ആരും തെറ്റുകാരല്ല……….
പക്ഷേ… ….?
കിതപ്പും ഏങ്ങലടികളുമായി നിമിഷങ്ങൾ കടന്നുപോയി…
സല്ലുവിനെ പതിയെ അവൾ ചുമലിൽ നിന്ന് അടർത്തിയെടുത്തു……
തനിക്കു നേരെ അവന്റെ മുഖം വന്നതും അവൾ ശബ്ദിച്ചു തുടങ്ങി…
“” അനക്കു വേണ്ടി , ബാപ്പാന്റേം, സുൾഫിക്കാന്റേം, ഉപ്പുമ്മാന്റെയും തോനെ ചീത്ത കേട്ടോളാ ഞാൻ… അനക്ക് ന്നോട് സ്നേഹമുണ്ടെന്ന് കരുതി.. “”
സല്ലുവിന്റെ മിഴികൾ അവളുടെ മുഖത്തുറയ്ക്കാതെ അങ്ങിങ്ങായി പരതി…
“ ന്റെ കുട്ടി കൈ വിട്ടു പോകില്ലാന്ന് നിക്ക് വിശ്വാസള്ളോണ്ട്…. പക്ഷേ, അങ്ങനെയൊന്നു കേട്ടാൽ ആരും ചെയ്യുന്നതേ ഞാനും ചെയ്തുള്ളൂ……”…”
സുഹാന ഒരു ദീർഘനിശ്വാസമയച്ചു…
“” അനക്ക് ന്റെ സ്കൂട്ടി മതി… ന്റെ അക്കൗണ്ടിലെ പൈസ മതി… “
അവളുടെ സ്വരം ഇടറിയിരുന്നു…
“” ഉമ്മാ………..””
ദയനീയമായിരുന്നു അവന്റെ വിളി… ….
“” ബാപ്പേം ഉപ്പുമ്മേമൊക്കെ ചീത്ത പറയുമ്പോൾ അന്റെ സൈഡ് പിടിക്കാ… നൊ.. രാളുമതി………. “
സുഹാന വിങ്ങിയെങ്കിലും അവന്റെ മുഖത്തു നിന്ന് നോട്ടം മാറ്റിയില്ല…
“” അങ്ങനെ പറയല്ലേ … …മ്മാ……..”
സല്ലു . ഹൃദയം കൊണ്ട് നിലവിളിച്ചു…
“”പിന്നെന്താ പറയാ………. ന്നോട് തരിമ്പേലും സ്നേഹമുണ്ടേ. ജ്ജ് മയത്താകണ കാര്യം ചിന്തിക്വോ കുരിപ്പേ……..””
കൈ വീശിയടിക്കാൻ സ്ഥലം ഇല്ലാതിരുന്നിട്ടും സുഹാന അവന്റെ കവിളടക്കം ഒരടി കൊടുത്തു……
ഇത്തവണ അടിയിൽ സല്ലു , അമ്പരന്നില്ല……
അതെന്താണെന്നും എന്തിനാണെന്നും അവന് അറിയാമായിരുന്നു…….
“”ന്റെ പൊന്നുമ്മാ………………….! “
അവളെ , തന്റെ മടിയിലേക്ക് വലിച്ചു കയറ്റി , സല്ലു കെട്ടിപ്പിടിച്ചു നിലവിളിച്ചു…
അവന്റെ വലിയിൽ , മടങ്ങിപ്പോയ മുട്ടുകാൽ നേരെയാക്കി , അവളും അവനെ പുണർന്നു കരഞ്ഞു…
ഏങ്ങലടികൾ……….
“”ന്നാലും ങ്ങക്ക് ചോയ്ക്കാരുന്നു……….””
“” അന്നെ കൊല്ലുവാനാ തോന്നിയേ……..””
പതം പറച്ചിലുകൾ…….
“”ന്നെ കണ്ടൂടാഞ്ഞിട്ടല്ലേ , ഒമാനിലേക്ക്… …. “
“”ന്നോട് മിണ്ടാണ്ടല്ലേ ഇയ്യ് പോയേ………..?””
പരാതികൾ……….
“” ജോലി ചെയ്ത് മടുക്കുമായിരുന്നു…””
മറുപടിയായി സുഹാന അവന്റെ കണ്ണുനീരിൽ ഒരുമ്മ കൊടുത്തു…….
പരിഭവങ്ങൾ……..
“ അനക്ക് ന്നെ മാത്രം വിളിക്കാൻ………””
“”ങ്ങളാ ന്നെ ആ നരകത്തിലാക്കീതെന്ന്… …. “
സങ്കടങ്ങൾ……….
“ വന്നിട്ടും ഇയ്യെന്നോട്……….”
“” വന്നപ്പോൾ വരണ്ടായീന്ന് തോന്നിച്ച്…””
പിണക്കം ഉരുകിത്തുടങ്ങിയിരുന്നു…
“” റീ- ചാർജ്ജ്……….?”
“” ഇനി , ഇങ്ങളോട് പൈസ ചോയ്ച്ചേക്കല്ല്ന്ന് ഉപ്പ… ….””
അതു കേട്ടതും സുഹാന അവനെ, അടർത്തി കണ്ണുനീരിനിടയിലൂടെ പുഞ്ചിരിച്ചു……
“” ഉപ്പ പറഞ്ഞാലേ കേൾക്കൂ… ….?””
“”ങ്ങ് ഹൂ ഹും… “
“” പിന്നെ………?””
“ ങ്ങള് പറഞ്ഞാലും കേൾക്കും… ….”
സല്ലു മുഖം കുനിച്ചു…
“” എന്നിട്ടിയ്യെന്താ വണ്ടി കൊണ്ടോരാതിരുന്നേ………. “
“” മാമൻ……….””
“” മതി…….”
സുഹാന വീണ്ടും അവനെ ചുമലിലേക്കാക്കി… ….
“” അനക്കെത്ര വയസ്സായെന്നറിയോ… ?””
സുഹാനയുടെ ചോദ്യത്തിന് ഒരു മിനിറ്റു കഴിഞ്ഞാണ് മറുപടി വന്നത്…
“” പത്തൊമ്പതാകണ്………. “
“” എന്നിട്ടു ഉമ്മാനെ കെട്ടിപ്പിടിച്ചിരിക്കാ…….”
സല്ലു , അവളിൽ നിന്ന് അടരാൻ ശ്രമിച്ചതും അവൾ പിടിമുറുക്കി…
“”ങ്ങക്കെത്ര വയസ്സായി…… ?””
ഒരു നിമിഷം കഴിഞ്ഞ് സല്ലുവും അവളോട് കുസൃതിയോടെ തിരക്കി..
“” നിക്ക് മുപ്പത്തെട്ടാകണ്…””
അവൾക്കൊട്ടും ആലോചിക്കേണ്ടി വന്നില്ല
“” എന്നിട്ടാ ന്റെ മടിയിൽ കയറിയിരിക്കണേ… ….?””
“” അതിനിപ്പോന്താ……..?””
അവൾ ഒന്നുകൂടി ഇളകിയിരുന്നു..
“ ങ്ങക്ക് നാണവാണില്ലേ… ….?””
“ ന്തിന്……….?”
അവൾ അവനെ വിടർത്തി മുഖത്തേക്ക് നോക്കി…
“” ഞാൻ വലുതായില്ലേന്ന്… …. “
സല്ലു ചിരിച്ചു…
“” അതെനിക്കൂടെ തോന്നണ്ടേ… …. “
അവളും ചിരിച്ചു..
പറഞ്ഞെങ്കിലും അല്പനിമിഷം കഴിഞ്ഞ് സുഹാന അവന്റെ മടിയിൽ നിന്നും ഇറങ്ങി…
നിലത്തിറങ്ങിയ ശേഷം, അവൾ തന്റെ വസ്ത്രങ്ങൾ പിടിച്ചു നേരെയിട്ടു…
ചുമലിലും മാറിലും അവന്റെ കണ്ണുനീർ വീണു നനഞ്ഞിരുന്നു..
“” ഇയ്യിത് മൊത്തം കൊളാക്കി… …. “
കൈത്തലം കൊണ്ട് മാറിൽ തുടച്ചവൾ പറഞ്ഞു……
“” വൈകുന്നേരം ഒന്ന് കരഞ്ഞു കൊളാക്കീത് ഞാൻ മാറ്റിയിട്ടതേയുള്ളൂ… “
“” അതിനൊന്നൂടെ മാറ്റിയാേപ്പോരേ…?”
അവനും കട്ടിലിൽ നിന്നിറങ്ങി…
“” അന്റോള് ഈടെണ്ടോ തിരുമ്പിത്തരാൻ… ?””
സുഹാന കണ്ണുരുട്ടി …
“ ഞാൻ തിരുമ്പിക്കോളാം…… “
“” നന്നായി……… അന്റെ ഷഡ്ഡി, ഇയ്യ് തിരുമ്പലുണ്ടോടാ കുരിപ്പേ… “
സുഹാന അവന്റെ ചുമലിൽ ഒരടി കൊടുത്തു…
സല്ലു നാണത്തിൽ മുഖം തിരിച്ചു……
പറഞ്ഞെങ്കിലും വസ്ത്രം മാറാതെയാണ് സുഹാന സല്ലുവിനേയും കൂട്ടി താഴേക്കിറങ്ങിയത്…
സാഹചര്യം മനസ്സിലാക്കി, അബ്ദുറഹ്മാനും ഭാര്യയും ഭക്ഷണം കഴിച്ചു കിടന്നിരുന്നു…
സമയവും ഏറെയായിരുന്നു..
സുഹാനയ്ക്കൊപ്പം സല്ലുവും കിച്ചണിലേക്ക് ചെന്നു…
ഫ്രിഡ്ജിലിരുന്ന ബീഫ് എടുത്ത് അവൾ ചൂടാക്കി…
കഴുകിയ മനസ്സോടെയാണ് ഇരുവരും ഭക്ഷണം കഴിക്കാനിരുന്നത്….
അവൾ പാത്രങ്ങൾ കഴുകി അടുയ്ക്കിവെയ്ക്കുന്ന വരെ സല്ലു കൂടെ നിന്നു….
ലൈറ്റുകൾ ഓഫാക്കി, ഇരുവരും മുകളിലേക്ക് കൈകൾ കോർത്തു കയറി…
ലാൻഡിംഗിലെത്തിയതും ഇരുവരും നിന്നു …
“”അനക്ക് നൊന്തോ……….?””
സങ്കടത്തോടെയായിരുന്നു അവൾ , അവന്റെ കവിളിൽ തൊട്ട് ചോദിച്ചത്…
“” തല്ലിയത് ഇങ്ങളല്ലേ… നോവിക്കാനല്ലല്ലോ… …. “
സല്ലു ചിരിച്ചു… ….
“” സത്യം പറയെടാ… …. “
അവളവന്റെ കവിളിൽ തഴുകി……….
“” ഇല്ലുമ്മാ… …. “
അവൻ ശാന്തതയോടെ അറിയിച്ചു……
ഒന്ന് ഏന്തിവലിഞ്ഞ്, അവൾ അവന്റെ അടി കൊടുത്ത കവിളിൽ ഒരുമ്മ കൊടുത്തു…
“ പോയിക്കിടന്നോ………. “”
അവൻ മുറിക്കകത്തേക്ക് കയറുന്നതു കണ്ടു കൊണ്ട് സുഹാന തിരിഞ്ഞു….
അന്ന് സുഹാന മനസ്സറിയാതെ തന്നെ ഉറങ്ങി…
“” പിണക്കമൊക്കെ കഴിഞ്ഞോ…….?””
രാവിലെ ചായയുമായി വന്ന സുഹാനയുടെ പ്രസന്നമായ മുഖം കണ്ട് .അബ്ദുറഹ്മാൻ ചോദിച്ചു…
സുഹാന മറുപടി ഒരു ചിരിയിലൊതുക്കി…
“” സുൾഫി എന്നോടൊരു കാര്യം പറഞ്ഞിരുന്നു…”
തുടർന്ന് അബ്ദുറഹ്മാൻ കാര്യങ്ങൾ വിശദീകരിച്ചു…
“” ഇക്ക…….?””
കേട്ട ശേഷം സുഹാന സംശയിച്ചു..
“” അതൊക്കെ സുൾഫി ശരിയാക്കിക്കൊള്ളും… “”
അവൾക്കും അത് സന്തോഷകരമായ കാര്യമായിരുന്നു…
കാര്യം സല്ലുവിനെ അറിയിക്കുവാനായി സുഹാന മുകളിലേക്ക് കയറി…
അവൾ മുറിയിലേക്കു കയറുമ്പോൾ സല്ലു ഫോണിൽ എന്തോ ടൈപ്പ് ചെയ്യുകയായിരുന്നു…
“” ആരോടാ ചാറ്റിംഗ്……..?””
അവൾ കിടക്കയിലേക്കിരുന്നു…
“”ഫ്രണ്ട്സാ മ്മാ……….””
അവൻ ഫോൺ ക്ലോസ്സ് ചെയ്ത് കിടക്കയിലേക്കിട്ടു……
“ അന്റെ കുട്ടിക്കളിയൊക്കെ നിർത്തിക്കോ… മാമ അനക്ക് ഒരു കടയിട്ടു തരാൻ പോണ്……..
സുഹാന പറഞ്ഞതും അവന്റെ മുഖത്ത് അമ്പരപ്പുണ്ടായി……
“” മാമനെ അനക്കറിയാലോ… ?””
സല്ലു പതിയെ തല കുലുക്കി..