ഞാൻ വേഗം അവിടുന്ന് എണീറ്റ് ബാൽകണിയുടെ ചില്ലു വാതിൽ തുറന്നകത്തേക്ക് കയറി….. നിലാവുണ്ട്.. കൂട്ടിനു ഇളം തണുത്ത കാറ്റും…
“ആഹാ…സുഖം…!!!!
ഞാനാ ബീൻ ബാഗിലെക് കിടന്നുകൊണ്ട് ആകാശത്തേക്ക് നോക്കി…ഒന്ന് രണ്ടു നക്ഷത്രങ്ങൾ അങ്ങ്മിങ്ങുമായി ഓടി കളിക്കുന്നുണ്ട്…. ചിലത് KSEB പോസ്റ്റിലെ മെർകുറി ബൾബ് പോലെ മിന്നികളിക്കുന്നു…
“എടാ ചെക്കാ നേരെ ഇരി അതിൽ…”
പിറകിൽ നിന്നൊരു കാലൊച്ച കേട്ടതും ഞാൻ തല പിറകിലേക്ക് താഴ്ത്തി നോക്കി…
“ചാരു നീയിങ്ങനെ തലകുത്തി നില്കാതെ വാ.. വന്നിവിടെ ഇരിക്ക്…”
ഞാനൊരു ചിരിയോടെ പറഞ്ഞു.. അത് കേട്ടിട്ടാണെന്ന് തോന്നുന്നവൾ ഒരു കൈ സ്വന്തം തലക്കടിച്ചുകൊണ്ട് എനിക്ക് നേരെ നടന്നടുത്തു…. എങ്കിലും ഞാൻ നേരെ ഇരുന്നില്ല…. ശെരിക്കും പറഞ്ഞാൽ നിലത്തു നീണ്ടു നിവർന്നു കിടന്ന് തല ബീൻ ബാഗിൽ താങ്ങായി വച്ചാണ് എന്റെ കിടത്തം…ഇരുന്ന ഇരുപ്പിൽ ഇവിടെകിടന്ന് ഉറങ്ങി പോയാലും എന്നെ കുറ്റം പറയാൻ പറ്റുകേല…അത്രക്ക് ഉണ്ട് സുഖം…
“വാ ചാരു.. വന്നിരിക്..”
ഞാൻ ഒരല്പം നീങ്ങി കിടന്നുകൊണ്ട് പറഞ്ഞു…
അവളാകട്ടെ ഒരു ചിരിയോടെ എനിക്കൊപ്പം നിലത്തു വന്നിരുന്നു ഒരു കൈ ബീൻ ബാഗിൽ കുത്തി അതൊരു താങ്ങായി തലക്ക് നൽകിയിരുന്നു…. ഇപ്പൊ ഞങ്ങളിരുവരുടെയും മുഖം തമ്മിൽ എറിപോയാൽ ഒരു കൈപ്പത്തിയുടെ അകലമേ കാണു….
നിലാവ് വിരിച്ച രാത്രിയിൽ ഒരു കുസൃതി ചിരിയോടെ എന്നെ നോക്കിയിരിക്കുന്ന ചാരുവിനെ കാണുമ്പോ എനിക്കാകെ ഒരു പരവേശം തോന്നി…
“നീയിങ്ങനെ നോക്കല്ലേ ചാരു.. സത്യായിട്ടുമെനിക്ക് നാണം വരുന്നുണ്ടേ…”
ഒരു ചമ്മിയ ചിരിയോടെ ഞാനതു പറഞ്ഞു നിർത്തിയതും കൊലുസ് കുലുങ്ങും പോലൊരു ശബ്ദത്തോടെയവൾ പൊട്ടിച്ചിരിച്ചു….
“മെല്ലെ ചിരിക്കെടി പോത്തേ…ആളുകൾ കേൾക്കും…”
ഞാൻ വേഗമവളുടെ ചുണ്ടുകൾ കൂട്ടിപിടിച്ചുകൊണ്ട് പറഞ്ഞു…
എന്തോ ഞാൻ പറഞ്ഞതിൽ കാര്യമുണ്ടെന്ന് തോന്നിയത് കൊണ്ടാണെന്നു തോന്നുന്നു അവളുടെ ചിരിയൊരല്പം കുറഞ്ഞ മട്ടുണ്ട്
ന്നാലും കൈ എടുക്കാൻ ഒരു മടി…. വേറൊന്നുമല്ല ഉള്ളം കയ്യിലവളുടെ നനഞ്ഞ ചുണ്ടുകൾ പതിഞാണിരിക്കുന്നത്…ആ സുഖം നഷ്ടമായാലോ എന്നൊരു പേടി…
അത് മനസിലാക്കിയത് കൊണ്ടാണോ എന്തോ അവളെന്നെയൊന്ന് കണ്ണുരുട്ടി നോക്കി….
അത് കണ്ട ഞാൻ ഒരു ചിരിയോടെ അവളുടെ പൊത്തി പിടിച്ച കൈക്ക് മുകളിൽ പെട്ടെന്നൊരുമ്മ കൊടുത്തു…. തടസ്സമായി എന്റെ കയ്യവിടെ ഇല്ലായിരുന്നെങ്കിലാ ഉമ്മ കൃത്യമായി എനിക്കവളുടെ ചുണ്ടുകളിൽ കൊടുക്കാമായിരുന്നു….
പെട്ടെന്നെന്റെ കൈ തട്ടി മാറ്റിയവൾ എന്റെ തോളിൽ മെല്ലെയടിച്ചു….
“വഷളൻ…”
പിറുപിറുക്കുന്ന ശബ്ദത്തിലവൾ പറഞ്ഞു….
ദൈവമേ ഇതിപ്പോ ഇവളാണോ എന്റെ സ്റ്റുഡന്റ്….
ഞാനാ ചിന്തയോടെ ആകാശത്തേക്ക് നോക്കി കിടന്നു…. എന്റെ വെള്ളാരം കണ്ണുകളിലേക്ക് നോക്കിക്കൊണ്ടരുകിൽ ചാരുവും……. സമയം കടന്നു പോകുന്തോറും എനിക്കാകെ ഒരു പരവേശം പിടിക്കുന്നത് പോലെ…
“ചാരു എനിക്കാകെ ഒരു പരവേശം പോലെ…”
ഞാനൊന്നവളെ നോക്കി പറഞ്ഞു…അരുതാത്തതെന്തോ കേട്ടത് പോലവളെന്നെ കണ്ണുയർത്തി നോക്കി….
അവളുടെ കണ്ണുകളിലാകെ പേടി നിറയുന്നത് ഞാൻ കണ്ടു…പാവം എനിക്കുണ്ടാക്കി തന്ന ബിരിയാണിയെന്തോ പണിയൊപ്പിച്ചെന്ന് വിചാരിച്ചിട്ടാണ്…
“എന്താ.. എന്താ പറ്റിയെ…. വയ്യായിക തോന്നുന്നുണ്ടോ…?
മക്കൾക്കെന്തോ ആപത്ത് പറ്റിയത് പോലവൾ ആതിയോടെ ചോദിച്ചു….
“അതറിയില്ല…ആകെ മൊത്തം ഒരു വിറയലും…വിയർക്കാനും…മേലാകെ ചൂട് പൊതിയുന്നത് പോലെ…”
കണ്ണുകളിൽ നിഷ്കളങ്കത നിറച്ചു ഞാൻ പറഞ്ഞു…..
അതവളിലെ പേടിയുടെ അളവ് കൂട്ടിയെന്ന് തോന്നുന്നു…പെട്ടെന്ന് വിരലുകൾ രണ്ടും തെരുപിടിച്ചു കൊണ്ടവൾ എന്ത് ചെയ്യണമെന്നറിയാതെ പതറി നിന്നു…. ഇനിയും മുൻപോട്ട് പോയാ ഇവളെന്നെ പിടിച്ചു താഴേക്ക് എറിയുമെന്ന് തോന്നിയ ഞാൻ പെട്ടെന്നവളുടെ കയ്യിൽ പിടിച്ചു…
“എന്താ…എന്താ ആദി…നമുക്ക്.. നമുക്കോസ്പ്പിറ്റലിൽ പോണോ…”
പേടിയോടെ അവളെന്നെ നോക്കി…പകരം ഞാനൊരു വാടിയ ചിരിയവൾക്ക് കൊടുത്തു…പതിവ് വോൾടേജ് എന്റെ ചിരിയിൽ കാണാതിരുന്നവൾ ചിലപ്പോ നിന്ന നിൽപ്പിൽ അറ്റാക്ക് വന്നു വീഴുമെന്ന് വരെ ഞാൻ പേടിച്ചുപോയി.. അതുപോലെയായിരുന്നു അവളുടെ മുഖഭാവം.. ഒരുമാതിരി ചെകുത്താനെ മുൻപിൽ കണ്ടത് പോലെ…മുഖത്തെ രക്തവർണ്ണമെല്ലാം നഷ്ടമായി കണ്ണുകൾ നിറയാൻ തുടങ്ങി…കൂടുതലൊന്നും പറയാനോ ചിന്തിക്കാനോ നിൽക്കാതെ ഞാനവളുടെ കൈ പിടിച്ചു വലിച്ചു…ആകെ വശം കെട്ടു നിന്നതിനാലാണെന്ന് തോന്നുന്നവൾ അലച്ചു തല്ലി വീഴുന്നത് പോലെന്റെ നെഞ്ചിലേക്ക് വന്നു വീണു
“ആദി…!!!
എന്താണ് സംഭവിക്കുന്നതെന്ന് മനസിലാവാതെ ഒരുതരം പേടിയോടെ അവളെന്നെ നോക്കി വിളിച്ചു…ഒട്ടും താമസിച്ചില്ല പേടിയാൽ വിറക്കുന്നു അവളുടെ കീഴ്ച്ചുണ്ടിനെ ഒരു തവണ ഞാൻ മൃദുവായി ചപ്പിയെടുത്തു…….. അതിലൊന്ന് ഞെട്ടിയ അവൾ കണ്ണുമിഴിച്ചെന്നെ നോക്കി…. പകരമൊരു രാജ്യം വെട്ടിക്കീഴ്പെടുത്തിയ യുവരാജാവിന്റെ ഭാവത്തിൽ ഞാനവളുടെ ചുണ്ടിൽ മെല്ലെയൊന്ന് മുത്തി….
“ഹ്മ്മ്…ഇപ്പൊ കൊഴപ്പമില്ല…. “
ഞാനൊന്ന് ചുണ്ടു കടിച്ചുകൊണ്ടവളെ നോക്കി…പാവം ഇപ്പോളും ഒന്നും മനസിലാവാതെ ഞെട്ടിത്തരിച്ചെന്റെ മടിയിൽ കിടക്കുവാണ്….. ഇപ്പൊത്തന്നെ അവളുടെ ബ്രെയിൻ എന്താണ് സംഭവിച്ചതെന്ന് കണ്ടെത്തി ചാരിവിനോട് പറഞ്ഞു കൊടുക്കുമെന്ന് എനിക്ക് അറിയാം..പിന്നെ അതൊരു ദേഷ്യമായി മാറും.. ഭാഗ്യം ഉണ്ടെങ്കിൽ അവളീ കിടന്ന കിടപ്പിലെന്റെ ചെവിക്കല്ലിളക്കി മാറ്റിയെന്നും വരും…എന്റെ തന്നെയായാൽ അതിനെയെല്ലാം നേരിടാനെന്നവണ്ണം ഞങ്ങളുടെ മുഖത്തേക്ക് നോക്കി ഇരുന്നു…..
പക്ഷെ…പക്ഷെ എന്റെ കണക്കു കൂട്ടലുകൾ എല്ലാം തെറ്റിയോ….. അവളുടെ കവിളിലേക്ക് ഇരച്ചു കയറി വരുന്ന ചുവപ്പ് രാശി കണ്ടതും കുറുകിയ കണ്ണുകളുമായി ഞാനവളെ നോക്കി…. പൊടുന്നനെ അവളുടെ ചുണ്ടുകളിലൊരു നാണം നിറഞ്ഞ ചിരിയോടെ എന്റെ നെഞ്ചിലേക്ക് ചാരു മുഖം പൂഴ്ത്തി കിടന്നു…
“ഏഹ്.. ചാരു.. ഡി…നീയെന്നെ തല്ലുന്നില്ലേ…ചീത്ത വിളികുന്നില്ലേ…?
ഞെട്ടിപണ്ടാരമടങ്ങി നിന്ന ഞാനവളുടെ ഈ പ്രത്യേക ഭാവങ്ങൾ കണ്ടറിയാതെ തന്നെ ചോദിച്ചു പോയി….
“ഞാൻ എന്തിനാ തല്ലുന്നേ…ന്തിനാ നിന്നെ ചീത്ത പറയുന്നേ…?
ഞാൻ ചോദിച്ച അതേ ചോദ്യങ്ങൾ അതുപോലെ തന്നവൾ തിരിച്ചു ചോദിച്ചു…ഇരു ശരീരങ്ങളുടെയും ചൂടും മൃതുലതയും പരസ്പരം കൈമാറാൻ തുടങ്ങിയതും പാതിയടഞ്ഞ കണ്ണുകളുമായി ചാരുവൊരല്പം ഉയർന്നു പൊങ്ങിയെന്റെ ചുണ്ടിലൊരുമ്മ തന്നു…ഏറിപോയാൽ ഒന്നോ രണ്ടോ സെക്കൻടുകൾ മാത്രം ദീർഘമേറിയ ചുംബനമായിരുന്നെങ്കിൽ പോലും അതിനുമൊരു സുഗമുണ്ടായിരുന്നു……തണുത്ത കാറ്റൊരല്പം കൂടി വീശിയടിച്ചതോടെ ചാരു വീണ്ടുമെന്നോടെ ഒട്ടിച്ചേർന്നിരുന്നു….