“അയോ,, ഏട്ടാ .വല്ലതും പറ്റിയൊ .. “
അവൾ അതും പറഞ്ഞ് കൊണ്ട് എന്റെ തലയിൽ ഒക്കെ കൈകൊണ്ട്
പരതി നോക്കി ,
ആകെ പേടിച്ച അവസ്ഥ ആയിരുന്നു അവളുടെത് .
” ഞാൻ കാരണമാ ഏട്ടന്നു ,,, ഞാൻ അങ്ങനെ ചെയ്യരുതായിരുന്നു “
എനിക്ക് എന്തെങ്കിലും പറ്റിയോ എന്നറിയാനുള്ള തിരിച്ചിലിനിടയിലും അവൾ ഇങ്ങനെ പിറുപിറുത്തു കൊണ്ടിരുന്നു ,ഒപ്പം അവളുടെ കണ്ണുകൾ വീണ്ടും നിറയാനും ,
” ദേ ഇവിടെ ഒരു കല്ലച്ച പാട് “
അവൾ എന്റെ തലയിൽ ഒരു ഭാഗത്ത് ചെറിയ കല്ലച്ച പാട് കണ്ടു പിടിച്ചു കൊണ്ട് പറഞ്ഞു,
“ഇവിടെ വേദന ഉണ്ടൊ അജിയേട്ടാ ,”
അവൾ ആ പാടിൽ ഞെക്കി കൊണ്ട് ചോദിച്ചു ,
” ആഹ്,,,,, “
അവളു ടെ ആ ഞെക്കലിൽ എന്റെ വായിൽ നിന്ന് അറിയാതെ തന്നെ ശബ്ദം പുറത്തു വന്നു ,
“വേദനിച്ചോ ,, “
അവൾ എന്റെ മുഖത്ത് നോക്കി കൊണ്ട് ചോദിച്ചു ,
” തള്ളി ഇട്ടതും പോരാ പിന്നെം ഞെക്കി വേദനിപ്പിക്കുന്നോ ,”
ഞാൻ ചെറു ദേഷ്യത്തോടെ പറഞ്ഞു ,
” അതു അജിയേട്ടൻ അങ്ങനെ ചേയ്തോണ്ടല്ലെ “
അവൾ വീണ്ടും കണ്ണീർ ഒഴുക്കാൻ തുടങ്ങി ,
“ഓ ഈ ചുണ്ടിൽ മുത്തിയതൊ ,”
ഞാൻ ചോദിച്ചു ,
” ഉം “
“അതിനാണൊ എന്നെ തള്ളി ഇട്ടത് ,അതെ ഇനി മുതൽ ഇതോക്കെ എന്റെ കൂടിയാ തോന്നുമ്പോഴോക്കെ ഞാൻ ഇങ്ങനെ ചെയ്യും ,, “
ഞാൻ പറഞ്ഞു ,
“അജിയേട്ടാ സോറി ഞാൻ അറിയാതെ പെട്ടെന്ന് അജിയേട്ടൻ അങ്ങനെ ചെയ്തപ്പോൾ… സോറി അജിയേട്ടാ “
അവൾ അതും പറഞ്ഞ് വിണ്ടും വിതുമ്പാൻ തുടങ്ങി ,
“എന്റെ ലെച്ചു കുട്ടി ഒന്നു കരായാതിരിക്കൊ ,നിനക്ക് ഇഷ്ടം അല്ലാത്തത് ഒന്നും ഞാൻ ചേയ്യില്ല,.. പിന്നെ നീ അമ്മയുടെ കഥ പറഞ്ഞ് സെന്റി ആയപ്പോ ഞാൻ നിന്റെ മൂഡു മാറ്റൻ വേണ്ടി ചേയ്തതാ അതു ഇത്രയും വലിയ വേദന തരും എന്ന് ഞാൻ വിച്ചാരിച്ചില്ല “
ഞാൻ തലയിൽ കൈ വെച്ചു കൊണ്ട് അവളുടെ തോളിൽ തല ചായ്ച്ച് വെച്ച് ഞാൻ അവളോട് പറഞ്ഞു ,
“ഓ പിന്നെ ഇനി അതു പറഞ്ഞാ മതി എന്റെ മൂഡു ശരിയാക്കാൻ ആണെന് “
അവൾ പറഞ്ഞു,
“ഹും ,എന്താ അങ്ങനെ അല്ലെ ..”
” ഉം അതെ അതെ “
അവൾ കള്ളചിരിയോടെ പറഞ്ഞു ,
ഞാൻ അവളുടെ തോളിൽ തല ചായ്ച്ച് കുറച്ചു നേരം ഇരുന്നു ,
” ഇപ്പോ വേദന ഉണ്ടോ ഏട്ടാ,, “
” കുഴപ്പം ഒന്നും ഇല്ലടി കുറച്ചു നേരം ഇരിക്കട്ടെ തലക്ക് എന്തൊ മരവിപ്പ് “
” ഞാൻ ഓയിൽമെന്റ് എടുത്തിട്ട് വരാം “
“ഇപ്പോ വേണ്ട ടി ,കുറച്ചു നേരം ഞാൻ എന്റെ മോളുടെ തോളിൽ തല വച്ച് ഇരിക്കട്ടെ നല്ല രസം “
“മം മം”
ഞാൻ അങ്ങനെ ഇരുന്നു.
” ഇഷ്ടം ആണെന്ന് പറഞ്ഞ ദിവസം തന്നെ ഇങ്ങനെ ആണെങ്കിൽ കല്യാണം കഴിഞ്ഞാൽ എന്താകുമോ ഇശ്വരാ.. “
അവൾ പിറുപിറുത്തു ,,
” എന്താ പറഞ്ഞത് “
അവൾ പറഞ്ഞത് ക്ലിയർ ആകാത്ത കാരണം ഞാൻ ചോദിച്ചു ,
” ഒന്നുമില്ലാ എന്റെ പൊന്നെ ,ഞാൻ ദൈവത്തോട് പറഞ്ഞതാ ,ഈ മനുഷ്യന്റെ ഒപ്പം ജീവിതകാലം മുഴുവൻ എങ്ങനെ കഴിയും ഒന്നോർത്ത് നോക്കിയതാ, “
”അല്ലാ എനിക്ക് എന്താ കുഴപ്പം?”
ഞാൻ അവളോട് ചോദിച്ചു ,,
” ഒന്നും ഇല്ലയ് ,, “
“എന്താടി എനിക്ക് കുഴപ്പം പറയെടി ‘
.”
ഞാൻ വിണ്ടും ചോദിച്ചു,
” അത് നേരത്തെ എന്നോട് ചെയ്തില്ലെ, “
അവൾ അവളുടെ ചുണ്ടിലേക്ക് കൈ ചുണ്ടി കൊണ്ട് പറഞ്ഞു ,
“ഓ അതൊ,. നിന്റെ ഈ പനിനീർ ചുണ്ടുകൾ കണ്ടപ്പോ ഒരു മോഹം തോന്നി അതാ ഞാൻ പെട്ടെന്ന് അങ്ങനെ ചെയ്തത് നിനക്ക് ഇഷ്ടം ആയിലെങ്കിൽ ഞാൻ നിന്നോട് ക്ഷമ ചോദിക്കുന്നു ,ഇനി ഞാൻ നിന്നോട് ഇങ്ങനെ പെരുമാറില്ല ,.. “
ഞാൻ പിണക്കം നടിച്ചു കൊണ്ട് പറഞ്ഞു അവളുടെ തോളിൽ നിന്ന് തല മാറ്റി നേരെ ഇരുന്നു ,
” എയ് അജിയേട്ടാ അപ്പോഴേക്കും പിണങ്ങിയൊ “
അവൾ എന്റെ താടിയിൽ പിടിച്ച് കൊണ്ട് ചോദിച്ചു ,
ഞാൻ ഒന്നും മിണ്ടിയില്ല ,
“എന്റെ പൊന്നെ ഞാൻ വെറുതെ പറഞ്ഞതാ ,സുഖായാലും ദുഖം ആയാലും നമുക്ക് ഒരുമിച്ച് ജീവിക്കാം അജിയേട്ടാ, എന്നോട് ഇങ്ങനെ പിണങ്ങല്ലെ ഏട്ടാ”
അവൾ പറഞ്ഞു ,
“അല്ലാ ഇപ്പോ ഞാൻ പിണങ്ങിയത് ആയി കുറ്റം നിനക്ക് ഇങ്ങനെ ഇടക്ക് ഇടക്ക് കരയാം എനിക്ക് ഒന്നു പിണങ്ങാൻ പറ്റില്ലല്ലെ ,ഇനി ഇങ്ങനെ എന്റെ മുൻപിൽ ഇരുന്ന് മോങ്ങിയാൽ ഞാൻ പിന്നെ ഒരിക്കലും മിണ്ടില്ല ,,, “