ബൈക്കോടിക്കുമ്പോൾ അബ്ദുറഹ്മാൻ സംസാരിച്ചു തുടങ്ങി……
“”ങ്ങും…””
സുഹാന മൂളി…
അവളുടെ ചിന്തയിൽ അതൊന്നുമല്ലായിരുന്നു…
“ അന്റെ കയ്യിലെന്താ… ?””
“” ചുരിദാർ ഒന്ന് മാറ്റിയടിക്കാനുണ്ട്…… ഉപ്പ : മ്മടെ പഴയ ഷോപ്പിനടുത്ത് ഒന്നാക്കിയാൽ മതി…… “.
അവൾ പറഞ്ഞതും അബ്ദുറഹ്മാൻ മഞ്ചേരിയിലേക്ക് വണ്ടി വിട്ടു…
“” ഇയ്യ് തിരിച്ചെങ്ങനെ പോരും…… ?””
“” ഞാൻ ബസ്സിലു പോന്നോളാം… “
അവളെ ഇറക്കി വിട്ട ശേഷം, അയാൾ തിരികെ പോയി……
നഗരം തിരക്കിലമർന്നു തുടങ്ങിയിരുന്നു.
അവൾ കോംപൗണ്ടിലേക്ക് കയറിയതും ശിവരാമൻ ചേട്ടനെ കണ്ടു…
പതിവു പോലെ കുറി തൊട്ടിട്ടുണ്ട്…
പത്ര വായനയിലാണ്.
“ ങ്ഹാ………. മോളോ… ?
അവളെ കണ്ടതും അയാൾ എഴുന്നേറ്റു…
“” കണ്ടിട്ടൊരുപാടായല്ലോ…… “”
“ അതുകൊണ്ടല്ലേ വന്നത്..””
അവൾ ചിരിച്ചു …
അവൾ പഴയ ഷോപ്പിനു നേരെ നോക്കി.
ഷട്ടർ താഴ്ന്നു കിടക്കുന്നു……
“” അവിടെ ആരും വന്നിട്ടില്ല..””
അവൾ നോക്കുന്നതു കണ്ട് അയാൾ പറഞ്ഞു…
“ പഴയ ആളുകളൊന്നുമില്ലേ… ? “
അവൾ അയാൾക്ക് സംശയത്തിനിടവരാതെ ചോദിച്ചു …
“” കടക്കാരുണ്ട്… അവരാരും മാറിയിട്ടില്ല… “
ശിവരാമൻ ചിരിച്ചു…
“”മോൻ സ്കൂളിനടുത്ത് ഒരു ഷോപ്പ് തുടങ്ങി..അറിഞ്ഞായിരുന്നോ… ?””
സുഹാന ചോദിച്ചു..
“ ആരു പറയാനാ മോളെ… സത്യം പറഞ്ഞാൽ നിങ്ങൾ കടയൊഴിഞ്ഞപ്പോൾ സങ്കടം തോന്നി. വല്ലപ്പോഴും മിണ്ടിയും പറഞ്ഞുമിരിക്കാൻ മോളുണ്ടായിരുന്നല്ലോ… “
അയാൾ തന്റെ സങ്കടം പങ്കു വെച്ചു…
അതിലേക്കൊന്നും സുഹാനയുടെ ശ്രദ്ധ പോയിരുന്നില്ല …
തന്റെ ലക്ഷ്യം മറ്റൊന്നാണ് ….!
അതറിയാനാണ് താൻ വന്നിരിക്കുന്നത്…
“” മിണ്ടാനും പറയാനും കൂട്ടുകാരില്ലേ… ? അന്ന് പോയ സെക്യൂരിറ്റി തിരിച്ചു വന്നോ ?”
സുഹാന ഒറ്റ ശ്വാസത്തിൽ വേഗത്തിൽ ചോദിച്ചു……
“ അത് വല്ലാത്തൊരു സംഭവം തന്നെ… “
ശിവരാമൻ കയ്യിലിരുന്ന ദിനപത്രം മടക്കി..
സുഹാന അക്ഷമയായി അയാളുടെ മുഖത്തേക്ക് നോക്കി…
“ അയാൾ തിരിച്ചു വരില്ലെന്നാ കരുതിയേ… പക്ഷേ വന്നു… “
റോഡിൽ ഒരു പ്രൈവറ്റ് ബസ്സിന്റെ ബ്രേക്ക് അലറിക്കരഞ്ഞത് സുഹാനയുടെ നെഞ്ചിലായിരുന്നു……
കബനി തിരിച്ചു വന്നു…
തനിക്ക് വില പറയാൻ…
“” ആളുടെ വേണ്ടപ്പെട്ട ഒരു ബന്ധു മരിച്ചിരുന്നു…… അതാ പോയത്…… സഞ്ചയനമൊക്കെ കഴിഞ്ഞാ വന്നത്…… ഓഫീസിൽ റിപ്പോർട്ട് ചെയ്തിരുന്നു… “
ഒരു വാഹനത്തിന്റെ ഹോൺ മുഴങ്ങിയതും അവൾ ചിന്തയിൽ നിന്നുണർന്നു…
“” ആദ്യത്തെ സംഭവമാ… പോയ ഒരാൾ തിരികെ വരുന്നത്…… “
ശിവരാമൻ തുടർന്നു..
“” ആള് വലിയ കമ്പനിയാ…… ഇവിടെ വരുന്നോരും പോകുന്നോരും കടക്കാരുമെല്ലാമായിട്ട് കൂട്ടാ……….’”
അയാൾ വരുമല്ലോ…….
തന്നെ നാണം കെടുത്താൻ…
തന്നോട് വില പേശാൻ… ….
സുഹാനയുടെ നെഞ്ചിടിപ്പ് ദ്രുതഗതിയിലായിരുന്നു……
എല്ലാവരുമായും അയാൾ കമ്പനിയാണ്…… കൂട്ടാണ്…
ആ വഴിയിലാകും അയാൾ സല്ലുവിനെക്കുറിച്ച് അറിഞ്ഞതും…
താൻ മനസ്സിൽ കരുതിയത് തന്നെയാണ് സത്യം…
“” അയാൾ മോളെയും തിരക്കിയിരുന്നു…… “
ശിവരാമന്റെ വാക്കുകൾ കേട്ടതും അവളുടെ നടുക്കം പൂർണ്ണമായി…
“” ആള് പാവമാ… ഇച്ചിരി മുൻകോപം ഉണ്ടെന്നേയുള്ളൂ… “
ശിവരാമൻ പറഞ്ഞു……
പാവം… ….!
സുഹാന അയാളറിയാതെ , അടക്കി പല്ലിറുമ്മി…
ലോകത്തിൽ ഏറ്റവും നിന്ദ്യമായ കാര്യമാണ് അയാൾ എഴുതിപ്പിടിപ്പിച്ചു വിടുന്നത്……
കാമരാക്ഷസൻ… ….!
വെറിയൻ… ….!
അത് നേരിട്ടറിയാവുന്നവളാണ് താൻ…
ഇവർക്കൊക്കെ ഒറ്റ ലക്ഷ്യം മാത്രം…
ഏതു വിധേനയും കാമ പൂരണം മാത്രം…
സൈറ്റിൽ, സ്ത്രീകളുടെ പേരിൽ കമന്റിടുമ്പോൾ അതിനു മറുപടിയുമായി വരുന്നവരെ അവൾക്ക് ഓർമ്മ വന്നു……
അങ്ങനെയുള്ളവരല്ലേ…
ലക്ഷ്യം മറ്റൊന്നാകില്ലല്ലോ…
“” എന്നിട്ട് ആളെവിടെ……….?””
സുഹാനയുടെ സ്വരം പതറിയിരുന്നു…
“” ഇന്ന് വെളുപ്പിനുള്ള ഫാസ്റ്റിനു പോയി.. ഏതോ ചടങ്ങുകൾ ബാക്കിയുണ്ടെന്ന്… “
പിന്നിൽ നിന്ന് അടി കിട്ടിയതു പോലെ അവളൊന്നു ഞെട്ടി…
താൻ മണിക്കൂറുകൾ മാത്രം വൈകിപ്പോയി…
സല്ലുവിനെ ഓർത്ത് അവൾക്ക് ദേഷ്യം വന്നു…
അവൻ കാരണമാണ് അയാൾ പിടിക്കപ്പെടാതെ പോയത്……