അവളും വിട്ടു കൊടുത്തില്ല…
“” ഇതിങ്ങള് കേട്ടില്ലേൽ പിന്നെ ഒരിക്കലും……. “
സല്ലു പൂർത്തിയാക്കാതെ നിർത്തി…
സുഹാന ഒരു നിമിഷം അവന്റെ പിടിയിൽ നിശ്ചലയായി..
അവൾക്ക് ഒരപകടത്തിന്റെ ചൂരടിച്ചു…
അവളുടെ പ്രതിഷേധം പതിയെ അയഞ്ഞതും സല്ലു , കണ്ണുനീരോടെ സംസാരിച്ചു തുടങ്ങി…
“ കഴിഞ്ഞ രണ്ടൂന്ന് മാസായിട്ട് ന്നോടാരാ ഒന്ന് നല്ലോണം മിണ്ടിയേ… ആരാ ഞാൻ പറയാൻ വന്നത് കേട്ടേ… ….?””
ചോദ്യം ശരി തന്നെയാണ്……
അവളുടെ മനസ്സ്, ഒരു നിമിഷം പരിശോധിച്ചു സമ്മതിച്ചു…
“”രണ്ടൂസം ഇങ്ങള് മിണ്ടി…… അത് ഷോപ്പ് കാരണം… “
സല്ലു അവളിൽ നിന്ന് ഉയർന്നു കിതച്ചു …
സുഹാന ഒന്ന് ശ്വാസം ഏങ്ങിയെടുത്തു…
“” അതിനാണോ നായേ , യ്യ് ന്നെ ചേർത്ത്……. “
ബാക്കി അവൾ കണ്ണീരണിഞ്ഞ വിങ്ങലിൽ വിഴുങ്ങിക്കളഞ്ഞു..
“ ഞാനാേരേം ഒന്നും… ങ്ങനെ…,”
ബാക്കി പറയാതെ സല്ലു മുഖം തിരിച്ചു…
സുഹാന പിളർന്നു തുടങ്ങി……….
അവനൊന്നും എഴുതീട്ടില്ലാന്ന്…
“” ഇല്ലേടാ ഹറാം പിറന്നോനെ……….?””
ചോദിച്ചതും അവൾ , അവന്റെ പിടിയിൽ നിന്ന് അല്പം സ്വതന്ത്യമായ വലതു കൈ വലിച്ചൂരി അവന്റെ നെഞ്ചിലിടിച്ചു.
സല്ലുവിന് വേദന എടുത്തെങ്കിലും നിലവിളിച്ചില്ല……
“” അനക്കെങ്ങനെ തോന്നീടാ കുരിപ്പേ……. “
സുഹാന കരഞ്ഞുപോയിരുന്നു…
ഹൃദയം പൊട്ടിയൊലിച്ച് സല്ലു അവളുടെ കരച്ചിൽ കേട്ടു……
“”ക്കെ… ങ്ങള് കാരണാ… …. “
വിതുമ്പലനിടയിലൂടെ വിങ്ങലായി അവന്റെ വാക്കുകൾ പുറത്തു വന്നു…
“”ങ്ങെളൊരാൾ കാരണാ…….. “”
ശ്ളഥമായ വാക്കുകൾ അവനിൽ നിന്ന് തള്ളിയൊഴുകി……
കണ്ണുകളിൽ മിഴിനീരിനു പുറമേ, അത്ഭുതം ചിന്തി സുഹാന മുഖമുയർത്തി…
താൻ കാരണം…… ?
അവളുടെ മനസ്സ് അടിമുടി അതിനുത്തരം തേടിയലഞ്ഞു…
സല്ലു , അവളുടെ പിടി അയച്ച് പതിയെ നിവർന്നു……
സുഹാന തുറിച്ച്, അവനെ ഉറ്റുനോക്കി…
“” മൂസാമ്മോന്റെ സംഭവം കഴിഞ്ഞ് ഞാൻ വന്നേരം… …. “
സല്ലു , ഇരു കൈത്തലങ്ങളും എടുത്ത് കവിളുകളിൽ ചേർത്തു………
അവളുടെ ഹൃദയം അവന്റെ വാക്കുകളിൽ തപ്തമായിത്തുടങ്ങി…
അതോടൊപ്പം ഒരാപത്ശങ്കയും അവളിൽ വേലിയേറ്റം തീർത്തു തുടങ്ങി……
“”ങ്ങക്ക്……. ന്റെ പൊന്നുമ്മാക്ക് . ഞാൻ ഖൽബിൽ കല്പിച്ചു കൂട്ടിയോരു സ്ഥാനണ്ട്……. “
അവളുടെ ഹൃദയം തിളച്ചു തുടങ്ങിയിരുന്നു……
അവൾ അവന്റെ വാക്കുകൾക്കായി ചെവി വട്ടം പിടിച്ചു……
“ നാടു വിട്ടു പോകാനാ ഞാൻ കരുത്യേ… “”
സല്ലു കവിളുകൾ കൂട്ടിത്തിരുമ്മി……
അവനത് ഒന്ന് പറഞ്ഞു തീർന്നിരുന്നുവെങ്കിൽ എന്നവളാശിച്ചു……
“” ഫോൺ പേ ചെയ്യാനാ ഞാൻ ങ്ങടെ ഫോണെടുത്തേ…… അതിൽ… …. “
സല്ലു , മുഖം കൈത്തലങ്ങളാൽ മറച്ച് ഒറ്റ ഏങ്ങലായിരുന്നു… ….
ആ നിമിഷം സുഹാന മരണമെന്നത് ആത്മാർത്ഥമായി കൊതിച്ചു പോയി……
“” അതിലയാൾ ടെ കഥ കണ്ടെ………. “
താൻ കമ്പിക്കഥ വായിച്ചത് അവൻ അറിഞ്ഞിരിക്കുന്നു… ….!!!
അല്ല… !
ഉമ്മ കമ്പിക്കഥ വായിച്ചത് മകൻ അറിഞ്ഞിരിക്കുന്നു……
അപമാനത്തിന്റെ ചൂളയിൽ വീണ് അവൾ പൊള്ളിപ്പിടഞ്ഞു
ഇതിലപ്പുറം ഒന്നുമില്ല……….!
കിടക്കയിൽ ശരീരം പതിഞ്ഞ് അവൾ മനസ്സും ശരീരവും തകർന്ന് വിലപിച്ചു… ….
“” നാഥാ… …. “”
“ ആ നിമിഷം ചാകാനോർത്തതാ ഞാൻ-… “
വിങ്ങിപ്പഴുത്ത ഹൃദയത്തിലേക്ക് സല്ലുവിന്റെ അസ്ത്രങ്ങൾ വന്നു തറച്ചു…
അവനോട് അതല്ല സത്യമെന്ന് വിളിച്ചു പറയണമെന്നുണ്ട്…
പക്ഷേ, അതിനി ഒരിക്കലും വിലപ്പോകില്ല…
തെറ്റു ചെയ്തു പോയ ഒരുമ്മയ്ക്ക് മകനെ ശാസിച്ചു തിരുത്താൻ എന്ത് അർഹത… ?
“”ന്നെ വിശ്വസിക്കാൻ ആകെ ഉള്ളത് ങ്ങളായിരുന്നു………. “
വീണ്ടും വാക്ശരവർഷം……..
അതേ……..!
അവന് വിശ്വസിക്കാൻ താനേ ഉണ്ടായിരുന്നുള്ളൂ… ….
ആ താൻ കമ്പിക്കഥ വായിച്ച് രമിച്ച്… ….
ആ ഉമ്മയെ പിന്നെ മകൻ എങ്ങനെ വിശ്വസിക്കും……?
“” ആ ദേഷ്യത്തിലാ ഞാൻ ………. “”
സല്ലു വിങ്ങിപ്പൊട്ടി… ….,
“”ങ്ങളോട് മിണ്ടാതെ ഒമാനീപ്പോയതും വിളിക്കാണ്ടിരുന്നതും…… “
ഒന്നിനു പുറകെ ഒന്നായി അവൾ നടുങ്ങിക്കൊണ്ടിരുന്നു……
അവന്റെ ഒറ്റയടിക്കുള്ള മനം മാറ്റത്തിനു കാരണം അവൾ തിരിച്ചറിഞ്ഞു കഴിഞ്ഞിരുന്നു ….
നൈഫുമായി സല്ലു കിടക്കയിൽ നിന്ന് എഴുന്നേറ്റു..
“” ഞാൻ പറഞ്ഞതും പറയാൻ പോണതും സത്യം തന്നാ……. “
സുഹാനയും കിടക്കയിൽ എഴുന്നേറ്റിരുന്നു……
“ ങ്ങള് പറയുമ്പോലെ പന്തു കളിക്കാൻ തന്നാ ഞാൻ ഒലിപ്പുഴയ്ക്ക് പോയേ.. അല്ലാതെ…….”
അവൻ ഒന്നു നിർത്തി..
സുഹാന അറിയാതെ മിഴികളടച്ചു പോയി… .
“ങ്ങടാങ്ങള , ന്റമ്മോൻ, വിളിച്ചിട്ടാ ഞാനാ പെണ്ണിന്റെ പൊരേൽ പോയതും… “
സല്ലു നിലത്തേക്ക് മിഴികളെയ്തു……
കേൾക്കുന്നത് മകന്റെ അപഥസഞ്ചാരത്തിന്റെ കഥയാണ്……
പറയുന്നത് മകനും…
കാതുപൊത്താൻ പോലും അശക്തയായിരുന്നു സുഹാന…
“” നാട്ടുകാര് തച്ചത് നിന്നു കൊണ്ടു… പോരാത്തതിന് ഇങ്ങളും…””
സുഹാന അവനെ കേട്ടു തുടങ്ങി……
“” ഉപ്പൂപ്പാന്റെ വക, ഉപ്പാന്റെ വക, അങ്ങനെ എല്ലാരും… “”
അവൻ പുറം കയ്യാൽ മിഴികൾ തുടച്ചു…
“” സല്ലു നന്നാവാൻ നാടു കടത്തണ്…… ന്തിനാ… കണ്ടോന്റെ എച്ചിലു പാത്രം മോറാൻ..””
സുഹാന നിശബ്ദം കിടക്കയിലിരുന്ന് എരിഞ്ഞു……
“” നിക്കതിനുള്ള വിവരോള്ള്ന്ന് കരുതാം.. പക്ഷേ, എല്ലാർക്കുള്ള പോലെ നിക്കും മനസ്സുള്ളത് ആരും കണ്ടില്ല……””
“”സല്ലൂ……….””
കരഞ്ഞത് സുഹാനയായിരുന്നു…….
അവൾ മടിയിലേക്ക് , കൈകൾ താങ്ങി മുഖം കുനിച്ചു…
“”സഫ്നയേലും ന്നെ മനസ്സിലാക്കൂന്ന് കരുതി … ഓള് കളിയാക്കി …””
സല്ലു ശ്വാസമെടുത്തു കിതച്ചു……….
“” അമ്മായി പറഞ്ഞത് ങ്ങള് കേട്ടതല്ലേ… ?
കല്യാണത്തിനു പോയേരം എളാമ്മ പറഞ്ഞതും അതു തന്നെ…… “
സല്ലു മുഖം തിരിച്ച്, അവളെ നോക്കി……
സുഹാന മുഖമുയർത്തിയിരുന്നില്ല…….
“” ഒരാളോടും വിഷമം പറയാൻ വയ്യ……
കഴിഞ്ഞ ദിവസോം ഇങ്ങളും അതു തന്നെയല്ലേ പറഞ്ഞേ……..?ന്റെ വിഷമം ഞാനെഴുതി വിട്ടു… പക്ഷേ, ഒരു വാക്കു പോലും ഞാൻ വേണ്ടാത്തത് എഴുതീട്ടില്ല……. “
സുഹാന നിശബ്ദയായി കേട്ടിരുന്നു……….
നിമിഷങ്ങൾ നിശബ്ദമായി…
കുറച്ചു സമയം കഴിഞ്ഞാണ് സല്ലു സംസാരിച്ചു തുടങ്ങിയത്…
“” സത്യം ഇങ്ങളറിഞ്ഞല്ലോ… നിക്കതു മതി… നിക്കേതേ ഉണ്ടായിരുന്നുള്ളൂ… “-
അവന്റെ സ്വരത്തിന് പ്രത്യേക ഘനം വന്നത് അവൾ ശ്രദ്ധിച്ചു…
അവന്റെ മനസ്സ് വായിക്കാൻ കഴിയാത്ത പകപ്പിലായിരുന്നു അവൾ……
“” ഞാനൊന്നും മനസ്സിൽ കരുതിയല്ല അത്രയും എഴുതിയത്…… വെറുതെ എന്റെ തോന്നൽ എഴുതി വെച്ചു… ഇനിയത് ഉണ്ടാവില്ല…… ഇങ്ങളതിന് ഇല്ലാത്ത അർത്ഥം കാണണ്ട…… “
സുഹാന പതിയെ മുഖമുയർത്തി……
“” ബാപ്പയെ ഇങ്ങള് വിളിക്കണം…… കാൽക്കാശിന് വകയ്ക്ക് കൊള്ളാത്തവനാണെങ്കിലും സല്ലു തെറ്റൊന്നും ചെയ്തിട്ടില്ലാന്ന് പറയണം… ഇനി എനിക്കിവിടെ ആവൂല്ലുമ്മാ……………”
സുഹാനയിൽ ഒരു നടുക്കമുണ്ടായി…
“” ങ്ങള് പൊറുത്താളാ………..”
വിങ്ങിക്കരഞ്ഞു കൊണ്ട് സല്ലു വാതിൽ കടന്നു…