അവളുടെ മറുപടി ദഹിക്കാത്ത ഞാൻ ഇത്തവണ പതിവ് കലിപ്പ് പുറത്തെടുത്തു…
” പിന്നെ ഞാനെന്താ പറയണ്ടേ…ഇന്നലേ പോയ വഴിയെല്ലെങ്കി ഞാൻ ആദ്യമേ പറയില്ലേ…ഇങ്ങനൊരു മണ്ടൻ… ”
അവള് പുറകീന്ന് പതിവ് ആക്കിചിരിയോടെ പറഞ്ഞു….അത് കേട്ടതും എനിക്ക് വിറഞ്ഞ് കേറി….മൈരിനെ എടുത്ത് ഭിത്തിയിൽ അടിക്കണം…പക്ഷെ അവസ്ഥ മറ്റൊന്നായി പോയി….
” ഡി പുല്ലേ… എനി വായി തോന്നുന്നത് വിളിച്ചാ ഞാൻ വല്ല ലോറിയുടെ എടയിലേക്കും ചെന്ന് കൊണ്ടോയി കേറ്റികൊടുക്കും…പറഞ്ഞേക്കാം ”
അവളുടെ മണ്ടൻ വിളി തീരെ ദഹിക്കാത്ത ഞാൻ കണ്ണാടിയിലൂടെ അവളെ നോക്കി ചീറി…
” അപ്പൊ നീയും ചാവുമല്ലോ… എന്നാ പിന്നെ അങ്ങനായിക്കോട്ടേ… ”
അവളും വിട്ടു തന്നില്ല…
” ഞാൻ ഹെൽമെറ്റ് ഇട്ടിട്ടുണ്ട് അതോണ്ട് കഷ്ടിച്ച് ചെലപ്പൊ രക്ഷപെടും പുല്ലേ… പക്ഷെ നീ ചാവും…. ”
അവളോട് തോറ്റ് കൊടുക്കാൻ മനസ്സില്ലാത്ത ഞാൻ വായിൽ വന്ന പൊട്ടത്തരം വിളിച്ചു പറഞ്ഞു… അല്ലപിന്നെ ലോറിക്കടിയിൽ പെട്ടാ ഹെൽമെറ്റ് കൊണ്ട് എന്ത് കാര്യം…പക്ഷെ ലോക പാഴായത് കൊണ്ട് അവളത് വിശ്വസിച്ചൂന്ന് മിററിലൂടെ ഉള്ള പേടി കലങ്ങിയ അവളുടെ തിരുമോന്ത കണ്ടപ്പൊ എനിക്ക് മനസ്സിലായി…. അതോണ്ട് പിന്നെ ശല്ല്യം ഒന്നും ഉണ്ടായിരുന്നില്ല…
” ഡാ പൊട്ടകണ്ണാ…അല്ല ഡ്രൈവർ…ഒന്ന് വണ്ടി നിർത്ത്… ”
കുറച്ച് മുന്നോട്ടൊരു പാലത്തിന്റെ അടുത്തെത്തിയപ്പൊ അവള് പൊറകീന്ന് വിളിച്ചു
” പൊട്ടകണ്ണൻ നിന്റെ തന്ത….ഡ്രൈവറ് നിന്റെ തന്തേട തന്ത…ഈ രണ്ട് മലരന്മാര് കാരണാ നിന്നെ പോലുള്ള സാധനങ്ങൾ ഭൂമിയിൽ ഉണ്ടായത്… ”
അവളുടെ വിളികേട്ട് സഹിക്കവയ്യാതെ ഞാൻ ചീറി…മൈരിനെത്ര പറഞ്ഞാലും മനസ്സിലാവില്ല…ഇതിനെ ഒക്കെ ഒരു ഫ്രീ വിസ കൊടുത്ത് അങ്ങ് മേപ്പോട്ടെടുത്തൂടെ എൻ്റെ ദൈവമേ….ഇനി പൈസ തന്നാലേ കൊണ്ടോവൂന്നാണേൽ ഞാൻ തരാം…ഒന്നീ പാവത്തിന്റെ വിളി കേൾക്ക്…മനസ്സിൽ അതും ആലോചിച്ച് ഞാൻ വണ്ടി നിർത്തി…
” എന്താടി…. ”
വണ്ടി നിർത്തിയതും ചാടി എറങ്ങിയ അവളെ നോക്കി ഞാൻ കടുപ്പത്തിൽ ചോദിച്ചു
” എനിക്കൊരു ഐസ്ക്രീം വാങ്ങണം…ഇപ്പൊ വരാം…. ”
അവള് തൊട്ടടുത്തുള്ള ഒരു ഐസ്ക്രീം ഷോപ്പ് ചൂണ്ടിക്കാണിച്ച് തിരിഞ്ഞു നടന്നുകൊണ്ട് പറഞ്ഞു
” പഫാ….ഞാനാരാടി നിന്റെ തന്തയോ…അതോ നിന്റെ മറ്റവനോ…നീ പറയുന്നത് കേട്ട് തുള്ളാൻ… ഞാൻ പോവ്വാ…നീ നടന്ന് പോയിക്കോ… ”
അവളുടെ ആവിശ്യം കേട്ടതും തീ കേറിയ ദേഷ്യത്തോടെ ഞാൻ അതും പറഞ്ഞ് വണ്ടി സ്റ്റാർട്ട് ചെയ്തു
” ഹാ എന്നാ പൊക്കോ… പക്ഷെ മോൻ വീട്ടിൽ എത്തുനത്തിന് മുന്നേ ഒരു വീഡിയോ അമ്മയ്ക്ക് എത്തും…ഇവിടൊക്കെ 4G ആണേ… ”
എൻ്റെ മറുപടി കേട്ടതും തിരിഞ്ഞു നടക്കുന്ന അവൾ എന്നെ നോക്കാതെ തന്നെ വിളിച്ചു പറഞ്ഞു…
പെട്ടു…മൈരിൻ്റെ സ്ഥിരം ഭീഷണി….
അവൾടെ തന്തേടെ 4G… ഈ മൈരത്തി കാരണം ഈയുള്ളവൻ്റ ജീവിതം 3G….ഇവിടെ ഇട്ടിട്ട് പോയാലോ…അല്ലേ വേണ്ട… കുറച്ചു മുന്നേ ആയിരുന്നേൽ ടൗൺ ആയതുകൊണ്ട് വല്ല വണ്ടിയും പിടിച്ച് വീട്ടിലേക്ക് പോകുമായിരുന്നു…ഇതിപ്പൊ വണ്ടി ഒന്നും കിട്ടാത്ത കലിപ്പിൽ മൈരത്തി വേണേൽ പറഞ്ഞത് പോലെ ചെയ്യും….അത് പണിയാവും….ഹോ എന്തൊരു മൂഞ്ചിയ അവസ്ഥയാന്ന് നോക്കണേ…പന്നീടെ മോളെ കൊല്ലാൻ തോന്നുന്നുണ്ട്….
അവള് കേറിയ നേരെ ആ പാലത്തിന്ന് വണ്ടി ഇടിച്ച് പൊഴയിലേക്ക് വിട്ടതിനെ അങ്ങ് കൊന്നാലോ…?? അല്ലേ വേണ്ട വെറുതേ എന്തിനാ.. നല്ല ആഴം കാണാം ചെലപ്പൊ ഞാനും പടമാവും…പോരാത്തേന് പിറ്റേന്ന് പത്രത്തിൽ ഫോട്ടോസും വാർത്തയും വരും…അതിൻ്റൊപ്പം നാട്ടിലെ കുടുംബശ്രീ ചേച്ചിമാരുടേം എഴുപതുകളിലെ വസന്തങ്ങളുടേം വക കഥകളും എത്തും… എല്ലാം മറന്ന് സ്വപ്നം കണ്ട് യാത്ര ചെയ്യ്ത കമിതാക്കൾ നിയന്ത്രണം തെറ്റി പാലത്തീന്ന് പുഴയിലേക്ക് വീണ് വടിയായീന്ന്….അതാണല്ലോ നമ്മുടെ സമൂഹം….ഈ ശവത്തിൻ്റൊപ്പം അങ്ങനെയൊരു വാർത്തയോടെ വടിയാവുന്നതിനു പകരം വല്ല തേങ്ങയും തലയിൽ വീണ് ചാവുന്നതാ അന്തസ്സ്….
” അതേ…കിനവ് കണ്ടത് മതി…. പോകാം… ”
ഓരോന്ന് ആലോചിച്ചിരുന്ന ഞാൻ അവളുടെ വിളികേട്ടാണ് ചിന്തയിൽ നിന്ന് തിരിച്ചെത്തിയത്… നോക്കുമ്പൊ സാധനവും വാങ്ങി തമ്പുരാട്ടി തിരിച്ചെത്തിട്ടുണ്ട്… കയ്യിലൊരു കവറൊക്കെ കണ്ടു.. വീട്ടി പോയി ഞണ്ണാൻ ആയിരിക്കും….ശവം….ഞാൻ മനസ്സിൽ ഓർത്ത് വണ്ടി സ്റ്റാർട്ട് ചെയ്തു… അതോടെ അവള് പിന്നാലെ കയറുകയും ചെയ്യ്തു.. പിന്നൊന്നും പറയാൻ നിൽക്കാതെ വേഗം വണ്ടി മുന്നോട്ടെടുത്തു… പത്തുമിനിറ്റ് യാത്രയ്ക്ക് ശേഷം അന്നത്തേ ഇടവഴിയിൽ എത്തി വണ്ടി നിർത്തി…
” എത്തിയല്ലോ…അപ്പൊ ശരി…മേലാൽ എനി എൻ്റെ നെഞ്ചത്തോട്ട് കയറാൻ വരരുത്… ”
വണ്ടീന്നിറങ്ങിയ അവളെ നോക്കി ഞാൻ പറഞ്ഞു…
” മ്മ്….. പരിഗണിക്കാം…. ”
പതിവ് ചിരിയോടെ തന്നെ അവളെനിക്ക് മറുപടി തന്നു…അത് ഒരൊഴുക്കൻ മട്ടിൽ തള്ളി നീക്കി ഞാൻ വണ്ടി തിരിക്കാൻ തുടങ്ങി..
” അതേ ഒരു ചായ കുടിച്ചിട്ട് പോവാം… ”
തിരിച്ച് പോകാൻ തുടങ്ങിയ എന്നെ നോക്കി അവള് ചോദിച്ചു
” ഓ….വേണ്ടേ…അതില് വല്ല വിഷവും കലക്കി തരാനായിരിക്കും…. നിന്റെമറ്റവന് കൊണ്ടുപോയി കൊടുക്ക്…. ”
ഞാൻ അവളെ നോക്കി പുച്ഛത്തോടെ മറുപടി പറഞ്ഞു
” ഹേയ് ഇല്ല… വിഷത്തിനൊക്കെ എന്താ വില…ഞാൻ തൽക്കാലം ഒരു വിമ്മിൽ ഒതുക്കാം എന്ന് കരുതിയതാ…വേണ്ടെങ്കിൽ വേണ്ട…. ”
എന്റെ മറുപടി കേട്ടതും ഒരു കുസൃതി കലങ്ങിയ ചിരിയോടെ അവള് പറഞ്ഞു…അതിന് കടുപ്പത്തിലൊന്ന് നോക്കുക അല്ലാതെ ഞാൻ ഒന്നും പറഞ്ഞില്ല….മൈരത്തി ഐസ്ക്രീം തലമണ്ടയിൽ കേറി ചത്തുപോട്ടേന്ന് മനസിൽ പ്രാകാൻ മറന്നില്ല കേട്ടോ…. അത് എൻ്റെ ഒരു സമാധാനത്തിന്….ഏത് അങ്ങനയേലും ഞാനൊന്ന് ആശ്വസിക്കട്ടടേയ് ഈ മാരണത്തിൻ്റെ കൈയ്യീന്ന്….
തുടരും….
