“മോനെ.. നിന്റെ ഈ സോപ്പിംഗ് ഒകെ എന്തിനാണെന്ന് എനിക്കറിയാം.”
അവൻ ഒരു കുസൃതി ചിരിയോടെ ചോദിച്ചു.
“എന്തിനാ?”
“അവളോട് ഞാൻ എന്താ സംസാരിച്ചത് എന്നറിയാനല്ലേ?”
“ശോ.. എന്റെ മനസ് എന്താന്നെന്നു നിനക്കറിയാല്ലോടി”
“ഞാൻ ഇന്നും ഇന്നലെയും അല്ലല്ലോ നിന്നെ കണ്ടു തുടങ്ങിയത്.”
“എന്നാപ്പിന്നെ നിനക്കിങ് പറഞ്ഞു തന്നുടെ എന്താ നിങ്ങൾ സംസാരിച്ചതെന്ന്?”
“ഞാൻ അതിപ്പോൾ പറഞ്ഞു തരുമെന്ന് മോൻ വിചാരിക്കുകയെ വേണ്ട. എനിക്ക് നല്ല ഉറക്കം വരുന്നുണ്ട്, ഞാൻ ഒന്ന് പോയി കിടക്കട്ടെ.”
“എന്തുവാ രെച്ചു ഇതു,”
“ഒരു ഇതും ഇല്ല, ഞാൻ ശ്രദ്ധിക്കുന്നുണ്ടായിരുന്നു നിന്നെ, എന്തുവായിരുന്നു അവളെയും വാ പൊളിച്ചു കൊണ്ടുള്ള നിന്റെ നിൽപ്പ്.”
അവൻ ഒരു ചമ്മിയ ചിരി ചിരിച്ചു കൊണ്ട് പറഞ്ഞു.
“ഡീ.. എനിക്ക് ആ കൊച്ചിനെ അത്രക്കങ്ങു ഇഷ്ട്ടപെട്ടു പോയി, ശിൽപയെ കാണുമ്പോൾ പോലും ഇല്ലാതിരുന്ന ഒരു ഫീലിംഗ് ആണ് എനിക്ക് അവളെ കാണുമ്പോൾ തോന്നുന്നത്.”
“എന്ത് ഫീലിംഗ് ആയാലും ഞാൻ നാളെ എന്താ അവളോട് സംസാരിച്ചതെന്ന് പറഞ്ഞു തരു, എന്തായാലും എത്രയും നേരം നീ വെയിറ്റ് ചെയ്തില്ലേ, അപ്പോൾ നാളെ രാവിലെ വരെ കൂടി വെയിറ്റ് ചെയ്യ്.”
എത്രയും പറഞ്ഞു അവൾ അവിടെ നിന്നും എഴുന്നേറ്റു റൂമിലേക്ക് പോയി, ഇനി അവിടെ നിന്നിട്ടു കാര്യം ഇല്ലെന്നു മനസിലായ കാർത്തിക് വീട്ടിലേക്കു നടന്നു, വല്ലാത്ത വാശിക്കാരി ആണ് രേഷ്മ എന്ന് അവനു നന്നായി അറിയാം
റൂമിലെത്തി ഒരുപാട് നേരം കിടന്നിട്ടും അവനു ഉറക്കമേ വരുന്നില്ലായിരുന്നു, കണ്ണടക്കുമ്പോഴൊക്കെ ആ കുട്ടിയുടെ മുഖം മാത്രമാണ് മനസ്സിൽ വരുന്നത്അവളുടെ ചിരി മനസ്സിൽ നിന്നും മായുന്നേ ഇല്ല. കട്ടിലിൽ തിരിഞ്ഞും മറിഞ്ഞും കിടന്നു എപ്പോഴാണ് ഉറങ്ങിയതെന്നു അവനറിയില്ല.
രാവിലെ ‘അമ്മ ചായ കൊണ്ട് വന്നു തട്ടി വിളിക്കുമ്പോഴാണ് അവൻ എഴുന്നേൽക്കുന്നത്, എഴുന്നേറ്റ അവൻ ചായ ഒന്നും കുടിക്കാൻ നിന്നില്ല. നേരെ രേഷ്മയുടെ വീട്ടിലേക്കു പോയി, ഫ്രണ്ട് ഡോർ തുറന്നു കിടപ്പുണ്ടായിരുന്നു, അവൻ നേരെ രേഷ്മയുടെ മുറിയിലേക്ക് നടന്നു, വാതിൽ അടച്ചേക്കുവായിരുന്നു, അവൾ ഡോർ കുറ്റിയിട്ടു കിടക്കില്ലെന്നു അവനറിയാം, അവൻ ഡോർ തുറന്നു അകത്തു കയറി. രാത്രി മൂടി പുതച്ചിരുന്ന പുതപ്പാണെന്നു തോന്നുന്നു, കട്ടിലിന്റെ താഴെ കിടക്കുന്നു, അതൊന്നും അറിയാതെ നല്ല ഉറക്കത്തിൽ ആയിരുന്നു അവൾ, ഇന്നലെ ഫങ്ക്ഷന് ഇട്ടിരുന്ന ലാച്ച തന്നെയായിരുന്നു അവൾ ഇട്ടിരുന്നെ, ഡ്രസ്സ് പോലും മാറാതെ ആണ് കയറി കിടന്നുറങ്ങിയേ.
അവൻ അവളുടെ അടുത്തിരുന്നിട്ടു ടേബിളിൽ കുടിക്കാൻ വച്ചിരുന്ന വെള്ളം കൈയിൽ ഒഴിച്ച് ആ കൈ കൊണ്ട് അവളുടെ മുഖത്ത് തുടച്ചു.
അവൾ പെട്ടെന്ന് ഞെട്ടി എഴുന്നേറ്റു, അവനെ ഒന്ന് നോക്കിയാ ശേഷം അവന്റെ തോളിൽ ഒരു എടി ഇടിച്ചു കൊണ്ട് പറഞ്ഞു.
“മനുഷ്യനെ ഉറങ്ങാനും സമ്മതിക്കില്ലെടാ?”
“ആഹാ, എന്റെ ഉറക്കം അപ്പോൾ നീ കളഞ്ഞതോ?”
അവൾ അവനെ തുറിച്ചു നോക്കി കൊണ്ട് ചോദിച്ചു
“ഞാൻ നിന്റെ ഉറക്കം എങ്ങനെ കളഞ്ഞെന്ന്?”
“ഇന്നലെ ആ കൊച്ചിനോട് സംസാരിച്ചത് എന്താന്ന് ചോദിച്ചിട്ടു നീ എനിക്ക് പറഞ്ഞു തന്നോ?”
“ഓഹ്‌, അതാണോ കാര്യം, അതറിയാനാണോ നീ രാവിലെ എഴുന്നേറ്റിങ്‌ പൊന്നെ.”
അവൾ കട്ടിലിൽ നിന്നും എഴുന്നേറ്റു റൂമിനോട് ചേർന്നുള്ള ബാത്‌റൂമിൽ കയറി മുഖം കഴുകി ഇറങ്ങി.
“വാ. പറഞ്ഞു തരാം.”
അവൾ അടുക്കളയിലേക്കു നടന്നു, അവനും അവളുടെ പിറകെ നടന്നു.
“അവളുടെ പേര് അശ്വതി എന്നാ.”
അവൻ പതുക്കെ ഒന്ന് പറഞ്ഞു.
“അശ്വതി..”
“ഫാമിലിയോടെ അവരെല്ലാം ഗൾഫിൽ ആയിരുന്നു. നാട്ടിൽ വന്നിട്ട് എപ്പോൾ ഒരു മാസം ആകുന്നു, ഇനി തിരിച്ചു പോകുന്നില്ല.”
“ഓഹ്‌, അപ്പോൾ നിന്റെ അച്ഛന്റെ ഗൾഫിലെ ഫ്രണ്ട് ആണല്ലേ അവളുടെ അച്ഛൻ.”
“മ്മ്മ്. അതെ.”
“എന്തായാലും അവൾ തിരിച്ചിനി ഗൾഫിലേക്ക് പോകുന്നില്ലല്ലോ, ആശ്വാസം ആയി.”
“അങ്ങനെ ആശ്വസിക്കാൻ വരട്ടെ.”
“എന്താടി?”
“അവൾക്കു ഒരു ചേട്ടൻ ഉണ്ട്, പിറകെ പോയാൽ അടി ഇങ്ങു വീട്ടിലെത്തും.”
“ഓഹ്‌, അതൊരു കുരിശിലോടി,”
“പേടിക്കണ്ടടാ, അടി പതുക്കെ ഇങ്ങെത്തു, പുള്ളിക്കാരൻ അവരുടെ ബിസിനസ് ഒകെ നോക്കി ഗൾഫിലാണ് എപ്പോൾ.”
അവൻ ചിരിച്ചു കൊണ്ട് പറഞ്ഞു
“അത് നന്നായി”
“നീ കോളേജ് പോകാൻ റെഡി ആകു, അച്ഛന് ചായ ഇട്ടു കൊടുത്തിട്ടു ഞാനും റെഡി ആകട്ടെ .”
കാർത്തിക് പോയി കുളിച്ചു ഒരുങ്ങി വന്നപ്പോഴേക്കും രേഷ്മയും അങ്ങെത്തി.
ബൈക്കിൽ അവനോടു ഓരോന്ന് പറഞ്ഞു പോകുമ്പോഴാണ് അവൾ കോളേജിലേക്കുള്ള വഴി മാറിയത് ശ്രദ്ധിച്ചത്.
“ഡാ, നീ ഇതു ഇവിടെ പോവുകയാ?”
“ക്ഷേത്രം വരെ ഒന്ന് പോയിട്ട് കോളേജ് പോകാടി.”
അവൾ അതിശയത്തോടെ ചോദിച്ചു.
“അപ്പോൾ നിന്റെ ദൈവത്തോടുള്ള പിണക്കം ഒകെ മാറിയോ?”
“ഇന്നലെ അശ്വതി വീട്ടിൽ നിന്നും പോകുംന്നേരം എനിക്കൊരു പുഞ്ചിരി തന്നു. അതോടെ ഞാനും ദൈവവും ആയുള്ള പിണക്കമൊക്കെ തീർന്നു.”
“നീ അത്രക് സീരിയസ് ആണോ അവളുടെ കാര്യത്തിൽ?”
“അതെ”
“അപ്പോൾ എനിക്ക് അവളെ ഇഷ്ട്ടപെട്ടില്ലെങ്കിലും നീ അവളെ സ്നേഹിക്കുമോ?”
അവൻ പെട്ടെന്ന് ബൈക്ക് റോഡ് സൈഡ് ചേർത്ത് നിർത്തി. എന്നിട്ടു ചോദിച്ചു
“എന്താ രെച്ചു, നിനക്കവളെ ഇഷ്ട്ടപെട്ടില്ലേ?”
ഒന്നാലോചിച്ചു കൊണ്ട് അവൾ പറഞ്ഞു.
“ഇഷ്ട്ടപെട്ടൊന്ന് ചോദിച്ചാൽ.. കാണാൻ സുന്ദരി ആണ് സംസാരിച്ചിട്ട് ഒരു പാവം ആണെന്നൊക്കെ തോന്നുന്നു.”
“പിന്നെന്തടി പ്രോബ്ലം?”
“ഒരു തമാശക്ക് നീ അവളെ നോക്കുന്നു എന്നാ ഞാൻ കരുതിയിരുന്നെ. ഇതിപ്പോൾ നിന്റെ ലൈഫ് ആണ്, എനിക്ക് ഒന്ന് ആലോചിക്കാതെ പറയാൻ പറ്റില്ലടാ.”
അവൻ കുറച്ചു നേരം ഒന്നും മിണ്ടാതിരുന്നു, എന്നിട്ടു പറഞ്ഞു.
“നീ ആലോചിച്ചു പറഞ്ഞാൽ മതി.”
അവൻ ബൈക്ക് അവിടെ നിന്നും തിരിച്ചു.
“എന്താ നീ ക്ഷേത്രത്തിൽ പോകുന്നില്ലേ?”
“ഇല്ലാടി, നിന്റെ മറുപടി അറിഞ്ഞിട്ടു തീരുമാനിക്കാം ക്ഷേത്രത്തിൽ പോകണമോ വേണ്ടയോ എന്ന്.”
“മ്മ്മ്””
കുറച്ചു നേരത്തെ നിശബ്തതക്കു ശേഷം അവൾ വീണ്ടും ചോദിച്ചു.
“ഈ ബന്ധം വേണ്ട എന്നാണ് ഞാൻ പറയുന്നതെങ്കിലോ?”
“നിനക്ക് ഇഷ്ടമില്ലാത്തത് എന്തെങ്കിലും ഞാൻ ഇതുവരെ ചെയ്തിട്ടുണ്ടോ?”
പിന്നെ അവർ കോളേജ് എത്തുന്നവരെയും ഒന്നും സംസാരിച്ചില്ല.
ക്ലാസ്സിൽ കയറി അവൻ ആരോടും ഒന്നും മിണ്ടാതെ സീറ്റ് പോയിരുന്നു, ലഞ്ച് ബ്രേക്ക് വരെ ടീച്ചേർസ് പഠിപ്പിച്ചതൊന്നും അവന്റെ മനസ്സിൽ കയറിയാതെ ഇല്ല, രേഷ്മ എന്താകും പറയുക എന്ന് മാത്രമായിരുന്നു അവന്റെ ചിന്ത. ഇന്നിനി ക്ലാസ്സിൽ ഇരിന്നിട്ടും ഉപയോഗമില്ല എന്ന് തോന്നിയ അവൻ ബ്രേക് ടൈം രേഷ്മയുടെ അടുത്ത് പോയി ക്ലാസ് കഴിഞ്ഞു ബസ്സിൽ അങ്ങ് വീട്ടിൽ വാ, ക്ലാസ്സിൽ ഇരിക്കാനില്ല മൂഡില്ല എന്നും പറഞ്ഞു അവിടെ നിന്നും ഇറങ്ങി. അവന്റെ മനസ്സിൽ എന്താന്ന് അറിയാവുന്നതു കൊണ്ട് അവളും എതിർത്ത് ഒന്നും പറഞ്ഞില്ല.
