന്ത് ചെയ്തിട്ടാണ്…
റൂമിൽ എത്തിയാലും എന്റെ മനസ്സിൽ നിന്ന് അത് പോകുന്നുണ്ടായില്ല…
സാധാരണ അങ്ങനെ ഒന്നിലും എന്റെ മനസ്സ് പിടിക്കാറില്ല… പക്ഷെ ഇവൾ… യെസ് … അങ്ങനെ നമ്മളെ ആകർഷിക്കുന്ന എന്തോ ഒന്ന് അവളിലുണ്ട്…. ഓഫീസിൽ എല്ലാവരും അവളുടെ ഫാൻ ആണ് ഇപ്പൊ…..
എന്തിനാണ് അവൾ എന്നെ അവഗണിക്കുന്നതു????
അങ്ങനെ ഒന്ന് രണ്ടാഴ്ച പോയി… ഇപ്പൊ എനിക്കതു ശീലമായി… അവളെ അവഗണിക്കാൻ ഞാനും പഠിച്ചു … അവൾ അവിടെ ഇല്ല എന്ന് കരുതിയാൽ മതിയല്ലോ….
ഞാൻ പഴയതു പോലെ വീണ ചേച്ചിയോടും സപ്പോർട്ടിങ് പയ്യനോടും സംസാരിച്ചു … പറ്റുന്ന സമയത്തെല്ലാം എന്റെ ബോസ്സിന്റെ അടുത്ത് പോയി ഇരുന്നു…
എനിക്ക് വീണ്ടും എല്ലാം പഴയതു പോലെ ആയി…
അവന്മാരുടെ ടീമിൽ ഒരാൾ കൂടി ആയി…
പിന്നെ അവര് മൂന്നും കൂടി ആയി സംസാരം…. പിന്നെ അവൾ വീണ ചേച്ചിയോടും സംസാരിക്കും…
അവൾ എന്നോട് വല്ലതും ചോദിച്ചാൽ മാത്രം ഞാൻ മറുപടി പറയും….
ഞാൻ അങ്ങോട്ട് ഒന്നും ചോദിക്കാതെ ആയി…
ഞാൻ പിന്നെ ഫുഡ് പുറത്തുന്നു സ്ഥിരമായി..കഴിച്ചു തുടങ്ങി…. വെറുതെ അവിടിരുന്നു അവരുടെ പൈങ്കിളി സംസാരം കേട്ടിട്ട് എന്തിനാ…