ഗോൾ 2

Goal Part 2 | Author : Kabaninath

 [ Previous Part ] [ www.kambi.pw ]

---

 

സ്വപ്നാടനത്തിലെന്നവണ്ണമാണ് സുഹാന തിരികെ ഷോപ്പിനടുത്തേക്ക് നടന്നത്.

അയാൾ പോയിരിക്കുന്നു… ….!

ഒന്നുകൂടി സുഹാന അയാളുടെ മുഖം ഓർമ്മയിൽ പരതി..

നെറ്റി കയറിയ ആളാണെന്ന് ചെറിയ ഓർമ്മ അവൾക്കു വന്നു.

കാലിൽ മുടന്തുള്ളയാൾ…….!

വല്ലാത്ത പരവേശം തോന്നിയ അവൾ പരിചയമുള്ള അടുത്ത കൂൾബാറിൽ നിന്ന് ഒരു കുപ്പി മിനറൽ വാട്ടർ വാങ്ങി……

കടയിലെ പയ്യനോട് പണം തരാമെന്നു പറഞ്ഞ് അവൾ തിരികെ തന്റെ ഷോപ്പിലേക്ക് കയറി……

അവളുടെ കയ്യും കാലും മാത്രമല്ല, ശരീരമാകപ്പാടെ എന്ന പോലെ മനസ്സും വിറയ്ക്കുന്നുണ്ടായിരുന്നു …

കുപ്പിവെള്ളം പകുതിയോളം മടുമടാ കുടിച്ചിട്ട് അവൾ വീണ്ടും കസേരയിലേക്കിരുന്നു……

വേണ്ട എന്ന് മനസ്സ് പല തവണ വിലക്കിയെങ്കിലും അവൾ വീണ്ടും അതു തന്നെ പത്തു മിനിറ്റിനകം തുറന്നു…

 

11:53 AM… ….

 

അയാൾ കഥ വിട്ടിട്ടുണ്ട് എന്നു  Armpit Lover നു കമന്റ് ചെയ്തിട്ടുണ്ട്… ….

 

11:57 AM… ….

 

Sherlock homes നാണ് മറുപടി കൊടുത്തിരിക്കുന്നത്..

 

ആ സമയം തന്നെയാണ്‌ താനിവിടെ വന്നു കയറിയത്……

അയാൾ ഫോണിലെന്തോ ടൈപ്പ് ചെയ്ത് വെച്ചിരിക്കുന്നത് അപ്പോൾ താൻ കണ്ടതുമാണ്……

താനവിടെ നിന്ന് പോന്ന ശേഷം അയാൾ എഴുതി വെച്ച കമന്റ് വിട്ടു..

ആ വൃത്തികെട്ട കഥ എഴുതിയ ആൾ തന്നെയാണ് സംസാരങ്ങളുമായി നാലു മിനിറ്റ് തന്റെ മുൻപിൽ ഉണ്ടായിരുന്നത് എന്ന തിരിച്ചറിവിൽ അവൾ മുഖത്തെ വിയർപ്പ് ഷാളെടുത്ത് ഒപ്പി..

രക്ഷപ്പെട്ടത് ഭാഗ്യം…….!

ഒന്നാമത് ആ ഭാഗത്തേക്ക് അങ്ങനെ ആരും വരാറില്ല……

രണ്ടാമത് അമ്മയെയും മകനെയും അങ്ങനെയൊക്കെ എഴുതിക്കൂട്ടി വിട്ട അയാൾ ഏതു തരക്കാരനാണെന്ന് മനസ്സിലാക്കാൻ അവൾക്ക് ഒരു പ്രയാസവും ഉണ്ടായിരുന്നില്ല……

വൃത്തികെട്ടവൻ……….!

താൻ പിടിക്കപ്പെട്ടു എന്നറിഞ്ഞപ്പോൾ ഒരു കാരണം ഉണ്ടാക്കി മുങ്ങിയതാണ്…

ബാത്റൂമിൽ ഒളിഞ്ഞു നോക്കുന്നവനും ഇമ്മാതിരി കഥ എഴുതുന്നവനും ആണല്ലോ ഇവിടേക്ക് കെട്ടിയെടുക്കുന്നത് എന്നോർത്ത് അവൾ ആവലാതി കൊണ്ടു….

ശിവരാമൻ ചേട്ടനോട് പറയാം……

ഇനി ഇത്തരത്തിലുള്ള ഒരാളു പോലും ഇവിടെ ജോലിക്ക് വരേണ്ടന്ന്…

അല്ലെങ്കിൽ ഈ കെട്ടിടത്തിൽ നിന്ന് കട മാറ്റണം…

അടുത്ത നിമിഷം അവളെ മറ്റൊരു ചിന്ത പിടികൂടി…

ശിവരാമൻ ചേട്ടനോട് ഇതെങ്ങനെ പറയും…… ?

ശിവരാമൻ ചേട്ടനോടെന്നല്ല, ഒരാളോടും പറയാൻ കൊള്ളുന്ന കാര്യമല്ല ഇത്……

ഇയ്യെങ്ങനെ അത് കണ്ടു………?

അനക്കെങ്ങനെ മനസ്സിലായി…… ?

സുഹാന ആകെ വെട്ടിലായി…

ഇനി പറഞ്ഞാൽ തന്നെ ആര് വിശ്വസിക്കാൻ… ?

അതൊന്നുമായിരിക്കില്ല അയാളുടെ പേര്……

അവൾ വീണ്ടും താഴേക്ക് കമന്റുകൾ നോക്കി…

കാലൻ, അളിയൻബ്രോ, രാമു, പിന്നെ കണ്ട ഒരു ഇംഗ്ലീഷ് പേര് ഒറ്റയടിക്ക് വായിക്കാൻ പറ്റാത്തതിനാൽ അവളാ ശ്രമം ഉപേക്ഷിച്ചു…

ഒരു ചെറിയ ചിരി സുഹാനയുടെ ചുണ്ടിൽ വിരിഞ്ഞു..

രസമുള്ള പേരുകൾ…….

കാലനൊക്കെ കമ്പിക്കഥ കുത്തിയിരുന്നു വായിക്കുന്ന കാര്യമോർത്തപ്പോൾ അവൾക്ക് ശരിക്കും ചിരി വന്നു……

“”ന്താ മോളെ ഒറ്റക്കിരുന്ന് ചിരിക്കുന്നേ… ….?””

പുറത്ത് ശബ്ദം കേട്ടതും അവൾ ഫോണിൽ നിന്ന് മുഖമുയർത്തി..

ശിവരാമൻ ചേട്ടൻ തന്നെ…

“” അത്.. ഫോണിലോരോ………. “

അവൾ ഫോൺ എടുക്കാതെ തന്നെ എഴുന്നേറ്റ് അയാൾക്കടുത്തേക്ക് ചെന്നു……

“” അനക്ക് സമയം പോകാഞ്ഞിട്ട്… നമ്മക്കൊക്കെ സമയം തെകയാഞ്ഞിട്ട്… “

“ അയിന് എല്ലാർക്കും ഇരുപത്തിനാല് മണിക്കൂർ തന്നല്ലേ ഉള്ളൂ…””

അവൾ ചിരിയോടെ പറഞ്ഞു.

മറ്റൊരാളുടെ സാനിദ്ധ്യത്തിൽ അവളുടെ മനസ്സ് അയഞ്ഞു തുടങ്ങി..

“” അനക്ക് തമാശ… ഈ കുത്തിയിരിപ്പും കഴിഞ്ഞ് പൊരേൽ ചെന്ന് ഒന്ന് കിടന്നാൽ പിന്നേം ഇങ്ങോട്ടു വരാൻ സമയമായി…… ഇനീപ്പോ രാത്രീലും നിക്കേണ്ടി വരൂന്നാ തോന്നുന്നേ… “

“ അതെന്താ……….?”

“” അയാളു പോയില്ലേ… ….?””

“” അതിനയാൾ തിരിച്ചു വരില്ലേ… ?”.

“ പിന്നേ …. ഇവിടെനിന്ന് പോയവർ ആരെങ്കിലും തിരിച്ചു വന്നത് മോള് കണ്ടീനോ… ?””