അങ്ങനെ അപ്പോം മോട്ടയും തട്ടി കുറെ നേരം സുനിയുടെ പ്ലേ സ്റ്റേഷൻ 4ഇൽ കുത്തി ഇരുന്ന് അവസാനം അവൻ റെഡി ആയി വിളിച്ചപ്പോൾ ശങ്കരൻ ഇറങ്ങി…
സുനി അന്ന് അവന്റെ ബൈക്ക് എടുക്കാതെ ചങ്കരന്റെ ബൈക്കിനു പിന്നിൽ കയറി കോളേജിലേക്ക് വിട്ടു…
കളക്ഷൻ എടുക്കണ്ടത് കൊണ്ട് സുനി സാമാന്യം നേരത്തെ പോകുമായിരുന്നു…
കോളേജിലേക്ക് ഉള്ള നടപ്പാതെയും ഗാർഡനും തിരിക്കുന്ന അരഭിത്തിയിൽ രാവിലെ ഇരുന്ന് അന്നത്തെ കളക്ഷൻ ഏടുക്കൽ ആണ് ഇവന്മാരുടെ മെയിൻ പണി…
സുനി അതിൽ ലീഡറും…
അങ്ങനെ ഗേറ്റിന്റെ അടുക്കൽ എത്തിയപ്പോൾ കിഷുവും അവരുടെ ഫ്രണ്ട് സൂരജിന്റെ ഒപ്പം വന്നിറങ്ങി…
സൂരജ് കിഷുവിനെ ഗേറ്റിന്റെ മുന്നിൽ ഇറക്കി പുറത്തേക്ക് തന്നെ പോയി…
വണ്ടി ഉള്ളിൽ കയറ്റി പാർക്കിങ്ങിലേക്ക് പോകാൻ പ്ലാൻ ഇട്ട ചങ്കരൻ കിഷു വരുന്ന കണ്ട് വണ്ടി നിർത്തി…
സുനി ചാടി ഇറങ്ങിയതും കിഷുവും അവിടെ എത്തിയിരുന്നു…
എന്നാൽ ഗേറ്റിൽ സെക്യൂരിറ്റി ഇരിക്കാൻ ഇട്ട ചെയറിന്റെ അടുത്ത് വണ്ടി ഒതുക്കി നിർത്തിയ ശങ്കരനെ കണ്ട് സെക്യൂരിറ്റി അടുത്ത ചോദ്യം-
“താൻ അല്ലേ രാവിലെ കോളേജ് തുറക്കുന്ന മുന്നേ വന്നത്…”
സെക്യൂരിറ്റിയുടെ ചോദ്യം കേട്ടതും ശങ്കരൻ ഞെട്ടി…
കിഷുവും സുനിയും മനസ്സിലാകാത്ത പോലെ മുഖത്തോടു മുഖം നോക്കി…
“അത്… പിന്നെ… ഞാ…ഞാനല്ല…”
അവൻ കിഷുവിനേം സുനിയെയും പാളി നോക്കി വിക്കാൻ തുടങ്ങി…
ഒരു നിമിഷം ഒരു കാര്യവുമില്ലാതെ പലതും തൂകി ഇട്ട് നടക്കുന്നത് പോലെ ഹെൽമെറ്റ് തൂകി ഇട്ട് നടന്നതിൽ അവന് കേദം തോന്നി…
“ലൈഫ് ഈസ് പ്രേഷ്യസ്സ്…ഹെൽമെറ്റ് നെസ്സാസറിയാ…”
അവന്റെ മനസ്സിൽ ആ പാട്ടാണ് ഓടി വന്നത്…
ഇനി ഇവന്മാർക് മര്യാദക് ഉത്തരം കൊടുത്തില്ലേ “പ്രേഷ്യസ്സ് ലൈഫ് ” ഊമ്പി തെറ്റും എന്ന് മനസ്സിലായ ചങ്കരൻ അവന്മാരെ നോക്കി ഒരു തേഞ്ഞൊട്ടിയ ചിരി പാസ്സ് ആക്കി…
അങ്ങനെ ആക്സിഡന്റ് ഉണ്ടായി തല പോവാതെ ഇരിക്കാൻ മാത്രം അല്ല ഹെൽമെറ്റ് വെക്കുന്നെ എന്ന പാടം പഠിച്ച ശങ്കരൻ വണ്ടി പാർക്ക് ചെയ്തു എന്ത് പറയും എന്ന് ആലോചിച്ച് നിന്നപ്പോൾ, ഇടി വണ്ടി പോലെ രണ്ടും കൂടെ അവന്റെ അടുത്തേക്ക് വന്നു…
“മുതു മലരേ… നിനക്ക് സ്നേഹം കൂടിയപ്പോൾ കോണക്കാൻ ആണ് വീട്ടിൽ വന്നത് അല്ലേ… സത്യം പറയെടാ… ഏതവളെ കാണാൻ ആണെടാ നീ വെളുപ്പാൻ കാലത്ത് കോളേജ് തുറക്കുന്ന മുന്നേ വന്നേ…”
കിഷു ശങ്കരന്റെ കൈ പിന്നിൽ കൂട്ടി പിടിച്ചു വച്ചപ്പോൾ സുനി അവന്റെ കോളറിൽ കുത്തിപ്പിടിച്ചു ചോദിച്ചു…
ഇതേ സമയം ഒരു പിങ്ക് പുതിയ വെസ്പ സ്കൂട്ടറിൽ ജയറാം പച്ചയിൽ വള്ളിപടർപ്പ് ഡിസൈൻ ഉള്ള സാരിയും ഉടുത്തു കഥാനായികയുടെ വരവ്
…
സ്റ്റാഫിന്റെ പാർക്കിംഗ് സെക്ഷൻ സ്റ്റുഡന്റ്സിന്റെ പാർക്കിംഗ് സെക്ഷന് ഓപ്പോസിറ്റ് ആയിരുന്നു…
വണ്ടി പാർക്ക് ചെയ്ത് ഹെൽമറ്റ് ഊരി തിരിഞ്ഞ് സീറ്റിന്റെ അടിയിൽ വക്കാൻ പോയ പർവ്വതി കാണുന്നത് സുനിയുടെയും കിഷുവിന്റേം പോലീസ് മുറയിൽ ഉള്ള ചോദ്യം ചെയ്യൽ നേരിടുന്ന ചങ്കരനെയും…
ആ നിമിഷം സുനിയുടെ ശബ്ദം വീണ്ടും ഉയർന്നു…
“സത്യം പറഞ്ഞില്ലേ കണ്ണടിച്ചു പൊട്ടിക്കും… എന്തിനാഡാ നാറി അത്രേം നേരത്തെ കോളേജിൽ വന്നേ… ആരും ആയി ആടാ പന്നി ഞങ്ങൾ അറിയാതെ ചുറ്റിക്കളി..”
“ദാ… ദോരാവത്തം വത്തി…”
“എന്ത് മലര്…”
സുനിടെ പിടുത്തം മുറിക്കിയപ്പോൾ ശങ്കരന്റെ വായിൽ നിന്ന് വന്നത് കേട്ട് കിഷു മുഖം അല്പം വലത്തേക്ക് ചരിച്ചു ചോദിച്ചു…
കിഷു അപ്പോൾ ആണ് അവരേം നോക്കി നിൽക്കുന്ന പാർവ്വതിയെ കാണുന്നത്…
ഉടനെ അവൻ നൈസ് ആയി ചങ്കരന്റെ കൈ വിട്ട് നല്ല പിള്ള ആയി…
കൈ ഫ്രീ ആയതും ചങ്കരൻ സുനിടെ കൈ തട്ടി മാറ്റി ഒന്ന് കിതച്ചു…
“തൊള്ളെ കൈ അമർത്തി ചോദിച്ച പിന്നെ ഞാൻ കച്ചേരി നടത്തുവോ മൈ…”
അത്രേം പറഞ്ഞതും ചങ്കരൻ പാർവ്വതിയെ കണ്ടു… ഉടനെ പറയാൻ വന്നത് മറന്ന് വായും പൊളിച്ചു അവളെ നോക്കി നിന്നു…
പിന്നെ അവന്റെ മുഖം താഴ്ന്നു…
അവന്റെ നോട്ടം പോയത് നോക്കിയ സുനിയും പർവ്വതിയെ കണ്ട് ഒന്ന് ഞെട്ടി…