എന്നൊരു കട്ടായവും പറഞ്ഞു ചാരു മൂന്നാല് തവി ആവി പറക്കുന്ന ബിരിയാണി എന്റെ പാത്രത്തിലേക്ക് തട്ടി…റൈസ് കൊണ്ടു പകുതി പ്ലെയ്റ്റ് നിറഞ്ഞതും കാസറോളിന്റെ അടിയിൽ നിന്നവൾ നല്ല വലിപ്പമുള്ള രണ്ടു കഷ്ണം ബീഫും എടുത്തിട്ടു….. ഇതെല്ലാം കണ്ട ഞാനവളെയൊന്നു തറപ്പിച്ചു നോക്കിയതും ബീഫ് കറി ഇളക്കിയെടുക്കുന്നതിനിയിലവൾ സ്വന്തം കൈ മുട്ടു കൊണ്ടെന്റെ കവിളിൽ തട്ടി…
“മുഴുവൻ കഴിച്ചിട്ടേ നീയിവിടുന്ന് എണീക്കു…”
“ഇത് മുഴുവൻ കഴിച്ചാൽ എങ്ങനാ ശെരിയാവാ…എനിക്ക് വീട്ടിൽ പോകാനുള്ളതല്ലേ…ബിരിയാണി കഴിച്ചു കഴിഞ്ഞു വണ്ടിയോടിക്കാനൊക്കെ നല്ല ബുദ്ധിമുട്ട…ഷീണം വരും.. “
“അച്ചോടാ…സാരോല്ല.. നമുക്ക് ക്ഷീണമൊക്കെ മാറ്റിയിട്ടു പതിയെ പോയാൽ മതി…നിന്റെയൊക്കെ സ്വഭാവം വച്ചു മതില് ചാടി പോന്നതാവാനെ വഴിയുള്ളു വീട്ടിൽ നിന്ന്.. അപ്പൊ പിന്നെ കൊറച്ചു ലേറ്റ് ആയി പോയാലും പ്രശ്നമില്ല…”
എന്റെ മനസ്സ് വായിച്ചെന്നത് പോലവൾ പറഞ്ഞുകൊണ്ട് അടുത്തുള്ള കസേരയിലേക്കിരുന്നു…അവൾക്കുള്ള ബിരിയാണിയും കറിയും പാത്രത്തിലേക്ക് ആക്കിയ ശേഷം കഴിക്കടാ എന്നൊരു ഭാവത്തിലെന്നെ നോക്കി ചിരിച്ചു…
പിന്നെ ഞാനൊന്നും പറയാൻ നിക്കാതെ മെല്ലെ മെല്ലെ കഴിക്കാൻ തുടങ്ങി…അവളോട് പറഞ്ഞു ജയിക്കാൻ പറ്റില്ല അത് തന്നെ കാരണം…അതിലും ബേധം ഈ ബിരിയാണി മുഴുവൻ തിന്നു തീർക്കുന്നതാണ്…
ഓരോ വറ്റും ഞാൻ തിന്നുമ്പോളും എന്റെ മുഖഭാവമെന്തെന്ന് അറിയാനായി ഇടയ്ക്കിടെ ഒളികണ്ണിട്ടു നോക്കുന്ന ചാരുവിനെ ഞാൻ കണ്ടെങ്കിലും ഒന്നും പറഞ്ഞില്ല…. കഴിച്ചു തുടങ്ങിയതും ഞാൻ നല്ല ഫോമിലേക്ക് വന്നിരുന്നു അതുകൊണ്ട് തന്നെ ചാരു അടുത്തതായി എന്തെങ്കിലും പറഞ്ഞു തുടങ്ങും മുൻപേ ഞാൻ പ്ലെയ്റ്റിലെ പകുതിയിലധികം ഭാഗവും അകത്താക്കിയിരുന്നു
“കൊറച്ചൂടെ ഇടട്ടെ…”
എന്നെയും പാത്രത്തെയും മാറി മാറി നോക്കികൊണ്ടവൾ ചോദിച്ചു…മുഖത്തു നിഴലിച്ചു നിൽക്കുന്ന സന്തോഷം കാണുമ്പോളെ വയറു നിറയും…
“അത് ഞാൻ നോക്കിക്കോളാം ആദ്യം നീ നിന്റെ പാത്രത്തിലുള്ളത് തീർക്കാൻ നോക്ക്..”
നുള്ളിപ്പെറുക്കിയിരിക്കുന്നവളെ നോക്കി ഞാൻ പറഞ്ഞു…അല്ലപിന്നെ ഇത് മുഴുവൻ എന്നെകൊണ്ട് തീറ്റിച്ചിട്ട് അവളിരുന്നു കളം വരക്കുന്നു..
“അത്…അതെനിക്ക് വല്യ വിശപ്പ് ഒന്നും തോന്നുന്നില്ല അതാ…പിന്നെ വെറുതെ ഇരുന്നപ്പോ ഒരു ആഗ്രഹം കേറി ഉണ്ടാക്കിയെന്നെ ഉള്ളു…”
ചമ്മിയ മുഖത്തോടെ എന്നെനോക്കിയവൾ ചിരിച്ചു…
“അത് ശെരി…അപ്പൊ ടീച്ചറുടെ പരീക്ഷണം നടത്താൻ വേണ്ടി ആണല്ലേ എന്നെയീ രാത്രി മതില് ചാടിച്ചത്…”
ഒരു കഷ്ണം ബീഫെടുത്തു വായിൽ വെച്ചുകൊണ്ട് ഞാൻ ചോദിച്ചു..
“പോടാ…അങ്ങനെ ഒന്നുവല്ല…ഞാൻ ഇടക്കിടെ ഇങ്ങനെ ഉണ്ടാക്കാറുള്ളതാ.. “
പിണങ്ങിയ ഭാവത്തിൽ ചുണ്ടു കടിച്ചു കൊണ്ടവൾ പറഞ്ഞു…
അത് കേട്ടെനിക്ക് ചിരി വന്നെങ്കിലും ഞാനൊന്നും പറയാതെ ഒരല്പം റൈസും പീസും കൂടെ ചേർത്ത് ഇളക്കി ഒരു പിടിയെടുത്തു അവൾക്ക് നേരെ നീട്ടി…
എന്തോ ആലോചനയിൽ പാത്രത്തിൽ വിരലിട്ടിളക്കി നിന്നവൾ തലയുയർത്തി നോക്കിയപ്പോ കണ്ടതൊരു ചിരിയോടെ നീട്ടിപിടിച്ച കയ്യുമായി നിൽക്കുന്ന എന്നെയാണ്….
കണ്ണിലൊരായിരം പൂത്തിരികത്തിച്ച സന്തോഷവുമായി എന്നെ നോക്കി നിന്നവളെ കണ്ടെനിക്കും ഉള്ളിന്റെയുള്ളിലെവിടെയോ മഞ്ഞു വീണൊരു സുഖം തോന്നി….
“എന്താണ്…അടിവയറ്റിലൊരു മഞ്ഞു വീണ ഫീലുണ്ടോ…?
ജന്മനാ കിട്ടിയ കള്ളച്ചിരിയോടെ ഞാനവളോട് ചോദിച്ചു….. ഞങ്ങൾ തമ്മിലെന്തോ ഒരു മുന്ജന്മബന്ധമുണ്ടായിരിക്കണം…അല്ലെങ്കിൽ ഞങ്ങരുവരെയും ബന്ധിപ്പിക്കുന്ന ഒരദൃശ്യ ശക്തികൂടെയുണ്ട്…അത് പലപ്പോഴും എനിക്ക് തോന്നിയിട്ടുണ്ട് ചിലപ്പോ നിങ്ങൾക്കും തോന്നി കാണും…. അതുകൊണ്ട് തന്നെ ചിലനേരം എനിക്ക് അനുഭവപ്പെടുന്ന പ്രത്യേക ഫീലുകൾ ചാരുവിനും വരാറുണ്ട്….
എന്റെ സംശയത്തെ ശെരിവെക്കും വിധമവൾ തലകുലുക്കികൊണ്ടെന്റെ നീട്ടിപിടിച്ച കൈക്ക് നേരെ മുഖമടുപ്പിച്ചു…പിന്നൊരു കുസൃതി ചിരിയോടെ വാ തുറന്നു ഞാൻ കൊടുത്ത ബിരിയാണി അപ്പാടെ വായിലാക്കി…. അവളുടെ ചുണ്ടുകളുടെ നനവെന്റെ കയ്യിൽ തട്ടിയതും എനിക്കകെയൊരു കുളിരുകോരിയ സുഖം…
“”അആഹ്ഹ…. “””””
പെട്ടെന്നാണ് ഒട്ടും പ്രതീക്ഷിക്കാത്തയൊരു നീക്കം അവളുടെ ഭാഗത്തു നിന്നുണ്ടായത്…ഒന്ന് സുഖം പിടിച്ചു വന്നെയെന്റെ രണ്ടു വിരലുകളെയും പല്ലുകൾക്കിടയിലൊന്ന് കോർത്തു പിടിച്ച ശേഷമാണവൾ അവയെ സ്വാതന്ത്ര്യമാക്കിയത്…..
“എന്തിനാടി നീയിപ്പോ കടിച്ചത്…”
കൈ കുടഞ്ഞുകൊണ്ട് ഞാൻ ചോദിച്ചു…ദേഷ്യമൊന്നുമില്ല എന്നാലും ഓർക്കപ്പുറത്തു കിട്ടിയൊരു കടിയിലെന്റെ നല്ല ജീവനങ്ങു പോയി…
“ചുമ്മാ…നിന്റെയീ സ്നേഹം കണ്ടപ്പോ ഒന്ന് കടിക്കാൻ തോന്നി.. “
ഒട്ടും തന്നെ ഭാവവെത്യാസമില്ലാതെ അവളതും പറഞ്ഞു ബാക്കി ബിരിയാണി കഴിക്കാൻ തുടങ്ങി…
ഹ്മ്മ്…അല്ലേലും തെറ്റ് എന്റെ ഭാഗത്താ…മുന്ജന്മവും ആന്തരിക ജന്മവും എന്ന് പറഞ്ഞു ഡയലോഗ് അടിച്ചപ്പോ ഞാനൊരു കാര്യം മറന്നുപോയി.. എന്റെ മുൻപ്പിലിരിക്കുന്നത് ചാരുലതയാണെന്ന്…ഇതേ നമ്മള് വിചാരിക്കണത് പോലല്ല…കൊറച്ചു കൂടിയ ഇനമാ…പലപ്പോഴും ഞാനത് മറന്നു പോകുന്നെന്ന് മാത്രം…
കഴിച്ചു കഴിഞ്ഞതും ഞാനെന്റെ പ്ലെയ്റ്റും എടുത്തു ചാരുവിനെയൊന്ന് കടുപ്പിച്ചു നോക്കിയ ശേഷം അടുക്കളയിലേക്ക് നടന്നു…ഹിഹി.. ചുമ്മാ…ഞാൻ കൊറച്ചു ടെറർ ആണെന്ന് വിചാരിച്ചോട്ടെ…
പ്ലെയ്റ്റ് കൊണ്ടുവന്ന സിങ്കിലേക്ക് ഇട്ട ശേഷം ഞാൻ കൈ കഴുകി തിരിഞ്ഞതും കാറ്റുപോലെ പാഞ്ഞു വന്ന ചാരുവിന്റെ കവിളിലൊന്നമർത്തി മുത്തി….
“ഏഹ്…!!!
പെട്ടെന്നുള്ളയവളുടെയാ മാറ്റത്തിൽ ഒരുനിമിഷം വാ പൊളിച്ചു നിന്നയെന്ന കണ്ടവൾ ഒരു ചിരിയോടെ അരക്കെട്ട് കൊണ്ടെന്റെ ഇടുപ്പിൽ തട്ടിയൊരു സൈഡിലേക്ക് തള്ളിമാറ്റി…
“ഹാളിലേക്ക് പൊയ്ക്കോട്ടോ.. ഞാനിതൊന്ന് കഴുകി വച്ചിപ്പോ വരാം…”
കൊറച്ചു പിള്ളേരോട് പറയുമ്പോളവൾ സ്വകാര്യം പറഞ്ഞുകൊണ്ട് പാത്രം കഴുകാൻ തുടങ്ങി….
ഇതിപ്പോ എനിക്ക് വട്ടായോ അതോ ഇവൾക്ക് വട്ടായോ…
എന്നൊരു സംശയത്തോടെ ഞാൻ ഹാളിലേക്ക് നടന്നു…പുതിയ സെവനപ്പ് കുപ്പി പൊട്ടിച്ചു കൊറച്ചു കുടിച്ചതോടെ ആകെമൊത്തം ഒരു വല്ലാത്ത സുഖം…
ഞാനെന്റെ വയറും തടവിൽ ഹാളിലെ സോഫയിൽ പോയിരുന്നു.. അപ്പോളാണ് ശ്രദ്ധിച്ചത് പിറകിലായുള്ള ബാൽകണി വാതിലിലൊരു ബീൻ ബാഗ് കിടന്നത്…