” അളിയാ…” ഗിരി അതും പറഞ്ഞു അയാളുടെ അടുത്തേക്ക് ചെന്നു.
” അളിയാ… കുറെ നാളായല്ലോ..ഒരു വിവരവും ഇല്ലായിരുന്നല്ലോ?? ” അവർ പരസ്പരം കെട്ടിപിടിച്ചുകൊണ്ട് ചോദിച്ചു. കുറച്ച് കഴിഞ്ഞു അവർ എന്റെ നേരെ വന്നു.
” അഥിതി മാഡം….. ഇത് പപ്പു… ” ഞങൾ പരസ്പരം പുഞ്ചിരിച്ചു, തലകുലുക്കി.
എന്റെ സങ്കല്പത്തിൽ ഉണ്ടായിരുന്ന ആളേ അല്ലായിരുന്നു പപ്പു. എന്നേക്കാൾ ഒന്നുരണ്ടു ഇഞ്ചു ഉയരക്കൂടുതൽ ഉണ്ട്. വയർ കുറച്ച് ചാടിയിട്ടുണ്ട്. പക്ഷെ തടിയൻ എന്നൊന്നും വിളിക്കാൻ പറ്റില്ല. അത്യാവശ്യം മസിൽ ഒക്കെ ഉണ്ട്. പിന്നിൽ നിന്നും ലൈറ്റ് അടിക്കുന്ന കാരണം ഡീറ്റെയിൽസ് അധികം കിട്ടുന്നില്ല.
” കാർ ഇതാണോ? പപ്പു ചോദിച്ചു.
” ആ ” ഗിരി പറഞ്ഞു.
പപ്പു ഉടനെ പോയി വാൻ തിരിച്ചു എന്റെ കാറിന്റെ അടുത്തേക്കിട്ടു. ഗിരി ടോവിങ് കേബിൾ എടുത്ത് എന്റെ കാറിൽ കണക്ട് ചെയ്തു. ഗിരി വിസിൽ അടിച്ചപ്പോൾ പപ്പു വാൻ സ്റ്റാർട്ട് ചെയ്തു എന്റെ വണ്ടിയും വലിച്ചു റോഡിലേക്ക് കയറി.
” മാഡം എന്റെ കാറിലേക്ക് ഇരുന്നോ, നമുക്ക് അവന്റെ പിന്നാലെ പോകാം ” ഗിരി പറഞ്ഞു. ഞാനും ഗിരിയും കാറിൽ കയറി.
എന്റെ കാർ വലിച്ചുകൊണ്ടു പോകുന്ന പപ്പുവിന്റെ വണ്ടിയുടെ പിന്നാലെ, അയാളുടെ ഗാരേജിലേക്ക് യാത്ര തുടങ്ങി.
” ഗാരേജിലേക്ക് എത്ര ദൂരമുണ്ട്? ” ഞാൻ ചോദിച്ചു.
” ഏകദേശം 5 കിലോമീറ്റർ, നമ്മൾ ഇപ്പൊ അവിടെ എത്തും. ” ഗിരി റോഡിൽ നോക്കികൊണ്ട് തന്നെ പറഞ്ഞു.
വൈകാതെ ഞങൾ ഹൈവേയിൽ നിന്നും മാറി, ഇടവഴിയിലേക്ക് കയറി. ഒന്നുരണ്ടു ചെറിയ വീടുകളും, ഒരു പാടവും കടന്ന് ഞങ്ങൾ കുലുങ്ങി കുലുങ്ങി നീങ്ങിക്കൊണ്ടിരുന്നു. ഏകദേശം 20 മിനിറ്റ്കൊണ്ട് ഞങ്ങൾ പപ്പുവിന്റെ ഗാരേജിൽ എത്തി.
പപ്പുവിന്റെ വണ്ടിയുടെ പിന്നിലായി ഞങ്ങളും വണ്ടി നിർത്തി. എല്ലാവരും അവരവരുടെ വണ്ടിയിൽ നിന്നും താഴെ ഇറങ്ങി. പപ്പു പോയി ലൈറ്റ് ഓൺ ആക്കി. ചുറ്റും ലൈറ്റ് തെളിഞ്ഞപ്പോൾ ഞാൻ ആ സ്ഥലം മൊത്തത്തിൽ ഒന്ന് നോക്കി. ഗിരിയുടെ ഗരാജിന്റെ അത്രയും വലിപ്പം ഇതിനില്ല. ഗ്രാമപ്രദേശം ആയതിനാൽ അവിടെ വണ്ടികളും കുറവായിരുന്നു.
പപ്പു അകത്തു കയറി കസേരയും കൊണ്ടു വന്നു. ഞാൻ അതിൽ ഇരുന്നു, ഗിരിയും പപ്പുവും കൂടി കാർ താഴെ ഇറക്കി.
” ഇവിടെ ഇപ്പൊ മാഡത്തിന് കുടിക്കാൻ തരാൻ ഒന്നും തന്നെ ഇല്ലാ… കടകളെല്ലാം അടച്ചുകാണും…. കുഴപ്പമില്ലാലോ?? ” പപ്പു എനിക്ക് എതിരെ കസേരയിൽ ഇരുന്നുകൊണ്ട് ചോദിച്ചു. ഗിരി എന്റെ അടുത്തേക്ക് കസേര വലിച്ചിട്ടു, അതിൽ ഇരുന്നു.
ഗിരി വണ്ടിയുടെ പ്രശ്നങ്ങൾ എല്ലാം പപ്പുവിനോട് പറഞ്ഞു. അവർ അത് എങ്ങനെ ശരിയാക്കാം എന്നാ ചർച്ചയിൽ ആയിരുന്നു പിന്നെ, എന്റെ തലക്കകത്തു ഒന്നും തന്നെ കയറിയില്ല. ഞാൻ വെറുതെ അവിടെ ഇരുന്നു.
“വണ്ടി സ്റ്റാർട്ട് ആകുന്നുണ്ടോ?” കാറിന്റെ അടുത്തേക്ക് നടന്നുകൊണ്ട് പപ്പു ചോദിച്ചു.
” സ്റ്റാർട്ട് ആകുന്നുണ്ട് “.ഗിരി പപ്പുവിന്റെ പിന്നാലെ ചെന്ന് മറുപടി കൊടുത്തു.
” എന്നാൽ പിന്നെ ഗരാജിന്റെ അകത്തു കയറ്റി, ചെക്ക് ചെയ്യാം. ” പപ്പു കാറിന്റെ അകത്തു കയറി വണ്ടി സ്റ്റാർട്ട് ആക്കി.
ഗിരി കറക്റ്റ് ആയി സിഗ്നൽസ് കൊടുത്ത് വണ്ടി ഗരാജിന്റെ അകത്തേക്ക് എത്തിച്ചു.
പപ്പു ഉടനെ കാറിൽ നിന്നും പുറത്തിറങ്ങി,കാറിന്റെ അടിയിലേക്ക് കിടന്നു. ഗിരിയും അടിയിലേക്ക് നോക്കി കൊണ്ടിരുന്നു. ഒന്നുരണ്ടു മിനിറ്റ് അവർ അവിടെ സമയം ചിലവഴിച്ചു. നല്ലത് പോലെ ഷീണം ഉണ്ടായിരുന്ന കാരണം ഞാൻ അവിടെ തന്നെ ഇരുന്നു. കുറച്ച് കഴിഞ്ഞു അവർ രണ്ടാളും എന്റെ അടുത്തേക്ക് തിരിച്ചുവന്നു.
” കാറിനു നല്ല പണി കിട്ടിയിട്ടുണ്ട്. അത്യാവശ്യം നല്ല പണി ഉണ്ട് ” പപ്പു എന്റെ അടുത്തെത്തിയപ്പോൾ പറഞ്ഞു.
” ശരിയാക്കാൻ എത്ര സമയം എടുക്കും? “ഞാൻ ചോദിച്ചു..പരിചയമില്ലാത്ത സ്ഥലത്തു, രണ്ടു പുരുഷന്മാരുടെ കൂടെ നിൽക്കാൻ എനിക്ക് എന്തോ പോലെ തോന്നി.
” ആക്സിൽ ഒടിഞ്ഞിട്ടുണ്ട്, താഴത്തെ ഫ്ലോറും പൊളിഞ്ഞിട്ടുണ്ട്, വീലിനും കംപ്ലയിന്റ് ഉണ്ട്. ആക്സിൽ വെൽഡ് ചെയ്താൽ ഒരുവിധം നമുക്ക് ഓടിച്ചു പോകാം. ” പപ്പു പറഞ്ഞു.