“അയ്യടാ, അത് എന്താണ് ഈ വേറെ ഒരു കാര്യം അത് നീ പറ, അപ്പൊ ഞാൻ പറഞ്ഞ തരാം എങ്ങനെ കണ്ടുപിടിക്കേണ്ടത് എന്ന്.”
“എടാ അത് പിന്നെ… അത്… ഒരു ക..കല്യാണത്തിന് പോയപ്പോ സംഭവിച്ചതാണ്.”
“പറ പറ എല്ലാ ഡീറ്റെയിൽസ് അടക്കം വിഷാദം ആയിട്ട് കാര്യം പറ. നിന്ടെ ഒരു ലവ് സ്റ്റോറി കേൾക്കണം എന്നത് എന്റെ ഒരു വല്യ ആഗ്രഹം ആയിരുന്നു. ഇത് കേട്ടിട്ട് വേണം നിനക്കും ഈ അസുഖം പിടികൂടിയ വിവരം എടുത്ത് നമ്മളുടെ ഗ്രൂപ്പിൽ ഇടാൻ.” അവൻ എന്തോ വല്യ വിജയം നേടിയത് പോലെ ഇരുന്ന് ചിരിച്ചു.
“എടാ മോനെ ചതിക്കല്ലേ, ഞാൻ പറഞ്ഞില്ലെ ഡാ നീ വിചാരിക്കുന്ന പോലെ onnum അല്ല. ഒരു കല്യാണത്തിന് പോയപ്പോ സ്കൂട്ടറിൽ ഒരു പെണ്കുട്ടി വന്നിട്ട് എന്റെ വണ്ടിയിൽ ഒന്ന് തട്ടി, അത് ആണെകിൽ താഴെ വീണ് കൂറേ സ്ക്രച്ചും ആയി, എന്നിട്ട് ആരോടും പറയാതെ അവൾ വണ്ടി എടുത്തിട്ട് സ്ഥലം വിട്ടു.” ഞാൻ പറഞ്ഞു. പണ്ട് പെൺകുട്ടികളോട് സംസാരിക്കാൻ പേടിയായത് കൊണ്ട് പ്രേമിക്കുന്നതിന് ഒക്കെ എതിർത്ത കൂറേ സിഗ്മ കളിച്ച നടന്നിട്ട് ഉണ്ട് ഞാൻ. ആ ഞാൻ ഇനി ഒരു പെൺകുട്ടിയെ ഇഷ്ടം ആണ് എന്ന് ഇവൻ ഗ്രൂപ്പിൽ ഒക്കെ പറഞ്ഞ ഉള്ള നാണക്കേട് ഓർത്തിട്ട് അവനോട് ഞാൻ ഈ കള്ളം പറഞ്ഞു.
“അത്രക്ക് ആയോ അവൾ, വെറുതെ വിടരുത് അവളെ. നീ അവളുടെ ഡീറ്റെയിൽസ് പറ നമ്മൾക് ഇപ്പൊ തന്നെ ചോയ്ക്കാം.” അവൻ കുറച്ച ദേഷ്യത്തിൽ പറഞ്ഞു.
“ഡാ നീ കൂൾ ആവ്. ഞാൻ പോയി ചോയ്‌ചോലാം, പക്ഷെ അതിന് അവളുടെ പേരും അഡ്രസ്സും എനിക്ക് അറീല്ലലോ അതിന്നാലോ നിന്ടെ ഒരു ചെറിയ ഹെല്പ് വേണം എന്ന് പറഞ്ഞത്.”
“കറക്റ്റ്, കറക്റ്റ്, നീ ഒരു കാര്യം ചെയ്യ് നമ്പർ പ്ലേറ്റ് ഒന്ന് വാട്സാപ്പിൽ അയച്ചതാ, ബാക്കി ഡീറ്റെയിൽസ് നിനക്കു ഞാൻ കുറച്ച കഴിഞ്ഞിട്ട് അയച്ചു തരാം.”
“ഓക്കേ, അത് മതി, താങ്ക്സ് അളിയാ.” എന്നും പറഞ്ഞ ഞാൻ ഫോൺ കട്ട് ചെയ്തു.
ഇനി ഏതാനും നിമിഷങ്ങൾക് ഉള്ളിൽ എന്റെ ദേവതയുടെ പേര് ഞാൻ അറിയും. സന്തോഷത്തിൽ ഞാൻ റൂമിൽ തുള്ളിച്ചാടി നടന്നു. പിന്നെ ബെഡിൽ പോയി കിടന്നു എന്നിട്ട് മുഖം പില്ലോലേക് താഴ്ത്തി വെച്ചിട്ട് നാണം കൊണ്ട് കാലുകൾ രണ്ടും അടിക്കാൻ തുടങ്ങി. കുളിച്ചു ഫ്രഷ് ആയി, ഡിന്നർ ഒക്കെ കഴിച് കഴിഞ്ഞ ഉറങ്ങാൻ വേണ്ടി റൂമിലേക്കു വരുമ്പോ ആണ് പിന്നെ ഞാൻ ഫോൺ എടുക്കുന്നത്. കൂറേ ഗ്രൂപ്പ് മെസ്സേജും ഉണ്ടായിരുന്നു ഡേവിഡിന്റെ കുറച്ചു മെസ്സേജുകളും ഉണ്ടായിരുന്നു.
“അളിയാ നീ എന്നോട് ക്ഷെമിക്കണം, എനിക്ക് ശെരിക്കും എങ്ങനെയാ ഇത് ചെയ്യണ്ടത് എന്ന് അറിയില്ല, പണ്ട് എന്റെ ഒരു പരിചയക്കാരൻ RTO വർക്ക് ചെയുണ്ടായിരുന്നു അങ്ങനെ ആണ് ഞാൻ പണ്ട് അതൊക്കെ ഒപ്പിച്ചത്, പക്ഷെ ഇപ്പൊ ആൾ അവിടെ അല്ല ജോലി ചെയുന്നത്.” ഇത്രയും വായിച്ചപ്പോ തന്നെ എന്റെ എല്ലാ പ്രേതീക്ഷയും പോയി.
“പക്ഷെ ആ നമ്പർ എടുത്തിട്ട് RTO സൈറ്റിൽ അടിച് നോക്കിയപ്പോ പേരിന്റെ ചെറിയ ഒരു ക്ലൂ കിട്ടി, പക്ഷെ അഡ്രസ്സ് കിട്ടാൻ ഒരു രക്ഷയും ഇല്ല. *a**i*a ഇതാണ് പേര്. അപ്പൊ ഓൾ ദി ബേസ്ഡ് അളിയാ, പേരും അഡ്രസ്സും ഒക്കെ കണ്ടുപിടിച്ചിട്ട് പ്രതികാരം ഒക്കെ ചെയ്യ് എന്നിട്ട് എന്നെ വിളിച്ച അരീക്കാൻ മറക്കരുത്. പേര് കണ്ടുപിടിക്കാൻ എളുപ്പണിതിന് വേണ്ടി ഒരു ക്വിസ് പോലെ ഞാൻ നമ്മുടെ ഗ്രൂപ്പിൽ ഇട്ടിട്ടുണ്ട്.”
“വിളിച് അരീകുന്നുണ്ട് നിന്നെ ഞാൻ…” എന്ന് റിപ്ലൈ കൊടുത്തു ഞാൻ. പേര് കണ്ടുപിച്ചതും ഇല്ല എല്ലാരേയും അറിയിക്കുകയും ചെയ്തു തെണ്ടി. പക്ഷെ പിന്നെ ഗ്രൂപ്പ് നോക്കിയപ്പോ അവൻ വേറെ ഒന്നും പറഞ്ഞിട്ട് ഇല്ല, ഈ പേര് കണ്ടുപിടിക്കുന്നവർക് സമ്മാനം ഉണ്ട് എന്ന് മാത്രമേ ഇട്ടിട്ടുള്ളു. ഇന്ന് രാത്രി അങ്ങനെ ഉറക്കം കളയാൻ എനിക്ക് ഒരു കാരണം കിട്ടി, അവളുടെ പേര് എന്തായിരിക്കും എന്ന് കണ്ടുപിടിക്കുക. തലങ്ങും വിലങ്ങും നടന്നും കിടന്നും ആലോചിച്ചിട്ട് എനിക്ക് അവളുടെ പേര് കണ്ടുപിടിക്കാൻ പറ്റിയില്ല. ഗൂഗിൾ അമ്മച്ചിയോട് ചോദിച്ചപ്പോഴും ഒന്നും കിട്ടിയില്ല, അവർക്ക് എന്റെ ചോദ്യം മനസ്സിലായോ ഇല്ലയോ എന്ന് പോലും എനിക്ക് ഉറപ്പില്ല. പിന്നെ ഹെഡ്‍ഫോണിൽ പാട്ടും കേട്ട് അവൾ ആണ് ആ പാട്ടിലെ നായിക എന്ന് സങ്കല്പിച്ച ഞാൻ റൂമിലുടെ ഡാൻസ് കളിച്ച നടന്നു. നേരം കൂറേ കഴിഞ്ഞപ്പോ എന്റെ തലച്ചോറും ശരീരവും ക്ഷീണിച്ചു ഞാൻ മെല്ലെ ഉറക്കത്തിലേക്ക് വീണു.
രാവിലെ എണീക്കാൻ പതിവ് പോലെ ഞാൻ വൈകിയിരുന്നു, എണീറ്റപ്പോ തൊട്ട് ഞാൻ ചിന്താവിഷ്ടൻ ആയിരുന്നു, പല്ല് തേക്കുമ്പോളും പിന്നെ വന്ന് ഇരുന്ന് ഭക്ഷണം കഴിക്കുമ്പോഴും അവളുടെ പേര് എന്തായിരിക്കും എന്ന ചിന്തയിൽ തന്നെ ആയിരുന്നു ഞാൻ.
“ഇന്ന് ഉച്ചക്ക് എന്താ കഴിക്കാൻ എന്ന് ആലോചിച് ഇരിക്കുക ആണോ എന്റെ മോൻ.” എന്തോ ചിന്തിച് ഇരിക്കാൻ ഞാൻ എന്ന് മനസിലായിട്ട് അമ്മ ചോദിച്ചു.
“അല്ല അത്… അത് ഞാൻ ഒരു ഉത്തരം കിട്ടാതെ ഇങ്ങനെ ഒരു ഇതിൽ ആയി പോയി.” എന്നും പറഞ്ഞ ഞാൻ ഭക്ഷണം വീണ്ടും കഴിച്ചു.
“നീ ഇത്ര സീരിയസ് ആയിട്ട് പഠിക്കുന്നത് ആദ്യായിട്ട് കാണാനാലോ ഞാൻ. സാധാരണ എക്‌സാമിന് ഒരു മാസം മുന്നേ ഒക്കെ അല്ലെ നീ ഇത്ര സീരിയസ് ആയിട്ട് നോക്കുന്നത്.”
“അത് ഒന്നും അല്ല അമ്മെ ഇത് വേറെ ടൈപ്പ് ഒരു ഉത്തരം ആണ് എനിക്ക് വേണ്ടത്.”
ഒരു സംശയത്തോട് കൂടി അമ്മ എന്നെ നോക്കി, ഒന്നും മനസിലായില്ല എന്ന് എനിക്ക് മനസിലായി.
“എടാ ഒരു കാര്യം പറയാൻ മറന്നു, അച്ഛൻ ഇന്ന് രാത്രി നാട്ടിൽ എത്തും. അപ്പൊ നമ്മൾ എയർപോർട്ട് പോയി കൂട്ടണം, എന്നിട്ട് നമ്മൾ നേരെ തറവാട്ടിലേക്ക് പോവണം ഇനി 3-4 ദിവസം അവിടെ ആയിരിക്കും.” അമ്മ പറഞ്ഞു.
“അച്ഛന് ടാക്സി പിടിച് പോയ പോരെ, പിന്നെ ഇനി അവിടെ പോയി താമസിച്ചാൽ എന്റെ ക്ലാസ് ഒക്കെ എന്ത് ചെയ്യും ഞാൻ.” ഞാൻ കുറച്ച പുച്ഛത്തോടെ ചോദിച്ചു.
“നീ അല്ലെ പറഞ്ഞത് ക്ലാസ് പോവുന്നതിനെകാലും പ്രധാനം എന്നും മോക്ക് എക്സാം എഴുതുന്നത് ആണ്, എപ്പോഴും കയ്യിൽ ഉള്ള ബുക്സിലെ പ്രോബ്ലം ഒക്കെ ചെയ്യണം എന്ന്. അതൊക്കെ തറവാട്ടിൽ പോയാലും ചെയാൻ പാട്ടും.” അമ്മ കുറച്ച കടുപ്പിച്ചു പറഞ്ഞു. അപ്പൊ ഇനി അങ്ങോട്ട് ഒന്നും പറയാൻ നിക്കണ്ട.
ഞാനും അച്ഛനും പണ്ട് തൊട്ടേ വല്യ കണക്ഷൻ ഒന്നും ഇല്ല, അങ്ങനെ പ്രേതേകിച് കാരണം ഒന്നും ഇല്ല, എന്നോട് ഇങ്ങോട്ടും ഒന്നും സംസാരിക്കാനോ ചോയ്ക്കാനോ അച്ഛൻ വന്നിട്ടില്ല. എന്നോട് പണ്ട് തൊട്ടേ എന്തോ ദേഷ്യം ഉള്ളത് പോലെ ആണ് സംസാരിക്കാറുള്ളത്, അതുകൊണ്ട് തന്നെ ഞാനും അമ്മയും ആണ് കമ്പനി. പക്ഷെ എന്റെ ചേട്ടൻ, അവൻ രണ്ടാളോടും കമ്പനി ആണ്.
“ശെരി അമ്മെ ഞാൻ ക്ലാസ് കഴിഞ്ഞ വരുമ്പോഴേക് എല്ലാം പാക്ക് ചെയ്ത റെഡി ആക്കി വെച്ചാ മതി.” ഞാൻ പറഞ്ഞു.
