“ ഇന്ന് കുഴപ്പമില്ല ഉപ്പുപ്പാ… “
സല്ലു വിളിച്ചു പറഞ്ഞു…
“ തുടക്കമല്ലേ……. എന്നും പ്രതീക്ഷിക്കണ്ട… …. “
അബ്ദുറഹ്മാൻ പറഞ്ഞിട്ട് ചർച്ചയിലേക്ക് തിരിഞ്ഞു…
“” അനക്ക് ചോറെടുത്താലോ……… ?””
പത്തു മിനിറ്റു കഴിഞ്ഞതും സുഹാന ചോദിച്ചു..
“” ങ്ങക്കെന്നാ പിരാന്താ… ? ഞാനിപ്പ ചായ കുടിച്ചല്ലേയുള്ളൂ…… “
സല്ലു പറഞ്ഞിട്ട് കവറുമെടുത്ത് മുകളിലേക്ക് കയറി..
കിച്ചണിലെ ജോലികൾ തീർന്നതും സുഹാനയും മുകളിലേക്ക് കയറി..
സല്ലു , ഫോണിലെന്തോ ടൈപ്പ് ചെയ്തു കൊണ്ടിരിക്കുന്നതാണ് , അവൾ മുറിയിലേക്ക് കയറുമ്പോൾ കണ്ടത്…
“” അന്റെ എഴുത്തും കുത്തും കഴിഞ്ഞില്ലേ… ?””
അവൻ പെട്ടെന്ന് മുഖമുയർത്തി നോക്കി…
സുഹാന കട്ടിലിലേക്ക് വന്നിരുന്നതും സല്ലു ഫോൺ മാറ്റി വെച്ചു…
കവറും ബുക്കും കട്ടിലിൽ ഉണ്ടായിരുന്നു…
“” അതല്ലുമ്മാ… കുറച്ച് ഗിഫ്റ്റ് ഐറ്റംസ് നോക്കുവായിരുന്നു…””
അവൻ ചുമരിലേക്ക് ചാരിയിരുന്നു…
“കടയിലുണ്ടല്ലോ…… “
അവൾ , ബുക്ക് വെറുതെ കയ്യിലെടുത്തു……
“” അങ്ങനത്തെ അല്ലുമ്മാ… സ്പെഷ്യൽ…””
സല്ലു തല ചൊറിഞ്ഞു..
“” എന്തോന്ന് സ്പെഷ്യല്……… ?””
അവൾ അവനെ നോക്കി……
“” അതിങ്ങക്കു പറഞ്ഞാൽ മനസ്സിലാവില്ല…… “”
അവൻ കിടക്കയിൽ നിന്ന് നിലത്തേക്കിറങ്ങാൻ ശ്രമിച്ചതും അവൾ തടഞ്ഞു……
“” നിക്ക് മനസ്സിലാകാത്ത സ്പെഷ്യൽ ന്താന്ന് പറഞ്ഞിട്ടു പോയാൽ മതി…… “
“” അത് കുട്ടികൾക്കുള്ളതാ… “
“ അതിനെന്താ പേരില്ലേ…….?””
“” ഉണ്ട്……. വാലന്റൈൻ ഗിഫ്റ്റ് …. “
സൽമാൻ ദേഷ്യം വന്നു പറഞ്ഞു…
“ അതിനെന്തിനാ ഇയ്യ് ചൂടാകണേ… ?””
“” പിന്നെ ഇങ്ങള് കുത്തിക്കുത്തി ചോദിക്കുമ്പം……. “
സുഹാന ഒരു നിമിഷം മിണ്ടിയില്ല……
ഉമ്മയ്ക്ക് വിഷമമായി എന്നവന് മനസ്സിലായി…
“”പ്ലസ് ടു ക്കാര് പിള്ളേരൊക്കെയില്ലേയുമ്മാ… കുറച്ച് ഇറക്കി നോക്കാം…”
“” നമുക്കത് വേണോടാ… …. ?”
സുഹാന സംശയത്തോടെ ചോദിച്ചു…
“” നമ്മുടെ ഷോപ്പിലില്ലെങ്കിൽ, കൊടുക്കാൻ തീരുമാനിച്ചവർ അടുത്ത ഷോപ്പ് തേടും…… വെറുതെ അവരെ ടൗൺ വരെ നടത്തിക്കണോ… ?””
സല്ലു ചോദിച്ചു…
മകൻ ഒറ്റ ദിവസം കൊണ്ട് കച്ചവടക്കാരനായതായി സുഹാനയ്ക്ക് തോന്നി……
“” ആ പേരും പറഞ്ഞ് അനക്ക് പെങ്കുട്യോളെ കാണാനല്ലേ……….?””
സുഹാന ചിരിയോടെ ചോദിച്ചു…
സല്ലു അത്ഭുതം ഭാവിച്ച് ഉമ്മയെ നോക്കി……
“”ങ്ങളാള് കൊള്ളാലോ… മനസ്സിലാക്കി കളഞ്ഞു……. “
സല്ലു , അവളുടെ ചുമലിൽ ചെറുതായി ഒരടി കൊടുത്തു..
പക്ഷേ, അവന്റെ സ്വരത്തിൽ നേരിയ സങ്കടം ഉണ്ടായിരുന്നു…
“” അങ്ങനെ വല്ലതുമാണേ, കുരിപ്പേ…… അന്റെ മോറ് നീരു വെക്കും ട്ടോ… “
അവൾ പറഞ്ഞത് കാര്യമായിട്ടു തന്നെയായിരുന്നു…
“” പിന്നേ… …. ഇങ്ങളെന്താ ന്നെക്കുറിച്ച് കരുതിയേ… ….?””
സല്ലു അവളുടെ അടുത്തേക്കാഞ്ഞ് ചോദിച്ചു…
അല്പം നീരസം അവന്റെ വാക്കുകളിലുണ്ടായിരുന്നു…
“ അതെന്തെങ്കിലുമാകട്ടെ… ഞാനനക്ക് ഒരു വാണിംഗ് തന്നതാ………. “
“” ഇത് മുന്നോട്ടു പോകൂലാ… …. “
സല്ലു , കിടക്കയിൽ നിരങ്ങി നിലത്തിറങ്ങി…
അവളും എഴുന്നേറ്റു…
എല്ലാവരും കൂടിയിരുന്നാണ് അത്താഴം കഴിച്ചത്……
അപ്പോഴാണ് അബ്ദുറഹ്മാൻ ഫാത്തിമയോട് സുഹാനയാണ് ഷോപ്പ് ഉദ്ഘാടനം ചെയ്ത കാര്യം പറയുന്നത്……
ഫാത്തിമ അവിശ്വസനീയതയോടെ ഇരുവരെയും മാറി മാറി നോക്കി……
“”അന്നോട് കമ്മിറ്റിയിലൊക്കെ സഹകരിക്കാൻ പറഞ്ഞു സഖാഫി …. “”
അബ്ദുറഹ്മാൻ കൂട്ടിച്ചേർത്തു…
സല്ലു സുഹാനയെ നോക്കിയതും അവൾ ചുണ്ടുകൾ വക്രിച്ചു കാണിച്ചു……
അന്ന് സുഹാന കിച്ചണിൽ ജോലികൾ തീർക്കുമ്പോൾ സല്ലു കൂടെ നിന്നില്ല..
അതവൾ ശ്രദ്ധിച്ചു…
ജോലികൾ തീർത്ത്, ലൈറ്റുകൾ ഓഫ് ചെയ്ത് അവൾ ചെന്നപ്പോഴും അവൻ ഫോണിൽ ടൈപ്പ് ചെയ്യുകയായിരുന്നു……
“” കഴിഞ്ഞില്ലേ, അന്റെ സേർച്ചിംഗ്……. “
അവൾ , തട്ടം കഴുത്തിലിട്ട് മുടി വാരിക്കെട്ടി…
“” ഇല്ല…””
പറഞ്ഞിട്ട് സല്ലു ഫോൺ മാറ്റി വെച്ചു…….
“”ന്നാലും ഇയ്യ് വല്ലാത്ത ചെയ്ത്താ ചെയ്തത്…….?””
അവൾ കിടക്കയിലേക്കിരുന്നു…
“” എന്ത്………..?”
സല്ലു മുഖമുയർത്തി… ….
“” ഉദ്ഘാടനം… …. “
“” അത് കഴിഞ്ഞില്ലേ… ….?””
സല്ലു , ചാരി വെച്ചിരുന്ന തലയിണയിലേക്ക് പതിയെ ചാഞ്ഞു…
അവന്റെ മറുപടിയിൽ അവളുടെ മനസ്സൊന്നിടിഞ്ഞു……
സുഹാനയ്ക്ക് പിന്നീട് ഒന്നും സംസാരിക്കാൻ തോന്നിയില്ല……
“” ഒരാളെ ഉദ്ഘാടനത്തിന് വിളിക്കാൻ നല്ല ചിലവു വരും……ങ്ങളാകുമ്പോൾ , കാശും ലാഭം…… ഉമ്മയോട് സ്നേഹമുള്ള മോനെന്ന പേരുമായി… സഖാഫിക്കു വരെ ബോധിച്ചു…””
അവൻ കിടക്കയിൽ കിടന്ന പുതപ്പ് വലിച്ചെടുത്തു…….
“” നിക്കും തോന്നിയായിരുന്നു… “
അവൾ എഴുന്നേറ്റു…
“” ഉറക്കം വരുന്നു………. “
അവൾ പിന്തിരിഞ്ഞു…
“” നിക്കും……. “
സല്ലു പുതപ്പ് ശരീരത്തേക്കിടുന്നത് അവൾ കണ്ടു…
നേരിയ വിഷമത്തോടെയാണ് അവൾ , അവന്റെ മുറി വിട്ടിറങ്ങിയത്……
വിഷമം എന്തിനെന്ന് അവൾക്ക് അറിയുമായിരുന്നില്ല…
പക്ഷേ, രാവിലെ മുതൽ എന്തോ ഒന്ന് തന്റെയുള്ളിൽ വീർപ്പുമുട്ടിയിരിക്കുന്നത് അവൾക്ക് അറിയാമായിരുന്നു…
ഒരു നിമിഷം അവൾ കോറിഡോറിൽ നിന്നു…
പിന്നീട് മുറിയിലേക്ക് കയറി, വാതിൽ ചാരിയിടുമ്പോൾ , എതിരെ വാതിൽക്കൽ സല്ലുവിന്റെ മുഖം കണ്ടു…
അവൻ തന്നെ നോക്കി നിൽക്കുന്നു..
“” ഇയ്യ് ഉറക്കം വരുന്നൂന്ന് പറഞ്ഞിട്ട്…….?””
അവൾ പകുതി ചാരിയ വാതിൽ തുറന്നു
“” ഒരു കാര്യം മറന്നു…….”
അവൻ കോറിഡോറിൽ നിന്ന് അവളുടെ മുറിയിലേക്ക് കയറി…
“ എന്താ…….?””
അവളുടെ ചോദ്യം വന്നു…
“” കിട്ടുമോന്ന് നോക്കട്ടെ……. “
അവളെ കടന്ന്, അവൻ അലമാരയിലും തലയിണ പൊക്കിയും പരിശോധിച്ചു…
“” എന്നതാടാ…….?”” അവൾ അവന്റെ പിന്നാലെ ചെന്നു……,
അലമാരയിലെ ഗ്ലാസ്സിലൂടെ സല്ലു ചിരിക്കുന്നതു കണ്ടതും സുഹാനയ്ക്ക് പന്തികേടു തോന്നി…….
അവൾക്കു കാര്യം മനസ്സിലായി……
എന്നാലും അവന്റെ അടുത്ത നീക്കം അറിയുവാനായി അവളവനെ ശ്രദ്ധയോടെ നോക്കി നിന്നു….
അവൻ ഒന്നുകൂടി തിരയുന്നത് കൈയ്യും കെട്ടി അവൾ നോക്കി നിന്നു…….
“ കിട്ടിയില്ലേ… ….?””
അവൾ രണ്ടടി മുന്നോട്ടുവെച്ച് കിടക്കയിൽ ചെന്നിരുന്നു…
“ ങ്ങൂഹും… …. “
സല്ലു മൂളി .
“ എന്നാൽ ഷോപ്പിൽ കാണും… ….”
അവളും ചെറിയ ചിരിയോടെ ഇരുന്നു കൊണ്ടു തന്നെ പുതപ്പ് കുടഞ്ഞു……
“ അതിങ്ങു തന്നേക്കുമ്മാ…””
സല്ലു അവൾക്കു മുൻപിലേക്കു വന്നു നിന്നു…
“” അതിനു ഞാനന്റെയൊന്നും എടുത്തിട്ടില്ല… “”
സുഹാനയും ചിരിച്ചു തുടങ്ങി….
“ ഇങ്ങള് കളിക്കാതെ തരണുണ്ടോ ….?””
സല്ലു , കുസൃതിയോടെ കൃത്രിമ ഗൗരവത്തിൽ പറഞ്ഞു……
“”ന്റെ കയ്യിലില്ലാന്ന്………. “
അവൾ പുതപ്പ് കിടക്കയിലിട്ട ശേഷം കൈകൾ പിന്നിലേക്ക് കിടക്കയിൽ കുത്തി , അവനെ നോക്കിയിരുന്നു….
“”ങ്ങടടുത്തുണ്ട്………. “
സല്ലു , പറഞ്ഞിട്ട് , അവളുടെ കാൽച്ചുവട്ടിൽ കാൽ മുട്ടുകൾ മടക്കിയിരുന്നു…